ಚಿತ್ರರಂಗದಲ್ಲಿ 'ರೆಕಾರ್ಡ್ಗಳ ಬಾಪ್' ಎಂದೇ ಖ್ಯಾತರಾಗಿರುವ ರಾಕಿಂಗ್ ಸ್ಟಾರ್ ಯಶ್, ಮತ್ತೊಮ್ಮೆ ಯೂಟ್ಯೂಬ್ ಸಾಮ್ರಾಜ್ಯದಲ್ಲಿ ಸುನಾಮಿ ಎಬ್ಬಿಸಿದ್ದಾರೆ. ಅವರ ಮುಂಬರುವ ಬಹುನಿರೀಕ್ಷಿತ ಪ್ಯಾನ್-ಇಂಡಿಯಾ ಸಿನಿಮಾ ‘ಟಾಕ್ಸಿಕ್’ (Toxic) ಚಿತ್ರದ ಮೋಸ್ಟ್ ಎಕ್ಸ್ಸೈಟಿಂಗ್ ಪ್ರಣಯ ಗೀತೆ ‘ತಬಾಹಿ’ (Tabahi) ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಹೊಸ ಸಂಚಲನ ಸೃಷ್ಟಿಸಿದೆ. ಪಂಚ ಭಾಷೆಗಳಲ್ಲಿ ಬಿಡುಗಡೆಯಾಗಿರುವ ಈ ಹಾಡು ಅಕ್ಷರಶಃ ಯೂಟ್ಯೂಬ್ ಅನ್ನು ಹೈಜಾಕ್ ಮಾಡಿದ್ದು, ಕಣ್ಣು ಮುಚ್ಚಿ ಬಿಡುವುದರೊಳಗೆ ಇತಿಹಾಸದ ಪುಟ ಸೇರಿದೆ.
ಪ್ರಸ್ತುತ ಇಡೀ ಭಾರತೀಯ ಚಿತ್ರರಂಗದಲ್ಲಿ ಎಲ್ಲೇ ನೋಡಿದರೂ, ಎಲ್ಲೇ ಕೇಳಿದರೂ ‘ಟಾಕ್ಸಿಕ್’ ಚಿತ್ರದ ‘ತಬಾಹಿ’ ಹಾಡಿನದ್ದೇ ಸದ್ದು. ಬಿಡುಗಡೆಯಾದ ಕ್ಷಣದಿಂದಲೇ ಯೂಟ್ಯೂಬ್ನ ನಂಬರ್ ಒನ್ ಟ್ರೆಂಡಿಂಗ್ ಸ್ಥಾನವನ್ನು ಅಲಂಕರಿಸಿರುವ ಈ ಹಾಡು, ಚಿತ್ರಪ್ರೇಮಿಗಳ ಕೌತುಕವನ್ನು ದುಪ್ಪಟ್ಟು ಮಾಡಿದೆ. ಈ ಹಿಂದೆ ಕೇವಲ ಆಡಿಯೋ ತುಣುಕು ಬಿಡುಗಡೆಯಾದಾಗ ಸೃಷ್ಟಿಯಾಗದ ಹವಾ, ಈಗ ಕಣ್ಣಿಗೆ ಹಬ್ಬ ನೀಡುವಂತಹ ಅದ್ಭುತ ಆಡಿಯೋ-ವಿಡಿಯೋ ಸಾಂಗ್ ಹೊರಬರುತ್ತಿದ್ದಂತೆ ಡಬಲ್ ಡೋಸ್ ಕ್ರೇಜ್ ಸೃಷ್ಟಿಸಿದೆ. ಯಶ್ ಅವರ ಅದ್ಭುತ ಸ್ಕ್ರೀನ್ ಪ್ರೆಸೆನ್ಸ್ ಮತ್ತು ವಿಭಿನ್ನ ಮೇಕಿಂಗ್ ನೋಡುಗರ ಕಣ್ಣು ತಣಿಸುತ್ತಿದ್ದು, ಇಡೀ ಭಾರತೀಯ ಆಡಿಯನ್ಸ್ ಕಣ್ಣು, ಬಾಯಿ ಬಿಟ್ಟುಕೊಂಡು ನೋಡುವಂತೆ ಮಾಡಿದೆ. ಯಶ್ ಅವರ ಮಾಸ್ಟರ್ ಪ್ಲಾನ್ ಅಖಾಡಕ್ಕಿಳಿದರೆ ಹೇಗೆ ಧೂಳೆಬ್ಬಿಸುತ್ತದೆ ಎಂಬುದಕ್ಕೆ ಈ ಹಾಡೇ ಪ್ರತ್ಯಕ್ಷ ಸಾಕ್ಷಿ.
