ತಹಶೀಲ್ದಾರ್ರು ಕರ್ನಾಟಕ ರಾಜ್ಯದ ತಾಲೂಕು ಮಟ್ಟದ ಪ್ರಮುಖ ಆಡಳಿತಾಧಿಕಾರಿಗಳಾಗಿದ್ದು, ಸರ್ಕಾರದ ವಿವಿಧ ಇಲಾಖೆಗಳ ಕಾರ್ಯಗಳನ್ನು ಸ್ಥಳೀಯ ಮಟ್ಟದಲ್ಲಿ ಅನುಷ್ಠಾನಗೊಳಿಸುವ ಜವಾಬ್ದಾರಿಯನ್ನು ಹೊಂದಿರುತ್ತಾರೆ. ಅವರು ಭೂಮಿಯ ದಾಖಲೆ ನಿರ್ವಹಣೆ, ಕಂದಾಯ ಸಂಗ್ರಹ, ಸಾರ್ವಜನಿಕ ಸೇವೆಗಳ ಅನುಷ್ಠಾನ, ಕಾನೂನು ಮತ್ತು ಶಾಂತಿ ಕಾಪಾಡುವಿಕೆ, ಚುನಾವಣಾ ನಿರ್ವಹಣೆ ಮತ್ತು ತುರ್ತು ಪರಿಸ್ಥಿತಿಗಳ ನಿರ್ವಹಣೆ ಸೇರಿದಂತೆ ಹಲವಾರು ಕ್ಷೇತ್ರಗಳಲ್ಲಿ ಕಾರ್ಯನಿರ್ವಹಿಸುತ್ತಾರೆ.
ತಹಶೀಲ್ದಾರ್ರ ಪ್ರಮುಖ ಕರ್ತವ್ಯಗಳಲ್ಲಿ ಒಂದು ಈ ಭೂಮಿಯ ದಾಖಲೆಗಳ ನಿರ್ವಹಣೆ ಪ್ರಮುಖವಾಗಿದೆ. ಅವರು RTC (Record of Rights), ಪಹಣಿ, ಖಾತಾ, ಮ್ಯೂಟೇಶನ್ ದಾಖಲೆಗಳನ್ನು ನವೀಕರಿಸಿ, ಭೂಮಿಯ ಮಾಲೀಕತ್ವದ ದೃಢೀಕರಣ ಮಾಡುತ್ತಾರೆ. ಗ್ರಾಮಸ್ಥರ ಭೂಮಿಯ ಹಕ್ಕುಪತ್ರ ನೀಡುವುದು, ಅತಿಕ್ರಮಣ ನಿವಾರಣೆ, ಮತ್ತು ಭೂ ವಿವಾದಗಳ ಪರಿಹಾರದಲ್ಲಿ ತಹಶೀಲ್ದಾರ್ರ ಪಾತ್ರ ಅತ್ಯಂತ ಹೆಚ್ಚು ಮಹತ್ವ ಪೂರ್ಣವಾಗಿರುತ್ತದೆ.
ಕಂದಾಯ ಸಂಗ್ರಹವು ತಹಶೀಲ್ದಾರ್ರ ಇನ್ನೊಂದು ಪ್ರಮುಖ ಕರ್ತವ್ಯವಾಗಿದೆ. ಅವರು ಭೂ ಕಂದಾಯ, ನೀರಾವರಿ ಹೆಚ್ಚುವರಿ ತೆರಿಗೆ, ಕೃಷಿ ತೆರಿಗೆ ಮುಂತಾದವುಗಳನ್ನು ಗ್ರಾಮ ಲೆಕ್ಕಿಗರ ಮೂಲಕ ಸಂಗ್ರಹಿಸಿ ಸರ್ಕಾರಕ್ಕೆ ಸಲ್ಲಿಸುತ್ತಾರೆ. ಬಾಕಿ ತೆರಿಗೆ ಪಾವತಿಗೆ ನೋಟಿಸ್ ನೀಡುವುದು, ಕಂದಾಯ ದಾಖಲೆಗಳ ಪರಿಶೀಲನೆ ಮತ್ತು ವರದಿ ಸಲ್ಲಿಸುವುದು ಅವರ ಕರ್ತವ್ಯವಾಗಿದೆ. ಈ ಮೂಲಕ ರಾಜ್ಯದ ಆರ್ಥಿಕ ವ್ಯವಸ್ಥೆಗೆ ಸಹಕಾರ ನೀಡುತ್ತಾರೆ.
ಸಾರ್ವಜನಿಕ ಸೇವೆಗಳ ಭಾಗವಾಗಿ, ತಹಶೀಲ್ದಾರ್ರು ಆದಾಯ, ಜಾತಿ, ನಿವಾಸ ಪ್ರಮಾಣಪತ್ರಗಳ ನೀಡಿಕೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತಾರೆ. ಪಿಂಚಣಿ ಯೋಜನೆಗಳು, ಆಹಾರ ಧಾನ್ಯ ವಿತರಣಾ ಯೋಜನೆ, ವಿದ್ಯಾರ್ಥಿವೇತನ, ಮನೆ ಯೋಜನೆ ಮುಂತಾದ ಸೇವೆಗಳ ಅರ್ಜಿ ಪರಿಶೀಲನೆ ಮತ್ತು ಅನುಮೋದನೆ ಕೂಡ ಅವರ ಮೂಲಕವೇ ನಡೆಯುತ್ತವೆ. ಈ ಸೇವೆಗಳು ಗ್ರಾಮೀಣ ಜನತೆಗೆ ನೇರವಾಗಿ ಲಾಭ ನೀಡುತ್ತವೆ.
