ಬೆಂಗಳೂರು ನಗರವನ್ನು ಬಿಟ್ಟು ಹೈದರಾಬಾದ್ಗೆ ಸ್ಥಳಾಂತರವಾದ ಯುವತಿ ಶ್ರೇಯಾ, ಸಾಮಾಜಿಕ ಜಾಲತಾಣ ಟ್ವಿಟರ್ ನಲ್ಲಿ ಹಾಕಿದ ಪೋಸ್ಟ್ ಇದೀಗ ಚರ್ಚೆಗೆ ಕಾರಣವಾಗಿದೆ. “ಈ ವರ್ಷ ಮಾಡಿದ ನನ್ನ ಬೆಸ್ಟ್ ಡಿಸಿಷನ್ ಬೆಂಗಳೂರನ್ನು ಬಿಟ್ಟು ಹೈದರಾಬಾದ್ಗೆ ಹೋಗುವುದು” ಎಂದು ಅವರು ಬರೆದಿದ್ದು, ಇದಕ್ಕೆ ನೆಟ್ಟಿಗರಿಂದ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ.
ಶ್ರೇಯಾ ಅವರು ತಮ್ಮ ಪೋಸ್ಟ್ನಲ್ಲಿ ಬೆಂಗಳೂರಿನ ಜೀವನದ ಹಲವು ಸಮಸ್ಯೆಗಳನ್ನು ಉಲ್ಲೇಖಿಸಿದ್ದಾರೆ. ರಸ್ತೆ ಗುಂಡಿಗಳು, ಟ್ರಾಫಿಕ್ ಸಮಸ್ಯೆ, ಕ್ಯಾಬ್ ಬುಕ್ ಮಾಡಲು ಹೆಚ್ಚಿನ ಸಮಯ ಬೇಕಾಗುವುದು, ನೀರಿನ ಕೊರತೆ, ಕಳಪೆ ಆಹಾರ, ಮತ್ತು ದುಬಾರಿ ಜೀವನ, ಇವುಗಳನ್ನು ಅವರು ಬೆಂಗಳೂರಿನ ಪ್ರಮುಖ ಸಮಸ್ಯೆಗಳೆಂದು ವಿವರಿಸಿದ್ದಾರೆ. “ಸ್ವಲ್ಪ ದೂರ ಪ್ರಯಾಣಕ್ಕೂ ಹೆಚ್ಚು ಸಮಯ ಬೇಕಾಗುತ್ತದೆ, ಒಂದು ಬಾರಿ ಕ್ಯಾಬ್ ಬುಕ್ ಮಾಡಲು ಸಾಕಷ್ಟು ಸಮಯ ಕಳೆಯಬೇಕು” ಎಂದು ಅವರು ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ.
ಇದಕ್ಕೆ ವಿರುದ್ಧವಾಗಿ, ಹೈದರಾಬಾದ್ನಲ್ಲಿ ಜೀವನ ನೆಮ್ಮದಿಯಾಗಿದೆ ಎಂದು ಶ್ರೇಯಾ ಹೇಳಿದ್ದಾರೆ. “ಇಲ್ಲಿ ಆರಾಮವಾಗಿ ಬದುಕುತ್ತಿದ್ದೇನೆ, ಜೀವನ ಸುಲಭವಾಗಿದೆ” ಎಂದು ಅವರು ತಮ್ಮ ಪೋಸ್ಟ್ನಲ್ಲಿ ಬರೆದಿದ್ದಾರೆ. ಹೈದರಾಬಾದ್ನಲ್ಲಿ ಮೂಲಭೂತ ಸೌಲಭ್ಯಗಳು ಉತ್ತಮವಾಗಿವೆ, ಜೀವನ ವೆಚ್ಚ ಕಡಿಮೆ, ಮತ್ತು ಪ್ರಯಾಣ ಸುಗಮವಾಗಿದೆ ಎಂಬುದನ್ನು ಅವರು ಸೂಚಿಸಿದ್ದಾರೆ.
