ಐಪಿಎಲ್ ಅಂದ ಮೇಲೆ ಅಲ್ಲಿ ಸಿಕ್ಸರ್, ಬೌಂಡರಿಗಳ ಸುರಿಮಳೆ ಇರೋದು ಕಾಮನ್. ಆದರೆ ನಿನ್ನೆ ಗುವಾಹಟಿಯಲ್ಲಿ ನಡೆದ ಮುಂಬೈ ಇಂಡಿಯನ್ಸ್ ಮತ್ತು ರಾಜಸ್ಥಾನ್ ರಾಯಲ್ಸ್ ನಡುವಿನ ಪಂದ್ಯ ಮಾತ್ರ ಇಡೀ ಕ್ರಿಕೆಟ್ ಜಗತ್ತು ತಿರುಗಿ ನೋಡುವಂತೆ ಮಾಡಿದೆ. ಅದಕ್ಕೆ ಕಾರಣ ಮತ್ಯಾರೂ ಅಲ್ಲ, ಕೇವಲ 15 ವರ್ಷದ 'ಪುಟಾಣಿ' ಬ್ಯಾಟರ್ ವೈಭವ್ ಸೂರ್ಯವಂಶಿ. ವಿಶ್ವದ ನಂಬರ್ ಒನ್ ಬೌಲರ್, ಯಾರ್ಕರ್ ಕಿಂಗ್ ಅಂತಲೇ ಕರೆಸಿಕೊಳ್ಳುವ ಜಸ್ಪ್ರೀತ್ ಬುಮ್ರಾ ಅವರನ್ನೇ ಬೆಚ್ಚಿ ಬೀಳಿಸಿದ ಈ ಹುಡುಗನ ಆಟ ಈಗ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗ್ತಿದೆ.
ಯಾರ್ಕರ್ ಕಿಂಗ್ಗೇ ಸೂರ್ಯವಂಶಿ ಶಾಕ್!
ನಿನ್ನೆ ಗುವಾಹಟಿಯಲ್ಲಿ ಮಳೆಯ ಆಟ ಜೋರಾಗಿತ್ತು, ಹಾಗಾಗಿ ಪಂದ್ಯವನ್ನು ಕೇವಲ 11 ಓವರ್ಗಳಿಗೆ ಇಳಿಸಲಾಯಿತು. ಎಲ್ಲರ ಕಣ್ಣು ಇದ್ದದ್ದು ಬುಮ್ರಾ ಮತ್ತು ಈ ಚಿಕ್ಕ ಹುಡುಗ ಸೂರ್ಯವಂಶಿ ನಡುವಿನ ಫೈಟ್ ಮೇಲೆ. "ಅನುಭವಿ ಬುಮ್ರಾ ಎದುರು ಈ ಬಾಲಕ ಎಷ್ಟು ಹೊತ್ತು ನಿಲ್ತಾನೆ?" ಅಂತ ಎಲ್ಲರೂ ಅಂದುಕೊಳ್ಳುತ್ತಿದ್ದರು. ಆದರೆ ನಡೆದಿದ್ದೇ ಬೇರೆ.
ತಮ್ಮ ಇನ್ನಿಂಗ್ಸ್ನ ಎರಡನೇ ಓವರ್ನಲ್ಲಿ ಬುಮ್ರಾ ಎಸೆದ ಮೊದಲನೇ ಬಾಲ್ ಅನ್ನು ಸೂರ್ಯವಂಶಿ ಲಾಂಗ್ ಆನ್ ಮೇಲೆ ಅದ್ಭುತವಾಗಿ ಸಿಕ್ಸರ್ ಎತ್ತಿದರು. ಇದನ್ನು ನೋಡಿ ಸ್ಟೇಡಿಯಂನಲ್ಲಿದ್ದವರು ಮಾತ್ರವಲ್ಲ, ಖುದ್ದು ಬುಮ್ರಾ ಅವರೇ ಒಂದು ಕ್ಷಣ ಅವಕ್ಕಾದರು. ಬುಮ್ರಾ ಸುಮ್ಮನೆ ನಗುತ್ತಾ ವಾಪಸ್ ಹೋದರೂ ಸೂರ್ಯವಂಶಿ ಅಬ್ಬರ ನಿಲ್ಲಲಿಲ್ಲ. ಅದೇ ಓವರ್ನಲ್ಲಿ ಲೆಗ್ ಸೈಡ್ ಬಂದ ಬಾಲ್ ಅನ್ನು ಸ್ಕ್ವೇರ್ ಲೆಗ್ ಮೇಲಿಂದ ಮತ್ತೊಂದು ಭರ್ಜರಿ ಸಿಕ್ಸ್ ಬಾರಿಸಿ ಸ್ಟ್ಯಾಂಡ್ಸ್ಗೆ ಕಳುಹಿಸಿದರು.
