ಕೊಪ್ಪಳ ಜಿಲ್ಲೆಯ ಮುನಿರಾಬಾದ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಒಂದು ಹೈಡ್ರಾಮಾ ನಡೀತಿದೆ. ಪ್ರೀತಿ-ಪ್ರೇಮ ಅಂತ ನಂಬಿಸಿ ಮದುವೆಯಾಗಿ, ಈಗ ವಂಚನೆ ಮಾಡಿದ್ದಾನೆ ಅಂತ ಮಂಜುಳಾ ಅನ್ನೋ ಮಹಿಳೆ ಸಾಧಿಕ್ ಅನ್ನೋ ವ್ಯಕ್ತಿಯ ವಿರುದ್ಧ ದೂರು ಕೊಟ್ಟಿದ್ದಾರೆ. ಇವರಿಬ್ಬರ ಕಿತ್ತಾಟ ಈಗ ಬರಿ ಸ್ಟೇಷನ್ಗೆ ಸೀಮಿತವಾಗಿಲ್ಲ, ಇಡೀ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡ್ತಿದೆ.
ವಂಚನೆ ಆರೋಪ ಎದುರಿಸುತ್ತಿರೋ ಸಾಧಿಕ್, ಕೊಪ್ಪಳದ ಹುಲಿಗಿ ನಿವಾಸಿ. ಈತ ಕಂಪ್ಯೂಟರ್ ಸೇಲ್ಸ್ ಮತ್ತು ಸರ್ವಿಸ್ ಶಾಪ್ ಇಟ್ಟುಕೊಂಡಿದ್ದಾನೆ. ಮುನಿರಾಬಾದ್ ನಿವಾಸಿ ಮಂಜುಳಾ ಮತ್ತು ಸಾಧಿಕ್ ನಡುವೆ ಕಳೆದ ಆರು ವರ್ಷಗಳಿಂದ ಸ್ನೇಹ ಮತ್ತು ಪ್ರೀತಿ ಇತ್ತಂತೆ. ಸಾಧಿಕ್ಗೆ ಮೊದಲೇ ಮದುವೆಯಾಗಿದ್ದರೂ ಕೂಡ, ಆ ವಿಷಯ ಮುಚ್ಚಿಟ್ಟು ಅಥವಾ ಮಂಜುಳಾರನ್ನ ನಂಬಿಸಿ ಎರಡು ವರ್ಷಗಳ ಹಿಂದೆ ಎರಡನೇ ಮದುವೆಯಾಗಿದ್ದ ಎನ್ನಲಾಗಿದೆ.
ಮೋಸ ಮಾಡಿದ್ದು ಹೇಗೆ?
ಮಂಜುಳಾ ಅವರ ಆರೋಪದ ಪ್ರಕಾರ, ಸಾಧಿಕ್ ಮದುವೆಯಾಗಿ ಇಷ್ಟು ದಿನ ಚೆನ್ನಾಗಿಯೇ ಇದ್ದು, ಈಗ ಏಕಾಏಕಿ ಕೈ ಕೊಟ್ಟಿದ್ದಾನೆ. ಮಂಜುಳಾ ಅವರ ಹತ್ತಿರವಿದ್ದ ಚಿನ್ನಾಭರಣಗಳನ್ನ ಕೂಡ ಈತ ಇಸ್ಕೊಂಡು ಹೋಗಿದ್ದಾನೆ ಅಂತ ದೂರಿನಲ್ಲಿ ಹೇಳಿದ್ದಾರೆ. ಅಷ್ಟೇ ಅಲ್ಲ, ಕೇಳೋಕೆ ಹೋದ್ರೆ ಅವಾಚ್ಯ ಶಬ್ದಗಳಿಂದ ಬೈಯೋದು, ಜಾತಿ ನಿಂದನೆ ಮಾಡೋದು ಮತ್ತು ಕೊ*ಲೆ ಬೆದರಿಕೆ ಹಾಕೋದು ಮಾಡ್ತಿದ್ದಾನೆ ಅಂತ ಮಂಜುಳಾ ಪೊಲೀಸರಿಗೆ ಕಣ್ಣೀರು ಹಾಕಿದ್ದಾರೆ.
