ಇತ್ತೀಚೆಗೆ ಸಖತ್ ಸುದ್ದಿಯಲ್ಲಿರೋ ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ, ತಮ್ಮ ಮದುವೆಯ ನಂತರ ಮೊದಲ ಬಾರಿಗೆ ದೊಡ್ಡ ಪರದೆ ಮೇಲೆ ಅಬ್ಬರಿಸಲು ರೆಡಿಯಾಗಿದ್ದಾರೆ. ಹೌದು, ವಿಜಯ್ ದೇವರಕೊಂಡ ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಮೇಲೆ ರಶ್ಮಿಕಾ ನಟನೆಯ ಮೊದಲ ಸಿನಿಮಾ 'ಕಾಕ್ಟೇಲ್ 2' ಸದ್ಯದಲ್ಲೇ ರಿಲೀಸ್ ಆಗ್ತಿದೆ. ಬಾಲಿವುಡ್ನ ಈ ಚಿತ್ರದ ಮೇಲೆ ಈಗಾಗಲೇ ಬಿಟೌನ್ನಲ್ಲಿ ಭಾರಿ ನಿರೀಕ್ಷೆ ಕ್ರಿಯೇಟ್ ಆಗಿದೆ. ಜೂನ್ 19ರಂದು ಸಿನಿಮಾ ಗ್ರ್ಯಾಂಡ್ ಆಗಿ ತೆರೆಗೆ ಬರಲಿದ್ದು, ಮೊನ್ನೆ ಭಾನುವಾರ (ಮೇ 17) ರಾತ್ರಿ ಈ ಚಿತ್ರದ ಸಾಂಗ್ ಲಾಂಚ್ ಇವೆಂಟ್ ಸಖತ್ ಅದ್ಧೂರಿಯಾಗಿ ನಡೀತು. ಆದರೆ, ಇದೇ ಫಂಕ್ಷನ್ನಲ್ಲಿ ರಶ್ಮಿಕಾ ವೇದಿಕೆ ಮೇಲೆ ಬಾಯಿ ತಪ್ಪಿ ಆಡಿದ ಒಂದು ಮಾತು ಈಗ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗ್ತಿದೆ!
ವೇದಿಕೆಯಲ್ಲಿ ರಶ್ಮಿಕಾ ಬಾಯಿ ತಪ್ಪಿದ್ದೆಲ್ಲಿ?
ಹಾಡಿನ ಬಿಡುಗಡೆ ಸಮಾರಂಭದಲ್ಲಿ ರಶ್ಮಿಕಾ ಮಂದಣ್ಣ ಜೊತೆ ಬಾಲಿವುಡ್ ಸ್ಟಾರ್ ಶಾಹಿದ್ ಕಪೂರ್ ಮತ್ತು ಗ್ಲಾಮರಸ್ ನಟಿ ಕೃತಿ ಸನೂನ್ ಕೂಡ ಸ್ಟೇಜ್ ಮೇಲಿದ್ರು. ಕಾರ್ಯಕ್ರಮದಲ್ಲಿ ರಶ್ಮಿಕಾ ಸಖತ್ ಎನರ್ಜಿಟಿಕ್ ಆಗಿ ಕಾಣಿಸಿಕೊಂಡ್ರು. ಕೃತಿ ಸನೂನ್ ಅವರ ಲುಕ್ ನೋಡಿ ಫುಲ್ ಖುಷಿಯಾದ ರಶ್ಮಿಕಾ, ಅತಿಯಾದ ಉತ್ಸಾಹದಲ್ಲಿ ಅವರ ಸೌಂದರ್ಯವನ್ನು ಹೊಗಳಲು ಸ್ಟಾರ್ಟ್ ಮಾಡಿದ್ರು.
