ಹಾವೇರಿ ಜಿಲ್ಲೆಯ ರಾಣಿಬೇನ್ನೂರಿನ ಕೃಷ್ಣಮೃಗ ಅಭಿಯಾರಣ್ಯದಲ್ಲಿ ನಿನ್ನೆ ಸಂಜೆ ನಡೆದ ಸಫಾರಿ ವೇಳೆ ಅಪರೂಪದ ಘಟನೆ ನಡೆದಿದೆ. ಸಫಾರಿಗೆ ತೆರಳಿದ್ದ ರಾಣಿಬೇನ್ನೂರು ಶಾಸಕ ಪ್ರಕಾಶ್ ಕೋಳಿವಾಡ ಹಾಗೂ ಭೋವಿ ನಿಗಮದ ಅಧ್ಯಕ್ಷ ಎನ್. ರಾಮಪ್ಪ ಅವರ ಕಣ್ಣು ಮುಂದೆ ಚಿರತೆ ಧೀಡಿರ್ ಪ್ರತ್ಯಕ್ಷವಾಗಿದೆ.
ಸಫಾರಿ ವೇಳೆ ಜಿಂಕೆ ಹಾಗೂ ಕೃಷ್ಣಮೃಗಗಳ ಹಿಂಡುಗಳನ್ನು ವೀಕ್ಷಿಸುತ್ತಿದ್ದಾಗ, ಅಡಗಿ ಕುಳಿತಿದ್ದ ಚಿರತೆ ಏಕಾಏಕಿ ಹೊರಬಂದು ಎಲ್ಲರ ಗಮನ ಸೆಳೆದಿದೆ. ಈ ದೃಶ್ಯವನ್ನು ಶಾಸಕ ಪ್ರಕಾಶ್ ಕೋಳಿವಾಡ ತಮ್ಮ ಮೊಬೈಲ್ನಲ್ಲಿ ಸೆರೆ ಹಿಡಿದಿದ್ದು, ಸ್ಥಳೀಯರಲ್ಲಿ ಕುತೂಹಲ ಮೂಡಿಸಿದೆ. ಚಿರತೆ ಪ್ರತ್ಯಕ್ಷವಾದ ಕ್ಷಣವು ಸಫಾರಿಗೆ ಹೋದ ಜನರಲ್ಲಿ ಬೆಚ್ಚಿಬೀಳುವಂತಿದ್ದರೂ, ಪ್ರಕೃತಿ ಸೌಂದರ್ಯದ ಅದ್ಭುತ ಅನುಭವವೆಂದು ಹಲವರು ಸಂತಸ ವ್ಯಕ್ತಪಡಿಸಿದರು.
ಅಭಿಯಾರಣ್ಯದಲ್ಲಿ ಜಿಂಕೆ ಹಾಗೂ ಕೃಷ್ಣಮೃಗಗಳ ಹಿಂಡುಗಳು ಓಡಾಡುವ ದೃಶ್ಯವನ್ನು ವೀಕ್ಷಿಸುತ್ತಿದ್ದ ಜನರು, ಚಿರತೆ ಪ್ರತ್ಯಕ್ಷವಾದ ಕ್ಷಣವನ್ನು ಜೀವಿತಾವಧಿಯ ನೆನಪಿನ ಅನುಭವವೆಂದು ವರ್ಣಿಸಿದರು. ಅಧ್ಯಕ್ಷ ಎನ್. ರಾಮಪ್ಪ ಈ ಘಟನೆಗೆ ಬೆಚ್ಚಿಬಿದ್ದರೂ, “ಇದು ಪ್ರಕೃತಿಯ ಅದ್ಭುತ ಕ್ಷಣ” ಎಂದು ಅಭಿಪ್ರಾಯಪಟ್ಟರು.
ಕೃಷ್ಣಮೃಗ ಅಭಿಯಾರಣ್ಯವು ವನ್ಯಜೀವಿ ಪ್ರೇಮಿಗಳಿಗೆ ಸದಾ ಆಕರ್ಷಣೆಯ ಕೇಂದ್ರವಾಗಿದ್ದು, ಇಂತಹ ಅಪರೂಪದ ದೃಶ್ಯಗಳು ಪ್ರವಾಸಿಗರ ಅನುಭವವನ್ನು ಇನ್ನಷ್ಟು ವಿಶೇಷಗೊಳಿಸುತ್ತವೆ. ಚಿರತೆ ಪ್ರತ್ಯಕ್ಷವಾದ ಸುದ್ದಿ ಸ್ಥಳೀಯವಾಗಿ ವೈರಲ್ ಆಗಿದ್ದು, ಜನರಲ್ಲಿ ಚರ್ಚೆಗೆ ಕಾರಣವಾಗಿದೆ.
ವನ್ಯಜೀವಿ ಸಂರಕ್ಷಣೆ ಹಾಗೂ ಪರಿಸರದ ಮಹತ್ವವನ್ನು ನೆನಪಿಸುವ ಈ ಘಟನೆ, ಅಭಿಯಾರಣ್ಯದ ಸೌಂದರ್ಯವನ್ನು ಮತ್ತಷ್ಟು ಹೆಚ್ಚಿಸಿದೆ. ಪ್ರಕೃತಿ ವೀಕ್ಷಣೆ, ವನ್ಯಜೀವಿ ಸಂರಕ್ಷಣೆ ಹಾಗೂ ಪ್ರವಾಸೋದ್ಯಮದ ಮಹತ್ವವನ್ನು ಒತ್ತಿ ಹೇಳುವಂತಹ ಈ ಘಟನೆ, ಹಾವೇರಿ ಜಿಲ್ಲೆಯ ಜನರಲ್ಲಿ ಹೆಮ್ಮೆ ಮೂಡಿಸಿದೆ. ಈ ಅಪರೂಪದ ಕ್ಷಣವು ಪ್ರಕೃತಿ ಪ್ರೇಮಿಗಳಿಗೆ ಮತ್ತೊಂದು ನೆನಪಿನ ಅನುಭವವಾಗಿ ಉಳಿಯಲಿದೆ.
