ಅವಳು 22 ವರ್ಷದ ಒಬ್ಬ ಪ್ರತಿಭಾವಂತ ಐಟಿ ಉದ್ಯೋಗಿ. ಮೇ 14 ರಂದು ಆಕೆಗೆ ಅದ್ದೂರಿಯಾಗಿ ನಿಶ್ಚಿತಾರ್ಥ ನಡೆದಿತ್ತು. ಇಡೀ ಮನೆಯಲ್ಲಿ ಮದುವೆಯ ಸಡಗರ, ಹೊಸ ಬಟ್ಟೆಗಳ ಖರೀದಿ ಜೋರಾಗಿತ್ತು. ಆದರೆ, ನಿಶ್ಚಿತಾರ್ಥ ಮುಗಿದ ನಾಲ್ಕೇ ದಿನಕ್ಕೆ ಆಕೆ ಇದ್ದಕ್ಕಿದ್ದಂತೆ ನಾಪತ್ತೆಯಾಗುತ್ತಾಳೆ. ಮೂರು ದಿನಗಳ ನಂತರ ರೈಲ್ವೆ ಹಳಿಯ ಪಕ್ಕದ ಪೊದೆಯಲ್ಲಿ ಆಕೆಯ ಶ*ವ ಅತ್ಯಂತ ಭೀಕರ ಸ್ಥಿತಿಯಲ್ಲಿ ಪತ್ತೆಯಾಗುತ್ತದೆ!
ಮೊದಲಿಗೆ ಇದೊಂದು ನಿಗೂಢ ನಾಪತ್ತೆ ಪ್ರಕರಣ ಎಂದುಕೊಂಡಿದ್ದ ಪೊಲೀಸರು ಸಿಸಿಟಿವಿ ಮತ್ತು ಕಾಲ್ ರೆಕಾರ್ಡ್ಸ್ ಬೆನ್ನತ್ತಿದಾಗ ಸಿಕ್ಕ ಆ ಟ್ವಿಸ್ಟ್ ಇಡೀ ಪೊಲೀಸ್ ಇಲಾಖೆಯನ್ನೇ ಬೆಚ್ಚಿಬೀಳಿಸಿದೆ. ಯಾರನ್ನ ತನ್ನ ಪ್ರಾಣ ಸ್ನೇಹಿತ, ಪ್ರೇಮಿ ಎಂದು ನಂಬಿದ್ದಳೋ, ಅದೇ ವ್ಯಕ್ತಿಯೇ ಆಕೆಯ ಜೀವಕ್ಕೆ ಸಂಚಕಾರ ತಂದಿದ್ದ. ಹಂತ ಹಂತವಾಗಿ ಬಿಚ್ಚಿಕೊಂಡ ಈ ಮರ್ಡರ್ ಮಿಸ್ಟರಿಯ ರೋಚಕ ವಿವರ ಇಲ್ಲಿದೆ;
ಆಫೀಸ್ಗೆ ಹೋದ ಮಗಳು ಮರಳಿ ಬರಲೇ ಇಲ್ಲ!
ಕೊ*ಲೆಯಾದ ದುರದೃಷ್ಟಕರ ಯುವತಿ ಶಿವಾನಿ ಸಿಂಗ್ (Shivani Singh) ಒಂದು ಪ್ರಮುಖ ಎಂಎನ್ಸಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಳು. ಮೇ 17 ರಂದು ಬೆಳಗ್ಗೆ ಎಂದಿನಂತೆ "ಆಫೀಸ್ಗೆ ಹೋಗಿ ಬರುತ್ತೇನೆ" ಎಂದು ಪೋಷಕರಿಗೆ ಹೇಳಿ ಹೋದವಳು ರಾತ್ರಿಯಾದರೂ ಮನೆಗೆ ಬರಲಿಲ್ಲ. ಮೊಬೈಲ್ ಕೂಡ ಸ್ವಿಚ್ ಆಫ್ ಆಗಿತ್ತು. ಆಫೀಸ್ ಹಾಗೂ ಸ್ನೇಹಿತರ ಬಳಿ ವಿಚಾರಿಸಿದರೂ ಯಾವುದೇ ಮಾಹಿತಿ ಸಿಗದಿದ್ದಾಗ ಕಂಗಾಲಾದ ಪೋಷಕರು ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದರು.
