ಅಮೆರಿಕ ಮತ್ತು ಇರಾನ್ ಜಗಳ ಈಗ ಸುಮ್ಮನೆ ನಿಲ್ಲುವ ಲಕ್ಷಣ ಕಾಣುತ್ತಿಲ್ಲ. ಇತ್ತೀಚೆಗೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಒಂದು ಸ್ಫೋಟಕ ಮಾಹಿತಿ ಹೊರಹಾಕಿದ್ದಾರೆ. ಅದೇನಪ್ಪಾ ಅಂದ್ರೆ, ಇರಾನ್ ಏಕಾಏಕಿ ಅಮೆರಿಕದ ಒಂದು ಅತೀ ಮುಖ್ಯವಾದ ಆಸ್ತಿಯ ಮೇಲೆ ಬರೋಬ್ಬರಿ 100 ಮಿಸೈಲ್ಗಳನ್ನು ಉಡಾಯಿಸಿ ಅಟ್ಯಾಕ್ ಮಾಡಿದೆ. ಹೌದು, ನೂರಕ್ಕೆ ನೂರು ಮಿಸೈಲ್ಗಳು ಒಂದೇ ಟಾರ್ಗೆಟ್ ಮೇಲೆ ಅಪ್ಪಳಿಸೋಕೆ ಬಂದಿವೆ ಅಂದ್ರೆ ಅದರ ತೀವ್ರತೆ ಎಷ್ಟಿರಬಹುದು ಅಂತ ನೀವೇ ಯೋಚಿಸಿ.
ಯಾವುದು ಆ ಸೀಕ್ರೆಟ್ ಟಾರ್ಗೆಟ್?
ಟ್ರಂಪ್ ಅವರು ಈ ಅಟ್ಯಾಕ್ ಬಗ್ಗೆ ಮಾಹಿತಿ ಕೊಟ್ಟರೂ ಕೂಡ, ಇರಾನ್ ಟಾರ್ಗೆಟ್ ಮಾಡಿದ್ದು ಯಾವ ಜಾಗವನ್ನು ಅಥವಾ ಯಾವ ಹಡಗನ್ನು ಅನ್ನೋದನ್ನ ಮಾತ್ರ ಸಸ್ಪೆನ್ಸ್ ಆಗಿ ಇಟ್ಟಿದ್ದಾರೆ. ನಮ್ಮ ಅತೀ ಮುಖ್ಯವಾದ ಆಸ್ತಿಯ ಮೇಲೆ ದಾಳಿ ನಡೆದಿದೆ ಅಂತ ಹೇಳಿ ಸುಮ್ಮನಾಗಿದ್ದಾರೆ. ಆದರೆ, ಅಂತರಾಷ್ಟ್ರೀಯ ಮಾಧ್ಯಮಗಳಲ್ಲಿ ಓಡಾಡುತ್ತಿರುವ ಸುದ್ದಿಗಳ ಪ್ರಕಾರ, ಇರಾನ್ನ ಕಣ್ಣು ಬಿದ್ದಿರೋದು ಅಮೆರಿಕದ ದೈತ್ಯ ಯುದ್ಧನೌಕೆ 'ಯುಎಸ್ಎಸ್ ಅಬ್ರಹಾಂ ಲಿಂಕನ್' (USS Abraham Lincoln) ಏರ್ಕ್ರಾಫ್ಟ್ ಕ್ಯಾರಿಯರ್ ಮೇಲೆ ಎನ್ನಲಾಗಿ ಕೇಳಿ ಬರುತ್ತಿದೆ.
ಎಲ್ಲವೂ ಉಡೀಸ್ - ಟ್ರಂಪ್ ಹೇಳಿದ್ದೇನು?
