ಹೌದು ಇವತ್ತಿನ ಈ ವಿಶೇಷ ಲೇಖನದಲ್ಲಿ ನಾವು ಕ್ರಿಕೆಟ್ ಇತಿಹಾಸದಲ್ಲಿ ನಡೆದಂಥಹ ಕೆಲವು ದಿಗ್ಗಜರ ಕುರಿತು, ಅವರು ಮಾಡಿರುವ ಕೆಲವು ವಿಶಿಷ್ಟ ಮರೆಯದಂತಹ ಸಾಧನೆ ಕುರಿತು ಚರ್ಚೆ ಮಾಡಲಿದ್ದೇವೆ. ಹಾಗೇನೇ ನಿಮಗೆ ಆ ವಿಷಯಗಳ ಕುರಿತು ತಿಳಿಸಲಿದ್ದೇವೆ. ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡುಲ್ಕರ್ ಅವರು ಯಾರಿಗೆ ತಾನೇ ಗೊತ್ತಿಲ್ಲ ಹೇಳಿ, ಪ್ರತಿಯೊಬ್ಬರಿಗೂ ಅವರು ಗೊತ್ತು, ಅವರ ಅದ್ಭುತ ಕ್ರಿಕೆಟ್ ಆಟದ ವೈಖರಿ ಅವರು ಮಾಡಿರುವ ಸಾಧನೆ ಬಗ್ಗೆ ತಿಳಿಯೋಣ.
1. ಸಚಿನ್ ತೆಂಡುಲ್ಕರ್
ಸಚಿನ್ ಅವರ 100 ಅಂತಾರಾಷ್ಟ್ರೀಯ ಶತಕಗಳು ಕ್ರಿಕೆಟ್ ಇತಿಹಾಸದಲ್ಲಿ ಅತಿದೊಡ್ಡ ಸಾಧನೆಯಾಗಿ ರೆಕಾರ್ಡ್ ಗಳಾಗಿ ಉಳಿದಿವೆ. ಟೆಸ್ಟ್ ಮತ್ತು ಒಡಿಐ ಎರಡರಲ್ಲಿ ಈ ಮಟ್ಟದ ಸ್ಥಿರತೆ ಮತ್ತು ದೀರ್ಘಕಾಲದ ಪ್ರದರ್ಶನವನ್ನು ತೋರಿರುವುದು ಅಪರೂಪ. ಇಂದಿನ ವೇಗದ ಕ್ರಿಕೆಟ್ನಲ್ಲಿ ಈ ಸಾಧನೆಯನ್ನು ತಲುಪುವುದು ಬಹುಶಃ ಅಸಾಧ್ಯ.
2. ಮುತ್ತಯ್ಯ ಮುರಳಿಧರನ್
ಇನ್ನೊಬ್ಬ ಮತ್ತೋರ್ವ ದಿಗ್ಗಜ ಕ್ರಿಕೆಟಿಗ ಮುತ್ತಯ್ಯ ಮುರಳಿಧರನ್. ಹೌದು ಇವರ ಸಾಧನೆ ಕೂಡ ಅಪಾರ. ಇವರ 800 ಟೆಸ್ಟ್ ವಿಕೆಟ್ಗಳು ಇನ್ನೊಂದು ಅಚ್ಚರಿಯ ದಾಖಲೆ. ಸ್ಪಿನ್ ಬೌಲಿಂಗ್ನಲ್ಲಿ ಈ ಮಟ್ಟದ ಯಶಸ್ಸು ಸಾಧಿಸುವುದು ಅತ್ಯಂತ ಕಷ್ಟಸಾಧ್ಯ. ಇಂದಿನ ಕ್ರಿಕೆಟ್ನಲ್ಲಿ ಆಟಗಾರರು ಹೆಚ್ಚು ಟಿ೨೦ ಮತ್ತು ಒಡಿಐಗೆ ಒತ್ತು ನೀಡುತ್ತಿರುವುದರಿಂದ, ಟೆಸ್ಟ್ನಲ್ಲಿ ಇಷ್ಟು ವಿಕೆಟ್ಗಳನ್ನು ಪಡೆಯುವುದು ಅಪರೂಪ.
3. ಜಿಮ್ ಲೇಕರ್
ಮತ್ತೋರ್ವ ಜಿಮ್ ಲೇಕರ್ ಕ್ರಿಕೆಟಿಗ 1956ರಲ್ಲಿ 19 ವಿಕೆಟ್ಗಳನ್ನು ಪಡೆದ ದಾಖಲೆ ಇನ್ನೂ ಮುರಿಯಲಾಗಿಲ್ಲ. ಒಂದು ಟೆಸ್ಟ್ ಪಂದ್ಯದಲ್ಲಿ 20 ವಿಕೆಟ್ಗಳ ಪೈಕಿ 19 ಅನ್ನು ಒಬ್ಬ ಬೌಲರ್ ಪಡೆಯುವುದು ಕ್ರಿಕೆಟ್ನಲ್ಲಿನ ಅತಿದೊಡ್ಡ ವೈಯಕ್ತಿಕ ಪ್ರದರ್ಶನಗಳಲ್ಲಿ ಒಂದಾಗಿದೆ. ಇಂತಹ ಸಾಧನೆ ಮತ್ತೆ ಸಂಭವಿಸುವ ಸಾಧ್ಯತೆ ಕಡಿಮೆ.
4. ಡಾನ್ ಬ್ರಾಡ್ಮನ್
ಡಾನ್ ಬ್ರಾಡ್ಮನ್ ಅವರ ಟೆಸ್ಟ್ ಬ್ಯಾಟಿಂಗ್ ಸರಾಸರಿ 99.94 ಕ್ರಿಕೆಟ್ನಲ್ಲಿನ ಶ್ರೇಷ್ಠತೆಯ ಸಂಕೇತವಾಗಿದೆ. ಇಂತಹ ಸ್ಥಿರತೆ, ತೀಕ್ಷ್ಣತೆ ಮತ್ತು ಶ್ರೇಷ್ಠ ಪ್ರದರ್ಶನವನ್ನು ತಲುಪುವುದು ಇಂದಿನ ಸ್ಪರ್ಧಾತ್ಮಕ ಕ್ರಿಕೆಟ್ನಲ್ಲಿ ಬಹುಶಃ ಅಸಾಧ್ಯ. ಈ ದಾಖಲೆ ಕ್ರಿಕೆಟ್ನ ಅದ್ಭುತ ರೆಕಾರ್ಡ್ ಆಗಿಯೇ ಉಳಿದಿದೆ.
