ನಮ್ಮ ಸಮಾಜದಲ್ಲಿ "ಪರರಿಗೆ ಸಹಾಯ ಮಾಡುವುದು ಪುಣ್ಯದ ಕೆಲಸ" ಎಂದು ಹೇಳಿಕೊಡಲಾಗುತ್ತದೆ. ಆದರೆ ಇತ್ತೀಚಿನ ದಿನಗಳಲ್ಲಿ ಯಾರಿಗಾದರೂ ಸಹಾಯ ಮಾಡಲು ಹೋದರೆ, ಸಹಾಯ ಮಾಡಿದವರೇ ಸಂಕಷ್ಟಕ್ಕೆ ಸಿಲುಕುವಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಇದಕ್ಕೆ ತಾಜಾ ಉದಾಹರಣೆ ಅಂದ್ರೆ ನೋಯ್ಡಾದ 'ಗೌರ್ ಸಿಟಿ'ಯಲ್ಲಿ ನಡೆದ ಘಟನೆ ಮತ್ತು ಅದಕ್ಕೆ ಧೈರ್ಯವಾಗಿ ಧ್ವನಿ ಎತ್ತಿದ ಸೌಮ್ಯ ಎಂಬ ಯುವತಿಯ ಸ್ಥಿತಿ.
ಅಸಲಿಗೆ ಅಲ್ಲಿ ನಡೆದಿದ್ದೇನು? ಸೌಮ್ಯ ಅವರಿಗೆ ಈಗ ಯಾಕೆ ಅ*ಶ್ಲೀಲ ಬೆದರಿಕೆಗಳು ಬರುತ್ತಿವೆ ಎಂಬ ವಿಷಯವನ್ನು ತಿಳಿದುಕೊಳ್ಳೋಣ.
ಅಂದು ನಡೆದಿದ್ದೇನು?
ನೋಯ್ಡಾದ ಗೌರ್ ಸಿಟಿಯಲ್ಲಿ ಸಾರ್ವಜನಿಕವಾಗಿ ಒಂದು ಮುಸ್ಲಿಂ ಜೋಡಿಯ ಮೇಲೆ ಕೆಲವರು ಹ*ಲ್ಲೆ ಮಾಡಲು ಮತ್ತು ಕಿರುಕುಳ ನೀಡಲು ಮುಂದಾಗಿದ್ದರು. ಜನರೆಲ್ಲಾ ನೋಡುತ್ತಾ ನಿಂತಿದ್ದಾಗ, ಸೌಮ್ಯ ಎಂಬ ಧೈರ್ಯವಂತ ಯುವತಿ ಮುಂದೆ ಬಂದು ಆ ಜೋಡಿಯನ್ನು ಗುಂಪಿನಿಂದ ರಕ್ಷಿಸಿದರು. ಸಾರ್ವಜನಿಕವಾಗಿ ನಡೆಯುತ್ತಿದ್ದ ಈ ಕಿರುಕುಳವನ್ನು ತಡೆದು, ಆ ಜೋಡಿಯ ಜೀವ ಕಾಪಾಡಿದ್ದು ಸೌಮ್ಯ ಅವರ ಸಾಧನೆಯಾಗಿತ್ತು. ಇಡೀ ದೇಶ ಆಕೆಯ ಧೈರ್ಯವನ್ನು ಮೆಚ್ಚಿಕೊಂಡಿತು. ಆದರೆ, ಈ ಪುಣ್ಯದ ಕೆಲಸ ಮಾಡಿದ ಸೌಮ್ಯಗೆ ಈಗ ಸಿಗುತ್ತಿರುವುದು ಮಾತ್ರ ನರಕಯಾತನೆ!
ಸೌಮ್ಯಗೆ ಬರುತ್ತಿರೋ ಅಸಹ್ಯಕರ ಮೆಸೇಜ್ಗಳು!
