ಚಿಕ್ಕಬಳ್ಳಾಪುರ ಜಿಲ್ಲೆಯ ಶಿಡ್ಲಘಟ್ಟ ನಗರದಲ್ಲಿ ನಡೆದ ಘಟನೆ ರಾಜ್ಯದ ಜನಮನವನ್ನು ಬೆಚ್ಚಿಬೀಳುವಂತೆ ಮಾಡಿದೆ. ಪೌರಾಯುಕ್ತೆ ಅಮೃತ ಗೌಡ ಅವರಿಗೆ ಕಾಂಗ್ರೆಸ್ ಮುಖಂಡ ರಾಜೀವ್ ಗೌಡ ಧಮ್ಕಿ ಹಾಕಿರುವ ಪ್ರಕರಣ, ಕೇವಲ ರಾಜಕೀಯದ ಅಸಲಿ ಮುಖವನ್ನೇ ಬಟ್ಟಬಯಲು ಮಾಡಿಲ್ಲ, ಅಧಿಕಾರದಲ್ಲಿರುವವರ ಜವಾಬ್ದಾರಿಯನ್ನೂ ಪ್ರಶ್ನಿಸಿದೆ. ಹೌದು ಜನವರಿ 14ರಂದು ದಾಖಲಾಗಿದ್ದ ಪ್ರಕರಣದಲ್ಲಿ, ಮಹಿಳಾ ಅಧಿಕಾರಿಗೆ ನೇರವಾಗಿ ಬೆದರಿಕೆ ಹಾಕಿದ ಆರೋಪ ರಾಜೀವ್ ಗೌಡ ಮೇಲೆ ಹೊರಬಿದ್ದಿದೆ.
ಜನರ ಸೇವೆ ಮಾಡುವ ಮುಖವಾಡ ಹಾಕಿಕೊಂಡು ಬಂದಿದ್ದ ಈ ನಾಯಕ, ಅಧಿಕಾರದ ಹೆಸರಿನಲ್ಲಿ ಧಮ್ಕಿ ಹಾಕಿದ ಕ್ಷಣ, ಜನರ ಕಣ್ಣಲ್ಲಿ ಅವನ ನಿಜವಾದ ಬಣ್ಣವನ್ನು ತೋರಿಸಿತು. ರಾಜೀವ್ ಗೌಡನ ಹಿಂದೆ ಬರೋಬ್ಬರಿ 16 ಕ್ರಿಮಿನಲ್ ಪ್ರಕರಣಗಳ ಇತಿಹಾಸವಿದೆ. ಅಟ್ರಾಸಿಟಿ, ವಂಚನೆ, ಮೋಸ – ಹೀಗೆ ಈತ ಮಾಡದ ಅಕ್ರಮಗಳೇ ಇಲ್ಲ ಎಂಬಂತೆ ದಾಖಲೆಗಳು ಬಿಚ್ಚಿಟ್ಟಿವೆ ಎನ್ನಲಾಗುತ್ತಿದೆ. ಚಿಕ್ಕಬಳ್ಳಾಪುರ ಜಿಲ್ಲಾ ಎಸ್ಪಿ ಕುಶಲ್ ಚೌಕ್ಸೆ ಅವರ ವರದಿ, ಈತನ ಕ್ರಿಮಿನಲ್ ಕುಂಡಲಿಯನ್ನು ಬಯಲಿಗೆಳೆದಿದೆ ಎಂದು ಕೇಳಿ ಬಂದಿದೆ. ಇಡೀ ರಾಜ್ಯವೇ ಬೆಚ್ಚಿಬೀಳುವಂತೆ ಮಾಡಿದ ಈ ಇತಿಹಾಸ, ಜನರ ಮನಸ್ಸಿನಲ್ಲಿ ಆಘಾತ ಮೂಡಿಸಿದೆ ಎಂದೆನ್ನಬಹುದು.
