ರೈಲ್ಲು ಪ್ರಯಾಣಿಕರಿಗೆ ಸಿಹಿಸುದ್ದಿ ರೈಲುಗಳಲ್ಲಿ ಕಷ್ಟಪಟ್ಟು ಬುಕಿಂಗ್ ನಂತರ ಪ್ರಯಾಣವನ್ನು ಮಾಡುತಿದ್ದ ಪ್ರಯಾಣಿಕರಿಗೆ ಸರ್ಕಾರದ ಈ ನಿಯಮದ ಬದಲಾವಣೆಯೂ ಸ್ವಲ್ಪ ಮಟ್ಟಿಗೆ ಖುಷಿಯನ್ನು ನೀಡುತ್ತದೆ ಅದು ನೈರುತ್ಯ ಭಾಗದ ರೈಲಾಗಿದು ನೈರುತ್ಯ ರೈಲು ನಿಯಮಗಳಲ್ಲಿ ಬದಲಾವಣೆಯನ್ನು ಕಾಣಬಹುದಾಗಿದು ಒಟ್ಟಿಗೆ ಕುಟುಂಬದೊಂದಿಗೆ ಪ್ರಯಾಣಿಸುವ ಪ್ರಯಾಣಿಕರಿಗೆ ಹೆಚ್ಚು ಲಾಭವಾಗುವ ಸಾಧ್ಯತೆ ಇದು ಆದರೆ ಒಬ್ಬರೇ ಅಥವಾ ಸಣ್ಣ ಕುಟುಂಬವಾಗಿ ಪ್ರಯಾಣಿಸುವ ಸಾಮಾನ್ಯ ಟಿಕೆಟ್ ಬುಕಿಂಗ್ಗಿಂತ, ದೊಡ್ಡ ಗುಂಪಿನ ಪ್ರಯಾಣವನ್ನು ಒಟ್ಟಿಗೆ ಯೋಜಿಸುವವರಿಗೆ ಈ ವ್ಯವಸ್ಥೆ ಹೆಚ್ಚು ಉಪಯುಕ್ತವಾಗಿದೆ
1. ಗ್ರೂಪ್ ಟಿಕೆಟ್ನಲ್ಲಿ ಬರ್ತ್ ಮಿತಿಯನ್ನು ತೆಗೆದುಹಾಕಲಾಗಿದೆ
ಹೊಸ ನಿಯಮದ ಪ್ರಮುಖ ಬದಲಾವಣೆಯೆಂದರೆ, ಗುಂಪು ಪ್ರಯಾಣಕ್ಕಾಗಿ ಒಟ್ಟಿಗೆ ಕಾಯ್ದಿರಿಸಬಹುದಾದ ಬರ್ತ್ಗಳ ಸಂಖ್ಯೆಗೆ ಇದ್ದ ನಿಗದಿತ ಮಿತಿಯನ್ನು ತೆಗೆದುಹಾಕಿರುವುದು. ಈ ಹಿಂದೆ ನಿರ್ದಿಷ್ಟ ಸಂಖ್ಯೆಯ ಬರ್ತ್ಗಳಿಗೆ ಮಾತ್ರ ಅಧಿಕಾರಿಗಳು ಅನುಮತಿ ನೀಡಬಹುದಾಗಿತ್ತು. ಈಗ ಮುಖ್ಯ ಮೀಸಲಾತಿ ಮೇಲ್ವಿಚಾರಕರು (Chief Reservation Supervisor – CRS) ಹಾಗೂ ಸ್ಟೇಷನ್ ಮ್ಯಾನೇಜರ್ಗಳಿಗೆ ನಿಗದಿತ ಬರ್ತ್ ಮಿತಿ ಇಲ್ಲದೆ ಗುಂಪು ಬುಕಿಂಗ್ಗಳನ್ನು ಅನುಮೋದಿಸುವ ಅಧಿಕಾರ ನೀಡಲಾಗಿದೆ.
