ಐಪಿಎಲ್ 2026 ಈಗ ಕ್ಲೈಮ್ಯಾಕ್ಸ್ ಹಂತಕ್ಕೆ ಬಂದು ನಿಂತಿದೆ. ಇವತ್ತು (ಮೇ 21) ಅಹಮದಾಬಾದ್ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಗುಜರಾತ್ ಟೈಟಾನ್ಸ್ (CSK vs GT) ನಡುವೆ ಅಸಲಿ ಫೈಟ್ ನಡೆಯಲಿದೆ. ಸಿಎಸ್ಕೆ ಪ್ಲೇ-ಆಫ್ ರೇಸ್ನಲ್ಲಿ ಉಸಿರು ಗಟ್ಟಿಗೊಳಿಸಬೇಕಾದ್ರೆ ಇವತ್ತಿನ ಮ್ಯಾಚ್ನಲ್ಲಿ ಗೆಲ್ಲಲೇಬೇಕು. ಇಂತಹ ಹೈ-ವೋಲ್ಟೇಜ್ 'ಡು ಆರ್ ಡೈ' ಪಂದ್ಯಕ್ಕೂ ಮುನ್ನವೇ ಸಿಎಸ್ಕೆ ಬಿಗ್ ಬಾಂಬ್ ಒಂದನ್ನು ಸಿಡಿಸಿದೆ. ಅಭಿಮಾನಿಗಳು ಯಾರ ಆಟ ನೋಡಲು ಇಡೀ ಸೀಸನ್ ಕಾಯುತ್ತಿದ್ದರೋ, ಆ ‘ಕಿಂಗ್’ ಮಹೇಂದ್ರ ಸಿಂಗ್ ಧೋನಿ ಇಂದಿನ ಪಂದ್ಯದಲ್ಲೂ ಆಡುತ್ತಿಲ್ಲ!
ಹೌದು, ಹೆಬ್ಬೆರಳಿನ ಗಾಯದ ಸಮಸ್ಯೆಯಿಂದಾಗಿ ಧೋನಿ ಈ ಸೀಸನ್ನಲ್ಲಿ ಇದುವರೆಗೆ ಒಂದೇ ಒಂದು ಮ್ಯಾಚ್ ಕೂಡ ಆಡಿಲ್ಲ. ಇಂದು ಗುಜರಾತ್ ವಿರುದ್ಧದ ಕೊನೆಯ ಲೀಗ್ ಪಂದ್ಯದಲ್ಲಾದರೂ ಧೋನಿ ಕಮ್ಬ್ಯಾಕ್ ಮಾಡ್ತಾರೆ ಅಂದುಕೊಂಡಿದ್ದ ಅಭಿಮಾನಿಗಳಿಗೆ ಸಿಎಸ್ಕೆ ಬ್ಯಾಟಿಂಗ್ ಕೋಚ್ ಮೈಕಲ್ ಹಸ್ಸಿ ಬೇಸರದ ಅಪ್ಡೇಟ್ ಕೊಟ್ಟಿದ್ದಾರೆ.
ಹೆಬ್ಬೆರಳು ನೋವಿನಿಂದ ಬಳಲುತ್ತಿರುವ ಧೋನಿ: ಮೈಕಲ್ ಹಸ್ಸಿ ಕನ್ಫರ್ಮೇಶನ್!
ಪಂದ್ಯಕ್ಕೂ ಮುನ್ನ ನಡೆದ ಸುದ್ದಿಗೋಷ್ಠಿಯಲ್ಲಿ ಧೋನಿ ಲಭ್ಯತೆಯ ಬಗ್ಗೆ ಹಸ್ಸಿ ಮಾತನಾಡಿದ್ದಾರೆ. "ಎಂ.ಎಸ್ ಧೋನಿ ಅವರ ಹೆಬ್ಬೆರಳಿನ ಗಾಯ ಇನ್ನೂ ಸಂಪೂರ್ಣವಾಗಿ ಗುಣವಾಗಿಲ್ಲ. ನೋವು ಕಡಿಮೆ ಆಗ್ತಾ ಇದ್ದರೂ, ಇಂದಿನ ಮಹತ್ವದ ಪಂದ್ಯಕ್ಕೆ ಅವರು 100% ಫಿಟ್ ಆಗಿಲ್ಲ. ಹೀಗಾಗಿ ಗುಜರಾತ್ ವಿರುದ್ಧ ಅವರು ಕಣಕ್ಕಿಳಿಯುತ್ತಿಲ್ಲ ಅನ್ನೋದನ್ನು ನಾನು ಸ್ಪಷ್ಟಪಡಿಸುತ್ತೇನೆ," ಎಂದಿದ್ದಾರೆ.