ಮಾತನಾಡ್ತಾ ಮಾತನಾಡುತ್ತಾ, "ಕಾಕ್ಟೇಲ್ 2 ಸಿನಿಮಾದಲ್ಲಿ ಏನೋ ಒಂಥರಾ ಮ್ಯಾಜಿಕ್ ಇದೆ. ಕೃತಿ, ನೀವು ತುಂಬಾ ಹಾಟ್ ಆಗಿ ಕಾಣಿಸ್ತಿದ್ದೀರಾ ಅನ್ನೋದು ಇಡೀ ಜಗತ್ತಿಗೇ ಗೊತ್ತು. ನೀವು ನಿಜಕ್ಕೂ F****** ಹಾಟ್!" ಎಂದು ಇಂಗ್ಲಿಷ್ನ 'F' ಪದವನ್ನು ಬಳಸಿಬಿಟ್ಟರು.
ಟ್ವಿಸ್ಟ್ ಅಂದ್ರೆ: ತಾವು ಆಡಿದ ಮಾತು ಏನು ಅಂತ ಅರಿವಾಗ್ತಿದ್ದ ಹಾಗೆ ರಶ್ಮಿಕಾ ಮಂದಣ್ಣ ಶಾಕ್ ಆದ್ರು! ತಕ್ಷಣ ಕೈಯಿಂದ ಬಾಯಿ ಮುಚ್ಚಿಕೊಂಡು, "ಅಯ್ಯೋ ನನ್ನನ್ನು ಕ್ಷಮಿಸಿಬಿಡಿ! ಪ್ಲೀಸ್ ಆ ಪದವನ್ನು ಸೈಲೆನ್ಸ್ (ಮ್ಯೂಟ್) ಮಾಡಿಬಿಡಿ" ಅಂತ ಅಲ್ಲಿದ್ದವರಲ್ಲಿ ವಿನಂತಿಸಿಕೊಂಡರು.
ಮುಜುಗರದ ನಡುವೆಯೂ ನಗು ತರಿಸಿದ ಪ್ರಸಂಗ
ರಶ್ಮಿಕಾ ವೇದಿಕೆ ಮೇಲೆ ಬಾಯಿ ತಪ್ಪಿ ಇಂಗ್ಲಿಷ್ ಲಿಪ್ಸಿಂಗ್ ಪದ ಬಳಸಿದ್ದರಿಂದ ಅವರಿಗೆ ಸ್ವಲ್ಪ ಮುಜುಗರ ಆಯ್ತು ನಿಜ. ಆದರೆ, ರಶ್ಮಿಕಾ ಎಕ್ಸ್ಪ್ರೆಶನ್ ಮತ್ತು ಅವರ ಕ್ಯೂಟ್ ರಿಯಾಕ್ಷನ್ ನೋಡಿ ಅಲ್ಲಿದ್ದ ಆಡಿಯನ್ಸ್ ಹಾಗೂ ಮೀಡಿಯಾದವರು ಜೋರಾಗಿ ನಕ್ಕು ಚಪ್ಪಾಳೆ ತಟ್ಟಿದ್ರು. ಅಲ್ಲಿಗೆ ಆ ಸಣ್ಣ ಯಡವಟ್ಟು ಒಂದು ತಮಾಷೆಯ ಪ್ರಸಂಗವಾಗಿ ಬದಲಾಯಿತು. ಸದ್ಯ ಈ ವಿಡಿಯೋ ಕ್ಲಿಪ್ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಟ್ರೆಂಡ್ ಆಗ್ತಿದೆ.
