ಪುಣೆಯ ಮೊಹಮ್ಮದ್ವಾಡಿ ಭಾಗದಲ್ಲಿ ಯಾವುದೋ ಕ್ರೈಂ ಸಿನಿಮಾ ಶೈಲಿಯಲ್ಲಿ ಒಂದು ಶಾಕಿಂಗ್ ಘಟನೆ ನಡೆದಿದೆ. ಹ್ಯೂಮನ್ ಟ್ರಾಫಿಕಿಂಗ್ (ಮಾನವ ಅಕ್ರಮ ಸಾಗಣೆ) ಜಾಲದಿಂದ ಎನ್ಜಿಒ ರಕ್ಷಿಸಿದ್ದ 13 ಬಾಂಗ್ಲಾದೇಶದ ಯುವತಿಯರು, ತಮ್ಮನ್ನು ನೋಡಿಕೊಳ್ಳುತ್ತಿದ್ದ ಮಹಿಳೆಯ ಮೇಲೆಯೇ ಹ*ಲ್ಲೆ ಮಾಡಿ ಶೆಲ್ಟರ್ ಹೋಮ್ನಿಂದ ಪರಾರಿಯಾಗಿದ್ದಾರೆ. ಈ ಸುದ್ದಿ ಈಗ ಇಡೀ ಪುಣೆ ಪೊಲೀಸರನ್ನು ಅಲರ್ಟ್ ಮಾಡಿದೆ.
ಘಟನೆಯ ಹಿನ್ನೆಲೆ ನೋಡುವುದಾದರೆ, ಪುಣೆಯ ಒಂದು ಎನ್ಜಿಒ ಮಾನವ ಅಕ್ರಮ ಸಾಗಣೆ ದಂಧೆಯ ಮೇಲೆ ಕಣ್ಣಿಟ್ಟು, ಅಲ್ಲಿ ಸಿಲುಕಿಕೊಂಡಿದ್ದ 13 ಜನ ಯುವತಿಯರನ್ನು ಬಹಳ ಕಷ್ಟಪಟ್ಟು ರಕ್ಷಿಸಿತ್ತು. ಇವರೆಲ್ಲರನ್ನು ಮೊಹಮ್ಮದ್ವಾಡಿಯಲ್ಲಿರುವ ಒಂದು ಸುರಕ್ಷಿತ ಶೆಲ್ಟರ್ ಹೋಮ್ನಲ್ಲಿ ಇರಿಸಲಾಗಿತ್ತು. ಈ ಯುವತಿಯರ ಪೈಕಿ 10 ಮಂದಿ ಬಾಂಗ್ಲಾದೇಶದ ಪ್ರಜೆಗಳು ಎಂದು ಅಧಿಕೃತವಾಗಿ ದೃಢಪಟ್ಟಿತ್ತು. ಅಕ್ರಮವಾಗಿ ಭಾರತಕ್ಕೆ ಬಂದಿದ್ದ ಇವರು ದಲ್ಲಾಳಿಗಳ ಕೈಗೆ ಸಿಕ್ಕಿ ನರಳುತ್ತಿದ್ದರು. ಇವರನ್ನು ರಕ್ಷಿಸಿದ ಮೇಲೆ ಅವರವರ ದೇಶಕ್ಕೆ ಕಳುಹಿಸುವ ಪ್ರಕ್ರಿಯೆ ನಡೆಯಬೇಕಿತ್ತು.
ಆದರೆ, ಅಲ್ಲಿ ನಡೆದಿದ್ದೇ ಬೇರೆ. ಶೆಲ್ಟರ್ ಹೋಮ್ನಲ್ಲಿ ಲಕ್ಷ್ಮಿ ಕಾಂಬಳೆ ಎಂಬ ಕೇರ್ಟೇಕರ್ ಈ ಯುವತಿಯರ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದರು. ಒಂದು ದಿನ ಇದ್ದಕ್ಕಿದ್ದಂತೆ ಈ 13 ಯುವತಿಯರು ಸೇರಿಕೊಂಡು ಲಕ್ಷ್ಮಿ ಅವರ ಮೇಲೆ ಮುಗಿಬಿದ್ದಿದ್ದಾರೆ. ಅವರನ್ನು ಮನಬಂದಂತೆ ಥಳಿಸಿ, ಅಲ್ಲಿಂದ ತಪ್ಪಿಸಿಕೊಂಡು ಹೋಗಿದ್ದಾರೆ. ಪಾಪ, ಆ ಮಹಿಳೆಗೆ ಈ ಯುವತಿಯರು ಹೀಗೆ ತಿರುಗಿ ಬೀಳಬಹುದು ಎಂಬ ಸಣ್ಣ ಸುಳಿವು ಕೂಡ ಇರಲಿಲ್ಲ.
ಲಕ್ಷ್ಮಿ ಅವರ ಮೇಲೆ ಹ*ಲ್ಲೆ ಮಾಡಿದ ನಂತರ, ಈ ಕಿಲಾಡಿ ಯುವತಿಯರು ಶೆಲ್ಟರ್ನಿಂದ ಹೊರಬಂದು ಕಣ್ಮರೆಯಾಗಿದ್ದಾರೆ. ಈ ವಿಷಯ ತಿಳಿಯುತ್ತಿದ್ದಂತೆಯೇ ಇಡೀ ಏರಿಯಾದಲ್ಲಿ ಆತಂಕ ಶುರುವಾಗಿದೆ. ಯಾಕೆಂದರೆ, ಇವರಲ್ಲಿ ಬಹುತೇಕರು ಅಕ್ರಮ ನುಸುಳುಕೋರರಾಗಿದ್ದು, ಇವರಿಗೆ ಈ ದಂಧೆಯ ಹಿಂದಿರುವ ದೊಡ್ಡ ದೊಡ್ಡ ಮಾಫಿಯಾಗಳ ಸಂಪರ್ಕ ಇರುವ ಸಾಧ್ಯತೆ ಇದೆ.
