ನೆರೆರಾಜ್ಯ ತಮಿಳುನಾಡಿನಲ್ಲಿ ಸೂಪರ್ ಸ್ಟಾರ್, ಮುಖ್ಯಮಂತ್ರಿ ಜೋಸೆಫ್ ವಿಜಯ್ (Thalapathy Vijay) ಅವರ ನೇತೃತ್ವದ ಹೊಸ ಸರ್ಕಾರ ಈಗ ಫುಲ್ ಆಕ್ಷನ್ ಮೂಡ್ಗೆ ಬಂದಿದೆ. ಅಧಿಕಾರ ವಹಿಸಿಕೊಂಡ ಕೆಲವೇ ದಿನಗಳಲ್ಲಿ ಸಿಎಂ ವಿಜಯ್ ಅವರು ತಮ್ಮ ಸಚಿವ ಸಂಪುಟವನ್ನು ಭರ್ಜರಿಯಾಗಿ ವಿಸ್ತರಣೆ ಮಾಡಿದ್ದಾರೆ. ಇವತ್ತು ಅಂದರೆ ಗುರುವಾರ (2026 ಮೇ 21) ಒಟ್ಟು 23 ಹೊಸ ಶಾಸಕರು ಸಚಿವರಾಗಿ ಅದ್ಧೂರಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ.
ಈ ಹೊಸ ಸಂಪುಟದಲ್ಲಿ ವಿಜಯ್ ಅವರ ಸ್ವಂತ ಪಕ್ಷವಾದ ತಮಿಳಗ ವೆಟ್ರಿ ಕಳಗಂ (TVK) ಮಾತ್ರವಲ್ಲದೆ, ಮಿತ್ರಪಕ್ಷವಾದ ಕಾಂಗ್ರೆಸ್ಗೂ ದೊಡ್ಡ ಮನ್ನಣೆ ಸಿಕ್ಕಿದೆ. ತಮಿಳುನಾಡು ರಾಜಕೀಯದಲ್ಲಿ ಸಂಚಲನ ಮೂಡಿಸಿರುವ ಈ ಸಂಪುಟ ವಿಸ್ತರಣೆಯ ಕಂಪ್ಲೀಟ್ ಇಂಟರೆಸ್ಟಿಂಗ್ ಸ್ಟೋರಿ ಇಲ್ಲಿದೆ ನೋಡಿ.
ಟಿವಿಕೆಯಿಂದ 21, ಕಾಂಗ್ರೆಸ್ನಿಂದ ಇಬ್ಬರಿಗೆ ಮಂತ್ರಿ ಪಟ್ಟ!
ಮೇ 10 ರಂದು ಸಿಎಂ ವಿಜಯ್ ಅವರು ಕೇವಲ ಒಂಬತ್ತು ಜನ ಸಚಿವರೊಂದಿಗೆ ಚಿಕ್ಕದಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದರು. ಆದರೆ ಇವತ್ತು ನಡೆದ ಮೆಗಾ ವಿಸ್ತರಣೆಯಲ್ಲಿ ಟಿವಿಕೆ ಪಕ್ಷದ 21 ಶಾಸಕರು ಮತ್ತು ಮೈತ್ರಿಕೂಟದಲ್ಲಿದ್ದ ಕಾಂಗ್ರೆಸ್ ಪಕ್ಷದ ಇಬ್ಬರು ಶಾಸಕರು ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ.
ನಿಯಮಗಳ ಪ್ರಕಾರ ತಮಿಳುನಾಡು ಸಂಪುಟದಲ್ಲಿ ಗರಿಷ್ಠ 35 ಸಚಿವರು ಇರಬಹುದು (ವಿಧಾನಸಭೆಯ ಒಟ್ಟು ಬಲದ ಶೇಕಡಾ 15 ರಷ್ಟು). ಇವತ್ತು 23 ಹೊಸ ಸಚಿವರು ಸೇರಿದ ಮೇಲೆ ವಿಜಯ್ ಸರ್ಕಾರದ ಒಟ್ಟು ಸಚಿವರ ಸಂಖ್ಯೆ 32 ಕ್ಕೆ ಏರಿದೆ. ಅಂದರೆ ಇನ್ನು 3 ಸಚಿವ ಸ್ಥಾನಗಳು ಖಾಲಿ ಉಳಿದಿವೆ.
