ಕರ್ನಾಟಕ ಕಾಂಗ್ರೆಸ್ನಲ್ಲಿ ಸದ್ಯಕ್ಕೆ ನಾಯಕತ್ವ ಬದಲಾವಣೆ ಆಗುತ್ತಾ ಇಲ್ವಾ ಅನ್ನೋ ಹೈಡ್ರಾಮಾ ಜೋರಾಗಿದೆ! ಮಂಗಳವಾರ ದೆಹಲಿಯಲ್ಲಿ ಹೈಕಮಾಂಡ್ ಜೊತೆ ಸರಣಿ ಸಭೆ ಮುಗಿಸಿಕೊಂಡು ಬಂದಿರೋ ಸಿಎಂ ಸಿದ್ದರಾಮಯ್ಯ, ಈಗ ಬೆಂಗಳೂರಿನಲ್ಲಿ ಫುಲ್ ಆಕ್ಟಿವ್ ಆಗಿದ್ದಾರೆ. ಬುಧವಾರವೇ ತಮ್ಮ ಬೆಂಬಲಿಗ ಶಾಸಕರ ತುರ್ತು ಸಭೆ ಕರೆದಿದ್ದು, ರಾಜ್ಯ ರಾಜಕೀಯದಲ್ಲಿ ಸಂಚಲನ ಸೃಷ್ಟಿಸಿದೆ.
ಕೆ.ಜೆ.ಜಾರ್ಜ್ ಮನೆಯಲ್ಲಿ ಸೀಕ್ರೆಟ್ ಮೀಟಿಂಗ್!
ಇಂಧನ ಸಚಿವ ಕೆ.ಜೆ.ಜಾರ್ಜ್ ಅವರ ನಿವಾಸದಲ್ಲಿ ಈ ಮಹತ್ವದ ಸಭೆ ನಡಿತಾ ಇದೆ. ದೆಹಲಿಯಲ್ಲಿ ಏನಾಯ್ತು? ಹೈಕಮಾಂಡ್ ತಮಗೆ ಏನು ಸೂಚನೆ ಕೊಟ್ಟಿದೆ? ಅನ್ನೋದನ್ನ ಸಿದ್ದರಾಮಯ್ಯ ಅವರು ತಮ್ಮ ಆಪ್ತ ಶಾಸಕರು ಮತ್ತು ಸಚಿವರ ಜೊತೆ ಹಂಚಿಕೊಳ್ಳಲಿದ್ದಾರೆ ಎನ್ನಲಾಗಿದೆ. ಸಿಎಂ ಸ್ಥಾನಕ್ಕೆ ಕುತ್ತು ಬಂದ್ರೆ ತಾವೆಲ್ಲ ಒಟ್ಟಾಗಿ ನಿಲ್ಲಬೇಕು ಅನ್ನೋ ಮೆಸೇಜ್ ಪಾಸ್ ಮಾಡೋಕೆ ಹಾಗೂ ಹೈಕಮಾಂಡ್ಗೆ ತಮ್ಮ ಶಕ್ತಿ ತೋರಿಸೋಕೆ ಸಿದ್ದರಾಮಯ್ಯ ಈ ಪ್ಲಾನ್ ಮಾಡಿದ್ದಾರೆ ಅಂತ ರಾಜಕೀಯ ವಲಯದಲ್ಲಿ ಟಾಕ್ ನಡಿತಿದೆ.
ದೆಹಲಿಯಲ್ಲಿ ನಡೆದಿದ್ದೇನು?
ಮಂಗಳವಾರ ದೆಹಲಿಯಲ್ಲಿ ರಾಹುಲ್ ಗಾಂಧಿ, ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ, ಕೆ.ಸಿ.ವೇಣುಗೋಪಾಲ್ ಹಾಗೂ ರಾಜ್ಯ ಉಸ್ತುವಾರಿ ರಂದೀಪ್ ಸುರ್ಜೇವಾಲಾ ಅವರ ಸಮ್ಮುಖದಲ್ಲಿ ಹೈವೋಲ್ಟೇಜ್ ಸಭೆ ನಡೆದಿತ್ತು. ಸಿಎಂ ಸಿದ್ದರಾಮಯ್ಯ ಮತ್ತು ಡಿಸಿಎಂ ಡಿ.ಕೆ.ಶಿವಕುಮಾರ್ ಅವರನ್ನು ಪ್ರತ್ಯೇಕವಾಗಿ ಕರೆದು ಹೈಕಮಾಂಡ್ ನಾಯಕರು ಮಾತನಾಡಿಸಿದ್ದಾರೆ. ಇದಾದ್ಮೇಲೆ ರಾಹುಲ್ ಮತ್ತು ವೇಣುಗೋಪಾಲ್ ಅವರು ಸೋನಿಯಾ ಗಾಂಧಿ ಅವರಿಗೂ ಈ ಸಭೆಯ ರಿಪೋರ್ಟ್ ಕೊಟ್ಟಿದ್ದಾರೆ.
