ಮೈಸೂರು: ಸರ್ಕಾರಿ ಕೆಲಸದ ನಿರೀಕ್ಷೆಯಲ್ಲಿರುವ ಯುವಕ-ಯುವತಿಯರಿಗೆ ಮೈಸೂರಿನ ಚಾಮುಂಡೇಶ್ವರಿ ವಿದ್ಯುತ್ ಸರಬರಾಜು ನಿಗಮ (CESC) ಭರ್ಜರಿ ಗುಡ್ ನ್ಯೂಸ್ ನೀಡಿದೆ. 2026-27ನೇ ಸಾಲಿನ ಅಪ್ರೆಂಟಿಸ್ ತರಬೇತಿಗಾಗಿ ಬರೋಬ್ಬರಿ 200 ಹುದ್ದೆಗಳ ಭರ್ತಿಗೆ ಅಧಿಸೂಚನೆ ಹೊರಬಿದ್ದಿದೆ. ವಿಶೇಷ ಅಂದ್ರೆ, ಇದಕ್ಕೆ ಯಾವುದೇ ಕಠಿಣ ಪರೀಕ್ಷೆ ಅಥವಾ ಇಂಟರ್ವ್ಯೂ ಇರುವುದಿಲ್ಲ!
ಯಾರೆಲ್ಲಾ ಅರ್ಜಿ ಸಲ್ಲಿಸಬಹುದು?
ಈ ನೇಮಕಾತಿಯಲ್ಲಿ ಕೇವಲ ಇಂಜಿನಿಯರಿಂಗ್ ಮಾಡಿದವರಿಗೆ ಮಾತ್ರವಲ್ಲ, ಕಲಾ (B.A), ವಾಣಿಜ್ಯ (B.Com), ವಿಜ್ಞಾನ (B.Sc) ಸೇರಿದಂತೆ ಬಿಬಿಎ (BBA) ಮತ್ತು ಬಿಸಿಎ (BCA) ಪದವೀಧರರಿಗೂ ಅವಕಾಶ ನೀಡಲಾಗಿದೆ.
ಇಂಜಿನಿಯರಿಂಗ್ ಪದವೀಧರರು: 80 ಹುದ್ದೆಗಳು (ಸ್ಟೈಫಂಡ್: ₹12,300)
ಡಿಪ್ಲೊಮಾ ಅಭ್ಯರ್ಥಿಗಳು: 55 ಹುದ್ದೆಗಳು (ಸ್ಟೈಫಂಡ್: ₹10,900)
ನಾನ್-ಇಂಜಿನಿಯರಿಂಗ್ (BA/B.Com/B.Sc/BBA/BCA): 65 ಹುದ್ದೆಗಳು (ಸ್ಟೈಫಂಡ್: ₹12,300)
ಆಯ್ಕೆ ಪ್ರಕ್ರಿಯೆ ಹೇಗೆ?
ಇಲ್ಲಿ ಯಾವುದೇ ಪರೀಕ್ಷೆಯ ಟೆನ್ಷನ್ ಇಲ್ಲ. ನಿಮ್ಮ ಪದವಿ ಅಥವಾ ಡಿಪ್ಲೊಮಾದಲ್ಲಿ ನೀವು ಪಡೆದ ಅಂಕಗಳ ಆಧಾರದ ಮೇಲೆ 'ಮೆರಿಟ್ ಲಿಸ್ಟ್' ಸಿದ್ಧಪಡಿಸಲಾಗುತ್ತದೆ. ಅತಿ ಹೆಚ್ಚು ಅಂಕ ಪಡೆದವರಿಗೆ ಮೊದಲ ಆದ್ಯತೆ ಸಿಗಲಿದೆ. ಆಯ್ಕೆಯಾದವರ ಪಟ್ಟಿಯನ್ನು ಜೂನ್ 05, 2026 ರಂದು ಪ್ರಕಟಿಸಲಾಗುತ್ತದೆ.
ಪ್ರಮುಖ ಅರ್ಹತೆಗಳು;
ಅಭ್ಯರ್ಥಿಗಳು 2022 ರಿಂದ 2026ರ ಒಳಗೆ ತಮ್ಮ ವ್ಯಾಸಂಗ ಮುಗಿಸಿರಬೇಕು.