ಇರಾನ್ 100 ಮಿಸೈಲ್ಗಳನ್ನು ಬಿಟ್ಟಿದ್ದೇನೋ ನಿಜ, ಆದರೆ ಅಮೆರಿಕದ ಡಿಫೆನ್ಸ್ ಸಿಸ್ಟಮ್ ಮುಂದೆ ಅದು ಕೆಲಸ ಮಾಡಿಲ್ಲ ಅಂತ ಟ್ರಂಪ್ ಬೀಗುತ್ತಿದ್ದಾರೆ. ಬಂದ ನೂರಕ್ಕೆ ನೂರು ಮಿಸೈಲ್ಗಳನ್ನು ಅಮೆರಿಕದ ಕ್ಷಿಪಣಿ ನಿರೋಧಕ ವ್ಯವಸ್ಥೆ ಹೊಡೆದು ಉರುಳಿಸಿದೆ, ನಮ್ಮ ಆಸ್ತಿಗೆ ಒಂದು ಸಣ್ಣ ಪೆಟ್ಟು ಕೂಡ ಬಿದ್ದಿಲ್ಲ ಅನ್ನೋದು ಟ್ರಂಪ್ ವಾದ. ಅಂದ್ರೆ, ಇರಾನ್ ಹಾಕಿದ ಪ್ಲಾನ್ ಫುಲ್ ಫ್ಲಾಪ್ ಆಗಿದೆ ಅನ್ನೋದು ಅಮೆರಿಕದ ಸದ್ಯದ ರಿಪೋರ್ಟ್.
ಯುಎಸ್ಎಸ್ ಜೆರಾಲ್ಡ್ ಆರ್. ಫೋರ್ಡ್ ಮೇಲೆ ಬೆಂಕಿ?
ಕಥೆ ಇಲ್ಲಿಗೆ ಮುಗಿಯಲ್ಲ, ಅಮೆರಿಕದ ಮತ್ತೊಂದು ದೈತ್ಯ ಯುದ್ಧನೌಕೆ 'ಯುಎಸ್ಎಸ್ ಜೆರಾಲ್ಡ್ ಆರ್. ಫೋರ್ಡ್' (USS Gerald R. Ford) ಮೇಲೆ ಬೆಂಕಿ ಕಾಣಿಸಿಕೊಂಡಿದೆ ಅನ್ನೋ ಸುದ್ದಿ ಹರಿದಾಡುತ್ತಿದೆ. ಈ ಬೆಂಕಿ ಯಾಕೆ ಬಿತ್ತು ಅನ್ನೋದಕ್ಕೆ ಇನ್ನು ಅಧಿಕೃತ ಕಾರಣ ಸಿಕ್ಕಿಲ್ಲ. ಆದರೆ, ಇರಾನ್ ಬಿಟ್ಟ ಮಿಸೈಲ್ಗಳನ್ನು ಅಮೆರಿಕ ಹೊಡೆದು ಉರುಳಿಸಿದಾಗ, ಆ ಮಿಸೈಲ್ನ ಅವಶೇಷಗಳು ಬಿದ್ದಿದ್ದರಿಂದ ಈ ಬೆಂಕಿ ಹೊತ್ತಿಕೊಂಡಿರಬಹುದು ಅಂತ ಕೆಲವರು ಹೇಳ್ತಿದ್ದಾರೆ. ಇದು ನಿಜವೋ ಅಥವಾ ತಾಂತ್ರಿಕ ದೋಷವೋ ಅನ್ನೋದು ಇನ್ನು ಪಕ್ಕಾ ಆಗಬೇಕಿದೆ.
