ಮನುಷ್ಯನ ಸಂಶಯ ಎಂಬ ಕ್ರೂರ ಬುದ್ಧಿ ಎಷ್ಟು ಭೀಕರವಾಗಿರುತ್ತೆ ಅನ್ನೋದಕ್ಕೆ ಕೇರಳದ ಪೊನ್ನಾನಿಯಲ್ಲಿ ನಡೆದ ಈ ಘಟನೆಯೇ ಸಾಕ್ಷಿ. ಪ್ರೀತಿಯಿಂದ ಬಾಳಬೇಕಿದ್ದ ಜೋಡಿಗಳ ಮಧ್ಯೆ ಸಂಶಯದ ಕಿಡಿ ಹೊತ್ತಿಕೊಂಡರೆ ಅದು ಯಾವ ಹಂತಕ್ಕೆ ಹೋಗುತ್ತೆ ಅನ್ನೋದನ್ನ ಕೇಳಿದ್ರೆ ಕಣ್ಣೀರು ಬರುತ್ತೆ.
ನಡೆದಿದ್ದೇನು?
ಕಳೆದ ಬುಧವಾರ ಬೆಳ್ಳಂಬೆಳಗ್ಗೆ ಪೊನ್ನಾನಿ ಹಾರ್ಬರ್ ಬಳಿ ಜನ ಓಡಾಡುತ್ತಿರುವಾಗ ಒಂದು ಯುವತಿಯ ಶವ ಕಂಡುಬಂದಿದೆ. ಆಕೆ ಬೇರಾರೂ ಅಲ್ಲ, ಸ್ಥಳೀಯ ನಿವಾಸಿ 22 ವರ್ಷದ ಫಾತಿಮಾ. ಹಾರ್ಬರ್ ಅಂತಹ ಜಾಗದಲ್ಲಿ ಫಾತಿಮಾ ಶವವಾಗಿ ಬಿದ್ದಿರೋದು ನೋಡಿದ ಪೊಲೀಸರಿಗೆ ತಕ್ಷಣವೇ ಇದು ಕೊಲೆ ಇರಬಹುದು ಎಂಬ ಅನುಮಾನ ಕಾಡಿದೆ. ಸದ್ದಿಲ್ಲದೆ ತನಿಖೆ ಆರಂಭಿಸಿದ ಪೊಲೀಸರಿಗೆ ಮೊದಲೇ ಶಾಕ್ ಕಾದಿತ್ತು!
ರೈಲ್ವೆ ಹಳಿ ಬಳಿ ಹೈವೋಲ್ಟೇಜ್ ಡ್ರಾಮಾ!
ಫಾತಿಮಾ ಸಾ*ವನ್ನಪ್ಪಿದ ಸುದ್ದಿ ತಿಳಿಯುತ್ತಿದ್ದಂತೆ ಆಕೆಯ ಪತಿ ಮುಹಮ್ಮದ್ (23) ನಾಪತ್ತೆಯಾಗಿದ್ದ. ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾಗ ಆತ ಪರಪ್ಪನಂಗಡಿ ರೈಲ್ವೆ ಹಳಿ ಬಳಿ ಇರೋದು ಗೊತ್ತಾಯ್ತು. ಪೊಲೀಸರು ಅಲ್ಲಿಗೆ ತಲುಪಿದಾಗ ಮುಹಮ್ಮದ್ ರೈಲಿಗೆ ಅಡ್ಡಬಿದ್ದು ಜೀವ ಕಳೆದುಕೊಳ್ಳಲು ಮುಂದಾಗಿದ್ದ. ಆದರೆ ಚಾಣಾಕ್ಷ ಪೊಲೀಸರು ಆತ ಹಳಿ ಮೇಲೆ ಜಿಗಿಯುವ ಮುನ್ನವೇ ಹಿಡಿದು ಕಸ್ಟಡಿಗೆ ತಗೊಂಡಿದ್ದಾರೆ.
Police have taken a 23-year-old man into custody in connection with the death of his wife, whose body was found near Ponnani Harbour on Wednesday morning.
— Hate Detector 🔍 (@HateDetectors) April 30, 2026
Muhammed, husband of Fathima (22), a native of Ponnani, was detained from a railway track nearby in Parappanangadi.
Police… pic.twitter.com/VqxRBnbTCM
ಕೊ*ಲೆಗೆ ಕಾರಣ ಸಂಶಯ ಮತ್ತು ಮಾದಕ ವ್ಯಸನ?
ಬಂಧಿತ ಮುಹಮ್ಮದ್ನನ್ನು ವಿಚಾರಣೆ ಮಾಡಿದಾಗ ಸ್ಫೋಟಕ ಮಾಹಿತಿ ಹೊರಬಿದ್ದಿದೆ. ಹೆಂಡತಿಯ ಮೇಲೆ ಸಂಶಯ ಪಡುತ್ತಿದ್ದ ಮುಹಮ್ಮದ್, ಅಂದು ರಾತ್ರಿ ಗಲಾಟೆ ಮಾಡಿಕೊಂಡಿದ್ದಾನೆ. ಜಗಳ ಜೋರಾದಾಗ ಆಕೆಯ ಕತ್ತು ಹಿಸುಕಿ ಸಾಯಿಸಿದ್ದಾನೆ ಎಂಬ ಬಲವಾದ ಶಂಕೆ ಇದೆ.
ಈ ಪ್ರಕರಣದ ಕರಾಳ ಮುಖಗಳು:
ಸಂಶಯದ ದೃಷ್ಠಿ: ಸಣ್ಣ ವಿಷಯಕ್ಕೆ ಶುರುವಾದ ಸಂಶಯ ಕೊಲೆಯಲ್ಲಿ ಅಂತ್ಯವಾಗಿದೆ.
ಮಾದಕ ವಸ್ತು: ಆರೋಪಿ ಮುಹಮ್ಮದ್ಗೆ ಮಾದಕ ವಸ್ತುಗಳ ವ್ಯಸನ ಇತ್ತು ಎನ್ನಲಾಗುತ್ತಿದೆ. ಅಮಲಿನಲ್ಲಿ ಏನು ಮಾಡುತ್ತಿದ್ದೇನೆ ಎಂಬ ಅರಿವಿಲ್ಲದೆ ಈ ಕೃತ್ಯ ಎಸಗಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ.
ಯುವತಿಯ ಸಾವು: ಕೇವಲ 22 ವರ್ಷಕ್ಕೆ ಫಾತಿಮಾ ಜೀವನ ಅಂತ್ಯವಾಗಿದೆ.
ಸದ್ಯಕ್ಕೆ ಆರೋಪಿ ಮುಹಮ್ಮದ್ ಪೊಲೀಸರ ಅತಿಥಿಯಾಗಿದ್ದಾನೆ. "ಆತನಿಗೆ ಡ್ರಗ್ಸ್ ಅಭ್ಯಾಸ ಇತ್ತು ಅನ್ನೋದು ಪ್ರಾಥಮಿಕ ಮಾಹಿತಿಯಿಂದ ಗೊತ್ತಾಗಿದೆ. ಆದರೆ ಕೊಲೆಗೆ ನಿಖರವಾದ ಕಾರಣವೇನು? ಆವತ್ತು ರಾತ್ರಿ ಅಸಲಿಗೆ ನಡೆದಿದ್ದೇನು? ಅನ್ನೋದು ಫುಲ್ ವಿಚಾರಣೆ ಆದ ಮೇಲೆ ಗೊತ್ತಾಗಲಿದೆ" ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
