ಐಪಿಎಲ್ ಅಂದ್ಮೇಲೆ ಅಲ್ಲಿ ಲೆಕ್ಕಾಚಾರಗಳು ಕ್ಷಣ ಕ್ಷಣಕ್ಕೂ ಬದಲಾಗುತ್ತವೆ. ಗುಜರಾತ್ ಟೈಟಾನ್ಸ್ (GT) ವಿರುದ್ಧ ಆರ್ಸಿಬಿ ಭರ್ಜರಿ ಜಯ ಸಾಧಿಸಿದ ಮೇಲೆ ಈಗ ಪ್ಲೇ-ಆಫ್ ರೇಸ್ ಸಖತ್ ಇಂಟರೆಸ್ಟಿಂಗ್ ಆಗಿದೆ. ಸದ್ಯಕ್ಕೆ 34 ಪಂದ್ಯಗಳು ಮುಗಿದಿದ್ದು, ಅರ್ಧಕ್ಕಿಂತ ಹೆಚ್ಚು ಟೀಮ್ಗಳ ಪರಿಸ್ಥಿತಿ ಅಯೋಮಯವಾಗಿದೆ. ನಿಮ್ಮ ಫೇವರೆಟ್ ಟೀಮ್ ಪ್ಲೇ-ಆಫ್ ತಲುಪೋಕೆ ಎಷ್ಟು ಪರ್ಸೆಂಟ್ ಚಾನ್ಸ್ ಇದೆ? ಇಲ್ಲಿದೆ ಫುಲ್ ಡಿಟೇಲ್ಸ್!
1. ಪಂಜಾಬ್ ಕಿಂಗ್ಸ್ (PBKS): ಪ್ಲೇ-ಆಫ್ ಚಾನ್ಸ್ - 90%
ಪಂಜಾಬ್ ಈ ಸಲಿ ಫುಲ್ ಫಾರ್ಮ್ನಲ್ಲಿದೆ! ಆಡಿದ 6 ಪಂದ್ಯಗಳಲ್ಲಿ 11 ಪಾಯಿಂಟ್ಸ್ ತಗೊಂಡು ಟೇಬಲ್ ಟಾಪ್ನಲ್ಲಿ ಕೂತಿದ್ದಾರೆ. ಇವರ ನೆಟ್ ರನ್ ರೇಟ್ (+1.420) ಕೂಡ ಸಖತ್ ಆಗಿದೆ. ಇವತ್ತು ಡೆಲ್ಲಿ ವಿರುದ್ಧ ಗೆದ್ದರೆ ಇವರ ಪ್ಲೇ-ಆಫ್ ಸೀಟು ಆಲ್ಮೋಸ್ಟ್ ಕನ್ಫರ್ಮ್. ಈ ಸಲಿ ಪಂಜಾಬ್ ಟ್ರೋಫಿ ಮೇಲೆ ಕಣ್ಣಿಟ್ಟಿರೋದು ಗ್ಯಾರಂಟಿ.
2. ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB): ಪ್ಲೇ-ಆಫ್ ಚಾನ್ಸ್ - 80% (UP 12%)
ನಮ್ಮ ಆರ್ಸಿಬಿ ಅಂದ್ರೆ ಸುಮ್ನೇನಾ? ಜಿಟಿ ವಿರುದ್ಧದ ಭರ್ಜರಿ ಗೆಲುವು ಆರ್ಸಿಬಿಯ ಪ್ಲೇ-ಆಫ್ ಚಾನ್ಸ್ನ್ನ ಒಂದೇ ರಾತ್ರಿಯಲ್ಲಿ 12% ಹೆಚ್ಚಿಸಿದೆ. ಸದ್ಯ 10 ಪಾಯಿಂಟ್ಸ್ ಜೊತೆ ಎರಡನೇ ಸ್ಥಾನದಲ್ಲಿರೋ ಕಿಂಗ್ ಕೊಹ್ಲಿ ಪಡೆ ಫುಲ್ ಜೋಶ್ನಲ್ಲಿದೆ. ವಿರಾಟ್ ಕೊಹ್ಲಿ ಅಬ್ಬರದ 81 ರನ್ ಮತ್ತು ಪಡಿಕ್ಕಲ್ ಪಟಾಕಿ ಬ್ಯಾಟಿಂಗ್ ನೋಡಿದ್ರೆ, ಈ ಬಾರಿ ಕಪ್ ನಮ್ದೇ ಅನ್ನೋ ಭರವಸೆ ಹೆಚ್ಚಿದೆ!
