ಇತ್ತೀಚೆಗೆ ಇನ್ಸ್ಟಾಗ್ರಾಮ್ ಮೂಲಕ ನಡೆದ ಸ್ನೇಹವೊಂದು ಭೀಕರ ಅಪರಾಧಕ್ಕೆ ದಾರಿ ಮಾಡಿಕೊಟ್ಟಿದೆ. ಸಫ್ನಾ ಎಂಬ ಮಹಿಳೆ 30 ವರ್ಷದ ಯುವಕನೊಬ್ಬನಿಗೆ ಇನ್ಸ್ಟಾಗ್ರಾಮ್ನಲ್ಲಿ ಪರಿಚಯವಾಗಿದ್ದಳು. ಈ ಯುವಕನಿಗೆ ಕೇಳುವ ಮತ್ತು ಮಾತನಾಡುವ ಶಕ್ತಿ ಇರಲಿಲ್ಲ. ಮೂಕ ಮತ್ತು ಕಿವುಡ ಎನ್ನಲಾಗಿದೆ. ಸಫ್ನಾ ಈ ಯುವಕನೊಂದಿಗೆ ಸತತವಾಗಿ ಚಾಟ್ ಮಾಡುವ ಮೂಲಕ ಅವನ ನಂಬಿಕೆಯನ್ನು ಗಳಿಸಿದ್ದಳು. ಇವರಿಬ್ಬರು ಭೇಟಿಯಾಗಲು ನಿರ್ಧರಿಸಿದಾಗ, ಯುವಕನು ಸಮುದ್ರ ತೀರದ ಬೀಚ್ ನಲ್ಲಿ ಭೇಟಿಯಾಗೋಣ ಎಂದು ಹೇಳಿದ್ದನು. ಆದರೆ, ಸಫ್ನಾ ಸಂಚು ರೂಪಿಸಿ ಫೆಬ್ರವರಿ 22 ರಂದು ಪನಂಪಳ್ಳಿ ನಗರದ ಸೌತ್ ಬ್ರಿಡ್ಜ್ ಬಳಿಯ ಹೋಟೆಲ್ಗೆ ಬರುವಂತೆ ಆತನನ್ನು ಒತ್ತಾಯಿಸಿದ್ದಳು ಎಂದು ಕೇಳಿ ಬಂದಿದೆ.
ಸಂಜೆ ಸುಮಾರು 6.30ಕ್ಕೆ ಯುವಕ ಹೋಟೆಲ್ಗೆ ತಲುಪಿದಾಗ, ಅಲ್ಲಿ ಕೇವಲ ಸಫ್ನಾ ಮಾತ್ರ ಇರಲಿಲ್ಲ. ಆಕೆಯ ಗ್ಯಾಂಗ್ನ ಇತರ ಸದಸ್ಯರು ಮೊದಲೇ ಅಲ್ಲಿ ಹೊಂಚು ಹಾಕಿ ಕುಳಿತಿದ್ದರು ಎನ್ನಲಾಗುತ್ತಿದೆ. ಕೆಲವರು ಬಾತ್ರೂಮ್ನಲ್ಲಿ ಅಡಗಿದ್ದರೆ, ಇನ್ನು ಕೆಲವರು ಸ್ವಲ್ಪ ಸಮಯದ ನಂತರ ಹೊರಗಿನಿಂದ ಒಳಗೆ ಬಂದರು. ಈ ಗ್ಯಾಂಗ್ನ ಮುಖ್ಯ ಉದ್ದೇಶವೆಂದರೆ ಯುವಕ ಮತ್ತು ಸಫ್ನಾ ಅರೆಬೆ*ತ್ತಲೆ ಇರುವ ದೃಶ್ಯಗಳನ್ನು ಚಿತ್ರೀಕರಿಸುವುದು. ಈ ವೀಡಿಯೊಗಳನ್ನು ಇಟ್ಟುಕೊಂಡು ಯುವಕನನ್ನು ಬ್ಲ್ಯಾಕ್ಮೇಲ್ ಮಾಡಿ ಹಣ ವಸೂಲಿ ಮಾಡುವುದು ಅವರ ಸಂಚಾಗಿತ್ತು. ಆದರೆ ಯುವಕನು ಅವರ ಬೇಡಿಕೆಗಳಿಗೆ ಒಪ್ಪದಿದ್ದಾಗ ಪರಿಸ್ಥಿತಿ ವಿಕೋಪಕ್ಕೆ ಹೋಯಿತು.