ರೈಲ್ವೆ ಹಳಿ ಬಳಿ ಪತ್ತೆಯಾದ ಜಜ್ಜಿದ ಸ್ಥಿತಿಯ ಶ*ವ!
ಪೊಲೀಸರು ತನಿಖೆ ಆರಂಭಿಸಿದ ಬೆನ್ನಲ್ಲೇ ರೈಲ್ವೆ ಸ್ಟೇಷನ್ ಸಮೀಪದ ಪೊದೆಯಲ್ಲಿ ಯುವತಿಯೊಬ್ಬಳ ಶ*ವ ಬಿದ್ದಿರುವುದು ಪತ್ತೆಯಾಯಿತು. ಸ್ಥಳಕ್ಕೆ ಧಾವಿಸಿದ ಪೊಲೀಸರು ಅದು ನಾಪತ್ತೆಯಾಗಿದ್ದ ಶಿವಾನಿ ಶ*ವ ಎಂದು ಖಚಿತಪಡಿಸಿಕೊಂಡರು. ಆದರೆ, ಅಲ್ಲಿನ ದೃಶ್ಯ ಅತ್ಯಂತ ಕರುಣಾಜನಕವಾಗಿತ್ತು. ಶಿವಾನಿ ದೇಹದ ಮೇಲೆ ಸಾಲು ಸಾಲು ಗಾಯಗಳಿದ್ದವು, ಮುಖವನ್ನು ಕಲ್ಲಿನಿಂದ ಜಜ್ಜಲಾಗಿತ್ತು. ಇದು ಕೇವಲ ನಾಪತ್ತೆ ಕೇಸ್ ಅಲ್ಲ, ಇದೊಂದು ವ್ಯವಸ್ಥಿತ ಕೊ*ಲೆ ಎಂಬುದು ಪೊಲೀಸರಿಗೆ ಕನ್ಫರ್ಮ್ ಆಯಿತು.
ಕಾಲ್ ರೆಕಾರ್ಡ್ಸ್ ತಂದ ಬಿಗ್ ಟ್ವಿಸ್ಟ್ - ಸಿಕ್ಕಿಬಿದ್ದ 6 ವರ್ಷದ ಪ್ರೇಮಿ!
ಕೊಲೆಗಾರನನ್ನು ಪತ್ತೆ ಹಚ್ಚಲು ಪೊಲೀಸರು ಶಿವಾನಿ ಅವರ ಕಾಲ್ ಡೀಟೇಲ್ಸ್ (CDR) ಮತ್ತು ಸಿಸಿಟಿವಿ ಫುಟೇಜ್ಗಳನ್ನು ತೀವ್ರವಾಗಿ ಪರಿಶೀಲಿಸಿದರು. ಈ ವೇಳೆ ಕೊನೆಯದಾಗಿ ಆಕೆಗೆ ಒಂದು ಸೀಕ್ರೆಟ್ ನಂಬರ್ನಿಂದ ಕರೆ ಬಂದಿರುವುದು ಮತ್ತು ಆಕೆ ಒಬ್ಬ ಯುವಕನ ಜೊತೆ ಹೋಗಿರುವುದು ಪತ್ತೆಯಾಯಿತು. ಆ ಯುವಕ ಬೇರೆ ಯಾರೂ ಅಲ್ಲ, ಆಕೆಯ 6 ವರ್ಷದ ಪ್ರೇಮಿ ಪ್ರೇಮ್ ಕುಮಾರ್ (Prem Kumar)!
