ಐಪಿಎಲ್ ಅಂದ್ರೆ ಬರೀ ಬ್ಯಾಟ್-ಬಾಲ್ ಆಟ ಅಷ್ಟೇ ಅಲ್ಲ, ಅಲ್ಲಿ ಎಮೋಷನ್ಸ್ ಮತ್ತು ಮಜಾ ಕೂಡ ಇರುತ್ತೆ. ಸದ್ಯ 2026ರ ಐಪಿಎಲ್ ಸಖತ್ ರಂಗೇರಿದ್ದು, ಪಂಜಾಬ್ ಕಿಂಗ್ಸ್ ತಂಡ ಈ ಬಾರಿ ಅಕ್ಷರಶಃ ಅಬ್ಬರಿಸುತ್ತಿದೆ. ಆಡಿದ ಆರು ಪಂದ್ಯಗಳಲ್ಲಿ ಐದು ಪಂದ್ಯ ಗೆದ್ದು ಬೀಗುತ್ತಿರುವ ಪಂಜಾಬ್ ತಂಡದ ಆಟಗಾರರು ಈಗ ಮೈದಾನದಲ್ಲಿ ಮಾತ್ರವಲ್ಲ, ಸೋಶಿಯಲ್ ಮೀಡಿಯಾದಲ್ಲೂ ಫುಲ್ ವೈರಲ್ ಆಗುತ್ತಿದ್ದಾರೆ.
ಪಂಜಾಬ್ ಕಿಂಗ್ಸ್ ರನ್ ಮಳೆ
ಭಾನುವಾರ ನಡೆದ ಪಂದ್ಯದಲ್ಲಿ ಮುಲ್ಲನ್ಪುರ ಮೈದಾನದಲ್ಲಿ ಪಂಜಾಬ್ ಕಿಂಗ್ಸ್ ಅಕ್ಷರಶಃ ರನ್ ಬೇಟೆ ನಡೆಸಿತು. ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ಟಾಸ್ ಗೆದ್ದು ಬ್ಯಾಟಿಂಗ್ ಮಾಡಿದ ಪಂಜಾಬ್, 20 ಓವರ್ಗಳಲ್ಲಿ ಬರೋಬ್ಬರಿ 254 ರನ್ ಚಚ್ಚಿತು! ಇದು ಈ ಸೀಸನ್ನಲ್ಲೇ ತಂಡದ ಹೈಯೆಸ್ಟ್ ಸ್ಕೋರ್. ಈ ಬೆಟ್ಟದಂತಹ ಗುರಿ ಬೆನ್ನಟ್ಟಿದ ಲಕ್ನೋ ತಂಡ 200 ರನ್ ಗಳಿಸಲಷ್ಟೇ ಶಕ್ತವಾಯಿತು. ಪಂಜಾಬ್ ತಂಡ ಗೆಲುವಿನ ನಗೆ ಬೀರಿತು.
Look at the happiness of Arshdeep Singh after receiving a warm hug from Preity Zinta following PBKS’s win vs LSG. 😄
— Sonu (@Cricket_live247) April 20, 2026
Mohammed Shami is still waiting for his chance. 😭 pic.twitter.com/mgGI9YyRCl
ಪ್ರೀತಿ ಜಿಂಟಾ ಹಗ್ ಮತ್ತು ವೈರಲ್ ವಿಡಿಯೋ
ಪಂದ್ಯ ಮುಗಿದ ಮೇಲೆ ಅಸಲಿ ಮಜಾ ಶುರುವಾಗಿದ್ದು. ಪಂಜಾಬ್ ಕಿಂಗ್ಸ್ ತಂಡದ ಸಹ-ಮಾಲೀಕಿ, ಬಾಲಿವುಡ್ನ ಕ್ಯೂಟ್ ನಟಿ ಪ್ರೀತಿ ಜಿಂಟಾ ಮೈದಾನಕ್ಕೆ ಬಂದು ಆಟಗಾರರನ್ನು ಅಭಿನಂದಿಸಿದರು. ಈ ವೇಳೆ ಅವರು ತಂಡದ ಸ್ಟಾರ್ ಬೌಲರ್ ಅರ್ಶ್ದೀಪ್ ಸಿಂಗ್ ಅವರನ್ನು ಅಪ್ಪಿಕೊಂಡು (Hug) ವಿಶ್ ಮಾಡಿದರು.