ಈ ಪೋಸ್ಟ್ಗೆ ನೆಟ್ಟಿಗರಿಂದ ಮಿಶ್ರ ಪ್ರತಿಕ್ರಿಯೆಗಳು ಬಂದಿವೆ. ಕೆಲವರು ಶ್ರೇಯಾ ಅವರ ನಿರ್ಧಾರವನ್ನು ಬೆಂಬಲಿಸಿ, “ನೀವು ಮಾಡಿದ ನಿರ್ಧಾರ ಬೆಸ್ಟ್” ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನೂ ಕೆಲವರು “ಹೋಗಿದ್ದೇ ಒಳ್ಳೆಯದು, ಬೆಂಗಳೂರಿನ ಸಮಸ್ಯೆಗಳನ್ನು ಎದುರಿಸಲು ಕಷ್ಟ” ಎಂದು ಪ್ರತಿಕ್ರಿಯಿಸಿದ್ದಾರೆ. ಆದರೆ, ಕೆಲವರು ಶ್ರೇಯಾ ಅವರ ಹೇಳಿಕೆಯನ್ನು ವಿರೋಧಿಸಿ, “ಬೆಂಗಳೂರು ತನ್ನದೇ ಆದ ಅವಕಾಶಗಳು, ಸಂಸ್ಕೃತಿ, ಮತ್ತು ಜೀವನಶೈಲಿ ಹೊಂದಿದೆ. ಹೈದರಾಬಾದ್ಗೆ ಹೋಲಿಕೆ ಮಾಡುವುದು ಸರಿಯಲ್ಲ” ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಬೆಂಗಳೂರು ನಗರವು ಐಟಿ ಹಬ್ ಆಗಿದ್ದು, ಉದ್ಯೋಗಾವಕಾಶಗಳು, ಶಿಕ್ಷಣ, ಮತ್ತು ಮನರಂಜನೆಗೆ ಪ್ರಮುಖ ಕೇಂದ್ರವಾಗಿದೆ. ಆದರೆ, ನಗರದಲ್ಲಿ ಟ್ರಾಫಿಕ್ ಜಾಮ್, ಮೂಲಭೂತ ಸೌಲಭ್ಯಗಳ ಕೊರತೆ, ಮತ್ತು ಜೀವನ ವೆಚ್ಚದ ಏರಿಕೆ ಜನರನ್ನು ಅಸಮಾಧಾನಗೊಳಿಸುತ್ತಿವೆ. ಹೀಗಾಗಿ, ಶ್ರೇಯಾ ಅವರ ಪೋಸ್ಟ್ ಹಲವರ ಅನುಭವಕ್ಕೆ ಹತ್ತಿರವಾಗಿದೆ.
ಹೈದರಾಬಾದ್ ನಗರವು ಇತ್ತೀಚಿನ ವರ್ಷಗಳಲ್ಲಿ ಮೂಲಸೌಕರ್ಯ ಅಭಿವೃದ್ಧಿ, ರಸ್ತೆ ವ್ಯವಸ್ಥೆ, ಮತ್ತು ಸಾರ್ವಜನಿಕ ಸಾರಿಗೆ ಕ್ಷೇತ್ರದಲ್ಲಿ ಉತ್ತಮ ಸಾಧನೆ ಮಾಡಿದೆ. ಅಲ್ಲದೆ, ಜೀವನ ವೆಚ್ಚವು ಬೆಂಗಳೂರಿಗಿಂತ ಕಡಿಮೆ ಎಂದು ಹಲವರು ಅಭಿಪ್ರಾಯಪಟ್ಟಿದ್ದಾರೆ. ಇದರಿಂದ, ಹೈದರಾಬಾದ್ನಲ್ಲಿ ನೆಮ್ಮದಿಯ ಜೀವನ ಸಾಧ್ಯವೆಂದು ಶ್ರೇಯಾ ತಮ್ಮ ಪೋಸ್ಟ್ನಲ್ಲಿ ಹಂಚಿಕೊಂಡಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಇಂತಹ ಪೋಸ್ಟ್ಗಳು ಸಾಮಾನ್ಯವಾಗಿ ಚರ್ಚೆಗೆ ಕಾರಣವಾಗುತ್ತವೆ. ಒಂದು ಕಡೆ, ಜನರು ತಮ್ಮ ವೈಯಕ್ತಿಕ ಅನುಭವವನ್ನು ಹಂಚಿಕೊಳ್ಳುತ್ತಾರೆ. ಮತ್ತೊಂದು ಕಡೆ, ನೆಟ್ಟಿಗರು ತಮ್ಮದೇ ಅಭಿಪ್ರಾಯಗಳನ್ನು ವ್ಯಕ್ತಪಡಿಸುತ್ತಾರೆ. ಶ್ರೇಯಾ ಅವರ ಪೋಸ್ಟ್ ಕೂಡಾ ಇದೇ ರೀತಿಯಾಗಿ ಚರ್ಚೆಗೆ ಕಾರಣವಾಗಿದೆ. ಇವರ ನಿರ್ಧಾರ ಹಾಗೆ ಇವರಾಡಿದ ಮಾತಿಗೆ ನಿಮ್ಮ ಅಭಿಪ್ರಾಯ ಏನು ಕಾಮೆಂಟ್ ಮಾಡಿ ತಿಳಿಸಿ.
