ಜೀವನ ಅಚ್ಚರಿಯಾಗಿದೆ, ನಮ್ಮನ್ನು ಗೊಂದಲಗೊಳಿಸಲು ಅಲ್ಲ, ನಮಗೆ ನೆನಪಿಸಲು. ಸ್ವಲ್ಪ ನಿಧಾನವಾಗಿ ನಡೆಯಲು, ಕೊಡುವುದನ್ನು ಕಲಿಯಲು, ಪ್ರೀತಿಯನ್ನು ತೋರಿಸಲು, ಈ ಕ್ಷಣ ನೆನಪಾಗುವ ಮೊದಲು ಬದುಕಲು. ಹೌದು ಈ ಜೀವನ ಅಚ್ಚರಿಯಾಗಿದೆ. ಯಾವುದೇ ಆಗಲಿ, ನಾವು ಏನೂ ಇಲ್ಲದೆ ಬರುತ್ತೇವೆ, ಎಲ್ಲವನ್ನೂ ಪಡೆಯಲು ಹೋರಾಡುತ್ತೇವೆ, ಮತ್ತೆ ಏನೂ ಇಲ್ಲದೆ ಹೊರಟುಹೋಗುತ್ತೇವೆ. ಆದರೆ ಮಧ್ಯದಲ್ಲಿ ಎಲ್ಲೋ ಈ ಸರಳ ಸತ್ಯವನ್ನು ಕಳೆದುಕೊಳ್ಳುತ್ತೇವೆ ಮತ್ತು ಅನಂತ ನಿರೀಕ್ಷೆಗಳ ಭಾರವನ್ನು ಹೊರುತ್ತೇವೆ.
ಒಂದು ಕಾಲದಲ್ಲಿ ನಾವು ಬೇಡಿಕೊಂಡಿದ್ದುದನ್ನೇ ಪಡೆಯುತ್ತೇವೆ, ಆದರೆ ಅದನ್ನೇ ಇತರರೊಂದಿಗೆ ಹೋಲಿಸಿ, ಇನ್ನೂ ಏನೂ ಇಲ್ಲವೆಂದು ಭಾವಿಸುತ್ತೇವೆ,ನಿಜ ಇದು ಜೀವನದ ವಿಚಿತ್ರತೆ ಎಂದು ಹೇಳಬಹದು. ನಾವು ಕನಸುಗಳ ಹಿಂದೆ ಕನಸುಗಳನ್ನು ಹಿಂಬಾಲಿಸುತ್ತೇವೆ, ಮತ್ತೆ ಕನಸು ಕಾಣುತ್ತಲೇ ಇರುತ್ತೇವೆ, ಒಂದು ದಿನ ಅರಿವಾಗುತ್ತದೆ, ಆ ಪ್ರಯಾಣವೇ ನಿಜವಾದ ಸಂಪತ್ತು ಎಂದು ನಿಜ ಅಲ್ವಾ.
ಇಂದಿನ ದಿನವನ್ನೇ ಬದುಕುವುದು ಮುಖ್ಯ, ಆದರೆ ಜೀವನ ಅಚ್ಚರಿಯಾಗಿದೆ, ನಾವು ನಾಳೆಯ ಬಗ್ಗೆ ಭಯಪಡುವೆವು, ಆದರೆ ಇಂದಿನ ದಿನವನ್ನು ಬದುಕುವುದನ್ನು ಮರೆತುಬಿಡುತ್ತೇವೆ. ಇತರರ ಒಪ್ಪಿಗೆಯನ್ನು ಹುಡುಕುತ್ತೇವೆ, ನಮ್ಮನ್ನೇ ಮರೆತುಬಿಡುತ್ತೇವೆ, ಸಂತೋಷವನ್ನು ಹೊರಗಿನ ಜಗತ್ತಿನಲ್ಲಿ ಹುಡುಕುತ್ತೇವೆ, ಅದು ಸದಾ ನಮ್ಮೊಳಗೇ ಇದ್ದರೂ ಸಹ ಹುಡುಕುತ್ತೇವೆ.
