ಹೇರ್‌ ಫಾಲ್‌ ದಿನೇ ದಿನೇ ಹೆಚ್ಚಾಗಿದ್ಯಾ? ಇಂದಿನಿಂದಲೇ ಈ 'ಕೆಟ್ಟ' ಅಭ್ಯಾಸಗಳಿಗೆ ಬ್ರೇಕ್ ಹಾಕಿ; ಇಲ್ಲಿವೆ ಸೂಕ್ಷ್ಮ ಟಿಪ್ಸ್ ಗಳು!!

ಇತ್ತೀಚಿನ ದಿನಗಳಲ್ಲಿ ವಯಸ್ಸಿನ ಭೇದವಿಲ್ಲದೆ ಎಲ್ಲರನ್ನೂ ಕಾಡ್ತಿರೋ ದೊಡ್ಡ ತಲೆನೋವು ಅಂದ್ರೆ ಅದು 'ಹೇರ್ ಫಾಲ್' (Hair Fall). ಬೆಳಗ್ಗೆ ಎದ್ದು ಬಾಚಣಿಗೆ ತಗೊಂಡ್ರೆ ಸಾಕು, ಕೈ ತುಂಬಾ ಕೂದಲು ಬರ್ತಿರುತ್ತೆ. ಇದನ್ನ ನೋಡಿ ಎಷ್ಟೋ ಜನ ಟೆನ್ಷನ್ ಮಾಡ್ಕೊಂತಾರೆ. ಆದ್ರೆ ಕೂದಲು ಉದುರೋದಕ್ಕೆ ಬರೀ ಕೆಟ್ಟ ನೀರು ಅಥವಾ ಪೋಷಕಾಂಶಗಳ ಕೊರತೆ ಮಾತ್ರ ಕಾರಣವಲ್ಲ, ನಾವು ದಿನಾಲೂ ಮಾಡೋ ಸಣ್ಣಪುಟ್ಟ ತಪ್ಪುಗಳೂ ಕೂಡ ಇದಕ್ಕೆ ಮೇನ್ ರೀಸನ್. ನಿಮ್ಮ ಕೂದಲು ಉದುರೋದು ನಿಲ್ಲಬೇಕಾ? ಹಾಗಾದ್ರೆ ತಕ್ಷಣ ಈ ಕೆಳಗಿನ ಅಭ್ಯಾಸಗಳನ್ನ ಬದಲಿಸಿಕೊಳ್ಳಿ.

ಕೂದಲು ಉದುರಲು ನೀವು ಮಾಡೋ ಈ ತಪ್ಪುಗಳೇ ಕಾರಣ

ಒದ್ದೆ ಕೂದಲಿನಲ್ಲೇ ಮಲಗೋದು: ನೋಡಿ, ಕೂದಲು ಯಾವಾಗಲೂ ಒದ್ದೆ ಇದ್ದಾಗ ತುಂಬಾ ವೀಕ್ ಆಗಿರುತ್ತೆ. ಆ ಸಮಯದಲ್ಲಿ ನೀವು ಹಾಗೆಯೇ ಮಲಗಿದ್ರೆ, ದಿಂಬಿನ ಘರ್ಷಣೆಯಿಂದ ಕೂದಲು ಬುಡದಿಂದಲೇ ಕಿತ್ತು ಬರುವ ಚಾನ್ಸ್ ಇರುತ್ತೆ. ಅಷ್ಟೇ ಅಲ್ಲ, ಒದ್ದೆ ಕೂದಲಲ್ಲಿ ಬ್ಯಾಕ್ಟೀರಿಯಾ ಕೂಡ ಜಾಸ್ತಿ ಆಗುತ್ತೆ. ಅದಕ್ಕೆ ಮಲಗೋ ಮುಂಚೆ ಕೂದಲು ಚೆನ್ನಾಗಿ ಒಣಗಿರಲಿ.

ಬಿಸಿ ಬಿಸಿ ನೀರು ಬೇಡವೇ ಬೇಡ: ತುಂಬಾ ಜನರಿಗೆ ಮೈಗೆ ಸುಡುವಷ್ಟು ಬಿಸಿ ನೀರು ಹಾಕೋ ಅಭ್ಯಾಸ ಇರುತ್ತೆ. ಆದ್ರೆ ತಲೆಗೆ ಮಾತ್ರ ಅತಿ ಬಿಸಿ ನೀರು ಹಾಕಬೇಡಿ. ಇದು ಕೂದಲಿನ ನೈಸರ್ಗಿಕ ಎಣ್ಣೆ ಅಂಶವನ್ನ (Natural Oil) ಹೀರಿಬಿಡುತ್ತೆ. ಇದರಿಂದ ಕೂದಲು ಡ್ರೈ ಆಗಿ, ಕಡ್ಡಿಯಂತಾಗಿ ಉದುರೋಕೆ ಶುರುವಾಗುತ್ತೆ. ಯಾವಾಗಲೂ ಉಗುರು ಬೆಚ್ಚಗಿನ ನೀರು ಬಳಸಿ.

ಹೇರ್‌ ಸ್ಟ್ರೇಟ್ನರ್ ಮತ್ತು ಹೀಟಿಂಗ್ ಮೆಷಿನ್: ಇವತ್ತಿನ ಸ್ಟೈಲ್ ಜಮಾನಾದಲ್ಲಿ ಹೇರ್ ಸ್ಟ್ರೇಟ್ ಮಾಡೋದು, ಕರ್ಲಿ ಮಾಡೋದು ಕಾಮನ್ ಆಗ್ಬಿಟ್ಟಿದೆ. ಆದ್ರೆ ಅತಿಯಾದ ಹೀಟ್ ಕೂದಲಿನ ಸತ್ವವನ್ನೇ ಕೊಂದುಬಿಡುತ್ತೆ. ಪದೇ ಪದೇ ಇವುಗಳನ್ನ ಬಳಸೋದ್ರಿಂದ ಕೂದಲು ತನ್ನ ಹೊಳಪನ್ನ ಕಳೆದುಕೊಂಡು ಮಧ್ಯದಲ್ಲೇ ಕಟ್ ಆಗುತ್ತೆ.

