ಇಂದಿನ ಡಿಜಿಟಲ್ ಯುಗದಲ್ಲಿ ವಾಟ್ಸ್ಆ್ಯಪ್ ನಮ್ಮ ಜೀವನದ ಅವಿಭಾಜ್ಯ ಅಂಗವಾಗಿದೆ. ಆದರೆ, ಕೆಲವೊಮ್ಮೆ ನಮ್ಮ ಆಪ್ತರು ಅಥವಾ ಪರಿಚಯಸ್ಥರು ನಮಗೆ ತಿಳಿಯದಂತೆ ನಮ್ಮನ್ನು ಬ್ಲಾಕ್ ಮಾಡಿದಾಗ ನಮಗೆ ತುಂಬಾ ಗೊಂದಲವಾಗುತ್ತದೆ.
ನಾವು ಕಳುಹಿಸುವ ಮೆಸೇಜ್ಗಳಿಗೆ ಸಿಂಗಲ್ ಟಿಕ್ ಬರುತ್ತಿದ್ದರೆ, ಅವರು ನಮ್ಮನ್ನು ಬ್ಲಾಕ್ ಮಾಡಿದ್ದಾರೋ ಅಥವಾ ಅವರ ಇಂಟರ್ನೆಟ್ ಆಫ್ ಆಗಿದೆಯೋ ಎಂದು ತಿಳಿಯುವುದು ಕಷ್ಟವಾಗುತ್ತಿತ್ತು. ಆದರೆ ಈಗ ತಲೆಕೆಡಿಸಿಕೊಳ್ಳುವ ಅಗತ್ಯವಿಲ್ಲ, ವಾಟ್ಸ್ಆ್ಯಪ್ನಲ್ಲಿ ಹೊಸದಾಗಿ ಬಂದಿರುವ ಮೆಟಾ ಎಐ (Meta AI) ಫೀಚರ್ ಮೂಲಕ ಇದನ್ನು ಕೇವಲ ಒಂದು ನಿಮಿಷದಲ್ಲಿ ಪತ್ತೆಹಚ್ಚಬಹುದು.
ಸಾಮಾನ್ಯವಾಗಿ ಯಾರಾದರೂ ನಮ್ಮನ್ನು ಬ್ಲಾಕ್ ಮಾಡಿದರೆ, ಅವರ ಡಿಪಿ (DP) ಕಾಣಿಸುವುದಿಲ್ಲ, ಸ್ಟೇಟಸ್ ಅಪ್ಡೇಟ್ ನೋಡುವುದಕ್ಕೆ ಆಗುವುದಿಲ್ಲ ಮತ್ತು ನಾವು ಕಳುಹಿಸುವ ಮೆಸೇಜ್ಗಳಿಗೆ ಕೇವಲ ಒಂದು ಟಿಕ್ ಮಾತ್ರ ಬರುತ್ತದೆ. ಆದರೆ, ಹಲವು ಬಾರಿ ಜನರು ತಮ್ಮ ಪ್ರೊಫೈಲ್ ಫೋಟೋ ತೆಗೆದುಹಾಕಿರುತ್ತಾರೆ ಅಥವಾ ದೀರ್ಘಕಾಲದವರೆಗೆ ಇಂಟರ್ನೆಟ್ ಆಫ್ ಮಾಡಿರುತ್ತಾರೆ. ಇಂತಹ ಸಮಯದಲ್ಲಿ ನಾವು ಅವರನ್ನು ತಪ್ಪಾಗಿ ಬ್ಲಾಕ್ ಮಾಡಿದ್ದಾರೆ ಎಂದು ಭಾವಿಸುವ ಸಾಧ್ಯತೆ ಇರುತ್ತದೆ. ಈ ಎಲ್ಲಾ ಗೊಂದಲಗಳಿಗೆ ಈಗ ಮೆಟಾ ಎಐ ಒಂದು ಅದ್ಭುತ ಪರಿಹಾರ ನೀಡಿದೆ.
ಮೆಟಾ ಎಐ (Meta AI) ಟ್ರಿಕ್ ಬಳಸುವುದು ಹೇಗೆ?
ನಿಮ್ಮನ್ನು ಯಾರಾದರೂ ಬ್ಲಾಕ್ ಮಾಡಿದ್ದಾರೆ ಎಂದು ನಿಮಗೆ ಅನುಮಾನವಿದ್ದರೆ, ಈ ಕೆಳಗಿನ ಸರಳ ಹಂತಗಳನ್ನು ಅನುಸರಿಸಿ
ಮೊದಲು ನಿಮಗೆ ಅನುಮಾನವಿರುವ ವ್ಯಕ್ತಿಯ ವಾಟ್ಸ್ಆ್ಯಪ್ ಚಾಟ್ ಬಾಕ್ಸ್ ಅನ್ನು ಓಪನ್ ಮಾಡಿ.
ಅಲ್ಲಿ ಮೆಸೇಜ್ ಟೈಪ್ ಮಾಡುವ ಜಾಗದಲ್ಲಿ @Meta AI ಎಂದು ಟೈಪ್ ಮಾಡಿ. ಆಗ ಮೆಟಾ ಎಐ ಆಯ್ಕೆ ಕಾಣಿಸಿಕೊಳ್ಳುತ್ತದೆ, ಅದನ್ನು ಸೆಲೆಕ್ಟ್ ಮಾಡಿ.
ನಂತರ ಅದರ ಮುಂದೆ "Hi" ಎಂದು ಟೈಪ್ ಮಾಡಿ ಮೆಸೇಜ್ ಕಳುಹಿಸಿ.
