ಕೆಲಸ ಬದಲಾಯಿಸುವ ಪ್ರತಿಯೊಬ್ಬ ಉದ್ಯೋಗಿಗೂ ಕಾಡುವ ಒಂದೇ ದೊಡ್ಡ ತಲೆನೋವು ಎಂದರೆ ಅದು ಹಳೇ ಕಂಪನಿಯ ಪಿಎಫ್ (PF) ಅಕೌಂಟ್ ಮತ್ತು ಅದರಲ್ಲಿರೋ ದುಡ್ಡು. "ಆ ಕಂಪನಿಯ ಯುಎಎನ್ ನಂಬರ್ ಏನೋ? ಆ ಐಡಿ ಇನ್ನು ಆಕ್ಟಿವ್ ಇದೆಯೋ ಇಲ್ವೋ? ಹಳೇ ದುಡ್ಡನ್ನೆಲ್ಲಾ ಹೊಸ ಅಕೌಂಟ್ಗೆ ಟ್ರಾನ್ಸ್ಫರ್ ಮಾಡೋದು ಹೇಗೆ?" ಎಂಬ ಹತ್ತಾರು ಗೊಂದಲಗಳು ಎಲ್ಲರಿಗೂ ಇದ್ದೇ ಇರುತ್ತವೆ. ಆದರೆ ಇನ್ಮೇಲೆ ನಿಮ್ಮ ಹಳೇ ಪಿಎಫ್ ಹಣ ಎಲ್ಲೂ ಹೋಗಲ್ಲ! ನಿಮ್ಮ ಹಳೆಯ ಮತ್ತು ನಿಷ್ಕ್ರಿಯ (Inactive) ಖಾತೆಗಳನ್ನು ಪತ್ತೆಹಚ್ಚಿ, ಅದರಲ್ಲಿರೋ ಹಣವನ್ನು ಈಜಿಯಾಗಿ ವಿತ್ಡ್ರಾ ಮಾಡಲು ನೌಕರರ ಭವಿಷ್ಯ ನಿಧಿ ಸಂಸ್ಥೆ (EPFO) ‘ಇ-ಪ್ರಾಪ್ತಿ’ (E-Praapti) ಎನ್ನುವ ಹೊಸ ಪೋರ್ಟಲ್ ಅನ್ನು ರೆಡಿ ಮಾಡಿದೆ.
ಕೇಂದ್ರ ಸರ್ಕಾರದ ಈ ಹೊಸ ಡಿಜಿಟಲ್ ಪ್ಲಾನ್ ಉದ್ಯೋಗಿಗಳಿಗೆ ಹೇಗೆ ಹೆಲ್ಪ್ ಆಗಲಿದೆ? ನಿಮ್ಮ ಸಿಲುಕಿಕೊಂಡ ಪಿಎಫ್ ಹಣ ಪಡೆಯುವುದು ಹೇಗೆ? ಇಲ್ಲಿದೆ ಕಂಪ್ಲೀಟ್ ಡೀಟೇಲ್ಸ್.
‘ಇ-ಪ್ರಾಪ್ತಿ’ ಪೋರ್ಟಲ್ ಅಂದರೆ ಏನು?
ಇತ್ತೀಚೆಗಷ್ಟೇ ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಸಚಿವರಾದ ಮನ್ಸುಖ್ ಮಾಂಡವಿಯಾ ಅವರು ಈ ಹೊಸ ‘ಇ-ಪ್ರಾಪ್ತಿ’ (E-Praapti) ಪೋರ್ಟಲ್ ಅನ್ನು ದೇಶದ ಜನತೆಗೆ ಪರಿಚಯಿಸಿದ್ದಾರೆ. ಇದರ ಅಸಲಿ ಕೆಲಸ ಏನೆಂದರೆ, ಆಧಾರ್ ಕಾರ್ಡ್ ದೃಢೀಕರಣದ (Aadhaar Authentication) ಮೂಲಕ ಯಾವುದೇ ಉದ್ಯೋಗಿಯ ಹಳೆಯ ಮತ್ತು ಕ್ಲೈಮ್ ಆಗದೆ ವರ್ಷಗಟ್ಟಲೆಯಿಂದ ಧೂಳು ಹಿಡಿಯುತ್ತಿರುವ ಪಿಎಫ್ ಖಾತೆಗಳನ್ನು ಡಿಜಿಟಲ್ ಆಗಿ ಹುಡುಕಿ ಕೊಡುವುದು. ನಿಮ್ಮ ಆಧಾರ್ ಲಿಂಕ್ ಆಗಿದ್ದರೆ ಸಾಕು, ಈ ಪೋರ್ಟಲ್ ನಿಮ್ಮ ಹಳೇ ಅಕೌಂಟ್ಗಳ ಕಂಪ್ಲೀಟ್ ಜಾತಕವನ್ನು ನಿಮ್ಮ ಕಣ್ಣೆದುರು ತಂದಿಡುತ್ತದೆ.
