ಮೆಗಾ ಪವರ್ ಸ್ಟಾರ್ ರಾಮ್ ಚರಣ್ ನಟನೆಯ, ಬಹುನಿರೀಕ್ಷಿತ ಪ್ಯಾನ್ ಇಂಡಿಯಾ ಮೂವಿ ‘ಪೆದ್ದಿ’ (Peddi) ಚಿತ್ರದ ಆಫೀಶಿಯಲ್ ಟ್ರೈಲರ್ ರಿಲೀಸ್ ಆಗಿ ಇಡೀ ಸೋಶಿಯಲ್ ಮೀಡಿಯಾದಲ್ಲಿ ಹೊಸ ಟ್ರೆಂಡ್ ಸೃಷ್ಟಿಸುತ್ತಿದೆ. ಚಿತ್ರದ ಮೇಕಿಂಗ್ ಮತ್ತು ಖದರ್ ಲುಕ್ ನೋಡಿ ಸಿನಿಮಾ ಪ್ರೇಕ್ಷಕರು ಈಗಾಗಲೇ ಫುಲ್ ಹೈಪ್ನಲ್ಲಿದ್ದಾರೆ. ಸಾಮಾನ್ಯ ಅಭಿಮಾನಿಗಳು ಮಾತ್ರವಲ್ಲದೆ ಚಿತ್ರರಂಗದ ಸ್ಟಾರ್ಸ್ ಕೂಡ ಈ ಟ್ರೈಲರ್ ಝಲಕ್ಗೆ ಮನಸೋತಿದ್ದಾರೆ. ಈಗ ಈ ಸಾಲಿಗೆ ಕನ್ನಡದ ಹೆಮ್ಮೆಯ ನಟ-ನಿರ್ದೇಶಕ ರಿಷಬ್ ಶೆಟ್ಟಿ ಸೇರ್ಪಡೆಯಾಗಿದ್ದು, ಚಿತ್ರದ ಟ್ರೈಲರ್ ಅನ್ನು ಮುಕ್ತಕಂಠದಿಂದ ಕೊಂಡಾಡಿದ್ದಾರೆ. "ಪೆದ್ದಿ ಚಿತ್ರದ ಟ್ರೈಲರ್ ಅದ್ಭುತವಾಗಿ ಮೂಡಿಬಂದಿದೆ" ಎಂದು ಇಡೀ ಟೀಮ್ಗೆ ಎಕ್ಸ್ (ಟ್ವಿಟರ್) ಮೂಲಕ ಶುಭ ಹಾರೈಸಿದ್ದಾರೆ.
"ಸ್ಕ್ರೀನ್ ಮೇಲೆ ರಾಮ್ ಚರಣ್ ಎನರ್ಜಿ ಬೆಂಕಿಯಂತಿದೆ!"
ರಿಷಬ್ ಶೆಟ್ಟಿ ತಮ್ಮ ಪೋಸ್ಟ್ನಲ್ಲಿ ರಾಮ್ ಚರಣ್ ಅವರ ಸ್ಕ್ರೀನ್ ಪ್ರೆಸೆನ್ಸ್ ಮತ್ತು ಮಾಸ್ ಅವತಾರವನ್ನು ಪ್ರತ್ಯೇಕವಾಗಿ ಶ್ಲಾಘಿಸಿದ್ದಾರೆ. "ಮೆಗಾ ಪವರ್ ಸ್ಟಾರ್ ರಾಮ್ ಚರಣ್ ಅವರು ಟ್ರೈಲರ್ನ ಪ್ರತಿ ಫ್ರೇಮ್ನಲ್ಲೂ ಖದರ್ ಆಗಿ ಮಿಂಚಿದ್ದಾರೆ. ಅವರ ನಟನೆ ಹಾಗೂ ದೃಶ್ಯಗಳಲ್ಲಿ ಕಾಣಿಸುವ ಎನರ್ಜಿ ಪ್ರೇಕ್ಷಕರಿಗೆ ರೋಮಾಂಚನ ಉಂಟು ಮಾಡುತ್ತದೆ. ಪ್ರತಿ ಸೀನ್ನಲ್ಲೂ ಅವರು ಅಕ್ಷರಶಃ ಬೆಂಕಿಯಂತೆ ಕಾಣಿಸಿಕೊಂಡಿದ್ದಾರೆ" ಎಂದು ರಾಮ್ ಚರಣ್ ಆಕ್ಟಿಂಗ್ ಶೈಲಿಗೆ ಮೆಚ್ಚುಗೆ ಸೂಚಿಸಿದ್ದಾರೆ.