ಈಗ ನಿಮ್ಮ ಸ್ಕ್ರೀನ್ ಮೇಲೆ ಏನಾಗುತ್ತದೆ ಎಂದು ಗಮನಿಸಿ.
ಒಂದು ವೇಳೆ ಆ ವ್ಯಕ್ತಿಯು ನಿಮ್ಮನ್ನು ಬ್ಲಾಕ್ ಮಾಡಿದ್ದರೆ, ನೀವು ಕಳುಹಿಸಿದ ಆ ಮೆಸೇಜ್ಗೆ ಮೆಟಾ ಎಐನಿಂದ ಯಾವುದೇ ಪ್ರತ್ಯುತ್ತರ (Reply) ಬರುವುದಿಲ್ಲ. ಅಂದರೆ, ಬ್ಲಾಕ್ ಆದ ಚಾಟ್ ಬಾಕ್ಸ್ನಲ್ಲಿ ಮೆಟಾ ಎಐ ಕೆಲಸ ಮಾಡುವುದಿಲ್ಲ. ನೀವು @Meta AI ಎಂದು ಟ್ಯಾಗ್ ಮಾಡಿದರೂ ಸಹ ಸಿಸ್ಟಮ್ ಅದನ್ನು ಸ್ವೀಕರಿಸುವುದಿಲ್ಲ. ಇದು ಸಂಭವಿಸಿದರೆ, ಅವರು ನಿಮ್ಮನ್ನು ಖಂಡಿತವಾಗಿ ನಿರ್ಬಂಧಿಸಿದ್ದಾರೆ (Block) ಎಂದು ನೀವು ಖಚಿತಪಡಿಸಿಕೊಳ್ಳಬಹುದು.
ಒಂದು ವೇಳೆ ಅವರು ನಿಮ್ಮನ್ನು ಬ್ಲಾಕ್ ಮಾಡಿಲ್ಲ ಎಂದಾದರೆ, ನೀವು ಮೆಸೇಜ್ ಕಳುಹಿಸಿದ ತಕ್ಷಣ ಮೆಟಾ ಎಐನಿಂದ ನಿಮಗೆ ರಿಪ್ಲೈ ಬರುತ್ತದೆ. ಇಲ್ಲಿ ಗಮನಿಸಬೇಕಾದ ಮುಖ್ಯ ವಿಷಯವೆಂದರೆ, ಒಂದು ವೇಳೆ ಆ ವ್ಯಕ್ತಿಯು ತನ್ನ ಇಂಟರ್ನೆಟ್ ಅನ್ನು ಆಫ್ ಮಾಡಿದ್ದರೂ ಸಹ, ಮೆಟಾ ಎಐ ನಿಮಗೆ ಪ್ರತ್ಯುತ್ತರ ನೀಡುತ್ತದೆ. ಅಂದರೆ ಸಿಂಗಲ್ ಟಿಕ್ ಇದ್ದರೂ ಸಹ ಮೆಟಾ ಎಐ ರಿಪ್ಲೈ ನೀಡಿದರೆ, ನಿಮ್ಮನ್ನು ಅವರು ಬ್ಲಾಕ್ ಮಾಡಿಲ್ಲ, ಕೇವಲ ಇಂಟರ್ನೆಟ್ ಸಮಸ್ಯೆ ಇದೆ ಎಂದು ಅರ್ಥ.
ಈ ಮೊದಲು ನಾವು ಗ್ರೂಪ್ ಕ್ರಿಯೇಟ್ ಮಾಡಿ ಅದಕ್ಕೆ ಆ ವ್ಯಕ್ತಿಯನ್ನು ಆಡ್ ಮಾಡುವ ಮೂಲಕ ಚೆಕ್ ಮಾಡುತ್ತಿದ್ದೆವು. ಆದರೆ ಅದು ಕೆಲವೊಮ್ಮೆ ಅವರಿಗೆ ಗೊತ್ತಾಗಿ ಮುಜುಗರವಾಗುತ್ತಿತ್ತು. ಆದರೆ ಈ ಮೆಟಾ ಎಐ ವಿಧಾನವು ತುಂಬಾ ಗೌಪ್ಯವಾಗಿದೆ ಮತ್ತು ನಿಖರವಾಗಿದೆ. ಅವರ ಪ್ರೊಫೈಲ್ ಫೋಟೋ ಇಲ್ಲದಿದ್ದರೂ ಅಥವಾ ಲಾಸ್ಟ್ ಸೀನ್ ಹೈಡ್ ಆಗಿದ್ದರೂ ಸಹ, ಈ ವಿಧಾನದ ಮೂಲಕ ಸತ್ಯವನ್ನು ತಿಳಿಯಬಹುದು.
ತಂತ್ರಜ್ಞಾನ ಬೆಳೆದಂತೆ ಇಂತಹ ಸಣ್ಣ ಪುಟ್ಟ ಸಮಸ್ಯೆಗಳಿಗೆ ಸ್ಮಾರ್ಟ್ ಪರಿಹಾರಗಳು ಸಿಗುತ್ತಲೇ ಇರುತ್ತವೆ. ನಿಮ್ಮ ವಾಟ್ಸ್ಆ್ಯಪ್ ಕಾಂಟ್ಯಾಕ್ಟ್ ಲಿಸ್ಟ್ನಲ್ಲಿರುವ ಯಾರಾದರೂ ನಿಮ್ಮ ಮೆಸೇಜ್ಗೆ ದೀರ್ಘಕಾಲದಿಂದ ಸ್ಪಂದಿಸುತ್ತಿಲ್ಲ ಎಂದರೆ, ತಕ್ಷಣ ಈ 'ಮೆಟಾ ಎಐ' ಟ್ರಿಕ್ ಬಳಸಿ ನೋಡಿ.