ಯುಎಎನ್ (UAN) ನಂಬರ್ ಇಲ್ಲದಿದ್ದರೂ ನೋ ಟೆನ್ಷನ್!
ಸಾಮಾನ್ಯವಾಗಿ ಹಳೇ ಪಿಎಫ್ ಖಾತೆಯ ವಿವರ ಬೇಕು ಎಂದರೆ ಯುಎಎನ್ ನಂಬರ್ ಕಡ್ಡಾಯವಾಗಿ ಬೇಕೇ ಬೇಕು. ಆದರೆ ಈ ‘ಇ-ಪ್ರಾಪ್ತಿ’ ಪೋರ್ಟಲ್ನ ಮ್ಯಾಜಿಕ್ ಏನೆಂದರೆ, ನಿಮ್ಮ ಹಳೇ ಯುಎಎನ್ ನಂಬರ್ ನಿಮ್ಮ ಹತ್ತಿರ ಇಲ್ಲದಿದ್ದರೂ ಅಥವಾ ಮರೆತುಹೋಗಿದ್ದರೂ ಕೂಡ ನಿಮ್ಮ ಹಳೇ ಅಕೌಂಟ್ಗಳನ್ನು ನೀವು ಲಾಗಿನ್ ಮಾಡಬಹುದು! ಆರಂಭದಲ್ಲಿ ಇದು ನಿಮ್ಮ ಹಳೆಯ ‘ಮೆಂಬರ್ ಐಡಿ’ (Member ID) ಮೂಲಕ ಕೆಲಸ ಮಾಡಲಿದ್ದು, ಮುಂಬರುವ ದಿನಗಳಲ್ಲಿ ಆ ಮೆಂಬರ್ ಐಡಿ ಕೂಡ ನೆನಪಿಲ್ಲದ ಸಾಮಾನ್ಯ ಜನರಿಗೂ ಹೆಲ್ಪ್ ಆಗುವ ರೀತಿಯಲ್ಲಿ ಈ ವೆಬ್ಸೈಟ್ ಅನ್ನು ಮತ್ತಷ್ಟು ಅಪ್ಗ್ರೇಡ್ ಮಾಡಲಾಗುವುದು ಎಂದು ತಿಳಿದುಬಂದಿದೆ.
ಆಫೀಸ್ಗಳಿಗೆ ಅಲೆಯೋ ಕಷ್ಟಕ್ಕೆ ಬೀಳಲಿದೆ ಬ್ರೇಕ್!