ಇದರಿಂದ ದೊಡ್ಡ ಕುಟುಂಬಗಳು, ಮದುವೆ ಸಮಾರಂಭಕ್ಕೆ ತೆರಳುವವರು, ವಿದ್ಯಾರ್ಥಿಗಳ ತಂಡಗಳು ಹಾಗೂ ಸಂಘಟಿತ ಪ್ರವಾಸದ ಗುಂಪುಗಳು ಒಂದೇ ರೈಲಿನಲ್ಲಿ ಪ್ರಯಾಣಿಸಲು ಅರ್ಜಿ ಸಲ್ಲಿಸುವುದು ಸುಲಭವಾಗಲಿದೆ. ಆದರೆ ಬರ್ತ್ ಮಿತಿಯನ್ನು ತೆಗೆದುಹಾಕಿರುವುದರಿಂದ ಎಲ್ಲರಿಗೂ ಖಚಿತ ಟಿಕೆಟ್ ಸಿಗುತ್ತದೆ ಎಂದರ್ಥವಲ್ಲ. ರೈಲಿನಲ್ಲಿ ಲಭ್ಯವಿರುವ ಆಸನಗಳು, ಅರ್ಜಿಯ ಪರಿಶೀಲನೆ ಮತ್ತು ಅಧಿಕಾರಿಗಳ ಅನುಮೋದನೆಗೆ ಒಳಪಟ್ಟಿರುತ್ತದೆ.
South Western Railway Simplifies Rules for Bulk / Group Booking ನೈಋತ್ಯ ರೈಲ್ವೆಯಿಂದ ಗುಂಪು ಬುಕಿಂಗ್ ನಿಯಮಗಳ ಸರಳೀಕರಣ https://t.co/F5Y02AzNdW
— South Western Railway (@SWRRLY) November 19, 2026
2. ಬೆಳಗ್ಗೆ 9 ಗಂಟೆಯಿಂದಲೇ ಗ್ರೂಪ್ ಬುಕಿಂಗ್ ಅರ್ಜಿ ಸಲ್ಲಿಸಬಹುದು
ಸಾಮಾನ್ಯ ಪ್ರಯಾಣಿಕರ ಮುಂಗಡ ಟಿಕೆಟ್ ಕಾಯ್ದಿರಿಸುವಿಕೆ ಆರಂಭವಾದ ದಿನದಂದು, ಪ್ರಮುಖ ಮೀಸಲಾತಿ ಕೇಂದ್ರಗಳಲ್ಲಿ ಬೆಳಗ್ಗೆ 9 ಗಂಟೆಯಿಂದ ಗುಂಪು ಟಿಕೆಟ್ ಬುಕಿಂಗ್ ಅರ್ಜಿಗಳನ್ನು ಸ್ವೀಕರಿಸಲಾಗುತ್ತದೆ. ಅಂದರೆ ಸಾಮಾನ್ಯ ಮುಂಗಡ ಕಾಯ್ದಿರಿಸುವಿಕೆ ಆರಂಭವಾದ ಒಂದು ಗಂಟೆಯ ನಂತರ ಗ್ರೂಪ್ ಬುಕಿಂಗ್ ಪ್ರಕ್ರಿಯೆಗೆ ಅವಕಾಶ ನೀಡಲಾಗುತ್ತದೆ.
ಈ ಸಮಯವನ್ನು ನಿಗದಿಪಡಿಸಿರುವ ಉದ್ದೇಶ ಸಾಮಾನ್ಯ ಪ್ರಯಾಣಿಕರ ಆರಂಭಿಕ ಬುಕಿಂಗ್ ಪ್ರಕ್ರಿಯೆಗೆ ಅಡ್ಡಿಯಾಗದಂತೆ ಗುಂಪು ಪ್ರಯಾಣದ ಅರ್ಜಿಗಳನ್ನು ಪ್ರತ್ಯೇಕವಾಗಿ ನಿರ್ವಹಿಸುವುದಾಗಿದೆ.
3. ಯಾರೆಲ್ಲ ಗ್ರೂಪ್ ಬುಕಿಂಗ್ ಸೌಲಭ್ಯ ಪಡೆಯಬಹುದು?
ನೈಋತ್ಯ ರೈಲ್ವೆ ಪ್ರಕಾರ, ನಿಜವಾದ ಉದ್ದೇಶಕ್ಕಾಗಿ ಒಟ್ಟಾಗಿ ಪ್ರಯಾಣಿಸುವ ಗುಂಪುಗಳಿಗೆ ಈ ಸೌಲಭ್ಯ ಅನ್ವಯಿಸುತ್ತದೆ.
