ನಾವು ಎಷ್ಟೇ ಓದಿರಲಿ, ಎಷ್ಟೇ ಕೋಟಿ ಹಣ ಸಂಪಾದಿಸಿರಲಿ, ನಮ್ಮ ಮನೆಯಲ್ಲಿ ಕೆಲಸ ಮಾಡುವವರನ್ನು ನಾವು ಹೇಗೆ ನಡೆಸಿಕೊಳ್ಳುತ್ತೇವೆ ಎನ್ನುವುದರ ಮೇಲೆ ನಮ್ಮ ಅಸಲಿ ಗುಣ ಮತ್ತು ಸಂಸ್ಕಾರ ಅಳೆಯಲಾಗುತ್ತದೆ. ಆದರೆ ಇತ್ತೀಚೆಗೆ ವೈರಲ್ ಆದ ವಿಡಿಯೋವೊಂದು ನಮ್ಮ ಸಮಾಜದ ಕರಾಳ ಮುಖವೊಂದನ್ನ ಅನಾವರಣಗೊಳಿಸಿದೆ. ಅಚಾತುರ್ಯದಿಂದ ಮಗಳು ಮಾಡಿದ ತಪ್ಪಿಗೆ, ಅಮಾಯಕ ಕೆಲಸದಾಕೆಯನ್ನ ಗುರಿ ಮಾಡಿರುವ ತಾಯಿ ಮಗಳ ವರ್ತನೆ ಇಂಟರ್ನೆಟ್ನಲ್ಲಿ ತೀವ್ರ ಚರ್ಚೆಗೆ ಈಡಾಗಿದೆ.
ವಿಡಿಯೋದಲ್ಲಿ ಕಾಣುವಂತೆ, ಮನೆಯ ಮಗಳು ಕೆಲವು ವಸ್ತುಗಳನ್ನು ಹಾನಿ ಮಾಡಿದ್ದಾಳೆ. ಆ ವಸ್ತುಗಳು ಎಷ್ಟೇ ಬೆಲೆಬಾಳುವಂತದ್ದಾಗಿರಲಿ, ಮಗಳು ಮಾಡಿದ ತಪ್ಪಿಗೆ ಆ ಮನೆಯ ಕೆಲಸದಾಕೆಯನ್ನು ಹೊಣೆ ಮಾಡುವುದು ಮತ್ತು ಆಕೆಯ ಮೇಲೆ ಕಿರುಚಾಡುವುದು ಅಹಂಕಾರದ ಪರಮಾವಧಿ. ತಪ್ಪು ಮಾಡಿದ ಮಗಳಿಗೆ ಬುದ್ಧಿ ಹೇಳುವ ಬದಲು, ಆಕೆಯ ಎದುರಲ್ಲೇ ಕೆಲಸದವಳ ಮೇಲೆ ದರ್ಪ ತೋರಿಸುವುದು ಆ ಮಗುವಿನ ಭವಿಷ್ಯದ ಮೇಲೂ ಕೆಟ್ಟ ಪರಿಣಾಮ ಬೀರುತ್ತದೆ.
ಕೆಲಸದವರು ಹಣದ ದೃಷ್ಟಿಯಿಂದ ಬಡವರಿರಬಹುದು, ಆದರೆ ಆತ್ಮಗೌರವದ ವಿಷಯಕ್ಕೆ ಬಂದರೆ ಅವರಿಗೂ ನಮ್ಮಷ್ಟೇ ಹಕ್ಕಿದೆ. ಕೇವಲ ಹಣವಿದೆ ಎಂಬ ಕಾರಣಕ್ಕೆ ಅಸಹಾಯಕರ ಮೇಲೆ ಅಧಿಕಾರ ಚಲಾಯಿಸುವುದು ಮಾನವೀಯತೆ ಎನಿಸಿಕೊಳ್ಳುವುದಿಲ್ಲ. ಈ ವಿಡಿಯೋ ನೋಡಿದ ಸಾವಿರಾರು ಜನರು, "ಹಣ ಬಂದ ತಕ್ಷಣ ಮನುಷ್ಯತ್ವ ಸತ್ತು ಹೋಗುತ್ತದೆಯೇ?" ಎಂದು ಪ್ರಶ್ನಿಸುತ್ತಿದ್ದಾರೆ.