3. ರಾಜಸ್ಥಾನ್ ರಾಯಲ್ಸ್ (RR): ಪ್ಲೇ-ಆಫ್ ಚಾನ್ಸ್ - 78%
ರಾಜಸ್ಥಾನ್ ಕೂಡ ಲೇಟೆಸ್ಟ್ ರೇಸ್ನಲ್ಲಿ ಸ್ಟ್ರಾಂಗ್ ಆಗಿದೆ. 7 ಪಂದ್ಯಗಳಿಂದ 10 ಪಾಯಿಂಟ್ಸ್ ತಗೊಂಡಿರೋ ಆರ್ಆರ್, ರನ್ ರೇಟ್ ಆಧಾರದಲ್ಲಿ ಮೂರನೇ ಜಾಗದಲ್ಲಿದೆ. ಜಡೇಜಾ ಮತ್ತು ಜೋಫ್ರಾ ಆರ್ಚರ್ ಫಾರ್ಮ್ ತಂಡಕ್ಕೆ ದೊಡ್ಡ ಶಕ್ತಿ. ಇವರು ಸೇಫ್ ಜೋನ್ನಲ್ಲಿದ್ದಾರೆ.
4. ಸನ್ ರೈಸರ್ಸ್ ಹೈದರಾಬಾದ್ (SRH): ಪ್ಲೇ-ಆಫ್ ಚಾನ್ಸ್ - 55%
ಹೈದರಾಬಾದ್ ತಂಡದ ಪರಿಸ್ಥಿತಿ ಈಗ 'ಅತ್ತ ಇತ್ತ' ಎನ್ನುವಂತಿದೆ. 7ರಲ್ಲಿ 4 ಗೆಲುವು ಸಾಧಿಸಿ ನಾಲ್ಕನೇ ಜಾಗದಲ್ಲಿದ್ದರೂ, ಅವರ ಆಟದಲ್ಲಿ ಸ್ಥಿರತೆ ಇಲ್ಲ. ಅಬಿಷೇಕ್ ಶರ್ಮಾ ಮತ್ತು ಕ್ಲಾಸೆನ್ ಅಬ್ಬರಿಸಿದ್ರೆ ಮಾತ್ರ ಇವರು ನಾಕೌಟ್ ಹಂತ ತಲುಪೋಕೆ ಸಾಧ್ಯ. ಮುಂದಿನ 3 ಪಂದ್ಯಗಳು ಇವರಿಗೆ ಫೈನಲ್ ಇದ್ದಂತೆ.
5. ಡೆಲ್ಲಿ ಕ್ಯಾಪಿಟಲ್ಸ್ (DC): ಪ್ಲೇ-ಆಫ್ ಚಾನ್ಸ್ - 35%
ಡೆಲ್ಲಿಗೆ ಇನ್ನೂ ಒಂದು ಪಂದ್ಯ ಬಾಕಿ ಇರೋದು ಪ್ಲಸ್ ಪಾಯಿಂಟ್. ಆದ್ರೆ ಅವರ ರನ್ ರೇಟ್ ಮೈನಸ್ನಲ್ಲಿದೆ. ಇವತ್ತು ಪಂಜಾಬ್ ವಿರುದ್ಧ ಗೆದ್ದರೆ ಮಾತ್ರ ಇವರ ಆಸೆ ಜೀವಂತವಾಗಿರುತ್ತೆ. ಸೋತರೆ ಮಾತ್ರ ಪ್ಲೇ-ಆಫ್ ಕನಸು ಕಷ್ಟವಾಗಬಹುದು.
ಕಷ್ಟದಲ್ಲಿರೋ ದೊಡ್ಡ ಟೀಮ್ಗಳು:
ಚೆನ್ನೈ ಸೂಪರ್ ಕಿಂಗ್ಸ್ (CSK): ಪ್ಲೇ-ಆಫ್ ಚಾನ್ಸ್ - 25% (UP 11%)
ಮುಂಬೈ ಇಂಡಿಯನ್ಸ್ ಕಳಪೆ ಆಟದಿಂದ ಸಿಎಸ್ಕೆಗೆ ಸ್ವಲ್ಪ ಲಾಭವಾಗಿದೆ. ಆದ್ರೂ 7ರಲ್ಲಿ ಕೇವಲ 3 ಗೆಲುವು ಅಷ್ಟೇ ಸಾಲದು. ಅನ್ಶುಲ್ ಕಾಂಬೋಜ್ ವಿಕೆಟ್ ತಗೊಳ್ತಿದ್ದರೂ, ಬ್ಯಾಟಿಂಗ್ ವಿಭಾಗದಲ್ಲಿ ರುತುರಾಜ್ ಸೇನೆ ಇನ್ನಷ್ಟು ಅಬ್ಬರಿಸಬೇಕಿದೆ.