ಪೊಲೀಸರು ಪ್ರೇಮ್ನನ್ನು ವಶಕ್ಕೆ ಪಡೆದು ತಮ್ಮದೇ ಶೈಲಿಯಲ್ಲಿ ವಿಚಾರಣೆ ನಡೆಸಿದಾಗ ಆತ ತನ್ನ ಭೀಕರ ಕೃತ್ಯವನ್ನು ಒಪ್ಪಿಕೊಂಡಿದ್ದಾನೆ. ಶಿವಾನಿಗೆ ಬೇರೆ ಕಡೆ ನಿಶ್ಚಿತಾರ್ಥವಾಗಿದ್ದೇ ಈ ಕೊ*ಲೆಗೆ ಮುಖ್ಯ ಕಾರಣವಾಗಿತ್ತು.
ರಬ್ಬರ್ ಪೈಪ್ನಿಂದ ಉಸಿರುಗಟ್ಟಿಸಿ ಕೊ*ಲೆ, ಸಾಕ್ಷ್ಯ ನಾಶಕ್ಕೆ ಸ್ಕೆಚ್!
ಪೊಲೀಸ್ ತನಿಖೆಯ ಪ್ರಕಾರ, ಶಿವಾನಿಯ ನಿಶ್ಚಿತಾರ್ಥದಿಂದ ತೀವ್ರ ಅಸಮಾಧಾನಗೊಂಡಿದ್ದ ಪ್ರೇಮ್, ಮೇ 17 ರಂದು ಆಕೆಯನ್ನು ಮಾತನಾಡಲು ಕರೆದಿದ್ದ. ಇಬ್ಬರ ನಡುವೆ ಮದುವೆಯ ವಿಚಾರವಾಗಿ ತೀವ್ರ ಜಗಳ ನಡೆದಿದೆ. ಈ ವೇಳೆ ರೊಚ್ಚಿಗೆದ್ದ ಪ್ರೇಮ್, ತಾನು ಮೊದಲೇ ಪ್ಲಾನ್ ಮಾಡಿದಂತೆ ರಬ್ಬರ್ ಪೈಪ್ನಿಂದ ಶಿವಾನಿ ಕತ್ತನ್ನು ಬಿಗಿದು ಉಸಿರುಗಟ್ಟಿಸಿ ಕೊಲೆ ಮಾಡಿದ್ದಾನೆ.
ಅಲ್ಲಿಗೆ ನಿಲ್ಲದ ಆತನ ಕ್ರೌರ್ಯ, ಸಾಕ್ಷ್ಯ ನಾಶಪಡಿಸಲು ಶವವನ್ನು ರೈಲ್ವೆ ಹಳಿ ಪಕ್ಕದ ಪೊದೆಯಲ್ಲಿ ಎಸೆದಿದ್ದಾನೆ. ಆಕೆಯ ಗುರುತು ಸಿಗಬಾರದು ಎಂದು ದೊಡ್ಡ ಕಲ್ಲಿನಿಂದ ಮುಖ ಮತ್ತು ತಲೆಯನ್ನು ಜಜ್ಜಿದ್ದಾನೆ. ನಂತರ ಆಕೆಯ ಮೊಬೈಲ್ ಫೋನ್ ಅನ್ನು ಹತ್ತಿರದ ಕಾಲುವೆಗೆ ಎಸೆದು ಏನೂ ತಿಳಿಯದವನಂತೆ ಮನೆಗೆ ಮರಳಿದ್ದ.
ಆದರೆ ಕಾನೂನಿನ ಕಣ್ಣಿಗೆ ಮಣ್ಣೆರಚಲು ಸಾಧ್ಯವಾಗಿಲ್ಲ. ಸದ್ಯ ಪೊಲೀಸರು ಆರೋಪಿ ಪ್ರೇಮ್ ಕುಮಾರ್ನನ್ನು ಅರೆಸ್ಟ್ ಮಾಡಿ ಕಂಬಿ ಎಣಿಸುವಂತೆ ಮಾಡಿದ್ದಾರೆ. ನಂಬಿದ ಪ್ರೇಮಿಯೇ ಕಾಲನಾದ ಈ ಘಟನೆಯ ಬಗ್ಗೆ ನಿಮ್ಮ ಅನಿಸಿಕೆಯನ್ನು ಕಮೆಂಟ್ ಮಾಡಿ ತಿಳಿಸಿ..