ವೈರಲ್ ಆಯ್ತು ಫೋಟೋ ಮತ್ತು ವಿಡಿಯೋ!
ಈ ಪ್ರಕರಣದಲ್ಲಿ ಅತಿ ದೊಡ್ಡ ಟ್ವಿಸ್ಟ್ ಅಂದ್ರೆ ಇಬ್ಬರ ಕಿತ್ತಾಟದ ವಿಡಿಯೋಗಳು. ಮಂಜುಳಾ ಅವರು ಸಾಧಿಕ್ ಜೊತೆ ಮದುವೆಯಾಗಿ ಎಂಜಾಯ್ ಮಾಡಿರೋ ಫೋಟೋ ಮತ್ತು ವಿಡಿಯೋಗಳನ್ನ ರಿಲೀಸ್ ಮಾಡಿದ್ದಾರೆ. "ನನ್ನ ಲೈಫ್ ಹಾಳು ಮಾಡಿದ್ದಾನೆ" ಅಂತ ಅವರು ವಿಡಿಯೋ ಮಾಡಿದ್ರೆ, ಅದಕ್ಕೆ ಪ್ರತಿಯಾಗಿ ಸಾಧಿಕ್ ಕೂಡ ಮಂಜುಳಾ ವಿರುದ್ಧ ಒಂದು ವಿಡಿಯೋ ಮಾಡಿ ಹರಿಬಿಟ್ಟಿದ್ದಾನೆ. ಈಗ ಇವರಿಬ್ಬರ "ಆರೋಪ-ಪ್ರತ್ಯಾರೋಪ"ದ ವಿಡಿಯೋಗಳು ವಾಟ್ಸಾಪ್ ಮತ್ತು ಫೇಸ್ಬುಕ್ನಲ್ಲಿ ಫುಲ್ ವೈರಲ್ ಆಗ್ತಿವೆ.
ಪೊಲೀಸ್ ಮೆಟ್ಟಿಲೇರಿದ ಮಂಜುಳಾ
ಸಾಧಿಕ್ ಈಗ ಮಂಜುಳಾ ಅವರ ಫೋನ್ ಕರೆಗಳನ್ನ ರಿಸೀವ್ ಮಾಡ್ತಿಲ್ಲ, ಮೊಬೈಲ್ ಸ್ವಿಚ್ ಆಫ್ ಮಾಡಿಕೊಂಡು ಎಸ್ಕೇಪ್ ಆಗಿದ್ದಾನೆ. ಇದರಿಂದ ಬೇಸತ್ತ ಮಂಜುಳಾ, ಮುನಿರಾಬಾದ್ ಪೊಲೀಸ್ ಠಾಣೆಗೆ ಹೋಗಿ ದೂರು ನೀಡಿದ್ದಾರೆ. ತನಗೆ ನ್ಯಾಯ ಕೊಡಿಸಿ, ಮೋಸ ಮಾಡಿದ ಸಾಧಿಕ್ ವಿರುದ್ಧ ಕಠಿಣ ಕ್ರಮ ತಗೊಳ್ಳಿ ಅಂತ ಮನವಿ ಮಾಡಿದ್ದಾರೆ.
"ಪ್ರೀತಿ ಅಂದ್ರೆ ನಂಬಿಕೆ" ಅನ್ನೋ ಮಾತನ್ನ ಗಾಳಿಗೆ ತೂರಿ, ಈಗ ಇಬ್ಬರೂ ಬೀದಿಯಲ್ಲಿ ನಿಂತು ಕಿತ್ತಾಡ್ತಿರೋದು ನೋಡಿದ್ರೆ ಜನರೇ ಅಚ್ಚರಿ ಪಡ್ತಿದ್ದಾರೆ. ಮುನಿರಾಬಾದ್ ಪೊಲೀಸರು ಈ ಕೇಸ್ನ ತನಿಖೆ ನಡೆಸಿ ಅಸಲಿ ಸತ್ಯ ಏನು ಅನ್ನೋದನ್ನ ಬಯಲಿಗೆ ಎಳೆಯಬೇಕಿದೆ.