ಗುಜರಾತ್ ಟೈಟಾನ್ಸ್ (GT): ಪ್ಲೇ-ಆಫ್ ಚಾನ್ಸ್ - 20% (DOWN 13%)
ಆರ್ಸಿಬಿ ವಿರುದ್ಧದ ಸೋಲು ಶುಭಮನ್ ಗಿಲ್ ತಂಡಕ್ಕೆ ದೊಡ್ಡ ಏಟು ಕೊಟ್ಟಿದೆ. ಸಾಯಿ ಸುದರ್ಶನ್ ಸೆಂಚುರಿ ಹೊಡೆದರೂ, ಬೌಲರ್ಗಳು ರನ್ ಬಿಟ್ಟುಕೊಟ್ಟು ಮಕಾಡೆ ಮಲಗಿದ್ದಾರೆ. ಈಗ ಇವರಿಗೆ ಟೈಮ್ ಫುಲ್ ಕಮ್ಮಿ ಇದೆ.
ಮುಂಬೈ ಇಂಡಿಯನ್ಸ್ (MI): ಪ್ಲೇ-ಆಫ್ ಚಾನ್ಸ್ - 7% (DOWN 10%)
ಹಾರ್ದಿಕ್ ಪಾಂಡ್ಯ ನೇತೃತ್ವದ ಮುಂಬೈ ತಂಡಕ್ಕೆ ಈ ಸಲಿ ಅದೃಷ್ಟ ಇಲ್ಲದಂತಿದೆ. 7ರಲ್ಲಿ ಕೇವಲ 2 ಗೆಲುವು! ಇನ್ಮುಂದೆ ಪ್ರತಿಯೊಂದು ಪಂದ್ಯವೂ ಇವರಿಗೆ 'ಡು ಆರ್ ಡೈ'. ಒಂದು ಸೋತರೂ ಇವರು ಲೀಗ್ನಿಂದ ಹೊರಬೀಳೋದು ಗ್ಯಾರಂಟಿ.
ಲಕ್ನೋ ಸೂಪರ್ ಜೈಂಟ್ಸ್ (LSG): ಪ್ಲೇ-ಆಫ್ ಚಾನ್ಸ್ - 5%
ಲಕ್ನೋ ಕಥೆ ಮುಗಿದೇ ಹೋಯ್ತು ಅನ್ಸುತ್ತೆ. ಸಾಲು ಸಾಲು ಸೋಲುಗಳಿಂದ ರಿಷಬ್ ಪಂತ್ ಸಖತ್ ಬೇಸರದಲ್ಲಿದ್ದಾರೆ. ಮ್ಯಾಥಮೆಟಿಕಲ್ ಆಗಿ ಚಾನ್ಸ್ ಇದ್ರೂ, ಪ್ರಾಕ್ಟಿಕಲ್ ಆಗಿ ಇವರು ಮೇಲೆ ಬರೋದು ಆಲ್ಮೋಸ್ಟ್ ಇಂಪಾಸಿಬಲ್.
ಕೋಲ್ಕತ್ತಾ ನೈಟ್ ರೈಡರ್ಸ್ (KKR): ಪ್ಲೇ-ಆಫ್ ಚಾನ್ಸ್ - 3%
ಡಿಫೆಂಡಿಂಗ್ ಚಾಂಪಿಯನ್ಸ್ಗೆ ಏನಾಯ್ತೋ ಗೊತ್ತಿಲ್ಲ! 7ರಲ್ಲಿ ಕೇವಲ ಒಂದು ಗೆಲುವು ಅಂದ್ರೆ ನಂಬೋಕೆ ಆಗ್ತಿಲ್ಲ. ಕೆಕೆಆರ್ ಕಥೆ ಈ ಸೀಸನ್ನಲ್ಲಿ ಮುಕ್ತಾಯವಾದಂತೆ ಕಾಣ್ತಿದೆ. ಸದ್ಯಕ್ಕೆ ಪಂಜಾಬ್ ಮತ್ತು ಆರ್ಸಿಬಿ ಫುಲ್ ಜೋಶ್ನಲ್ಲಿ ಪ್ಲೇ-ಆಫ್ ಕಡೆ ಓಡ್ತಿದ್ದಾರೆ. ಆದ್ರೆ ಐಪಿಎಲ್ ಅಂದ್ಮೇಲೆ ಕೊನೆಯ ಓವರ್ ವರೆಗೂ ಏನೂ ಹೇಳೋಕೆ ಆಗಲ್ಲ!
