ನಮಗೆಲ್ಲಾ ಸಿನಿಮಾಗಳಲ್ಲಿ ಜೈಲಿನ ಕತ್ತಲೆ ಕೋಣೆ, ಅಲ್ಲಿನ ಕೈದಿಗಳ ಲೈಫ್ ಅಂದ್ರೆ ಒಂದು ಥರದ ಕುತೂಹಲ ಇದ್ದೇ ಇರುತ್ತೆ. "ಛೇ! ಈ ಜೈಲು ಲೈಫ್ ಹೇಗಿರುತ್ತೆ?" ಅಂತ ಒಂದಲ್ಲ ಒಂದು ಸಲ ನಾವು ಯೋಚನೆ ಮಾಡಿರ್ತೀವಿ ಅಲ್ವಾ? ಆದ್ರೆ ಜೈಲು ನೋಡಬೇಕು ಅಂದ್ರೆ ಕ್ರೈಂ ಮಾಡ್ಲೇಬೇಕು ಅನ್ನೋ ರೂಲ್ ಏನಿಲ್ಲ. ಈಗ ನೀವು ಕೇವಲ 2000 ರೂಪಾಯಿ ಕೊಟ್ಟರೆ ಸಾಕು, ರಾಜಾತಿಥ್ಯದ ಬದಲು 'ಖೈದಿ ಆತಿಥ್ಯ' ಪಡೆಯಬಹುದು!
ಹೌದು, ಹೈದರಾಬಾದ್ನ ಫೇಮಸ್ ಚಂಚಲಗುಡ ಜೈಲು ಈಗ ಪ್ರವಾಸಿಗರಿಗಾಗಿ ತನ್ನ ಬಾಗಿಲು ತೆರೆದಿದೆ. ತೆಲಂಗಾಣ ಜೈಲು ಇಲಾಖೆಯು "ಫೀಲ್ ದಿ ಜೈಲ್" (Feel the Jail) ಅನ್ನೋ ಒಂದು ಕಿರಾಕ್ ಪ್ಯಾಕೇಜ್ ಲಾಂಚ್ ಮಾಡಿದೆ. ಇದರ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ ನೋಡಿ.
ಜೈಲು ಸೇರೋಕೆ ಎಷ್ಟು ಚಾರ್ಜ್?
ಇಲ್ಲಿ ನೀವು ಎಷ್ಟು ಹೊತ್ತು ಇರಬೇಕು ಅನ್ನೋದರ ಮೇಲೆ ಎರಡು ಥರದ ಆಪ್ಷನ್ ಇದೆ:
ಫುಲ್ ಡೇ ಪ್ಯಾಕೇಜ್: 24 ಗಂಟೆ ಜೈಲಲ್ಲಿ ಕಳೆಯೋದಕ್ಕೆ ₹2,000 ಕೊಡಬೇಕು.
ಹಾಫ್ ಡೇ ಪ್ಯಾಕೇಜ್: 12 ಗಂಟೆಗಳ ಕಾಲ ಅಂದ್ರೆ ಡೇ ಶಿಫ್ಟ್ ತರ ಇರೋದಕ್ಕೆ ₹1,000 ಫೀಸ್.
ಒಳಗೆ ಹೋದ್ರೆ ಲೈಫ್ ಹೇಗಿರುತ್ತೆ?
ಇದು ಸುಮ್ಮನೆ ಫೋಟೋ ಶೂಟ್ ಮಾಡೋ ಜಾಗ ಅಲ್ಲ ಗುರು! ಒಳಗೆ ಹೋದ್ರೆ ಅಪ್ಪಟ ಖೈದಿಯಂತೆ ಬದುಕಬೇಕು.
ಮೊಬೈಲ್ ಇರಲ್ಲ: ಮೊದಲು ನಿಮ್ಮ ಫೋನ್, ವಾಚ್, ಬ್ಯಾಗ್ ಎಲ್ಲವನ್ನೂ ಗೇಟ್ ಹತ್ರಾನೇ ಕಿತ್ತುಕೊಳ್ತಾರೆ. ಲಾಕರ್ನಲ್ಲಿ ಇಟ್ಟು ನಿಮಗೆ ಒಂದು ಖಾದಿ ಡ್ರೆಸ್ (ಯುನಿಫಾರ್ಮ್) ಕೊಡ್ತಾರೆ.