ಬದಲಾವಣೆಯನ್ನು ನಾವು ಭಯಪಡುವೆವು, ಆದರೆ ಬದಲಾವಣೆ ಮಾತ್ರವೇ ಜೀವನದ ಏಕೈಕ ಶಾಶ್ವತ ಸತ್ಯ. ಈ ಭಯವನ್ನೇ ನಾವು ನಮ್ಮದಾಗಿ ಮಾಡಿಕೊಂಡಿರುತ್ತೇವೆ. ಸಂತೋಷಕ್ಕಾಗಿ ಹೋರಾಡುತ್ತೇವೆ, ಆದರೆ ಬಿಟ್ಟುಕೊಡಲು ಕಲಿತಾಗಲೇ, ಸಂತೋಷ ನಮ್ಮ ಬಳಿ ಬರುತ್ತದೆ ಎಂಬುದನ್ನು ನಾವು ಅರಿಯುವುದಿಲ್ಲ. ನಾವು ಹೊಂದಿರುವುದನ್ನು ಕಳೆದುಕೊಂಡಾಗ ಮಾತ್ರ, ಅದರ ಮೌಲ್ಯವನ್ನು ಅರಿಯುತ್ತೇವೆ. ಹೌದು ಇದೂ ಜೀವನದ ವಿಚಿತ್ರತೆ.
ಮನಸ್ಸಿನ ಶಾಂತಿಯನ್ನು ಬಿಟ್ಟು ಯಶಸ್ಸಿನ ಹಿಂದೆ ಓಡುತ್ತೇವೆ, ಇತರರ ಹೋರಾಟಗಳನ್ನು ಅರಿಯದೆ ತೀರ್ಪು ನೀಡುತ್ತೇವೆ, ಬೆಗನೆ ದೊಡ್ಡವರಾಗಲು ಓಡುತ್ತೇವೆ, ಆದರೆ ನಂತರ ಸರಳ ದಿನಗಳಿಗೆ ಮರಳಬೇಕೆಂದು ಬಯಸುತ್ತೇವೆ. ನಮ್ಮ ಜೀವನ ಅಚ್ಚರಿಯಾಗಿದೆ, ನಮ್ಮನ್ನೇ ಪ್ರೀತಿಸುವ ಮೊದಲು ಇತರರಿಂದ ಪ್ರೀತಿಯನ್ನು ಹುಡುಕುತ್ತೇವೆ.
ಸರಿಯಾದ ಕ್ಷಣಕ್ಕಾಗಿ ಕಾಯುತ್ತೇವೆ, ಆದರೆ ಸರಿಯಾದ ಕ್ಷಣ ಎಂದರೆ ಈ ಕ್ಷಣವೇ ಎಂದು ನಾವು ತಿಳಿಯುವುದಿಲ್ಲ. ವಿಫಲತೆಗೆ ಭಯಪಡುವೆವು, ಆದರೆ ಯಶಸ್ಸು ಕಲಿಸದ ಪಾಠಗಳನ್ನು ವಿಫಲತೆ ಕಲಿಸುತ್ತದೆ ಎಂಬುದನ್ನು ಮರೆತುಬಿಡುತ್ತೇವೆ. ಹಣ ನಮ್ಮ ಎಲ್ಲಾ ಸಮಸ್ಯೆಗಳನ್ನು ಪರಿಹರಿಸುತ್ತದೆ ಎಂದು ಭಾವಿಸುತ್ತೇವೆ, ಆದರೆ ಅದು ಹೊಸ ಸಮಸ್ಯೆಗಳನ್ನು ಕೂಡ ತಂದೊಡ್ಡುತ್ತದೆ ಎಂಬುದನ್ನು ಅರಿಯಬೇಕು. ಎಲ್ಲವನ್ನೂ ನಿಯಂತ್ರಿಸಲು ಪ್ರಯತ್ನಿಸುತ್ತೇವೆ, ಆದರೆ ಜೀವನದ ಅತ್ಯುತ್ತಮ ಕ್ಷಣಗಳ ಮೇಲೆ ನಾವು ನಿಯಂತ್ರಣವನ್ನು ಬಿಟ್ಟಾಗಲೇ ಸಂಭವಿಸುತ್ತವೆ.