ಯಾವ ವ್ಯಕ್ತಿಗಳು ಆ ಜೋಡಿಯ ಮೇಲೆ ಹ*ಲ್ಲೆ ಮಾಡಲು ಮುಂದಾಗಿದ್ದರೋ ಅಥವಾ ಅಂತಹ ಮನಸ್ಥಿತಿಯ ಜನರೋ ಈಗ ಸೌಮ್ಯ ಅವರನ್ನೇ ಟಾರ್ಗೆಟ್ ಮಾಡಿದ್ದಾರೆ. ಸೌಮ್ಯ ಅವರ ಸೋಷಿಯಲ್ ಮೀಡಿಯಾ ಅಕೌಂಟ್ಗಳಿಗೆ ನೂರಾರು ಅ*ಶ್ಲೀಲ ಮೆಸೇಜ್ಗಳು ಬರುತ್ತಿವೆ. ಅತಿ ಹೆದರಿಕೆ ಹುಟ್ಟಿಸುವ ವಿಷಯ ಏನೆಂದರೆ, ಕಿಡಿಗೇಡಿಗಳು ಆಕೆಗೆ "ನಿನ್ನ ರೇಟ್ ಎಷ್ಟು?" ಎಂದು ಕೇಳುವ ಮೂಲಕ ಅಮಾನವೀಯವಾಗಿ ವರ್ತಿಸುತ್ತಿದ್ದಾರೆ.
ಒಬ್ಬ ಯುವತಿ ಧೈರ್ಯ ಮಾಡಿ ಇನ್ನೊಬ್ಬರನ್ನ ಕಾಪಾಡಿದರೆ, ಆಕೆಯ ವ್ಯಕ್ತಿತ್ವವನ್ನೇ ಹರಾಜು ಹಾಕುವಂತಹ ಇಂತಹ ಘಟನೆಗಳು ನಮ್ಮ ಸಮಾಜ ಯಾವ ಹಂತಕ್ಕೆ ಇಳಿದಿದೆ ಎಂಬುದನ್ನು ತೋರಿಸುತ್ತದೆ. ಸಹಾಯ ಮಾಡಲು ಹೋದವಳಿಗೆ ಇಂತಹ ಬೆದರಿಕೆ ಮತ್ತು ಅವಮಾನ ಎದುರಾಗುತ್ತಿದೆ ಎಂದರೆ, ಮುಂದಿನ ದಿನಗಳಲ್ಲಿ ಯಾರಾದರೂ ಒಬ್ಬರು ಸಂಕಷ್ಟದಲ್ಲಿದ್ದಾಗ ಇನ್ನೊಬ್ಬರು ಮುಂದೆ ಬರಲು ನೂರು ಬಾರಿ ಯೋಚನೆ ಮಾಡಬೇಕಾಗುತ್ತದೆ.
ಸಹಾಯ ಮಾಡುವುದು ತಪ್ಪಾ?
ಸೌಮ್ಯ ಅವರ ಇಂದಿನ ಪರಿಸ್ಥಿತಿ ನೋಡಿ ಪ್ರತಿಯೊಬ್ಬರ ಮನಸ್ಸಿನಲ್ಲಿ ಮೂಡುವ ಪ್ರಶ್ನೆ ಒಂದೇ - "ಸಹಾಯ ಮಾಡುವುದು ತಪ್ಪಾ?" ಒಬ್ಬ ಮುಸ್ಲಿಂ ಜೋಡಿಯನ್ನು ಉಳಿಸಿದ್ದೇ ಆಕೆ ಮಾಡಿದ ತಪ್ಪೇ? ಮಾನವೀಯತೆ ಎಂಬುದು ಧರ್ಮ ಅಥವಾ ಜಾತಿಯನ್ನು ಮೀರಿ ಇರಬೇಕಲ್ಲವೇ? ಆದರೆ ಇಲ್ಲಿ ಮಾನವೀಯತೆಗಿಂತ ದ್ವೇಷವೇ ಹೆಚ್ಚಾಗಿದೆ.