ಶಿವಣ್ಣನ ಭವ್ಯ ಎಂಟ್ರಿ ಹಾಗೂ ಜಾನ್ವಿ ಕಪೂರ್ ಸ್ಪಾರ್ಕ್!
ಬರೀ ನಾಯಕನಷ್ಟೇ ಅಲ್ಲದೆ, ಚಿತ್ರದಲ್ಲಿ ಪ್ರಮುಖ ಪಾತ್ರ ಮಾಡಿರುವ ನಮ್ಮ ಕರುನಾಡ ಚಕ್ರವರ್ತಿ ಸೆಂಚುರಿ ಸ್ಟಾರ್ ಡಾ. ಶಿವರಾಜ್ಕುಮಾರ್ ಅವರ ಲುಕ್ಗೆ ರಿಷಬ್ ಶೆಟ್ಟಿ ಫುಲ್ ಮಾರ್ಕ್ಸ್ ಕೊಟ್ಟಿದ್ದಾರೆ.
ಶಿವಣ್ಣನ ಖದರ್: "ನಮ್ಮ ಪ್ರೀತಿಯ ಶಿವಣ್ಣ ಅವರ ಸ್ಕ್ರೀನ್ ಪ್ರೆಸೆನ್ಸ್ ಈ ಇಡೀ ಸಿನಿಮಾಗೆ ಒಂದು ವಿಭಿನ್ನ ಹಾಗೂ ಭವ್ಯವಾದ ತೂಕವನ್ನು ತಂದುಕೊಟ್ಟಿದೆ. ಇನ್ನು ನಾಯಕಿ ಜಾನ್ವಿ ಕಪೂರ್ ಅವರು ತಮ್ಮ ಗ್ಲಾಮರ್ ಮತ್ತು ರೋಮಾಂಚಕ ನಟನೆಯ ಮೂಲಕ ಚಿತ್ರಕ್ಕೊಂದು ಕ್ಯೂಟ್ ಸ್ಪಾರ್ಕ್ ನೀಡಿದ್ದಾರೆ" ಎಂದು ರಿಷಬ್ ಬರೆದುಕೊಂಡಿದ್ದಾರೆ.
ನಿರ್ದೇಶಕ ಬುಚ್ಚಿ ಬಾಬು ಸನಾ ಹಾಗೂ ತಾಂತ್ರಿಕ ತಂಡಕ್ಕೆ ಹ್ಯಾಟ್ಸಾಫ್
ಚಿತ್ರವನ್ನು ಅತ್ಯಂತ ಅದ್ದೂರಿಯಾಗಿ ತೆರೆಗೆ ತರುತ್ತಿರುವ ನಿರ್ದೇಶಕ ಬುಚ್ಚಿ ಬಾಬು ಸನಾ ಅವರ ಸಿನಿಮ್ಯಾಟಿಕ್ ದೃಷ್ಟಿಕೋನವನ್ನು ರಿಷಬ್ ಶೆಟ್ಟಿ ಕೊಂಡಾಡಿದ್ದಾರೆ. ಚಿತ್ರದ ಪ್ರತಿಯೊಂದು ದೃಶ್ಯವನ್ನು ರಿಚ್ ಆಗಿ ತೋರಿಸಿರುವ ಛಾಯಾಗ್ರಾಹಕ ರತ್ನವೇಲು ಅವರ ಕ್ಯಾಮೆರಾ ವರ್ಕ್ ಅನ್ನು ಶ್ಲಾಘಿಸಿರುವ ಅವರು, ಇಡೀ ತಾಂತ್ರಿಕ ವರ್ಗಕ್ಕೆ ಹಾಗೂ ಮೈತ್ರಿ ಮೂವಿ ಮೇಕರ್ಸ್ ಮತ್ತು ವೃದ್ಧಿ ಸಿನಿಮಾಸ್ ಸಂಸ್ಥೆಗಳಿಗೆ ಸಿನಿಮಾ ದೊಡ್ಡ ಮಟ್ಟದ ಯಶಸ್ಸು ತರಲಿ ಎಂದು ವಿಶ್ ಮಾಡಿದ್ದಾರೆ.