ಪೊಲೀಸರ ಎಫ್ಐಆರ್ ಪ್ರಕಾರ, ಯುವಕನು ಬಟ್ಟೆ ವಿವಸ್ತ್ರಗೊಳಿಸಲು ಮತ್ತು ಅಶ್ಲೀಲ ಕೃತ್ಯಗಳಲ್ಲಿ ಭಾಗಿಯಾಗಲು ನಿರಾಕರಿಸಿದಾಗ, ಗ್ಯಾಂಗ್ ಅವನ ಮೇಲೆ ಮುಗಿಬಿದ್ದಿತು. ಅವರು ಬಲವಂತವಾಗಿ ಅವನ ಬಟ್ಟೆಗಳನ್ನು ಬಿಚ್ಚಿದರು. ನಂತರ ಯುವಕನ ಮುಖಕ್ಕೆ ಗುದ್ದಿ, ಬೆನ್ನಿಗೆ ಜೋರಾಗಿ ಒದ್ದರು ಎನ್ನಲಾಗುತ್ತಿದೆ. ಒಬ್ಬ ಆರೋಪಿಯು ಭಾರವಾದ ಟಾರ್ಚ್ನಿಂದ ಯುವಕನ ತಲೆಗೆ ಹೊಡೆಯಲು ಪ್ರಯತ್ನಿಸಿದನು. ಯುವಕನು ತನ್ನ ಕೈ ಅಡ್ಡ ಹಿಡಿದು ತಲೆಯನ್ನು ರಕ್ಷಿಸಿಕೊಂಡಿದ್ದರಿಂದ ಬಚಾವಾದನು, ಆದರೆ ಅವನ ಕೈಗೆ ತೀವ್ರ ಗಾಯಗಳಾದವು.
ಹ*ಲ್ಲೆಯ ನಂತರ, ಗ್ಯಾಂಗ್ ಯುವಕನ ಮೊಬೈಲ್ ಪಡೆದುಕೊಂಡು ಅವನ ಗೂಗಲ್ ಪೇ ಖಾತೆಯನ್ನು ಪರಿಶೀಲಿಸಿತು. ಆತನ ಖಾತೆಯಲ್ಲಿದ್ದ ಹಣವನ್ನು ದೋಚುವುದು ಅವರ ಉದ್ದೇಶವಾಗಿತ್ತು. ಆದರೆ ಅದೃಷ್ಟವಶಾತ್ ಆತನ ಖಾತೆಯಲ್ಲಿ ಹೆಚ್ಚಿನ ಹಣವಿರಲಿಲ್ಲ. ಇದರಿಂದ ಕೋಪಗೊಂಡ ಗ್ಯಾಂಗ್, ಯುವಕನ ಬೆ*ತ್ತಲೆ ಫೋಟೋಗಳನ್ನು ಬಲವಂತವಾಗಿ ತೆಗೆದುಕೊಂಡಿತು. ಹೇಗೋ ಮಾಡಿ ಯುವಕ ಅಲ್ಲಿಂದ ತಪ್ಪಿಸಿಕೊಂಡು ಬಂದನು. ಪೊಲೀಸರು ಈಗ ಆರೋಪಿಗಳ ಫೋನ್ಗಳನ್ನು ವಶಪಡಿಸಿಕೊಂಡಿದ್ದಾರೆ. ಅವರು ಫೋಟೋಗಳನ್ನು ಡಿಲೀಟ್ ಮಾಡಿದ್ದರೂ, ಅದನ್ನು ಮರಳಿ ಪಡೆಯಲು ತಜ್ಞರ ಸಹಾಯ ಪಡೆಯುತ್ತಿದ್ದಾರೆ.
The woman, Safna, had reportedly befriended the 30 year old victim, with hearing and speech impairment, through Instagram.
— ForMenIndia (@ForMenIndia_) February 26, 2026
Over time, she built a rapport with him through chats and they planned to meet. The man suggested meeting at a beach but the woman invited him to a hotel… pic.twitter.com/7sMISwykJG
ಬೆನ್ನುಮೂಳೆಯ ಗಾಯದಿಂದ ಆಸ್ಪತ್ರೆಗೆ ದಾಖಲಾಗಿದ್ದ ಯುವಕ ಫೆಬ್ರವರಿ 24 ರಂದು ದೂರು ನೀಡಿದನು. ಯುವಕನಿಗೆ ಸರಿಯಾಗಿ ಸಂವಹನ ಮಾಡಲು ಸಾಧ್ಯವಾಗದ ಕಾರಣ, ಪೊಲೀಸರು ಸನ್ನೆ ಭಾಷೆಯ ತಜ್ಞರ ಸಹಾಯ ಪಡೆದು ಆತನ ಹೇಳಿಕೆಯನ್ನು ದಾಖಲಿಸಿಕೊಂಡರು. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಫ್ನಾ, ಜಾನ್ ರಾಹುಲ್, ಅಮಲ್ ಮತ್ತು ಆನಂದ್ ಎಂಬ ನಾಲ್ವರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ ಎನ್ನಲಾಗುತ್ತಿದೆ. ಹೌದು, ಸೋಷಿಯಲ್ ಮೀಡಿಯಾದಲ್ಲಿ ಅಪರಿಚಿತರೊಂದಿಗೆ ಮಾತನಾಡುವಾಗ ಮತ್ತು ಅವರನ್ನು ಭೇಟಿಯಾಗುವಾಗ ಯಾವಾಗಲೂ ಜಾಗರೂಕರಾಗಿರಿ ಏನ್ ದು ಈ ಮೂಲಕ ಹೇಳಲಾಗುತ್ತಿದೆ.