ತೀವ್ರ ವಿರೋಧ - ಇದು ಕೇವಲ ಒಂದು ಜಗಳವಲ್ಲ, ಇದು ಒಂದು ವರ್ಗದ ದೌರ್ಜನ್ಯ. ಇಂತಹ ಪೋಷಕರು ಸಮಾಜಕ್ಕೆ ಕೆಟ್ಟ ಉದಾಹರಣೆಯಾಗುತ್ತಿದ್ದಾರೆ. ಇವತ್ತು ಕೆಲಸದವಳ ಮೇಲೆ ಕೈ ತೋರಿಸಿದ ಮಗಳು, ನಾಳೆ ಸಮಾಜದ ಮರ್ಯಾದೆ ಕಾಪಾಡುತ್ತಾಳೆಯೇ?" ಎಂಬುದು ಅನೇಕರ ಕಿಡಿ.
ಒತ್ತಡದ ಸಮರ್ಥನೆ - ಇನ್ನು ಕೆಲವರು, "ಮನೆಯಲ್ಲಿನ ಹಠಾತ್ ಒತ್ತಡ ಅಥವಾ ಕೆಲಸದ ಹೊರೆ ಇಂತಹ ವರ್ತನೆಗೆ ಕಾರಣವಾಗಿರಬಹುದು" ಎಂದು ಮೃದು ಧೋರಣೆ ತೋರಿದ್ದಾರೆ. ಆದರೆ, ಯಾವುದೇ ಒತ್ತಡವು ಒಬ್ಬ ವ್ಯಕ್ತಿಯನ್ನು ಹೀನಾಯವಾಗಿ ನಡೆಸಿಕೊಳ್ಳಲು ಪರವಾನಗಿ ನೀಡುವುದಿಲ್ಲ ಎಂಬುದು ಬಹುತೇಕರ ವಾದ.
ಮಕ್ಕಳು ನಾವು ಹೇಳಿದ್ದನ್ನು ಕೇಳುವುದಿಲ್ಲ, ಬದಲಾಗಿ ನಾವು ಮಾಡುವುದನ್ನು ನೋಡುತ್ತಾರೆ. ನೀವು ನಿಮ್ಮ ಮನೆಯ ಕೆಲಸದವರನ್ನು ಗೌರವಿಸದಿದ್ದರೆ, ನಿಮ್ಮ ಮಕ್ಕಳು ನಿಮ್ಮನ್ನೂ ಸೇರಿದಂತೆ ಯಾರನ್ನೂ ಗೌರವಿಸುವುದಿಲ್ಲ. ಈ ವಿಡಿಯೋ ಕೇವಲ ವೈರಲ್ ಸುದ್ದಿಯಲ್ಲ, ಇದು ಪ್ರತಿಯೊಬ್ಬ ತಂದೆ ತಾಯಿಯೂ ಆತ್ಮಾವಲೋಕನ ಮಾಡಿಕೊಳ್ಳಬೇಕಾದ ಸಮಯ!
في مقطع انتشر بشكل كبير تظهر فتاة قامت عن طريق الخطأ بتخريب بعض الأشياء في المنزل
— عبدالله (@i_Clouding) May 1, 2026
رد فعل الأم وبنتها تجاه الخادمة كان قاسيًا مما أثار غضب المتابعين بشكل واسع
الكثير من الناس تساءلوا: ما السبب اللي خلاهم يتصرفون بهذه الطريقة معها حتى لو كانت الفتاة مخطئة؟
المقطع أثار جدلًا… pic.twitter.com/2IlezMJUc8
ಸೇವೆ ಮಾಡುವವರು ನಮ್ಮ ಅಡಿಯಾಳುಗಳಲ್ಲ, ಅವರು ನಮ್ಮ ಜೀವನವನ್ನು ಸುಲಭವಾಗಿಸುವ ಸಹಾಯಗಾರು. ಮಗಳು ಮಾಡಿದ ತಪ್ಪಿಗೆ ಇನ್ನೊಬ್ಬರನ್ನು ಬೈಯುವುದು ನ್ಯಾಯವಲ್ಲ. ಇಂತಹ ವರ್ತನೆಯನ್ನು ಸಮರ್ಥಿಸಿಕೊಳ್ಳುವುದು ಕೂಡ ಅಷ್ಟೇ ತಪ್ಪು.