ಒಳಗಿನ ಮೂಲಗಳ ಪ್ರಕಾರ, ರಾಹುಲ್ ಗಾಂಧಿ ಅವರು ಸಿದ್ದರಾಮಯ್ಯ ಅವರಿಗೆ "ನೀವು ದೆಹಲಿ ಮಟ್ಟದಲ್ಲಿ ದೊಡ್ಡ ಜವಾಬ್ದಾರಿ ತಗೊಳ್ಳಿ, ಸಿಎಂ ಸೀಟನ್ನು ಬಿಟ್ಟುಕೊಡಿ" ಅಂತ ಸಣ್ಣದಾಗಿ ಸಲಹೆ ನೀಡಿದ್ದಾರೆ ಎನ್ನಲಾಗ್ತಿದೆ. ಆದರೆ ಈ ವಿಷಯವನ್ನ ಕಾಂಗ್ರೆಸ್ ಅಧಿಕೃತವಾಗಿ ಒಪ್ಪಿಕೊಂಡಿಲ್ಲ.
"ಅದೆಲ್ಲ ಕೇವಲ ಊಹಾಪೋಹ" ಎಂದ ನಾಯಕರು
ಸಭೆ ಮುಗಿಸಿ ಹೊರಬಂದ ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಕೆ.ಸಿ. ವೆಣುಗೋಪಾಲ್ ಮಾಧ್ಯಮಗಳಿಗೆ ಖಡಕ್ ಆಗಿ ಪ್ರತಿಕ್ರಿಯಿಸಿದ್ದಾರೆ. "ಟಿವಿಗಳಲ್ಲಿ ಬರ್ತಿರೋದೆಲ್ಲ ಬರೀ ಸುಳ್ಳು. ಸಿಎಂ ಬದಲಾವಣೆ ಬಗ್ಗೆ ಯಾವುದೇ ಚರ್ಚೆ ಆಗಿಲ್ಲ. ಬರುವ ರಾಜ್ಯಸಭೆ ಹಾಗೂ ವಿಧಾನಪರಿಷತ್ ಚುನಾವಣೆಯ ಕ್ಯಾಂಡಿಡೇಟ್ಗಳ ಆಯ್ಕೆ ಬಗ್ಗೆ ಮಾತ್ರ ಮಾತನಾಡಿದ್ದೇವೆ" ಅಂದಿದ್ದಾರೆ.
ಸಿಎಂ ಸಿದ್ದರಾಮಯ್ಯ ಕೂಡ ಮಾಧ್ಯಮಗಳ ಮುಂದೆ ಬಂದು, "ನಾಯಕತ್ವ ಬದಲಾವಣೆ ಅನ್ನೋದು ಕೇವಲ ಊಹಾಪೋಹ. ಕ್ಯಾಬಿನೆಟ್ ರಿಸಫ್ಲಿಂಗ್ (ಸಚಿವ ಸಂಪುಟ ಪುನರ್ರಚನೆ) ಬಗ್ಗೆಯೂ ಯಾವುದೇ ಚರ್ಚೆ ಆಗಿಲ್ಲ" ಅಂತ ಮ್ಯಾಟರ್ ಕ್ಲೋಸ್ ಮಾಡೋಕೆ ನೋಡಿದ್ದಾರೆ.
ರಾಜ್ಯಸಭೆ ಇಲೆಕ್ಷನ್ ಲೆಕ್ಕಾಚಾರ ಹೇಗಿದೆ?
ಕರ್ನಾಟಕದಲ್ಲಿ ಸದ್ಯಕ್ಕೆ ನಾಲ್ಕು ರಾಜ್ಯಸಭಾ ಸೀಟ್ಗಳು ಖಾಲಿಯಾಗ್ತಿವೆ. ಇದರಲ್ಲಿ ಕಾಂಗ್ರೆಸ್ ಮೂರು ಕಡೆ ಸುಲಭವಾಗಿ ಗೆಲ್ಲಬಹುದು, ಬಿಜೆಪಿ ಒಂದು ಸ್ಥಾನ ತಗೊಳ್ಳಬಹುದು.