'ಕೆಜಿಎಫ್' ಸರಣಿಯ ಮೂಲಕ ಜಾಗತಿಕ ಮಟ್ಟದಲ್ಲಿ ಹತ್ತಾರು ದಾಖಲೆಗಳನ್ನು ಬರೆದು 'ಮಾನ್ಸ್ಟರ್' ಎನಿಸಿಕೊಂಡಿದ್ದ ಯಶ್, ಇದೀಗ 'ಟಾಕ್ಸಿಕ್' ಮೂಲಕ ಭಾರತೀಯ ಚಿತ್ರರಂಗದ ಹಿಂದಿನ ಎಲ್ಲಾ ದಾಖಲೆಗಳನ್ನು ಧೂಳೀಪಟ ಮಾಡಿದ್ದಾರೆ.
ದಾಖಲೆಯ ಅಂಕಿ-ಅಂಶಗಳು
ಫಾಸ್ಟೆಸ್ಟ್ 5 ಕ್ರೋರ್ ಕ್ಲಬ್: ಬಿಡುಗಡೆಯಾದ ಕೇವಲ 24 ಗಂಟೆಗಳ ಅವಧಿಯಲ್ಲಿ ಈ ಹಾಡು ಬರೋಬ್ಬರಿ 5 ಕೋಟಿ (50 Million) ವೀವ್ಸ್ ದಾಟುವ ಮೂಲಕ 'ಫಾಸ್ಟೆಸ್ಟ್ 5 ಕ್ರೋರ್ ವೀವ್ಸ್ ಕಂಡ ಸಾಂಗ್' ಎಂಬ ಐತಿಹಾಸಿಕ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಲೈಕ್ಸ್ ಸುರಿಮಳೆ: ಕೇವಲ ವೀವ್ಸ್ ಮಾತ್ರವಲ್ಲದೆ, ಈ ಹಾಡಿಗೆ ಯೂಟ್ಯೂಬ್ನಲ್ಲಿ 2 ಮಿಲಿಯನ್ಗಿಂತಲೂ (20 Lakh+) ಅಧಿಕ ಲೈಕ್ಸ್ ಹರಿದುಬಂದಿದೆ. ಇದು ಒಬ್ಬ ಗ್ಲೋಬಲ್ ಸ್ಟಾರ್ನ ಸಿನಿಮಾಗೆ ಇರಬೇಕಾದ ಅಪ್ಪಟ ಕ್ರೇಜ್ಗೆ ಸಾಕ್ಷಿಯಾಗಿದೆ.
ಕನ್ನಡದ ಜೊತೆಗೆ ತೆಲುಗು, ತಮಿಳು, ಹಿಂದಿ ಹಾಗೂ ಮಲಯಾಳಂ ಸೇರಿದಂತೆ ಒಟ್ಟು ಐದು ಭಾಷೆಗಳಲ್ಲಿ ‘ತಬಾಹಿ’ ಸಾಂಗ್ ಏಕಕಾಲಕ್ಕೆ ಲಾಂಚ್ ಆಗಿತ್ತು. ಪ್ಯಾನ್ ಇಂಡಿಯಾದಾದ್ಯಂತ ಇದಕ್ಕೆ ಅಪ್ರತಿಮ, ಅದ್ವಿತೀಯ ಹಾಗೂ ಬಂಪರ್ ರೆಸ್ಪಾನ್ಸ್ ಸಿಕ್ಕಿದೆ. ಭಾಷೆಯ ಗಡಿ ದಾಟಿ ಆಡಿಯನ್ಸ್ ಈ ಹಾಡನ್ನು ಮುಗಿಬಿದ್ದು ನೋಡುತ್ತಿದ್ದಾರೆ.
ಕನ್ನಡ ಮತ್ತು ಹಿಂದಿ ಆವೃತ್ತಿಗಳು ಯೂಟ್ಯೂಬ್ನಲ್ಲಿ ಅತಿ ಹೆಚ್ಚು ವೀಕ್ಷಣೆ ಪಡೆದು ಮೊದಲ ಎರಡು ಸ್ಥಾನಗಳಲ್ಲಿದ್ದರೆ, ನಂತರದ ಸ್ಥಾನಗಳನ್ನು ತೆಲುಗು, ತಮಿಳು ಹಾಗೂ ಮಲಯಾಳಂ ಆವೃತ್ತಿಗಳು ಅಲಂಕರಿಸಿವೆ. ದಕ್ಷಿಣದಿಂದ ಉತ್ತರ ಭಾರತದವರೆಗೂ ರಾಕಿಂಗ್ ಸ್ಟಾರ್ ಯಶ್ ಅವರ ಫ್ಯಾನ್ ಬೇಸ್ ಎಷ್ಟು ಗಟ್ಟಿಯಾಗಿದೆ ಎಂಬುದನ್ನು ಈ ಹಾಡಿನ ಯಶಸ್ಸು ಸಾಬೀತುಪಡಿಸಿದೆ.