ತಮ್ಮ ನೆಚ್ಚಿನ ಬಾಲಿವುಡ್ ನಟಿ ಹಾಗೂ ತಂಡದ ಮಾಲೀಕಿ ಅಪ್ಪಿಕೊಂಡಿದ್ದಕ್ಕೆ ಅರ್ಶ್ದೀಪ್ ಸಿಂಗ್ ಖುಷಿಗೆ ಪಾರವೇ ಇರಲಿಲ್ಲ! ಅವರು ಅಲ್ಲೇ ಕುಣಿದು ಕುಪ್ಪಳಿಸಿದ್ದಾರೆ. ಈ ವಿಡಿಯೋ ಈಗ ಇಂಟರ್ನೆಟ್ನಲ್ಲಿ ಬೆಂಕಿ ಹಚ್ಚಿದೆ.
ಮೊಹಮ್ಮದ್ ಶಮಿ ರಿಯಾಕ್ಷನ್ ಸಖತ್ ಗುರು
ಅರ್ಶ್ದೀಪ್ ಪಕ್ಕದಲ್ಲೇ ನಿಂತಿದ್ದ ಲಕ್ನೋ ತಂಡದ ವೇಗಿ ಮೊಹಮ್ಮದ್ ಶಮಿ, ಇದೆಲ್ಲವನ್ನೂ ನೋಡಿ ಮಂದಹಾಸ ಬೀರಿದ್ದಾರೆ. ಶಮಿ ಅವರ ಆ ನಗು ನೋಡಿದ ನೆಟ್ಟಿಗರು, "ಅಯ್ಯೋ ಪಾಪ, ಶಮಿಗೆ ಸ್ವಲ್ಪ ಹೊಟ್ಟೆ ಉರಿ ಆದಂತಿದೆ" ಅಂತ ತಮಾಷೆಯಾಗಿ ಕಾಮೆಂಟ್ ಮಾಡುತ್ತಿದ್ದಾರೆ. ಗೆದ್ದ ತಂಡಕ್ಕೆ ಸಿಗುವ ಈ ಪ್ರೀತಿ ನೋಡಿ ಶಮಿ ಕೂಡ ಖುಷಿಯಿಂದಲೇ ನಕ್ಕಿದ್ದಾರೆ.
ಪ್ರೀತಿ ಜಿಂಟಾ ಅವರ ನಮ್ರತೆಗೆ ಫ್ಯಾನ್ಸ್ ಫಿದಾ
ಯಾವಾಗಲೂ ತನ್ನ ತಂಡವನ್ನು ಹುರಿದುಂಬಿಸಲು ಸ್ಟೇಡಿಯಂಗೆ ಬರುವ ಪ್ರೀತಿ ಜಿಂಟಾ, ಪ್ರತಿಯೊಬ್ಬ ಆಟಗಾರನ ಜೊತೆ ತುಂಬಾ ಆತ್ಮೀಯವಾಗಿ ಇರುತ್ತಾರೆ. ಅವರ ಈ ನಮ್ರತೆ ಮತ್ತು ಸಪೋರ್ಟ್ ನೋಡಿ ಕ್ರಿಕೆಟ್ ಅಭಿಮಾನಿಗಳು ಫುಲ್ ಫಿದಾ ಆಗಿದ್ದಾರೆ.
ಸದ್ಯಕ್ಕೆ ಈ ವಿಡಿಯೋ ಟ್ವಿಟರ್ (X) ಮತ್ತು ಇನ್ಸ್ಟಾಗ್ರಾಮ್ನಲ್ಲಿ ಟ್ರೆಂಡಿಂಗ್ನಲ್ಲಿದೆ. "ಅರ್ಶ್ದೀಪ್ ನಸೀಬೆ ನಸೀಬು", "ಪ್ರೀತಿ ಜಿಂಟಾ ಅವರ ಸಪೋರ್ಟ್ ಪಂಜಾಬ್ ತಂಡದ ಗೆಲುವಿಗೆ ಕಾರಣ" ಅಂತೆಲ್ಲಾ ಜನರು ಮೆಚ್ಚುಗೆ ಸೂಚಿಸುತ್ತಿದ್ದಾರೆ.