The #Peddi trailer looks spectacular.https://t.co/s7bGrILKpf
Mega Power Star @AlwaysRamCharan is looking stunning, absolute fire in every frame. The screen presence of @NimmaShivanna anna adds such a magnificent layer to the film, while #JanhviKapoor adds a beautiful, vibrant… pic.twitter.com/0XlnokyAbg— Rishab Shetty (@shetty_rishab) May 19, 2026ALSO READ
ಜೂನ್ 4 ರಂದು ಸಿನಿಮಾ ರಿಲೀಸ್: ಏನಿದೆ ಚಿತ್ರದ ಕಥೆ?
ಸದ್ಯ ಸೌತ್ ಸಿನಿ ದುನಿಯಾದಲ್ಲಿ ಭಾರಿ ಸೌಂಡ್ ಮಾಡುತ್ತಿರುವ ‘ಪೆದ್ದಿ’ ಸಿನಿಮಾ ಬರುವ ಜೂನ್ 4 ರಂದು ವಿಶ್ವದಾದ್ಯಂತ ಅದ್ದೂರಿಯಾಗಿ ತೆರೆಗೆ ಬರಲು ಸಜ್ಜಾಗಿದೆ. ಈ ಚಿತ್ರದಲ್ಲಿ ರಾಮ್ ಚರಣ್ ಒಬ್ಬ ಕ್ರಿಕೆಟರ್ ಹಾಗೂ ಆಕ್ರೋಶಭರಿತ ಕುಸ್ತಿ ಪಟುವಾಗಿ ಡ್ಯುಯಲ್ ಶೇಡ್ ಮಾದರಿಯ ಪಾತ್ರದಲ್ಲಿ ಅಬ್ಬರಿಸಲಿದ್ದಾರೆ.
ಇನ್ನು ವಿಶೇಷವಾಗಿ ನಮ್ಮ ಶಿವಣ್ಣ ಈ ಸಿನಿಮಾದಲ್ಲಿ ರಾಮ್ ಚರಣ್ಗೆ ಕುಸ್ತಿ ಪಟ್ಟುಗಳನ್ನು ಹೇಳಿಕೊಡುವ ಖಡಕ್ ಗುರುವಾಗಿ ಕಾಣಿಸಿಕೊಂಡಿರುವುದು ಕನ್ನಡ ಪ್ರೇಕ್ಷಕರಲ್ಲಿ ಕುತೂಹಲ ದುಪ್ಪಟ್ಟು ಮಾಡಿದೆ. ಜಾನ್ಹವಿ ಕಪೂರ್ ನಾಯಕಿಯಾಗಿ ನಟಿಸಿದ್ದರೆ, ಹಿರಿಯ ನಟ ಜಗಪತಿ ಬಾಬು ಪ್ರಮುಖ ಪಾತ್ರದಲ್ಲಿದ್ದಾರೆ. ಮೈತ್ರಿ ಮೂವಿ ಮೇಕರ್ಸ್ ಬ್ಯಾನರ್ ಅಡಿಯಲ್ಲಿ ಮೂಡಿಬರುತ್ತಿರುವ ಈ ಬಿಗ್ ಬಜೆಟ್ ಸಿನಿಮಾಗೆ ರಿಷಬ್ ಶೆಟ್ಟಿ ಅವರ ಈ ಪಾಸಿಟಿವ್ ರಿವ್ಯೂ ಬೆನ್ನಲ್ಲೇ ಕನ್ನಡಿಗರು ಕೂಡ ಕಣ್ಣಿಟ್ಟಿದ್ದಾರೆ.
Comments