ಪುಣೆಯ ಹಡಪ್ಸರ್ ಪ್ರದೇಶದ ಜನರಿಗೆ ಶನಿವಾರದ ಸಂಜೆ ಒಂದು ಸಿನಿಮಾ ಸೀನ್ ನೋಡಿದ ಅನುಭವವಾಯಿತು. ಆದರೆ ಅದು ಸಿನಿಮಾವಾಗಿರಲಿಲ್ಲ, ಬದಲಾಗಿ ಕ್ರೆಡಿಟ್ ಕಾರ್ಡ್ ಸಾಲದ ವಸೂಲಿಗೆ ಬಂದ ಏಜೆಂಟ್ ಮತ್ತು ಸಾಲಗಾರನ ನಡುವೆ ನಡೆದ ಕರಾಳ ಬೀದಿ ರಂಪಾಟ!
ಏಪ್ರಿಲ್ 27ರಂದು ಹಡಪ್ಸರ್ನ ಪ್ರಮುಖ ಸ್ಥಳವಾದ '15 ನಂಬರ್ ಚೌಕ್' ಬಳಿ ಈ ಘಟನೆ ನಡೆದಿದೆ. ಕ್ರೆಡಿಟ್ ಕಾರ್ಡ್ ಹಣ ಪಾವತಿ ಮಾಡಿಲ್ಲ ಎಂಬ ಕಾರಣಕ್ಕೆ ರಿಕವರಿ ಏಜೆಂಟ್ ಗ್ರಾಹಕನನ್ನ ತಡೆದಿದ್ದಾನೆ. ಮೊದಲು ಇಬ್ಬರ ನಡುವೆ ಜೋರಾಗಿ ಮಾತಿನ ಜಗಳ ನಡೆದಿದೆ. ಇದು ವಿಕೋಪಕ್ಕೆ ಹೋಗಿ ಇಬ್ಬರೂ ನಡುರಸ್ತೆಯಲ್ಲೇ ಕೈ-ಕೈ ಮಿಲಾಯಿಸಿದ್ದಾರೆ.
ಗಲಾಟೆ ಎಷ್ಟು ಜೋರಾಗಿತ್ತೆಂದರೆ, ರಸ್ತೆಯಲ್ಲಿ ಹೋಗುವ ವಾಹನ ಸವಾರರೆಲ್ಲಾ ನಿಂತು ನೋಡುವಂತಾಯಿತು.
ಪತ್ನಿಯ ಹರಸಾಹಸ: ಜಗಳ ಬಿಡಿಸಲು ಆ ಗ್ರಾಹಕನ ಪತ್ನಿ ಹರಸಾಹಸ ಪಟ್ಟಿದ್ದಾರೆ. ಆದರೂ ಏಜೆಂಟ್ ಮತ್ತು ಗ್ರಾಹಕ ಪರಸ್ಪರ ಕಾಲರ್ ಪಟ್ಟಿ ಹಿಡಿದು ಹೊಡೆದಾಡಿಕೊಂಡಿದ್ದಾರೆ.
ಆತ್ಮಹ*ತ್ಯೆಯ ಬೆದರಿಕೆ: ಸಾರ್ವಜನಿಕವಾಗಿ ಅವಮಾನಕ್ಕೆ ಒಳಗಾದ ಗ್ರಾಹಕ, ತೀವ್ರ ಆಕ್ರೋಶ ಮತ್ತು ನೋವಿನಿಂದ "ನಾನು ಇಲ್ಲೇ ಸತ್ತು ಹೋಗುತ್ತೇನೆ" ಎಂದು ಕಿರುಚಾಡಿದ್ದಾನೆ.
ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ವೈರಲ್:
ಅಲ್ಲೇ ಇದ್ದ ಸಾರ್ವಜನಿಕರು ಈ ಇಡೀ ಘಟನೆಯನ್ನು ಮೊಬೈಲ್ನಲ್ಲಿ ಸೆರೆಹಿಡಿದು ಸೋಶಿಯಲ್ ಮೀಡಿಯಾಗೆ ಅಪ್ಲೋಡ್ ಮಾಡಿದ್ದಾರೆ. ಈಗ ಈ ವಿಡಿಯೋ ನೋಡಿ ಜನ ಬ್ಯಾಂಕ್ಗಳ 'ಗೂಂಡಾಗಿರಿ' ವಿರುದ್ಧ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.