- ಮಲ್ಲಿಕಾರ್ಜುನ ಖರ್ಗೆ ಅವರ ಅವಧಿ ಮುಗಿಯುತ್ತಿರುವುದರಿಂದ ಅವ್ರೇ ಮತ್ತೊಮ್ಮೆ ಸ್ಪರ್ಧಿಸುವ ಸಾಧ್ಯತೆ ಇದೆ.
- ಡಿ.ಕೆ.ಶಿವಕುಮಾರ್ ಅವರ ಬ್ರದರ್ ಡಿ.ಕೆ.ಸುರೇಶ್ ಅವರ ಹೆಸರೂ ರೇಸ್ನಲ್ಲಿದೆ.
- ಹೈಕಮಾಂಡ್ ಈ ಬಾರಿ ಯಾರಾದ್ರೂ ಮಹಿಳಾ ಲೀಡರ್ ಅಥವಾ ಒಬಿಸಿ (ಹಿಂದುಳಿದ ವರ್ಗದ) ಮುಖಕ್ಕೆ ಮಣೆ ಹಾಕಿದ್ರೂ ಆಶ್ಚರ್ಯ ಇಲ್ಲ.
ಒಂದ್ವೇಳೆ ಸಿಎಂ ಬದಲಾದ್ರೆ ರೇಸ್ನಲ್ಲಿ ಯಾರಿದ್ದಾರೆ? ಸಿದ್ದರಾಮಯ್ಯನವರು ಸಿಎಂ ಸೀಟು ಬಿಟ್ಟರೆ ಡಿ.ಕೆ.ಶಿವಕುಮಾರ್ ಅವರೇ ಫಸ್ಟ್ ಚಾಯ್ಸ್ ಅನ್ನೋದು ಎಲ್ಲರಿಗೂ ಗೊತ್ತು. ಆದ್ರೆ, ಹೈಕಮಾಂಡ್ ಬೇರೆ ಯೋಚನೆ ಮಾಡಿದ್ರೆ ಕ್ಲೀನ್ ಇಮೇಜ್ ಇರೋ ಕಂದಾಯ ಸಚಿವ ಕೃಷ್ಣ ಬೈರೇಗೌಡ ಅಥವಾ ಕೈಗಾರಿಕಾ ಸಚಿವ ಎಂ.ಬಿ.ಪಾಟೀಲ್ ಹೆಸರುಗಳು ಮುಂಚೂಣಿಗೆ ಬರಬಹುದು. ಗೃಹ ಸಚಿವ ಜಿ.ಪರಮೇಶ್ವರ್ ಹೆಸರೂ ಕೇಳಿಬಂದರೂ, ಖರ್ಗೆ ಅವರಿರುವಾಗ ಪರಮೇಶ್ವರ್ ಅವರಿಗೆ ಮಣೆ ಹಾಕೋದು ಪಕ್ಷಕ್ಕೆ ರಾಜಕೀಯವಾಗಿ ಅಷ್ಟೊಂದು ಸುಲಭವಲ್ಲ ಅನ್ನೋದು ಪಂಡಿತರ ಲೆಕ್ಕಾಚಾರ.
ಮುಂದೇನು?
ಮೇಲ್ನೋಟಕ್ಕೆ ಕಾಂಗ್ರೆಸ್ ನಾಯಕರು "ಎಲ್ಲವೂ ಆಲ್ ಈಸ್ ವೆಲ್" ಅಂತ ಹೇಳ್ತಿದ್ದರೂ, ಒಳಗೊಳಗೆ ಮಾತ್ರ ಬಿರುಗಾಳಿ ಎದ್ದಿರೋದಂತೂ ನಿಜ. ಸಿದ್ದರಾಮಯ್ಯ ಅವರು ಇಂದು ಕರೆದಿರೋ ಶಾಸಕರ ಸಭೆ ಮುಗಿದ ಮೇಲೆ ಈ ರಾಜಕೀಯ ಹೈಡ್ರಾಮಾ ಯಾವ ತಿರುವು ತಗೊಳ್ಳುತ್ತೆ ಅಂತ ಗೊತ್ತಾಗುತ್ತೆ. ಮುಂದಿನ ಕೆಲವು ದಿನಗಳು ಕರ್ನಾಟಕ ಗದ್ದುಗೆಯ ಫ್ಯೂಚರ್ ಡಿಸೈಡ್ ಮಾಡಲಿವೆ!