ಪೊಲೀಸರು ಈಗ ಸಿಸಿಟಿವಿ ದೃಶ್ಯಗಳನ್ನು ಜಾಲಾಡುತ್ತಿದ್ದಾರೆ. ರಕ್ಷಣೆ ಪಡೆದವರು ಹೀಗೆ ಹಲ್ಲೆ ಮಾಡಿ ಓಡಿಹೋಗುವುದು ಅಷ್ಟು ಸುಲಭವಲ್ಲ, ಇದರ ಹಿಂದೆ ಯಾರಾದರೂ ದಲ್ಲಾಳಿಗಳ ಕೈವಾಡ ಇದೆಯೇ? ಅಥವಾ ಇವರನ್ನು ಮತ್ತೆ ಅದೇ ಹಳೆಯ ಮಾಫಿಯಾ ಮೆಂಬರ್ಗಳು ಪಿಕ್ ಮಾಡಿಕೊಂಡರಾ? ಎಂಬ ಅನುಮಾನಗಳು ಕಾಡುತ್ತಿವೆ.
ಭಾರತದಲ್ಲಿ ಬಾಂಗ್ಲಾದೇಶದ ಯುವತಿಯರನ್ನು ಕೆಲಸದ ಆಸೆ ತೋರಿಸಿ ಅಥವಾ ಮದುವೆಯ ನೆಪದಲ್ಲಿ ಅಕ್ರಮವಾಗಿ ಕರೆತರುವ ಜಾಲ ಬಹಳ ದೊಡ್ಡದಿದೆ. ಇವರನ್ನು ಮುಂಬೈ, ಪುಣೆ ಮತ್ತು ಬೆಂಗಳೂರಿನಂತಹ ನಗರಗಳಲ್ಲಿ ಅನೈತಿಕ ಚಟುವಟಿಕೆಗಳಿಗೆ ತಳ್ಳಲಾಗುತ್ತದೆ. ಇವರನ್ನು ರಕ್ಷಿಸುವುದು ಎಷ್ಟು ಕಷ್ಟವೋ, ಅವರಲ್ಲಿ ವಿಶ್ವಾಸ ಮೂಡಿಸಿ ಮತ್ತೆ ಸಮಾಜದ ಮುಖ್ಯವಾಹಿನಿಗೆ ತರುವುದು ಅಷ್ಟೇ ದೊಡ್ಡ ಸವಾಲು. ಪುಣೆಯ ಈ ಘಟನೆಯಲ್ಲಿ ಯುವತಿಯರು ಎಸ್ಕೇಪ್ ಆಗಿರುವುದು ಎನ್ಜಿಒಗಳ ಸುರಕ್ಷತಾ ವ್ಯವಸ್ಥೆಯ ಬಗ್ಗೆಯೂ ಪ್ರಶ್ನೆ ಎತ್ತುವಂತೆ ಮಾಡಿದೆ.
An NGO in Pune rescued 13 Bangladeshi girls from a human trafficking racket.
— Team Hindu United (@TeamHinduUnited) April 12, 2026
Instead of gratitude, the same girls attacked the caretaker Laxmi and fled the shelter.
This is the reality of illegal infiltration that Hindu India is being forced to face. pic.twitter.com/ydvf7I9NPV
ನಿಮ್ಮ ಸುತ್ತಮುತ್ತ ಅಕ್ರಮವಾಗಿ ವಾಸಿಸುತ್ತಿರುವ ವಿದೇಶಿ ಪ್ರಜೆಗಳ ಬಗ್ಗೆ ಸಂಶಯ ಬಂದರೆ ಅಥವಾ ಹ್ಯೂಮನ್ ಟ್ರಾಫಿಕಿಂಗ್ನಂತಹ ದಂಧೆ ನಡೆಯುತ್ತಿದೆ ಎಂದು ಅನಿಸಿದರೆ ಕೂಡಲೇ ಪೊಲೀಸರಿಗೆ ಮಾಹಿತಿ ನೀಡಿ. ಯಾರನ್ನೂ ಅತಿಯಾಗಿ ನಂಬಬೇಡಿ ಅನ್ನೋದಕ್ಕೆ ಈ ಘಟನೆಯೇ ಸಾಕ್ಷಿ. ಸಹಾಯ ಮಾಡಲು ಹೋದ ಲಕ್ಷ್ಮಿ ಕಾಂಬಳೆ ಅವರಿಗೆ ಕೊನೆಗೆ ಸಿಕ್ಕಿದ್ದು ಅಟ್ಯಾಕ್ ಮತ್ತು ನೋವು. ಸದ್ಯಕ್ಕೆ ಪೊಲೀಸರು ಆರೋಪಿಗಳಿಗಾಗಿ ಬಲೆ ಬೀಸಿದ್ದಾರೆ. ಈ 13 ಕಿಲಾಡಿ ಯುವತಿಯರು ಮತ್ತೆ ಸಿಕ್ಕಿಬೀಳ್ತಾರಾ? ಕಾದು ನೋಡಬೇಕು. ಕಾನೂನು ಬಾಹಿರ ಚಟುವಟಿಕೆಗಳ ಬಗ್ಗೆ ಎಚ್ಚರವಿರಲಿ, ಸುರಕ್ಷಿತವಾಗಿರಿ.