ಆದರೆ, ಧೋನಿ ನೋಡಲು ಕಾಯುತ್ತಿರುವ ಫ್ಯಾನ್ಸ್ಗೆ ಹಸ್ಸಿ ಒಂದು ಟ್ವಿಸ್ಟ್ ಕೊಟ್ಟಿದ್ದಾರೆ. "ಒಂದು ವೇಳೆ ಸಿಎಸ್ಕೆ ಇವತ್ತು ಗೆದ್ದು ಪ್ಲೇ-ಆಫ್ಸ್ಗೆ ಅಧಿಕೃತವಾಗಿ ಎಂಟ್ರಿ ಕೊಟ್ಟರೆ, ಧೋನಿ ಖಂಡಿತವಾಗಿಯೂ ಮುಂದಿನ ಪಂದ್ಯಗಳಲ್ಲಿ ತಂಡವನ್ನು ಸೇರಿಕೊಳ್ಳಲಿದ್ದಾರೆ. ಟಾಪ್-4 ಹಂತದ ಪಂದ್ಯಗಳು ಆರಂಭವಾಗುವಷ್ಟರಲ್ಲಿ ಅವರು ಫಿಟ್ ಆಗ್ತಾರೆ ಅನ್ನೋ ನಂಬಿಕೆ ನಮಗಿದೆ," ಎಂದು ಹಸ್ಸಿ ಹೊಸ ಆಸೆ ಚಿಗುರಿಸಿದ್ದಾರೆ.
ಸನ್ರೈಸರ್ಸ್ ವಿರುದ್ಧದ ಸೋಲು ತಂದಿಟ್ಟ ಕಂಟಕ; ಇವತ್ತು ಗೆಲ್ಲಲೇಬೇಕು ಚೆನ್ನೈ!
ಸಿಎಸ್ಕೆಗೆ ಸದ್ಯದ ಪರಿಸ್ಥಿತಿ ಅಷ್ಟು ಸುಲಭವಾಗಿಲ್ಲ. ಕಳೆದ ಪಂದ್ಯದಲ್ಲಿ ಸನ್ರೈಸರ್ಸ್ ಹೈದರಾಬಾದ್ (SRH) ವಿರುದ್ಧ ಅನುಭವಿಸಿದ ಹೀನಾಯ ಸೋಲು ಚೆನ್ನೈ ತಂಡದ ಪ್ಲೇ-ಆಫ್ ಹಾದಿಯನ್ನು ಕಠಿಣಗೊಳಿಸಿದೆ. ಇವತ್ತು ಎದುರಾಳಿಯಾಗಿರೋ ಗುಜರಾತ್ ಟೈಟಾನ್ಸ್ ಈಗಾಗಲೇ ಪಾಯಿಂಟ್ಸ್ ಟೇಬಲ್ನಲ್ಲಿ 2ನೇ ಸ್ಥಾನದಲ್ಲಿದ್ದು, ಫುಲ್ ಫಾರ್ಮ್ನಲ್ಲಿದೆ.
"SRH ವಿರುದ್ಧದ ಸೋಲಿನಿಂದ ನಮಗೆ ಟಾಪ್-4 ಒಳಗೆ ಹೋಗೋದು ಸ್ವಲ್ಪ ಟಫ್ ಆಗಿದೆ. ಪಂದ್ಯದ ಬಳಿಕ ಡ್ರೆಸ್ಸಿಂಗ್ ರೂಮ್ನಲ್ಲಿ ಎಲ್ಲರೂ ಸೈಲೆಂಟ್ ಆಗಿದ್ದರು, ಬೇಸರವೂ ಇತ್ತು. ಆದರೆ ಆ ತಪ್ಪುಗಳಿಂದ ಪಾಠ ಕಲಿತು ನಾವು ಮುಂದೆ ಸಾಗಬೇಕಿದೆ. ಪಾಸಿಟಿವ್ ಎನರ್ಜಿಯೊಂದಿಗೆ ಗುಜರಾತ್ ವಿರುದ್ಧ ನಮ್ಮ ಬೆಸ್ಟ್ ಪರ್ಫಾರ್ಮೆನ್ಸ್ ನೀಡಲು ಹುಡುಗರು ರೆಡಿಯಾಗಿದ್ದಾರೆ," ಎಂದು ಹಸ್ಸಿ ಟೀಮ್ ಮೂಡ್ ಬಿಚ್ಚಿಟ್ಟಿದ್ದಾರೆ.
"ನನ್ನ ಬಾಡಿ ವೀಕ್ ಆಗಿದೆ ಅಂದ್ರೂ ಧೋನಿನ ಬಿಡಲ್ಲ!" - ಸುರೇಶ್ ರೈನಾ ಇಂಟರೆಸ್ಟಿಂಗ್ ಚಾಟ್!