ಇನ್ನೊಂದು ಕಡೆ ಹುಲ್ಲು ಹೆಚ್ಚು ಹಸಿರಾಗಿದೆ ಎಂದು ಭಾವಿಸುತ್ತೇವೆ, ಆದರೆ ಎಲ್ಲೆಡೆ ಅದು ಒಂದೇ ಹಸಿರು ಎಂದು ಅರಿಯುತ್ತೇವೆ. ಉತ್ತರಗಳನ್ನು ಇತರರಲ್ಲಿ ಹುಡುಕುತ್ತೇವೆ, ಆದರೆ ಅತ್ಯುತ್ತಮ ಉತ್ತರಗಳು ನಮ್ಮೊಳಗೇ ಇವೆ ಎಂಬುದನ್ನು ಮರೆತುಬಿಡುತ್ತೇವೆ. ಭವಿಷ್ಯದಲ್ಲೇ ಬದುಕುತ್ತೇವೆ, ಆದರೆ ವರ್ತಮಾನವನ್ನು ಬದುಕುವುದನ್ನು ಮರೆತುಬಿಡುತ್ತೇವೆ. ಇದೇ ಜೀವನವನ್ನು ಇಷ್ಟು ಅಚ್ಚರಿಯಾಗಿಸುತ್ತದೆ.
ವಸ್ತುಗಳ ಹಿಂದೆ ಓಡುತ್ತೇವೆ, ಮನುಷ್ಯರನ್ನು ಮರೆತುಬಿಡುತ್ತೇವೆ. ಮುಂದೆ ಹೋಗಲು ಇಷ್ಟು ಕಷ್ಟಪಟ್ಟು ಕೆಲಸ ಮಾಡುತ್ತೇವೆ ಪ್ರಯಾಣವನ್ನು ಆಸ್ವಾದಿಸುವುದನ್ನು ಮರೆತುಬಿಡುತ್ತೇವೆ. ಜೀವನವನ್ನು ನಾವು ಸಂಪೂರ್ಣವಾಗಿ ಅರ್ಥಮಾಡಿಕೊಳ್ಳುವುದಿಲ್ಲ, ತಪ್ಪುಗಳನ್ನು ತಪ್ಪಿಸಲು ಯತ್ನಿಸುತ್ತೇವೆ, ಆದರೆ ಆ ತಪ್ಪುಗಳೇ ನಮ್ಮ ಜೀವನವನ್ನು ಸುಂದರವಾಗಿಸುತ್ತವೆ ಎಂಬುದನ್ನು ಮರೆತುಬಿಡುತ್ತೇವೆ.
ಜೀವನ ಅಚ್ಚರಿಯಾಗಿದೆ, ಬಹುಶಃ ಅದೇ ಅದರ ಸೌಂದರ್ಯ. ಜೀವನವನ್ನು ಸಂಪೂರ್ಣವಾಗಿ ಅರ್ಥಮಾಡಿಕೊಳ್ಳುವುದಲ್ಲ, ಪೂರ್ಣವಾಗಿ ಬದುಕುವುದೇ ಅದರ ರಹಸ್ಯ ಎಂದು ಈ ಮಾತುಗಳ ಮೂಲಕ ಹೇಳಬಹುದು. ಜೀವನದ ಸತ್ಯಾಂಶ ಈ ಲೇಖನದ ಮೂಲಕ ನಿಮಗೆ ಹಂಚುವ ಪ್ರಯತ್ನ ಧನ್ಯವಾದಗಳು.