ಕಾನೂನು ಮತ್ತು ಶಾಂತಿ ಕಾಪಾಡುವಿಕೆಯಲ್ಲಿ ತಹಶೀಲ್ದಾರ್ರು SDM (Sub-Divisional Magistrate) ಅಧಿಕಾರವನ್ನು ಹೊಂದಿದ್ದು, 144 ಸೆಕ್ಷನ್ ಜಾರಿ, ಸಾರ್ವಜನಿಕ ಸಭೆಗಳ ನಿಯಂತ್ರಣ, ವಿವಾದಾತ್ಮಕ ಭೂ ಪ್ರಕರಣಗಳಲ್ಲಿ ವಿಚಾರಣೆ ಮತ್ತು ತಾತ್ಕಾಲಿಕ ನಿರ್ಬಂಧಗಳನ್ನು ವಿಧಿಸುವ ಅಧಿಕಾರ ಹೊಂದಿದ್ದಾರೆ. ಶಾಂತಿ ಮತ್ತು ಕಾನೂನು ಸುವ್ಯವಸ್ಥೆ ಕಾಪಾಡುವಲ್ಲಿ ಅವರು ಪ್ರಮುಖ ಪಾತ್ರ ವಹಿಸುತ್ತಾರೆ.
ಚುನಾವಣೆ ಸಮಯದಲ್ಲಿ ತಹಶೀಲ್ದಾರ್ರು ಚುನಾವಣಾ ಅಧಿಕಾರಿಯಾಗಿ ಕಾರ್ಯನಿರ್ವಹಿಸುತ್ತಾರೆ. ಮತದಾರರ ಪಟ್ಟಿ ನವೀಕರಣ, ಮತಗಟ್ಟೆ ವ್ಯವಸ್ಥೆ, ಸಿಬ್ಬಂದಿ ನಿಯೋಜನೆ, ಮತದಾನ ದಿನದ ನಿರ್ವಹಣೆ ಮತ್ತು ಚುನಾವಣಾ ನೀತಿ ಸಂಹಿತೆ ಜಾರಿಗೆ ಸಹಕಾರ ನೀಡುವುದು ಅವರ ಕರ್ತವ್ಯವಾಗಿದೆ. ಚುನಾವಣೆಯ ಸ್ವಚ್ಛತೆ ಮತ್ತು ಶಿಸ್ತಿಗೆ ಅವರು ಜವಾಬ್ದಾರರಾಗಿರುತ್ತಾರೆ.
ಪ್ರಾಕೃತಿಕ ವಿಪತ್ತುಗಳು, ಪ್ರವಾಹ, ಬರ, ಭೂಕಂಪ ಮುಂತಾದ ತುರ್ತು ಪರಿಸ್ಥಿತಿಗಳ ಸಂದರ್ಭದಲ್ಲಿ ತಹಶೀಲ್ದಾರ್ರು ಪರಿಹಾರ ಕಾರ್ಯಾಚರಣೆಗಳನ್ನು ನಿರ್ವಹಿಸುತ್ತಾರೆ. ಆಹಾರ, ಆಶ್ರಯ, ವೈದ್ಯಕೀಯ ನೆರವು, ಪುನರ್ವಸತಿ ಕಾರ್ಯಗಳಲ್ಲಿ ಅವರು ಪ್ರಮುಖ ಪಾತ್ರ ವಹಿಸುತ್ತಾರೆ. ಈ ಮೂಲಕ ಅವರು ಜನಸಾಮಾನ್ಯರ ಸುರಕ್ಷತೆ ಮತ್ತು ನೆಮ್ಮದಿಗೆ ಸಹಕಾರ ನೀಡುತ್ತಾರೆ ಎಂದು ಕೇಳಿ ಬಂದಿದೆ.
ರಾಜ್ಯದಲ್ಲಿ ತಹಶೀಲ್ದಾರ್ರ ಮುಖ್ಯ ಕರ್ತವ್ಯಗಳು: ಜನಸಾಮಾನ್ಯರ ಸೇವೆಗೆ ನಿಂತಿರುವ ಆಡಳಿತಾಧಿಕಾರಿ
- ಭೂಮಿಯ ದಾಖಲೆ ನಿರ್ವಹಣೆ
- ದಾಯ ಸಂಗ್ರಹ ಮತ್ತು ತೆರಿಗೆ
- ಸಾರ್ವಜನಿಕ ಸೇವೆಗಳ ಅನುಷ್ಠಾನ
- ಕಾನೂನು ಮತ್ತು ಶಾಂತಿ ಕಾಪಾಡುವಿಕೆ
- ನಾವಣೆ ನಿರ್ವಹಣೆ
- ತುರ್ತು ಪರಿಸ್ಥಿತಿಗಳ ನಿರ್ವಹಣೆ