ಒರಟಾಗಿ ತಲೆ ಒರೆಸೋದು: ಸ್ನಾನ ಮುಗಿಸಿ ಬಂದ ಮೇಲೆ ಕೂದಲನ್ನ ಬೇಗ ಒಣಗಿಸಬೇಕು ಅಂತ ಮಂದವಾದ ಟವಲ್‌ನಿಂದ ರಗಡ್ ಆಗಿ ಉಜ್ಜಬೇಡಿ. ಇದರಿಂದ ಕೂದಲಿನ ಬುಡ ಸಡಿಲ ಆಗುತ್ತೆ. ಇದರ ಬದಲಿಗೆ ಮೃದುವಾದ ಕಾಟನ್ ಬಟ್ಟೆ ಬಳಸಿ ಲಘುವಾಗಿ ಒತ್ತಿ ನೀರನ್ನ ಒರೆಸಿಕೊಳ್ಳಿ.

ಸಿಕ್ಕು ಬಿಡಿಸುವಾಗ ಜೋರು ಮಾಡಬೇಡಿ: ತಲೆ ಬಾಚುವಾಗ ಕೂದಲು ಸಿಕ್ಕಾಗಿದ್ರೆ ಅದನ್ನ ನಯವಾಗಿ ಬಿಡಿಸಿ. ಸಿಟ್ಟಿನಲ್ಲಿ ಅಥವಾ ಅವಸರದಲ್ಲಿ ಜೋರಾಗಿ ಎಳೆದ್ರೆ ಕೂದಲು ಉದುರೋದು ಗ್ಯಾರಂಟಿ. ಅದರಲ್ಲೂ ಒದ್ದೆ ಇದ್ದಾಗಂತೂ ಬಾಚಣಿಗೆ ಮುಟ್ಟಲೇಬೇಡಿ.

ಹೇರ್ ಫಾಲ್ ತಡೆಯೋಕೆ ಸಿಂಪಲ್ ಟಿಪ್ಸ್

• ಕೆಮಿಕಲ್ ಜಾಸ್ತಿ ಇರೋ ಶಾಂಪೂ ಅಥವಾ ಹೇರ್ ಕಲರ್ ಬಳಸೋ ಮುನ್ನ ಯೋಚನೆ ಮಾಡಿ.
• ಒದ್ದೆ ಕೂದಲಿನ ಮೇಲೆ ಯಾವುದೇ ಹೇರ್ ಮಾಸ್ಕ್ ಹಾಕಬೇಡಿ, ಅದರಿಂದ ಯಾವುದೇ ಪ್ರಯೋಜನವಿಲ್ಲ.
• ಸಾಧ್ಯವಾದಷ್ಟು ನೈಸರ್ಗಿಕ ಎಣ್ಣೆ (ಕೊಬ್ಬರಿ ಎಣ್ಣೆ) ಬಳಸಿ ಮಸಾಜ್ ಮಾಡಿ.
• ಮುಖ್ಯವಾಗಿ ಚೆನ್ನಾಗಿ ನೀರು ಕುಡಿಯಿರಿ ಮತ್ತು ಒತ್ತಡವಿಲ್ಲದ ಜೀವನ ನಡೆಸಿ.

ಗಮನಿಸಿ: ಇಲ್ಲಿರೋದು ಸಾಮಾನ್ಯ ಮಾಹಿತಿ ಮತ್ತು ಮನೆಮದ್ದುಗಳು ಮಾತ್ರ. ನಿಮ್ಮ ಹೇರ್ ಫಾಲ್ ವಿಪರೀತವಾಗಿದ್ರೆ ಅಥವಾ ಯಾವುದೋ ಅಲರ್ಜಿಯಿಂದ ಆಗ್ತಿದ್ರೆ ಒಮ್ಮೆ ಡಾಕ್ಟರ್ ಅಥವಾ ಸ್ಕಿನ್ ಸ್ಪೆಷಲಿಸ್ಟ್ ಹತ್ತಿರ ಸಲಹೆ ತಗೊಳ್ಳೋದು ಯಾವಾಗಲೂ ಸೇಫ್. ಕೂದಲು ನಮ್ಮ ಅಂದವನ್ನ ಹೆಚ್ಚಿಸುತ್ತೆ, ಅದನ್ನ ಕಾಪಾಡಿಕೊಳ್ಳೋ ಜವಾಬ್ದಾರಿ ನಮ್ಮದೇ ಅಲ್ವಾ? ಇವತ್ತಿನಿಂದಲೇ ಈ ತಪ್ಪುಗಳನ್ನ ಸರಿಪಡಿಸಿಕೊಳ್ಳಿ. 

ಸೂಚನೆ: ಪ್ರಿಯ ಓದುಗರೇ, ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿ ಹೇಳಲಾಗಿದೆ. ದಯವಿಟ್ಟು ಅದನ್ನು ನೀವು ಅಳವಡಿಸಿಕೊಳ್ಳುವ ಮುನ್ನವೇ  ಒಮ್ಮೆ ವೈದ್ಯಕೀಯ ಸಲಹೆಯನ್ನು ಪಡೆದುಕೊಳ್ಳಿ. ನಮ್ಮ ಸಪ್ತಾಶ್ವ ಟಿವಿ ಚಾನೆಲ್ ಇದನ್ನು ಖಚಿತಪಡಿಸುವುದಿಲ್ಲ.