ಕನಿಷ್ಠ 18 ವರ್ಷ ತುಂಬಿರಬೇಕು ಮತ್ತು ಕನ್ನಡ ಭಾಷೆ ಓದಲು, ಬರೆಯಲು ಚೆನ್ನಾಗಿ ತಿಳಿದಿರಬೇಕು.
ಈ ಹಿಂದೆ ಎಲ್ಲೂ ಅಪ್ರೆಂಟಿಸ್ ತರಬೇತಿ ಪಡೆದಿರಬಾರದು.
ಅರ್ಜಿ ಸಲ್ಲಿಸುವುದು ಹೇಗೆ?
ಅರ್ಜಿ ಸಲ್ಲಿಸಲು ನೀವು ಎಲ್ಲಿಗೂ ಅಲೆಯಬೇಕಿಲ್ಲ, ನಿಮ್ಮ ಮೊಬೈಲ್ ಅಥವಾ ಲ್ಯಾಪ್ಟಾಪ್ ಮೂಲಕ NATS ಪೋರ್ಟಲ್ನಲ್ಲಿ ಅರ್ಜಿ ಹಾಕಬಹುದು;
ಹಂತ 1: ಮೊದಲು NATS ವೆಬ್ಸೈಟ್ ಗೆ ಹೋಗಿ 'Student' ವಿಭಾಗದಲ್ಲಿ ರಿಜಿಸ್ಟರ್ ಮಾಡಿಕೊಳ್ಳಿ.
ಹಂತ 2: ನಿಮ್ಮ ದಾಖಲೆಗಳನ್ನು ಅಪ್ಲೋಡ್ ಮಾಡಿದ ಮೇಲೆ ನಿಮಗೆ 12 ಅಂಕಿಯ ಎನ್ರೋಲ್ಮೆಂಟ್ ನಂಬರ್ ಸಿಗುತ್ತದೆ.
ಹಂತ 3: ಆ ನಂಬರ್ ಬಳಸಿ ಲಾಗಿನ್ ಆಗಿ, 'Apply against advertised vacancies' ಮೇಲೆ ಕ್ಲಿಕ್ ಮಾಡಿ.
ಹಂತ 4: ಸರ್ಚ್ ಬಾಕ್ಸ್ನಲ್ಲಿ "Chamundeshwari Electricity Supply Corporation Limited" ಎಂದು ಟೈಪ್ ಮಾಡಿ ಸರ್ಚ್ ಮಾಡಿ.
ಹಂತ 5: ಕೊನೆಯದಾಗಿ 'Apply' ಬಟನ್ ಒತ್ತಿದರೆ ನಿಮ್ಮ ಕೆಲಸ ಮುಗಿಯಿತು!
ನೆನಪಿಡಬೇಕಾದ ದಿನಾಂಕಗಳು;
ಅರ್ಜಿ ಸಲ್ಲಿಸಲು ಕೊನೆಯ ದಿನ - ಮೇ 29, 2026
ಮೆರಿಟ್ ಲಿಸ್ಟ್ ಪ್ರಕಟ - ಜೂನ್ 05, 2026
ದಾಖಲೆ ಪರಿಶೀಲನೆ -ಜೂನ್ 15 ರಿಂದ 19, 2026
ಕೊನೆಯ ಮಾತು: ಮೈಸೂರು ಭಾಗದಲ್ಲಿ ಸರ್ಕಾರಿ ಇಲಾಖೆಯಲ್ಲಿ ಕೆಲಸದ ಅನುಭವ ಪಡೆಯಲು ಇದೊಂದು ಸುವರ್ಣ ಅವಕಾಶ. ತಡ ಮಾಡದೆ ಇಂದೇ ಅರ್ಜಿ ಸಲ್ಲಿಸಿ. ಹೆಚ್ಚಿನ ಮಾಹಿತಿಗಾಗಿ ಚೆಸ್ಕಾಂ ಅಧಿಕೃತ ವೆಬ್ಸೈಟ್ ಗಮನಿಸಿ.