ಇವತ್ತು ಮಂತ್ರಿಗಳಾದ ಲಕ್ಕಿ ಶಾಸಕರು ಯಾರು?
ಇವತ್ತು ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದ ಟಿವಿಕೆ ಶಾಸಕರ ದೊಡ್ಡ ಲಿಸ್ಟ್ ಇಲ್ಲಿದೆ:
ಶ್ರೀನಾಥ್, ಕಮಲಿ ಎಸ್, ಸಿ ವಿಜಯಲಕ್ಷ್ಮಿ, ಆರ್ ವಿ ರಂಜಿತ್ಕುಮಾರ್, ವಿನೋತ್, ರಾಜೀವ್, ಬಿ ರಾಜ್ಕುಮಾರ್, ವಿ ಗಾಂಧಿರಾಜ್, ಮಥನ್ ರಾಜಾ ಪಿ, ಜೆಗದೇಶ್ವರಿ ಕೆ, ರಾಜೇಶ್ ಕುಮಾರ್ ಎಸ್, ಎಂ ವಿಜಯ್ ಬಾಲಾಜಿ, ಲೋಗೇಶ್ ತಮಿಕ್ಸೆಲ್ವನ್ ಡಿ, ವಿಜಯ್ ತಮಿಳನ್ ಪಾರ್ತಿಬನ್ ಎ, ರಮೇಶ್, ಕುಮಾರ್ ಆರ್, ತೆನ್ನರಸು ಕೆ, ವಿ ಸಂಪತ್ ಕುಮಾರ್, ಮೊಹಮದ್ ಫರ್ವಾಸ್ ಜೆ, ಡಿ ಶರತ್ ಕುಮಾರ್ ಮತ್ತು ಎನ್ ಮೇರಿ ವಿಲ್ಸನ್.
ಇನ್ನು ಕಾಂಗ್ರೆಸ್ ಪಕ್ಷದಿಂದ ರಾಜೇಶ್ ಕುಮಾರ್ ಮತ್ತು ತಿರು ಪಿ. ವಿಶ್ವನಾಥನ್ ಮತ್ತು ಟಿವಿಕೆಯ ವಿಶ್ಲೇಶ್ ಕೆ ಮಂತ್ರಿಗಳಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ.
ಆರು ದಶಕಗಳ ಬಳಿಕ ಕಾಂಗ್ರೆಸ್ಗೆ ಸಿಕ್ತು ಸಚಿವ ಸ್ಥಾನ!
ಈ ಸಂಪುಟ ವಿಸ್ತರಣೆಯಲ್ಲಿ ಅತ್ಯಂತ ಹೈಲೈಟ್ ಆದ ವಿಷಯ ಅಂದರೆ ಅದು ಕಾಂಗ್ರೆಸ್ ಪಕ್ಷಕ್ಕೆ ಮಂತ್ರಿ ಸ್ಥಾನ ಸಿಕ್ಕಿರುವುದು. ಇದು ಸಣ್ಣ ವಿಷಯ ಅಲ್ಲ ಬಾಸ್, ಬರೋಬ್ಬರಿ 59 ವರ್ಷಗಳ ಬಳಿಕ (ಆರು ದಶಕ) ತಮಿಳುನಾಡಿನಲ್ಲಿ ಕಾಂಗ್ರೆಸ್ ಪಕ್ಷ ಸರ್ಕಾರವೊಂದರ ಸಚಿವ ಸಂಪುಟದಲ್ಲಿ ಭಾಗಿಯಾಗುತ್ತಿದೆ!
ತಮಿಳುನಾಡು ರಾಜ್ಯಕ್ಕೆ 'ಮದ್ರಾಸ್ ರಾಜ್ಯ' ಅಂತ ಹೆಸರಿದ್ದಾಗ, ಅಂದರೆ 1963-67ರ ಅವಧಿಯಲ್ಲಿ ಕೊನೆಯ ಬಾರಿಗೆ ಕಾಂಗ್ರೆಸ್ ಅಲ್ಲಿ ಅಧಿಕಾರದಲ್ಲಿತ್ತು. ಅದಾದ ಮೇಲೆ ತಮಿಳುನಾಡಿನಲ್ಲಿ ದ್ರಾವಿಡ ಪಕ್ಷಗಳ (DMK ಮತ್ತು AIADMK) ಅಲೆ ಶುರುವಾಗಿ ಕಾಂಗ್ರೆಸ್ ಮೂಲೆಗುಂಪಾಯಿತು. ಇತ್ತೀಚಿನ 2021-25ರ ಡಿಎಂಕೆ ಸರ್ಕಾರದ ಅವಧಿಯಲ್ಲೂ ಕಾಂಗ್ರೆಸ್ ಮೈತ್ರಿಯಲ್ಲಿದ್ದರೂ ಸರ್ಕಾರದಲ್ಲಿ ಭಾಗಿಯಾಗಿರಲಿಲ್ಲ. ಈಗ ದಳಪತಿ ವಿಜಯ್ ಅವರು ಕಾಂಗ್ರೆಸ್ಗೆ ಮಂತ್ರಿ ಸ್ಥಾನ ಕೊಡುವ ಮೂಲಕ ಹಳೇ ಇತಿಹಾಸವನ್ನು ಮರುಸೃಷ್ಟಿಸಿದ್ದಾರೆ.