ಒಂದ್ಕಾಲವಿತ್ತು.. ಹಳೇ ಕಂಪನಿಯ ಪಿಎಫ್ ದುಡ್ಡು ತೆಗಿಬೇಕು ಅಂದರೆ ಕನಿಷ್ಠ ನಾಲ್ಕೈದು ಬಾರಿಯಾದರೂ ಪಿಎಫ್ ಆಫೀಸ್ಗೆ ಅಲೆಯಬೇಕಿತ್ತು. ಅಲ್ಲಿನ ಅಧಿಕಾರಿಗಳು ಕೇಳುವ ಡಾಕ್ಯುಮೆಂಟ್ಸ್ ತರೋದಕ್ಕೆ ಹಳೇ ಕಂಪನಿಯ ಎಚ್ಆರ್ (HR) ಹಿಂದೆ ಬಿದ್ದು ಸಾಕು ಸಾಕಾಗುತ್ತಿತ್ತು. ಇನ್ನು ಕೆಲವು ಕಂಪನಿಗಳು ಮುಚ್ಚಿಹೋಗಿದ್ದರೆ ಉದ್ಯೋಗಿಗಳ ಕಥೆ ದೇವರಿಗೇ ಪ್ರೀತಿ! ಆದರೆ ಈ ಡಿಜಿಟಲ್ ಜಗತ್ತಿನಲ್ಲಿ ಇಪಿಎಫ್ಒ ಆ ಕಿರಿಕಿರಿಗಳನ್ನೆಲ್ಲಾ ಕಟ್ ಮಾಡಿದೆ. ಈ ಹೊಸ ಪೋರ್ಟಲ್ ಬರುವುದರಿಂದ ನೀವು ತಾವಿರುವ ಜಾಗದಲ್ಲೇ ಕುಳಿತು, ಮೊಬೈಲ್ ಒಟಿಪಿ ಮೂಲಕ ನಿಮ್ಮ ನಿಷ್ಕ್ರಿಯ ಖಾತೆಯ ಸ್ಟೇಟಸ್ ಏನಿದೆ ಎಂದು ಆನ್ಲೈನ್ನಲ್ಲೇ ಚೆಕ್ ಮಾಡಿಕೊಳ್ಳಬಹುದು.
ಇಪಿಎಫ್ಒ ಡಿಜಿಟಲ್ ಕ್ರಾಂತಿ
ಭವಿಷ್ಯ ನಿಧಿ ಸಂಸ್ಥೆಯು ತನ್ನ ಕೋಟ್ಯಾಂತರ ಚಂದಾದಾರರ ಕೆಲಸಗಳನ್ನು ಕಾಗದ ರಹಿತ ಹಾಗೂ ಸುಲಭವಾಗಿಸಲು ನಿರಂತರವಾಗಿ ಟೆಕ್ನಾಲಜಿಯನ್ನು ಅಳವಡಿಸಿಕೊಳ್ಳುತ್ತಿದೆ. ಅದರ ಭಾಗವಾಗಿಯೇ ಈಗ ಈ ಆಧಾರ್ ಆಧಾರಿತ ಪೋರ್ಟಲ್ ಲಾಂಚ್ ಆಗುತ್ತಿದೆ. ನಿಮ್ಮ ಹಾರ್ಡ್ ವರ್ಕ್ನ ಕಷ್ಟದ ದುಡಿಮೆಯ ಒಂದು ರೂಪಾಯಿಯೂ ವೇಸ್ಟ್ ಆಗಬಾರದು ಎಂಬುದು ಸರ್ಕಾರದ ಉದ್ದೇಶ.
ಹಾಗಾಗಿ, ನೀವು ಕೂಡ ನಿಮ್ಮ ಕೆರಿಯರ್ನಲ್ಲಿ ಎರಡಕ್ಕಿಂತ ಹೆಚ್ಚು ಕಂಪನಿಗಳನ್ನು ಬದಲಾಯಿಸಿದ್ದು, ಹಳೇ ಪಿಎಫ್ ಹಣ ಎಲ್ಲಿದೆ ಅಂತ ಗೊತ್ತಾಗದೆ ಸುಮ್ಮನಾಗಿದ್ದರೆ, ಇ-ಪ್ರಾಪ್ತಿ ಪೋರ್ಟಲ್ ಪೂರ್ತಿಯಾಗಿ ಲೈವ್ ಆದ ತಕ್ಷಣ ಒಮ್ಮೆ ಲಾಗಿನ್ ಆಗಿ ನಿಮ್ಮ ಹಳೇ ಹಣವನ್ನು ನಿಮ್ಮ ಪ್ರಸ್ತುತ ಬ್ಯಾಂಕ್ ಖಾತೆಗೆ ಜಮಾ ಮಾಡಿಕೊಳ್ಳಿ!