ಈ ಸೀಸನ್ನಲ್ಲಿ ಧೋನಿ ಒಂದೂ ಪಂದ್ಯ ಆಡದ ಕಾರಣ, ಇನ್ನು ಧೋನಿ ಐಪಿಎಲ್ಗೆ ಗುಡ್ಬೈ ಹೇಳ್ತಾರಾ ಅನ್ನೋ ಆತಂಕ ಅಭಿಮಾನಿಗಳಲ್ಲಿ ಶುರುವಾಗಿದೆ. ಆದರೆ ಧೋನಿ ಆಪ್ತ ಗೆಳೆಯ ಸುರೇಶ್ ರೈನಾ ಇತ್ತೀಚೆಗೆ ಧೋನಿ ಜೊತೆ ನಡೆಸಿದ ಸೀಕ್ರೆಟ್ ಸಂಭಾಷಣೆಯೊಂದನ್ನು ರಿವೀಲ್ ಮಾಡಿದ್ದಾರೆ.
ರೈನಾ ಮತ್ತು ಧೋನಿ ನಡುವಿನ ಮಜಾವಾದ ಮಾತುಕತೆ:
ರೈನಾ ಧೋನಿಗೆ ನೇರವಾಗಿಯೇ ಹೇಳಿದ್ದಾರಂತೆ—"ಬಾಸ್, 2026ರ ಐಪಿಎಲ್ಗೆ ನೀವು ಬಂದು ಬರೀ ಮಿಸ್ಡ್ ಕಾಲ್ ಕೊಟ್ಟ ಹಾಗಾಯ್ತು. ಮ್ಯಾಚ್ ಆಡದೇ ಹೋದ್ರೆ ಹೆಂಗೆ? ಇದು ಲೆಕ್ಕಕ್ಕೇ ಬರಲ್ಲ. ಮುಂದಿನ ವರ್ಷ (2027) ನೀವು ಮತ್ತೆ ಪ್ಯಾಡ್ ಕಟ್ಟಿ ಮೈದಾನಕ್ಕೆ ಬರಲೇಬೇಕು."
ಇದಕ್ಕೆ ಧೋನಿ ನಗುತ್ತಾ, "ಇಲ್ಲ ಕಣೋ, ನನ್ನ ದೇಹ ಈಗ ತುಂಬಾ ದಣಿದಿದೆ, ಮೊದಲಿನಷ್ಟು ಸ್ಟ್ರೆಂತ್ ಇಲ್ಲ, ವೀಕ್ ಆಗಿದೆ," ಅಂದಿದ್ದಾರೆ. ಆದರೆ ರೈನಾ ಮಾತ್ರ, "ನಾವು ನಿಮ್ಮ ಯಾವುದೇ ನೆಪ ಕೇಳಲ್ಲ, 2027ರಲ್ಲೂ ನೀವು ಸಿಎಸ್ಕೆ ಪರ ಆಡಲೇಬೇಕು," ಎಂದು ಹಠ ಹಿಡಿದಿದ್ದಾರಂತೆ!
ರೈನಾ ಅವರ ಈ ಮಾತುಗಳು ಧೋನಿ ಫ್ಯಾನ್ಸ್ಗೆ ಸದ್ಯಕ್ಕೆ ದೊಡ್ಡ ಬೂಸ್ಟರ್ ಡೋಸ್ ಕೊಟ್ಟಂತಾಗಿದೆ. ಆದರೆ ಸದ್ಯದ ಮಟ್ಟಿಗೆ ಸಿಎಸ್ಕೆ ಮುಂದಿರುವ ಏಕೈಕ ಟಾರ್ಗೆಟ್—ಇವತ್ತು ಗುಜರಾತ್ ತಂಡವನ್ನು ಧೂಳೀಪಟ ಮಾಡಿ ಪ್ಲೇ-ಆಫ್ ಟಿಕೆಟ್ ಗಿಟ್ಟಿಸಿಕೊಳ್ಳುವುದು. ಹಾಗಾದ್ರೆ ಮಾತ್ರ ಅಭಿಮಾನಿಗಳಿಗೆ ಈ ಸೀಸನ್ನಲ್ಲಿ ಧೋನಿ ದರ್ಶನ ಸಿಗಲಿದೆ! ತಲಾ ಮೈದಾನಕ್ಕಿಳಿಯಲು ಸಿಎಸ್ಕೆ ಇವತ್ತು ಗೆಲ್ಲಲಿ ಅನ್ನೋದೇ ಅಭಿಮಾನಿಗಳ ಪ್ರಾರ್ಥನೆ.