ಸೌಮ್ಯ ಅವರಿಗೆ ಬರುತ್ತಿರುವ ಈ ಬೆದರಿಕೆಗಳು ಕೇವಲ ಒಬ್ಬ ಯುವತಿಗೆ ನೀಡುತ್ತಿರುವ ಬೆದರಿಕೆಗಳಲ್ಲ, ಇದು ಇಡೀ ಸಮಾಜದ 'ಧೈರ್ಯ'ಕ್ಕೆ ನೀಡುತ್ತಿರುವ ಪೆಟ್ಟು. ಸಹಾಯ ಮಾಡಿದವರಿಗೆ ಇಂತಹ ಗತಿ ಬಂದರೆ, ಮುಂದಿನ ದಿನಗಳಲ್ಲಿ ರಸ್ತೆಯಲ್ಲಿ ಯಾರೇ ಸಾಯುತ್ತಿದ್ದರೂ ಯಾರೂ ಹತ್ತಿರ ಹೋಗುವುದಿಲ್ಲ. "ನಮಗ್ಯಾಕೆ ಬೇಕು ಸಾಮಿ ಈ ಉಸಾಬರಿ, ಕೊನೆಗೆ ನಮ್ಮನ್ನೇ ರೇಟ್ ಕೇಳ್ತಾರೆ" ಎಂದು ಜನ ದೂರ ಸರಿಯುವಂತಾಗುತ್ತದೆ.
ಸೌಮ್ಯ ಅವರು ಈಗ ಧೈರ್ಯದಿಂದ ಈ ಎಲ್ಲ ಬೆದರಿಕೆಗಳನ್ನು ಎದುರಿಸುತ್ತಿದ್ದಾರೆ. ಆದರೆ ಪೊಲೀಸರು ಮತ್ತು ಕಾನೂನು ಇಂತಹ ಕಿಡಿಗೇಡಿಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕಿದೆ. ಆಕೆಗೆ ಅ*ಶ್ಲೀಲ ಮೆಸೇಜ್ ಕಳುಹಿಸುತ್ತಿರುವವರನ್ನು ಪತ್ತೆ ಹಚ್ಚಿ ಜೈಲಿಗಟ್ಟಬೇಕಿದೆ. ಆಗ ಮಾತ್ರ ಸಹಾಯ ಮಾಡಲು ಬರುವ ಕೈಗಳಿಗೆ ಒಂದು ಭರವಸೆ ಸಿಗುತ್ತದೆ. ಸೌಮ್ಯ ಅವರಿಗೆ ನ್ಯಾಯ ಸಿಗಬೇಕಿದೆ. ಆಕೆಯ ಧೈರ್ಯ ಉಡುಗಿ ಹೋಗಬಾರದು. ನಾವು ಕೂಡ ಇಂತಹ ಸಂಕಷ್ಟದ ಸಮಯದಲ್ಲಿ ಆಕೆಯ ಪರವಾಗಿ ಧ್ವನಿ ಎತ್ತಬೇಕಿದೆ.
ಸಹಾಯ ಮಾಡಿದವರಿಗೆ ಈ ರೀತಿ ಬೆದರಿಕೆ ಹಾಕುವುದು ಸರಿಯೇ? ಸೌಮ್ಯ ಅವರಿಗೆ ನಡೆಯುತ್ತಿರುವ ಈ ಅವಮಾನದ ಬಗ್ಗೆ ನೀವೇನು ಹೇಳ್ತೀರಾ? ಇಂದಿನ ಕಾಲದಲ್ಲಿ ಇನ್ನೊಬ್ಬರಿಗೆ ಸಹಾಯ ಮಾಡುವುದು ಅಪಾಯಕಾರಿಯೇ? ದಯವಿಟ್ಟು ನಿಮ್ಮ ಅನಿಸಿಕೆಯನ್ನು ಕಾಮೆಂಟ್ ಬಾಕ್ಸ್ನಲ್ಲಿ ತಿಳಿಸಿ. ನಿಮ್ಮ ಪ್ರತಿಕ್ರಿಯೆ ಸೌಮ್ಯ ಅಂತಹ ಸಾವಿರಾರು ಹೆಣ್ಣುಮಕ್ಕಳಿಗೆ ಧೈರ್ಯ ನೀಡಬಹುದು.