ಮಧ್ಯಪ್ರಾಚ್ಯದಲ್ಲಿ ಯುದ್ಧದ ಕಾರ್ಮೋಡ
ಈಗಾಗ್ಲೇ ಅಮೆರಿಕ ಮತ್ತು ಇರಾನ್ ನಡುವೆ ಕಿಚ್ಚು ಹತ್ತಿಕೊಂಡಿದೆ. ಇರಾನ್ ಈ ರೇಂಜ್ಗೆ ಮಿಸೈಲ್ ದಾಳಿ ಮಾಡಿದೆ ಅಂದ್ರೆ ಅವರು ಯುದ್ಧಕ್ಕೆ ಫುಲ್ ರೆಡಿಯಾಗಿದ್ದಾರೆ ಅಂತಲೇ ಅರ್ಥ. ಅತ್ತ ಟ್ರಂಪ್ ಕೂಡ ಸುಮ್ಮನೆ ಕೂರೋ ಮನುಷ್ಯನಲ್ಲ. ಅಮೆರಿಕದ ಮಿಲಿಟರಿ ಶಕ್ತಿ ಪ್ರದರ್ಶನ ಮಾಡೋಕೆ ಇದೇ ಸರಿಯಾದ ಸಮಯ ಅಂತ ಅವರು ಕಾಯ್ತಿದ್ದಾರೆ. 100 ಮಿಸೈಲ್ಗಳನ್ನು ಹೊಡೆದುರುಳಿಸೋದು ಅಂದ್ರೆ ಸಾಮಾನ್ಯ ಮಾತಲ್ಲ, ಇದು ಅಮೆರಿಕದ ತಾಂತ್ರಿಕ ಬಲವನ್ನು ಜಗತ್ತಿಗೆ ತೋರಿಸಿದಂತಾಗಿದೆ.
BREAKING : US President Trump's reaction after IRGC tried to attack U.S. Aircraft Carrier fleet USS Abraham Lincoln using dozens of Missiles-"We had an attack. 100 missiles were shot by Iran at a very important thing that we had. I won't tell you what it was for certain reasons." pic.twitter.com/efiZNaoCx6
— Baba Banaras™ (@RealBababanaras) March 26, 2026
ಈ ಇಬ್ಬರ ಜಗಳದಿಂದಾಗಿ ಜಗತ್ತಿನಾದ್ಯಂತ ತೈಲ ಬೆಲೆ ಏರಿಕೆಯಾಗುವ ಭೀತಿ ಎದುರಾಗಿದೆ. ಇರಾನ್ ಏನಾದ್ರೂ ಸಮುದ್ರ ಮಾರ್ಗಗಳನ್ನು ಬಂದ್ ಮಾಡಿದ್ರೆ ಪೆಟ್ರೋಲ್, ಡೀಸೆಲ್ ಬೆಲೆ ಗಗನಕ್ಕೆ ಏರೋದ್ರಲ್ಲಿ ಸಂಶಯವಿಲ್ಲ. 2026ರ ಆರಂಭವೇ ಈ ರೇಂಜ್ಗೆ ಗೊಂದಲಮಯವಾಗಿರೋದು ನಿಜಕ್ಕೂ ಆತಂಕಕಾರಿ ವಿಷಯ. ಒಟ್ಟಾರೆಯಾಗಿ, ಇರಾನ್ನ ಈ 100 ಮಿಸೈಲ್ಗಳ ದಾಳಿ ಅಮೆರಿಕಕ್ಕೆ ಒಂದು ಎಚ್ಚರಿಕೆಯ ಗಂಟೆಯಾಗಿದೆ. ಟ್ರಂಪ್ ಈಗ ಯಾವ ರೀತಿ ಪ್ರತಿಕಾರ ತೀರಿಸಿಕೊಳ್ಳುತ್ತಾರೆ? ಅಥವಾ ಶಾಂತಿಯ ಹಾದಿ ಹಿಡಿಯುತ್ತಾರಾ? ಅನ್ನೋದನ್ನ ಕಾದು ನೋಡಬೇಕು. ಸದ್ಯಕ್ಕಂತೂ ಸಮುದ್ರದ ಮಧ್ಯೆ ಅಮೆರಿಕದ ಯುದ್ಧನೌಕೆಗಳು ಹದ್ದಿನ ಕಣ್ಣಿಟ್ಟು ಕಾಯುತ್ತಿವೆ.