ಬ್ಯಾಂಕ್ ರಿಕವರಿ ಏಜೆಂಟ್ಗಳಿಗೆ ಆರ್ ಬಿ ಐ (RBI) ರೂಲ್ಸ್ ಗೊತ್ತಿಲ್ವಾ?
ಭಾರತೀಯ ರಿಸರ್ವ್ ಬ್ಯಾಂಕ್ ಸಾಲ ವಸೂಲಿ ಮಾಡುವ ವಿಚಾರದಲ್ಲಿ ಕಟ್ಟುನಿಟ್ಟಾದ ನಿಯಮಗಳನ್ನು ಜಾರಿಗೆ ತಂದಿದೆ. ಆದರೆ ಪುಣೆಯ ಈ ಘಟನೆ ಆ ನಿಯಮಗಳನ್ನೆಲ್ಲಾ ಗಾಳಿಗೆ ತೂರಿದಂತಿದೆ.
ದೈಹಿಕ ಕಿರುಕುಳ ನಿಷೇಧ: ಯಾವುದೇ ಕಾರಣಕ್ಕೂ ಗ್ರಾಹಕರ ಮೇಲೆ ಕೈ ಮಾಡುವಂತಿಲ್ಲ.
ಸಮಯದ ಮಿತಿ: ಬೆಳಿಗ್ಗೆ 8 ರಿಂದ ಸಂಜೆ 7 ಗಂಟೆಯ ನಂತರ ಗ್ರಾಹಕರಿಗೆ ಕರೆ ಮಾಡುವುದು ಅಥವಾ ಮನೆಗೆ ಹೋಗುವುದು ತಪ್ಪು.
ಗೌರವಯುತ ನಡವಳಿಕೆ: ಎಷ್ಟೇ ಹಣ ಬಾಕಿ ಇದ್ದರೂ ಗ್ರಾಹಕನ ಜೊತೆ ಅಸಭ್ಯವಾಗಿ ವರ್ತಿಸುವಂತಿಲ್ಲ.
ಪ್ರಸ್ತುತ ಪುಣೆ ಪೊಲೀಸರು ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ್ದಾರೆ. ಎರಡೂ ಕಡೆಯವರ ಹೇಳಿಕೆಗಳನ್ನು ದಾಖಲಿಸಿಕೊಂಡಿದ್ದು, ಸಿಸಿಟಿವಿ ದೃಶ್ಯಗಳನ್ನು ಪರಿಶೀಲಿಸುತ್ತಿದ್ದಾರೆ. ದೈಹಿಕ ಹಲ್ಲೆ ನಡೆಸಿದ ಏಜೆಂಟ್ ಮೇಲೆ ಕಠಿಣ ಕ್ರಮ ಕೈಗೊಳ್ಳುವ ಸಾಧ್ಯತೆ ಇದೆ.
Shock in Pune’s Hadapsar 15 No. Chowk: Private finance recovery agents brutally beat a man on the street in front of his wife over credit card dues. pic.twitter.com/QnV0wrYkKJ
— Ghar Ke Kalesh (@gharkekalesh) April 27, 2026
ನಿಮ್ಮ ಕ್ರೆಡಿಟ್ ಕಾರ್ಡ್ ಬಿಲ್ ಕಟ್ಟಲು ಸಾಧ್ಯವಾಗದಿದ್ದರೆ, ಆತಂಕಕ್ಕೆ ಒಳಗಾಗಿ ಇಂತಹ ಗಲಾಟೆಗಳಿಗೆ ಅವಕಾಶ ನೀಡಬೇಡಿ. ನೇರವಾಗಿ ಬ್ಯಾಂಕಿಗೆ ಹೋಗಿ 'ಸೆಟಲ್ಮೆಂಟ್' ಅಥವಾ ಸಮಯದ ಬಗ್ಗೆ ಚರ್ಚಿಸಿ. ಯಾರಾದರೂ ಏಜೆಂಟ್ಗಳು ದೌರ್ಜನ್ಯ ಮಾಡಿದರೆ ತಕ್ಷಣ ಪೊಲೀಸ್ ಸಹಾಯ ಪಡೆಯಿರಿ.