ಸದ್ಯ ‘ಟಾಕ್ಸಿಕ್’ ಸಿನಿಮಾ ಬೆಳ್ಳಿತೆರೆಗೆ ಬರಲು ಕೇವಲ 48 ದಿನಗಳು ಮಾತ್ರ ಬಾಕಿ ಉಳಿದಿವೆ. ಈ ಅಲ್ಪ ಅವಧಿಯಲ್ಲಿ ಚಿತ್ರವನ್ನು ಜಾಗತಿಕ ಮಟ್ಟದ ಪ್ರೇಕ್ಷಕರಿಗೆ ತಲುಪಿಸಲು ಯಶ್ ಮತ್ತು ಅವರ ತಂಡ ದೈತ್ಯ ಮಾಸ್ಟರ್ ಪ್ಲಾನ್ ರೂಪಿಸಿದೆ.
ಸಿನಿಮಾದ ಗ್ಲೋಬಲ್ ರೀಚ್ಗಾಗಿ ಪ್ಯಾನ್ ಇಂಡಿಯಾ ಮಟ್ಟದ 4 ಬೃಹತ್ ಇವೆಂಟ್ಗಳನ್ನು ಆಯೋಜಿಸಲು ಸಿದ್ಧತೆ ನಡೆಸಲಾಗುತ್ತಿದೆ. ಇದರ ಜೊತೆಗೆ, ನಮ್ಮ ಹೆಮ್ಮೆಯ ರಾಜಧಾನಿ ಬೆಂಗಳೂರಿನಲ್ಲಿ ಒಂದು ಭವ್ಯವಾದ 'ಪ್ಯಾನ್ ವರ್ಲ್ಡ್ ಇವೆಂಟ್' (Pan-World Event) ಜರುಗಲಿದ್ದು, ಇಡೀ ವಿಶ್ವದ ಸಿನಿಮಾ ರಂಗವೇ ಬೆಂಗಳೂರಿನತ್ತ ತಿರುಗಿ ನೋಡುವಂತೆ ಮಾಡಲು ಚಿತ್ರತಂಡ ನಿರ್ಧರಿಸಿದೆ. ಈ ಮೆಗಾ ಪ್ರಮೋಷನ್ಗಳ ಮೂಲಕ 'ಟಾಕ್ಸಿಕ್' ಕ್ರೇಜ್ ಅನ್ನು ನೆಕ್ಸ್ಟ್ ಲೆವೆಲ್ಗೆ ಕೊಂಡೊಯ್ಯಲಾಗುತ್ತಿದೆ.
ಬಾಕ್ಸ್ ಆಫೀಸ್ ಬ್ಯಾಂಗ್ ಮಾಡಲು ರೆಡಿಯಾದ ಟಾಕ್ಸಿಕ್
ಖ್ಯಾತ ನಿರ್ದೇಶಕಿ ಗೀತು ಮೋಹನ್ದಾಸ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ‘ಟಾಕ್ಸಿಕ್’ ಚಿತ್ರವನ್ನು ಕೆವಿಎನ್ ಪ್ರೊಡಕ್ಷನ್ಸ್ (KVN Productions) ಮತ್ತು ಯಶ್ ಅವರ ಮಾನ್ಸ್ಟರ್ ಮೈಂಡ್ಸ್ ಬ್ಯಾನರ್ ಜಂಟಿಯಾಗಿ ಅತ್ಯಂತ ಅದ್ಧೂರಿ ಬಜೆಟ್ನಲ್ಲಿ ನಿರ್ಮಿಸುತ್ತಿದೆ. ‘ತಬಾಹಿ’ ಹಾಡಿನ ಮೂಲಕವೇ ಯೂಟ್ಯೂಬ್ನಲ್ಲಿ ಈ ಮಟ್ಟದ ಸುಂಟರಗಾಳಿ ಎಬ್ಬಿಸಿರುವ ರಾಕಿಂಗ್ ಸ್ಟಾರ್ ಯಶ್, ಬರುವ ಆಗಸ್ಟ್ 26ರ ನಂತರ ಚಿತ್ರಮಂದಿರಗಳಲ್ಲಿ ಬಾಕ್ಸ್ ಆಫೀಸ್ ಅನ್ನು ಉಡೀಸ್ ಮಾಡುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಸದ್ಯಕ್ಕಂತೂ ‘ತಬಾಹಿ’ ಹಾಡಿನ ಅಬ್ಬರಕ್ಕೆ ಯೂಟ್ಯೂಬ್ ಅಕ್ಷರಶಃ ಶೇಕ್ ಆಗುತ್ತಿರುವುದಂತೂ ಸತ್ಯ.
