ಪ್ರೀತಿ ಮತ್ತು ನಂಬಿಕೆಯ ಮೇಲೆ ನಿಂತಿರಬೇಕಾದ ದಾಂಪತ್ಯ ಜೀವನದಲ್ಲಿ ಹಿಂಸೆ ಪ್ರವೇಶಿಸಿದರೆ ಏನಾಗುತ್ತದೆ ಎಂಬುದಕ್ಕೆ ಉತ್ತರ ಪ್ರದೇಶದ ಈ ಘಟನೆ ಒಂದು ಸಾಕ್ಷಿ. ಫೇಸ್ಬುಕ್ನಲ್ಲಿ ಪರಿಚಯವಾಗಿ, ಪ್ರೀತಿಸಿ, ಮದುವೆಯಾದ ಪತ್ನಿಯೇ ತನ್ನ ಪತಿ ಮತ್ತು ಅತ್ತೆಯ ಮೇಲೆ ದಾರುಣವಾಗಿ ಹಲ್ಲೆ ನಡೆಸುತ್ತಿರುವ ಘಟನೆ ಈಗ ಎಲ್ಲೆಡೆ ಸದ್ದು ಮಾಡುತ್ತಿದೆ.
ಉತ್ತರ ಪ್ರದೇಶದ ಗೊಂಡಾ ಜಿಲ್ಲೆಯ ನಿವಾಸಿಯಾದ ಬ್ರಜೇಶ್ ಮೌರ್ಯ ಅವರು ರೈಲ್ವೆಯಲ್ಲಿ ಲೋಕೋ ಪೈಲಟ್ (ರೈಲು ಚಾಲಕ) ಆಗಿ ಕೆಲಸ ಮಾಡುತ್ತಿದ್ದಾರೆ. 2022ರಲ್ಲಿ ಇವರಿಗೆ ಫೇಸ್ಬುಕ್ ಮೂಲಕ ಅನಿತಾ ಎಂಬುವವರ ಪರಿಚಯವಾಗಿತ್ತು. ಈ ಪರಿಚಯ ಕಾಲಕ್ರಮೇಣ ಪ್ರೀತಿಗೆ ತಿರುಗಿತ್ತು. ಸುಮಾರು ಮೂರು ವರ್ಷಗಳ ಕಾಲ ಪ್ರೀತಿಸಿದ ಈ ಜೋಡಿ, 2025ರ ಫೆಬ್ರವರಿ 14 ರಂದು ಪ್ರೇಮಿಗಳ ದಿನದಂದೇ ವಿವಾಹವಾದರು. ಪ್ರೇಮಿಗಳ ದಿನದಂದು ಮದುವೆಯಾದರೆ ಜೀವನ ಸುಂದರವಾಗಿರುತ್ತದೆ ಎಂದು ಬ್ರಜೇಶ್ ಭಾವಿಸಿದ್ದರು.
ಆದರೆ ಬ್ರಜೇಶ್ ಅವರ ಸುಂದರ ಜೀವನದ ಕನಸು ಹೆಚ್ಚು ದಿನ ಉಳಿಯಲಿಲ್ಲ. ಮದುವೆಯಾದ ಕೆಲವು ದಿನಗಳ ನಂತರ ಅನಿತಾ ತನ್ನ ಅಸಲಿ ರೂಪ ತೋರಿಸಲು ಶುರು ಮಾಡಿದಳು. ಸಣ್ಣ ವಿಷಯಗಳಿಗೂ ಗಲಾಟೆ ಮಾಡುತ್ತಿದ್ದ ಆಕೆ, ಪತಿ ಬ್ರಜೇಶ್ ಮೇಲೆ ದೈಹಿಕವಾಗಿ ಹ*ಲ್ಲೆ ನಡೆಸಲು ಪ್ರಾರಂಭಿಸಿದಳು. ಕೇವಲ ಪತಿಯನ್ನು ಮಾತ್ರವಲ್ಲದೆ, ವಯಸ್ಸಾದ ಅತ್ತೆಯನ್ನೂ ಅತಿ ಅಮಾನುಷವಾಗಿ ಹೊಡೆಯಲು ಶುರು ಮಾಡಿದ್ದಳು.
ಪತ್ನಿ ತನ್ನನ್ನು ಮತ್ತು ತನ್ನ ತಾಯಿಯನ್ನು ಹೊಡೆಯುತ್ತಿದ್ದರೂ, ಸಮಾಜಕ್ಕೆ ಇದನ್ನು ಹೇಗೆ ವಿವರಿಸಬೇಕು ಎಂಬುದು ಬ್ರಜೇಶ್ಗೆ ತಿಳಿಯಲಿಲ್ಲ. ಸಾಮಾನ್ಯವಾಗಿ ಪುರುಷರು ಮಹಿಳೆಯರ ಮೇಲೆ ಹ*ಲ್ಲೆ ಮಾಡುತ್ತಾರೆ ಎಂಬ ದೂರುಗಳು ಕೇಳಿಬರುತ್ತವೆ, ಆದರೆ ಇಲ್ಲಿ ಪತ್ನಿಯೇ ಪತಿಯ ಮೇಲೆ ದೌರ್ಜನ್ಯ ಎಸಗುತ್ತಿದ್ದಳು. ಇದನ್ನು ಸಾಬೀತುಪಡಿಸಲು ಬ್ರಜೇಶ್ ಒಂದು ಉಪಾಯ ಮಾಡಿದರು. ಅನಿತಾ ತನ್ನ ಮೇಲೆ ಮತ್ತು ತನ್ನ ತಾಯಿಯ ಮೇಲೆ ಹ*ಲ್ಲೆ ಮಾಡುವ ದೃಶ್ಯಗಳನ್ನು ರಹಸ್ಯವಾಗಿ ಮೊಬೈಲ್ನಲ್ಲಿ ವಿಡಿಯೋ ರೆಕಾರ್ಡ್ ಮಾಡಿದರು.
उत्तर प्रदेश के गोंडा निवासी लोको पायलट ब्रजेश मौर्य और उनकी मां सरिता देवी को उनकी पत्नी अनीता ने बेरहमी से प्रताड़ित किया और उन पर हमला किया।
— Ocean Jain (@ocjain4) March 6, 2026
दोनों की मुलाकात 2022 में फेसबुक से हुई थी और उन्होंने 2025 में वैलेंटाइन डे पर उससे शादी की थी। pic.twitter.com/o8ZITrYqUs
ಬ್ರಜೇಶ್ ರೆಕಾರ್ಡ್ ಮಾಡಿದ ಈ ವಿಡಿಯೋಗಳು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿವೆ. ವಿಡಿಯೋದಲ್ಲಿ ಅನಿತಾ ತನ್ನ ಪತಿಯನ್ನು ಎಳೆದಾಡಿ ಹೊಡೆಯುತ್ತಿರುವುದು ಮತ್ತು ಅವಾಚ್ಯ ಶಬ್ದಗಳಿಂದ ನಿಂದಿಸುತ್ತಿರುವುದು ಸ್ಪಷ್ಟವಾಗಿ ಕಾಣುತ್ತಿದೆ. ಇದನ್ನು ಕಂಡು ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಕೊನೆಗೆ ಬ್ರಜೇಶ್ ಅವರು ಪೊಲೀಸರಿಗೆ ದೂರು ನೀಡಿ, ತಮ್ಮ ಪ್ರಾಣಕ್ಕೆ ಅಪಾಯವಿದ್ದು ರಕ್ಷಣೆ ನೀಡುವಂತೆ ಮನವಿ ಮಾಡಿದ್ದಾರೆ.
