ಬೆಂಗಳೂರು ನಗರದ ಒಂದು ಹೆರ್ ಸೆಲ್ಯೂನ್ ನಲ್ಲಿ ಕನ್ನಡ ಮಾತನಾಡು ಎಂದು ಕೇಳಿದ ಕನ್ನಡಿಗ ಗ್ರಾಹಕರಿಗೆ ಹಿಂದಿ ಮಾತನಾಡುವ ಸಿಬ್ಬಂದಿಯಿಂದ ಅವಮಾನವಾಗಿದೆ. “ಇದು ಭಾರತ, ಇಲ್ಲಿ ಹಿಂದಿಯೇ ಕೆಲಸ ಮಾಡುತ್ತದೆ” ಎಂಬ ಧಿಕ್ಕಾರದ ಮಾತು ಕೇಳಿಬಂದಿದ್ದು, ಈ ಘಟನೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಆಕ್ರೋಶಕ್ಕೆ ಕಾರಣವಾಗಿದೆ.
ಈ ಘಟನೆ ನಡೆದ ಸ್ಥಳದಲ್ಲಿ ಗ್ರಾಹಕರು ತಮ್ಮ ಭಾಷೆಯ ಹಕ್ಕು ಕೇಳಿದಾಗ, ಸಿಬ್ಬಂದಿ ತೀವ್ರವಾಗಿ ಪ್ರತಿಕ್ರಿಯಿಸಿ, ಅವಮಾನಕಾರಿ ಪದಗಳನ್ನು ಬಳಕೆ ಮಾಡಿದರೆಂದು ವರದಿಯಾಗಿದೆ. ಈ ಘಟನೆಯ ವಿಡಿಯೋ ಮತ್ತು ಆಡಿಯೋ ಕ್ಲಿಪ್ಗಳು ವೈರಲ್ ಆಗಿದ್ದು, ಕನ್ನಡ ಸಂಘಟನೆಗಳು ಮತ್ತು ಸಾರ್ವಜನಿಕರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಕೇಳಿ ಬಂದಿರುವ ವರದಿಯ ಪ್ರಕಾರ, ಈ ಅವಮಾನ ಮಾಡಿದ ಅಂಗಡಿ ಮಾಲೀಕ ಜಲಂ ಎಂಬವರು ರಾಜಸ್ಥಾನ ಮೂಲದವರೆಂದು ತಿಳಿದುಬಂದಿದೆ. ಈ ಘಟನೆಗೆ ಸಂಬಂಧಿಸಿದಂತೆ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಎಫ್ಐಆರ್ ಕೂಡ ದಾಖಲಾಗಿದೆ.
ಕನ್ನಡ ಭಾಷೆಯ ಗೌರವವನ್ನು ಕಾಪಾಡುವ ಉದ್ದೇಶದಿಂದ ಹಲವಾರು ಸಂಘಟನೆಗಳು ಪ್ರತಿಭಟನೆಗೆ ಮುಂದಾಗಿದ್ದು, “ನಮ್ಮ ನಾಡಿನಲ್ಲಿ ನಮ್ಮ ಭಾಷೆಗೆ ಗೌರವ ಇರಬೇಕು” ಎಂಬ ಘೋಷಣೆಗಳನ್ನು ಎತ್ತಿವೆ. ಈ ಘಟನೆ ಭಾಷಾ ಹಕ್ಕುಗಳ ಕುರಿತಂತೆ ಮತ್ತೊಮ್ಮೆ ಚರ್ಚೆಗೆ ಕಾರಣವಾಗಿದೆ. ಇದಕ್ಕೂ ಮುನ್ನವೂ ಕರ್ನಾಟಕದಲ್ಲಿ ಭಾಷಾ ವಿವಾದಗಳು ನಡೆದಿದ್ದು, ಸಾರ್ವಜನಿಕ ಸ್ಥಳಗಳಲ್ಲಿ ಕನ್ನಡ ಭಾಷೆ, ಸೇವೆ ಮತ್ತು ಸಂವಹನದ ಅಗತ್ಯತೆ ಕುರಿತು ಹಲವಾರು ಬಾರಿ ಚರ್ಚೆಗಳು ನಡೆದಿವೆ. ಈ ಘಟನೆಯು ಆ ಚರ್ಚೆಗೆ ಹೊಸ ಆಯಾಮ ನೀಡಿದೆ.
🚨 SHOCKING DISRESPECT IN KARNATAKA! 🚨
— Voice of kannada nd cricket 🧡❤️ (@BB22179) February 16, 2026
A Kannadiga customer at a hair salon simply asked for a Kannada-speaking stylist, only to be met with horrific abuse from a Hindi-speaking staffer. The audacity to scream "This is India, Hindi works here"
Continues.#stophindiimposition https://t.co/loa75DeSsf pic.twitter.com/BxeSi8Wboq
ಈ ಘಟನೆ ಕನ್ನಡಿಗರ ಭಾಷಾ ಹಕ್ಕುಗಳಿಗೆ ಧಕ್ಕೆಯಾಗಿ ಪರಿಣಮಿಸಿದ್ದು, ಸರ್ಕಾರ ಮತ್ತು ಸ್ಥಳೀಯ ಆಡಳಿತದಿಂದ ಸ್ಪಷ್ಟ ಕ್ರಮ ನಿರೀಕ್ಷಿಸಲಾಗಿದೆ. ಭಾಷಾ ಗೌರವ ಕೇವಲ ಸಂಸ್ಕೃತಿಯ ಭಾಗವಲ್ಲ, ಅದು ವ್ಯಕ್ತಿಯ ಆತ್ಮಗೌರವಕ್ಕೂ ಸಂಬಂಧಿಸಿದೆ ಎಂಬ ಸಂದೇಶ ಈ ಘಟನೆಯಿಂದ ಹೊರಬರುತ್ತಿದೆ. ಈ ಯುವತಿ ಅದೆಷ್ಟು ಕೆಟ್ಟದಾಗಿ ಮಾತನಾಡಿದ್ದಾಳೆ ಗೊತ್ತಾ? ಇಲ್ಲಿದೆ ನೋಡಿ ಆ ವಿಡಿಯೋ. ನೋಡಿ ಇಂತಹವರಿಗೆ ಮೊದಲು ಶಿಕ್ಷೆ ಆಗಬೇಕು ಎಂದು ಕಾಮೆಂಟ್ ಮಾಡಿ.