ಹೌದು ಒಬ್ಬ ಮಹಿಳಾ ಅಧಿಕಾರಿಗೆ ಧಮ್ಕಿ ಹಾಕಿದ ಸುದ್ದಿ, ಜನರಲ್ಲಿ ಕೋಪ ಮತ್ತು ನೋವನ್ನು ಉಂಟುಮಾಡಿದೆ. “ನಮ್ಮನ್ನು ರಕ್ಷಿಸಬೇಕಾದವರು, ನಮ್ಮನ್ನು ಬೆದರಿಸುತ್ತಿದ್ದರೆ, ನಾವು ಯಾರನ್ನು ನಂಬಬೇಕು?” ಎಂಬ ಪ್ರಶ್ನೆ ಜನರ ಕಣ್ಣಲ್ಲಿ ಸ್ಪಷ್ಟವಾಗಿ ಕಾಣಿಸಿತು. ಜನಸೇವೆಯ ಹೆಸರಿನಲ್ಲಿ ಬಂದಿದ್ದ ನಾಯಕ, ಜನರ ವಿಶ್ವಾಸವನ್ನು ಕಳೆದುಕೊಂಡ ಕ್ಷಣ ಇದು.ಪೊಲೀಸರು ಆರೋಪಿಯನ್ನು ಬಂಧಿಸಲು ಬಲೆ ಬೀಸಿದ್ದಾರೆ. ಹೈಕೋರ್ಟ್ನಲ್ಲಿ ಎಫ್ಐಆರ್ ರದ್ದುಪಡಿಸಲು ಸಲ್ಲಿಸಿದ ಅರ್ಜಿಗೆ ಛೀಮಾರಿ ಹಾಕಿದ ನ್ಯಾಯಾಲಯ, ಪ್ರಕರಣದ ಗಂಭೀರತೆಯನ್ನು ತೋರಿಸಿದೆ. ಇಂದು ಚಿಂತಾಮಣಿಯ ಎರಡನೇ ಸತ್ರ ನ್ಯಾಯಾಲಯದಲ್ಲಿ ಮಧ್ಯಂತರ ಜಾಮೀನು ಅರ್ಜಿ ವಿಚಾರಣೆ ನಡೆಯುತ್ತಿದೆ.
ಕಾನೂನು ತನ್ನ ದಾರಿಯಲ್ಲಿ ಸಾಗುತ್ತಿದೆ, ಆದರೆ ಜನರ ಮನಸ್ಸಿನಲ್ಲಿ ನ್ಯಾಯ ದೊರೆಯಬೇಕೆಂಬ ನಿರೀಕ್ಷೆ ಹೆಚ್ಚಾಗಿದೆ. ಕಾಂಗ್ರೆಸ್ ಹೈಕಮಾಂಡ್ ಕೂಡ ಪ್ರಕರಣದ ಗಂಭೀರತೆಯನ್ನು ಅರಿತು, ರಾಜೀವ್ ಗೌಡನನ್ನು ಪಕ್ಷದಿಂದ ಉಚ್ಛಾಟಿಸಲು ಶಿಫಾರಸ್ಸು ಮಾಡಿದೆ. ಇದು ಕೇವಲ ರಾಜಕೀಯ ನಿರ್ಧಾರವಲ್ಲ, ಜನರ ವಿಶ್ವಾಸವನ್ನು ಉಳಿಸುವ ಪ್ರಯತ್ನವೂ ಹೌದು. ಹಾಗೇನೇ ಈ ಘಟನೆ ಕೇವಲ ರಾಜಕೀಯದ ಕಥೆಯಲ್ಲ, ಬದಲಿಗೆ ಮಾನವೀಯತೆಯ ಪಾಠವೂ ಹೌದು. ಅಧಿಕಾರ, ಧಮ್ಕಿ, ಮತ್ತು ಅಕ್ರಮಗಳ ನಡುವೆ, ಜನರ ಭಾವನೆ, ಮಹಿಳಾ ಅಧಿಕಾರಿಯ ಧೈರ್ಯ, ಮತ್ತು ಕಾನೂನು ವ್ಯವಸ್ಥೆಯ ಬಲ – ಎಲ್ಲವೂ ಸೇರಿ ಈ ಕಥೆಯನ್ನು ವಿಶೇಷವಾಗಿಸಿದೆ ನೋಡಿ.
