ಬಿಗ್ಬಾಸ್ ಕನ್ನಡ ಸೀಸನ್ ಮುಗಿದರೂ ಸಹ ಸ್ಪರ್ಧಿಗಳ ಮೇಲಿನ ಕ್ರೇಜ್ ಮಾತ್ರ ಕಮ್ಮಿಯಾಗಿಲ್ಲ. ಅದರಲ್ಲೂ ದೊಡ್ಮನೆಯಲ್ಲಿ ಸದಾ ಜಗಳವಾಡುತ್ತಲೇ ಪ್ರೀತಿ ಹಂಚುತ್ತಿದ್ದ ಗಿಲ್ಲಿ ಮತ್ತು ಕಾವ್ಯ ಜೋಡಿ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಸೌಂಡ್ ಮಾಡುತ್ತಿದೆ. ಇವರಿಬ್ಬರು ಕೇವಲ ಸ್ನೇಹಿತರು ಎಂದು ಹೇಳಿಕೊಳ್ಳುತ್ತಿದ್ದರೂ, ಇತ್ತೀಚೆಗೆ ನಡೆದ ಹಂಪಿ ಉತ್ಸವದಲ್ಲಿ ಗಿಲ್ಲಿ ನೀಡಿದ ಒಂದು ಹೇಳಿಕೆ ಈಗ ಇವರಿಬ್ಬರ ಮದುವೆ ಗಾಸಿಪ್ಗೆ ಹೊಸ ರೆಕ್ಕೆಪುಕ್ಕ ನೀಡಿದೆ.
ಹಂಪಿ ಉತ್ಸವದಲ್ಲಿ ಮದುವೆ ಮಾತು!!
ಇತ್ತೀಚೆಗೆ ನಡೆದ ಹಂಪಿ ಉತ್ಸವದ ವೇದಿಕೆಯಲ್ಲಿ ಗಿಲ್ಲಿ ಮತ್ತು ಕಾವ್ಯ ಒಟ್ಟಾಗಿ ಕಾಣಿಸಿಕೊಂಡಿದ್ದರು. ಕಾರ್ಯಕ್ರಮದ ನಿರೂಪಕ ನಿರಂಜನ್ ದೇಶಪಾಂಡೆ ಅವರು ಗಿಲ್ಲಿಯ ಕಾಲೆಳೆಯುತ್ತಾ, "ಗಂಡಿನ ಕಡೆಯವರು ಎಷ್ಟು ಜನ? ಹೆಣ್ಣಿನ ಕಡೆಯವರು ಎಷ್ಟು ಜನ?" ಎಂದು ಪ್ರಶ್ನಿಸಿದರು. ಇದಕ್ಕೆ ಗಿಲ್ಲಿ ಅಭಿಮಾನಿಗಳು ಜೋರಾಗಿ ಕಿರುಚುತ್ತಾ ಸಂಭ್ರಮಿಸಿದರು. ಆಗ ಗಿಲ್ಲಿ ನಗುತ್ತಲೇ, "ನನಗೆ ಹೆಚ್ಚು ಮುಯ್ಯಿ (Gifts) ಬಿದ್ದೇ ಬಿಡುತ್ತೆ ಅನಿಸುತ್ತೆ" ಎಂದು ಹೇಳುವ ಮೂಲಕ ಮದುವೆಯ ಸುಳಿವು ನೀಡಿದ್ದಾರೆ.
"ನಾವು ಫ್ರೆಂಡ್ಸ್" ಎಂಬ ಹಳೇ ಕ್ಯಾಸೆಟ್
ಬಿಗ್ಬಾಸ್ ಮನೆಯಿಂದ ಹೊರಬಂದ ಮೇಲೆ ಈ ಜೋಡಿಯನ್ನು ಎಲ್ಲಿ ನೋಡಿದರೂ ಮದುವೆ ಯಾವಾಗ ಎಂಬ ಪ್ರಶ್ನೆ ಎದುರಾಗುತ್ತಿದೆ. ಅದಕ್ಕೆ ಇಬ್ಬರೂ "ನಾವು ಕೇವಲ ಬೆಸ್ಟ್ ಫ್ರೆಂಡ್ಸ್, ಮುಂದೇನಾಗುತ್ತೋ ಗೊತ್ತಿಲ್ಲ" ಎಂಬ ಅಸ್ಪಷ್ಟ ಉತ್ತರವನ್ನೇ ನೀಡುತ್ತಾ ಬಂದಿದ್ದಾರೆ. ಆದರೆ, ಈಗ ಹಂಪಿ ಉತ್ಸವದಲ್ಲಿ ಕಾವ್ಯ ಮುಂದೆಯೇ 'ಮುಯ್ಯಿ' ಬಗ್ಗೆ ಗಿಲ್ಲಿ ಮಾತನಾಡಿದ್ದು ನೋಡಿ, ಅಭಿಮಾನಿಗಳು "ಗಿಲ್ಲಿ ಪ್ಯಾರ್ಗೆ ಕಾವೂ ಗ್ರೀನ್ ಸಿಗ್ನಲ್ ಕೊಟ್ಟಾಯ್ತು" ಎಂದು ಚರ್ಚಿಸುತ್ತಿದ್ದಾರೆ.
ಅಭಿಮಾನಿಗಳ ಆಸೆ ಈಡೇರುತ್ತಾ?
ಮಂಡ್ಯದ ಹುಡುಗ ಗಿಲ್ಲಿಗೆ ಕಾವ್ಯ ಅವರೇ ಸರಿಯಾದ ಜೋಡಿ ಎಂಬುದು ಫ್ಯಾನ್ಸ್ ಅಭಿಪ್ರಾಯ. ಬಿಗ್ಬಾಸ್ ಇತಿಹಾಸದಲ್ಲಿ ಅನೇಕ ಜೋಡಿಗಳು ಮದುವೆಯಾಗಿವೆ, ಇನ್ನು ಕೆಲವರು ದೂರಾಗಿದ್ದಾರೆ. ಆದರೆ ಗಿಲ್ಲಿ-ಕಾವ್ಯ ಕೆಮಿಸ್ಟ್ರಿ ನೋಡುತ್ತಿದ್ದರೆ, ಮುಂದಿನ ದಿನಗಳಲ್ಲಿ ಇವರಿಂದ ಒಂದು 'ಗುಡ್ ನ್ಯೂಸ್' ಬರುವುದು ಗ್ಯಾರಂಟಿ ಎಂಬ ಮಾತುಗಳು ಕೇಳಿಬರುತ್ತಿವೆ.
ಟ್ವಿಸ್ಟ್ ಏನು ಅಂದ್ರೆ, ಮದುವೆ ಮಾತುಗಳ ನಡುವೆಯೇ ಈ ಜೋಡಿ ಶೀಘ್ರದಲ್ಲೇ ಹೊಸ ಸಿನಿಮಾದಲ್ಲಿ ನಟಿಸಲಿದ್ದಾರೆ ಎಂಬ ಸುದ್ದಿಯೂ ಇದೆ. ಹೀಗಾಗಿ ಇದು ಮದುವೆ ಪ್ರಮೋಷನ್ನೋ ಅಥವಾ ನಿಜವಾದ ಪ್ರೇಮವೋ ಎಂಬ ಕುತೂಹಲ ಹಾಗೆಯೇ ಉಳಿದಿದೆ.