ರೋಹಿತ್ ಮುಖದಲ್ಲಿ ನಿರಾಶೆ, ಮುಂಬೈ ಪಾಳಯದಲ್ಲಿ ಆತಂಕ
ಬುಮ್ರಾ ಅವರಂತಹ ಬೌಲರ್ಗೆ ಒಬ್ಬ 15 ವರ್ಷದ ಹುಡುಗ ಅಬ್ಬರಿಸ್ತಿದ್ದಾನೆ ಅಂದ್ರೆ ಮುಂಬೈ ಇಂಡಿಯನ್ಸ್ ತಂಡದ ಒತ್ತಡ ಹೇಗಿರಬೇಡ ಯೋಚಿಸಿ. ಫೀಲ್ಡ್ನಲ್ಲಿದ್ದ ರೋಹಿತ್ ಶರ್ಮಾ, ಹಾರ್ದಿಕ್ ಪಾಂಡ್ಯ ಅವರ ಮುಖದಲ್ಲಿ ಅಸಹಾಯಕತೆ ಎದ್ದು ಕಾಣುತ್ತಿತ್ತು. ಬುಮ್ರಾ ಅವರ ಈ ಓವರ್ನಲ್ಲಿ ಬರೋಬ್ಬರಿ 14 ರನ್ ಹರಿದು ಬಂದವು.
ಮತ್ತೊಂದೆಡೆ ಯಶಸ್ವಿ ಜೈಸ್ವಾಲ್ ಕೂಡ ತಮ್ಮ ಅಬ್ಬರ ಮುಂದುವರೆಸಿ ಮೊದಲ ಓವರ್ನಲ್ಲೇ 22 ರನ್ ಚಚ್ಚಿದರು. ಶಾರ್ದೂಲ್ ಠಾಕೂರ್ ಬೌಲಿಂಗ್ ಮಾಡೋಕೆ ಬಂದಾಗ ಸೂರ್ಯವಂಶಿ ಸತತವಾಗಿ ಬೌಂಡರಿ ಮತ್ತು ಸಿಕ್ಸರ್ ಬಾರಿಸಿದರು. ಇದನ್ನು ನೋಡಿ ಹಿಟ್ ಮ್ಯಾನ್ ರೋಹಿತ್ ಶರ್ಮಾ ಅಕ್ಷರಶಃ ನಿರಾಶೆಗೊಂಡರು. ಮುಂಬೈ ಬೌಲಿಂಗ್ ಪಡೆಯನ್ನು ಈ ಜೋಡಿ ಅಕ್ಷರಶಃ ಧೂಳೀಪಟ ಮಾಡಿತು.
ಕೇವಲ 14 ಬಾಲ್, 39 ರನ್!
ವೈಭವ್ ಸೂರ್ಯವಂಶಿ ನಿನ್ನೆ ಆಡಿದ್ದು ಕೇವಲ 14 ಎಸೆತಗಳನ್ನು ಮಾತ್ರ. ಆದರೆ ಅಷ್ಟರಲ್ಲೇ ಅವರು ಮಾಡಿದ್ದು 39 ರನ್! ಇವರ ಇನ್ನಿಂಗ್ಸ್ನಲ್ಲಿ ಒಂದು ಬೌಂಡರಿ ಮತ್ತು 5 ಬೃಹತ್ ಸಿಕ್ಸರ್ಗಳಿದ್ದವು. ಶಾರ್ದೂಲ್ ಠಾಕೂರ್ ಬೌಲಿಂಗ್ನಲ್ಲಿ ಕೊನೆಗೆ ಔಟ್ ಆದರೂ, ವೈಭವ್ ಅಷ್ಟರಲ್ಲೇ ಮುಂಬೈ ತಂಡಕ್ಕೆ ಮಾಡಬೇಕಾದ ಹಾನಿಯನ್ನೆಲ್ಲಾ ಮಾಡಿ ಮುಗಿಸಿದ್ದರು.
ಜೈಸ್ವಾಲ್ ಮತ್ತು ಸೂರ್ಯವಂಶಿ ಅವರ ಈ ಸ್ಫೋಟಕ ಬ್ಯಾಟಿಂಗ್ ರಾಜಸ್ಥಾನ್ ರಾಯಲ್ಸ್ ತಂಡಕ್ಕೆ ಅದ್ಭುತ ಆರಂಭ ನೀಡಿತು. 15 ವರ್ಷದ ವಯಸ್ಸಿನಲ್ಲೇ ವಿಶ್ವದ ಘಟಾನುಘಟಿ ಬೌಲರ್ಗಳನ್ನು ಹೆದರಿಸುವಂತೆ ಬ್ಯಾಟಿಂಗ್ ಮಾಡಿದ ಸೂರ್ಯವಂಶಿ, ಭಾರತೀಯ ಕ್ರಿಕೆಟ್ನ ಮುಂದಿನ ಸೂಪರ್ ಸ್ಟಾರ್ ಅನ್ನೋದರಲ್ಲಿ ಎರಡು ಮಾತಿಲ್ಲ ಅಂತ ಕ್ರಿಕೆಟ್ ಪಂಡಿತರು ಈಗಲೇ ಭವಿಷ್ಯ ಹೇಳ್ತಿದ್ದಾರೆ. ಬುಮ್ರಾ ಅವರ ಯಾರ್ಕರ್ ಎದುರು ದೈತ್ಯ ಬ್ಯಾಟರ್ಗಳೇ ಪರದಾಡೋ ಈ ಕಾಲದಲ್ಲಿ, ಸೂರ್ಯವಂಶಿ ಆಡಿದ ಆಟ ಮಾತ್ರ ಅಕ್ಷರಶಃ 'ಅನ್ ಬಿಲೀವಬಲ್'. ನಿಮಗೂ ಈ ಹುಡುಗನ ಆಟ ಇಷ್ಟ ಆಗಿದ್ರೆ, ನಿಮ್ಮ ಅಭಿಪ್ರಾಯನ ಕಾಮೆಂಟ್ ಮಾಡಿ ತಿಳಿಸಿ.