ಮೆನು ಕಾರ್ಡ್ ಇರಲ್ಲ: ಜೈಲಲ್ಲಿ ಏನು ಮಾಡ್ತಾರೋ ಅದೇ ತಿನ್ನಬೇಕು. ಬೆಳಗ್ಗೆ ಬಿಸಿ ಬಿಸಿ ಉಪ್ಮಾ ಅಥವಾ ಚಪಾತಿ ಸಿಗುತ್ತೆ. ಮಧ್ಯಾಹ್ನ ಮತ್ತು ರಾತ್ರಿ ಅನ್ನ-ಸಾರು, ದಾಲ್ ಅಷ್ಟೇ. ಫೈವ್ ಸ್ಟಾರ್ ಊಟ ಅಂತೂ ಎಕ್ಸ್ಪೆಕ್ಟ್ ಮಾಡ್ಬೇಡಿ!
ಕೆಲಸ ಮಾಡ್ಬೇಕು: ಬೆಳಗ್ಗೆ 6 ಗಂಟೆಗೆ ಸೈರನ್ ಹೊಡೆದ ತಕ್ಷಣ ಎದ್ದೇಳಬೇಕು. ಸುಮ್ಮನೆ ಮಲಗುವ ಹಾಗಿಲ್ಲ; ನಿಮ್ಮ ಬ್ಯಾರಕ್ ನೀವೇ ಗುಡಿಸಬೇಕು, ಗಾರ್ಡನ್ನಲ್ಲಿ ಗಿಡಗಳಿಗೆ ನೀರು ಹಾಕಬೇಕು.
ಐಷಾರಾಮಿ ಬೆಡ್ ಇಲ್ಲ: ಒಂದು ಮಗ್ಗು, ಒಂದು ಪ್ಲೇಟ್, ಒಂದು ಬೆಡ್ ಶೀಟ್ ಅಷ್ಟೇ ನಿಮ್ಮ ಆಸ್ತಿ. ಅಲ್ಲಿ ಇರೋ ಕಲ್ಲು ಬೆಂಚ್ ಮೇಲೆ ಮಲಗೋದೇ ಅಸಲಿ ಕಿಕ್ಕು!
ಯಾಕೆ ಈ ವಿಚಿತ್ರ ಐಡಿಯಾ?
ಅಂದಹಾಗೆ, ಸರ್ಕಾರಕ್ಕೆ ಇದೇನು ದುಡ್ಡು ಮಾಡೋ ಕೆಲಸ ಅಲ್ಲ. ಇದರ ಹಿಂದೆ ಒಂದು ಸೀರಿಯಸ್ ಮೆಸೇಜ್ ಇದೆ. ತೆಲಂಗಾಣ ಜೈಲು ಇಲಾಖೆಯ ಡೈರೆಕ್ಟರ್ ಸೌಮ್ಯ ಮಿಶ್ರಾ ಅವರು ಹೇಳುವಂತೆ, "ಸ್ವಲ್ಪ ತಪ್ಪು ಮಾಡಿದ್ರೂ ಸ್ವಾತಂತ್ರ್ಯ ಹೇಗೆ ಕಿತ್ತುಹೋಗುತ್ತೆ ಅಂತ ಜನರಿಗೆ ಗೊತ್ತಾಗಬೇಕು. ಜೈಲಿನ ಕಷ್ಟ ನೋಡಿದ ಮೇಲೆ ಮನುಷ್ಯ ಕ್ರೈಂ ಮಾಡೋಕೆ ನೂರು ಸಲ ಯೋಚನೆ ಮಾಡ್ತಾನೆ." ಅನ್ನೋದೇ ಈ ಯೋಜನೆಯ ಗುರಿ.
ಜೈಲು ಮ್ಯೂಸಿಯಂ ಕೂಡ ಇದೆ!
ಜೈಲಲ್ಲಿ ಇರೋಕೆ ಭಯ ಪಡೋರಿಗೆ ಇನ್ನೊಂದು ಚಾನ್ಸ್ ಇದೆ. ಅಲ್ಲಿ ಒಂದು ಮ್ಯೂಸಿಯಂ ಕೂಡ ಮಾಡಿದ್ದಾರೆ. ನಿಜಾಮರ ಕಾಲದಲ್ಲಿ ಕೈದಿಗಳಿಗೆ ಎಂತಹ ಶಿಕ್ಷೆ ಕೊಡ್ತಿದ್ರು? ಅವತ್ತಿನ ಕಾಲದ ಬೇಡಿಗಳು, ಕೈಕೋಳಗಳು ಹೇಗಿದ್ವು ಅನ್ನೋದನ್ನ ನೀವು ಇಲ್ಲಿ ನೋಡಬಹುದು.