ವಿಸಿಕೆ ಮತ್ತು ಐಯುಎಂಎಲ್ ಪಕ್ಷಗಳಿಗೆ ಮುಂದಿನ ಹಂತದಲ್ಲಿ ಚಾನ್ಸ್?
ವಿಜಯ್ ಅವರ ಮೈತ್ರಿಕೂಟದಲ್ಲಿರುವ ಇನ್ನು ಎರಡು ಪ್ರಮುಖ ಪಕ್ಷಗಳಾದ ಐಯುಎಂಎಲ್ (IUML) ಮತ್ತು ವಿಸಿಕೆ (VCK) ಸದ್ಯಕ್ಕೆ ಈ ಸಂಪುಟ ವಿಸ್ತರಣೆಯಿಂದ ಹೊರಗುಳಿದಿವೆ. ತಲಾ ಇಬ್ಬರು ಶಾಸಕರನ್ನು ಹೊಂದಿರುವ ಈ ಎರಡೂ ಪಕ್ಷಗಳು ವಿಜಯ್ ಸರ್ಕಾರಕ್ಕೆ ಬಹುಮತದ ಸಂಖ್ಯಾಬಲ ಕಾಪಾಡಿಕೊಳ್ಳಲು ತುಂಬಾ ನಿರ್ಣಾಯಕವಾಗಿವೆ. ಈಗ 3 ಸಚಿವ ಸ್ಥಾನಗಳು ಬಾಕಿ ಇರುವುದರಿಂದ, ಮುಂದಿನ ಹಂತದ ವಿಸ್ತರಣೆಯಲ್ಲಿ ಈ ಎರಡು ಪಕ್ಷಗಳ ಶಾಸಕರಿಗೂ ಮಂತ್ರಿ ಪಟ್ಟ ಸಿಗಲಿದೆ ಎಂದು ಟಿವಿಕೆ ಪಕ್ಷದ ಆಪ್ತ ಮೂಲಗಳು ತಿಳಿಸಿವೆ.
#WATCH | Chennai | TVK and Congress MLAs take oath as Tamil Nadu Ministers in the presence of CM Vijay and Governor Rajendra Vishwanath Arlekar
— ANI (@ANI) May 21, 2026
The CM has recommended to induct 23 MLAs into the Council of Ministers and the state Governor approved the recommendation made by the… pic.twitter.com/6Svw7eJZKb
ಸಿನಿಮಾ ರಂಗದಲ್ಲಿ ಅಬ್ಬರಿಸಿದ್ದ ದಳಪತಿ ವಿಜಯ್ ಈಗ ರಾಜಕೀಯದಲ್ಲೂ ಮೈತ್ರಿ ಪಕ್ಷಗಳನ್ನು ಜೊತೆಯಲ್ಲಿ ಕರೆದುಕೊಂಡು ಹೋಗುತ್ತಾ ಪಕ್ಕಾ ಲೀಡರ್ ತರಹ ಕಾಣಿಸಿಕೊಳ್ಳುತ್ತಿದ್ದಾರೆ. ಸಿಎಂ ಆಗಿ ಮೊದಲ ಇನ್ನಿಂಗ್ಸ್ ಆರಂಭಿಸಿರುವ ವಿಜಯ್ ಅವರ ಈ ಹೊಸ ಟೀಮ್ ತಮಿಳುನಾಡನ್ನು ಹೇಗೆ ಮುನ್ನಡೆಸಲಿದೆ ಎಂಬುದನ್ನು ಕಾದು ನೋಡಬೇಕು!