ಮುಜುಗರದಿಂದ ತಕ್ಷಣ ಹೊರಬಂದ ಕೊಡಗಿನ ಬೆಡಗಿ ರಶ್ಮಿಕಾ, ನಂತರ ಸಿನಿಮಾ ಬಗ್ಗೆ ಪ್ರೀತಿಯಿಂದ ಮಾತನಾಡಿದ್ರು. "ನಾವೆಲ್ಲರೂ ಈ ಸಿನಿಮಾದಲ್ಲಿ ತುಂಬಾ ಇಷ್ಟಪಟ್ಟು, ಅದ್ಭುತವಾಗಿ ಆಕ್ಟ್ ಮಾಡಿದ್ದೇವೆ. ಇಡೀ ಸಿನಿಮಾದ ಪ್ರತಿಯೊಂದು ಸೀನ್ ಕೂಡ ಮ್ಯಾಜಿಕಲ್ ಆಗಿ ಮೂಡಿಬಂದಿದೆ. ಈಗ ರಿಲೀಸ್ ಆಗಿರೋದು ಬರೀ ಟ್ರೈಲರ್ ತರಹದ ಒಂದು ಸಣ್ಣ ತುಣುಕು ಅಷ್ಟೇ. ಸಿನಿಮಾದಲ್ಲಿ ನೋಡೋಕೆ ಇನ್ನು ಸಾಕಷ್ಟು ಸರ್ಪ್ರೈಸ್ ವಿಷಯಗಳಿವೆ" ಅಂತ ಚಿತ್ರದ ಮೇಲಿನ ಹೈಪ್ ಅನ್ನು ಇನ್ನಷ್ಟು ಹೆಚ್ಚು ಮಾಡಿದ್ರು.
Rashmika is literally all of us hyping up Kriti Sanon " You look HOT" on the mic is pure bestie energy. The stage is already on fire- Are you guys ready for this??
— THE GOSSIP QUEEN👸 (@TheGossipQueeen) May 17, 2026
#RashmikaMandanna #KritiSanon pic.twitter.com/O8Gct0H86u
ಏನಿದು 'ಕಾಕ್ಟೇಲ್ 2' ಸಿನಿಮಾ?
ನಿಮಗೆ ನೆನಪಿರಬಹುದು, 2012ರಲ್ಲಿ ಸೈಫ್ ಅಲಿ ಖಾನ್, ದೀಪಿಕಾ ಪಡುಕೋಣೆ ಮತ್ತು ಡಯಾನಾ ಪೆಂಟಿ ನಟಿಸಿದ್ದ 'ಕಾಕ್ಟೇಲ್' ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಧೂಳೆಬ್ಬಿಸಿತ್ತು. ಹಾಡುಗಳಂತೂ ಇವತ್ತಿಗೂ ಎವರ್ಗ್ರೀನ್. ಈಗ ಬರ್ತಿರೋದು ಅದೇ ಸೂಪರ್ ಹಿಟ್ ಚಿತ್ರದ ಮುಂದುವರಿದ ಭಾಗ (ಸೀಕ್ವೆಲ್).
ನಿರ್ದೇಶನ: ಹೋಮಿ ಅದಾಜಾನಿಯಾ
ನಿರ್ಮಾಣ: ದಿನೇಶ್ ವಿಜನ್
ತಾರಾಗಣ: ರಶ್ಮಿಕಾ ಮಂದಣ್ಣ, ಶಾಹಿದ್ ಕಪೂರ್, ಕೃತಿ ಸನೂನ್
ಮದುವೆಯ ಲಕ್ಕಿ ಚಾರ್ಮ್ ಜೊತೆ, ಹೊಸ ಲುಕ್ನಲ್ಲಿ ಬಾಲಿವುಡ್ನ ದೊಡ್ಡ ಪರದೆ ಮೇಲೆ ಬರ್ತಿರೋ ರಶ್ಮಿಕಾ ಮಂದಣ್ಣ ಅವರ ಈ ಹೊಸ ಅವತಾರವನ್ನು ನೋಡೋಕೆ ಇತ್ತ ಸ್ಯಾಂಡಲ್ವುಡ್ ಫ್ಯಾನ್ಸ್ ಕೂಡ ಸಖತ್ ವೇಟಿಂಗ್ ಮಾಡ್ತಿದ್ದಾರೆ. ಒಟ್ಟಿನಲ್ಲಿ ಬಾಯಿ ತಪ್ಪಿ ಆಡಿದ ಮಾತು ರಶ್ಮಿಕಾಗೆ ಸಣ್ಣದಾಗಿ ಮುಜುಗರ ತಂದರೂ, ಸಿನಿಮಾಗೆ ಮಾತ್ರ ಭರ್ಜರಿ ಪಬ್ಲಿಸಿಟಿ ಸಿಕ್ಕಂತಾಗಿದೆ!