- ಮದುವೆ ಸಮಾರಂಭಕ್ಕೆ ತೆರಳುವ ಕುಟುಂಬಗಳು ಮತ್ತು ಗುಂಪುಗಳು
- ಶಾಲಾ ಹಾಗೂ ಕಾಲೇಜು ವಿದ್ಯಾರ್ಥಿಗಳ ಪ್ರವಾಸ ತಂಡಗಳು
- ಧಾರ್ಮಿಕ ಯಾತ್ರೆಗೆ ತೆರಳುವ ಭಕ್ತರ ಗುಂಪುಗಳು
- ಕ್ರೀಡಾ ಸ್ಪರ್ಧೆಗಳಿಗೆ ತೆರಳುವ ತಂಡಗಳು
- ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವ ತಂಡಗಳು
- ಇತರ ನೈಜ ಸಾಮೂಹಿಕ ಪ್ರಯಾಣದ ಗುಂಪುಗಳು
ಈ ಸೌಲಭ್ಯ ಎಲ್ಲ ಪ್ರಯಾಣ ವರ್ಗಗಳಿಗೂ ಅನ್ವಯಿಸುತ್ತದೆ. ಟಿಕೆಟ್ಗಳು Confirmed, RAC ಅಥವಾ Waitlisted ಸ್ಥಿತಿಯಲ್ಲಿದ್ದರೂ ಗುಂಪು ಬುಕಿಂಗ್ ಅರ್ಜಿ ಸಲ್ಲಿಸುವ ಅವಕಾಶವಿರುತ್ತದೆ. ಆದರೆ ಅರ್ಜಿ ಸಲ್ಲಿಕೆಯ ಅನುಮತಿ ಮತ್ತು ಟಿಕೆಟ್ ದೃಢೀಕರಣ ಎರಡೂ ಒಂದೇ ಅಲ್ಲ.
4. ಅರ್ಜಿ ಸಲ್ಲಿಸುವಾಗ ಯಾವ ವಿವರಗಳನ್ನು ನೀಡಬೇಕು?
ಗುಂಪು ಟಿಕೆಟ್ ಪಡೆಯಲು ಪ್ರಯಾಣದ ಉದ್ದೇಶವನ್ನು ಸ್ಪಷ್ಟವಾಗಿ ನಮೂದಿಸಬೇಕು. ಪ್ರತಿಯೊಬ್ಬ ಪ್ರಯಾಣಿಕರ ಮಾಹಿತಿಯನ್ನು ಅರ್ಜಿಯೊಂದಿಗೆ ಸಲ್ಲಿಸುವುದು ಕಡ್ಡಾಯವಾಗಿದೆ.
ಅರ್ಜಿಯಲ್ಲಿ ನೀಡಬೇಕಾದ ವಿವರಗಳು
- ಪ್ರಯಾಣಿಕರ ಪೂರ್ಣ ಹೆಸರು
- ವಯಸ್ಸು
- ಲಿಂಗ
- ವಿಳಾಸ
- ಪ್ರಯಾಣದ ಉದ್ದೇಶ
ಪ್ರಯಾಣದ ವಿವರಗಳು ಹಾಗೂ ಸಂಬಂಧಿತ ಪ್ರಯಾಣಿಕರ ಪಟ್ಟಿ
ಯಾಣದ ಉದ್ದೇಶ ಸ್ಪಷ್ಟವಾಗಿರದಿದ್ದರೆ ಅಥವಾ ಅಗತ್ಯ ಪ್ರಯಾಣಿಕರ ವಿವರಗಳನ್ನು ಸಲ್ಲಿಸದಿದ್ದರೆ ಅರ್ಜಿಗೆ ಅನುಮತಿ ನೀಡಲಾಗುವುದಿಲ್ಲ. ಅರ್ಜಿಯನ್ನು ನೇರವಾಗಿ ಸಂಬಂಧಪಟ್ಟ ರೈಲ್ವೆ ಅಧಿಕಾರಿಗಳಿಗೆ ಸಲ್ಲಿಸಬೇಕು. ಸಾಮಾನ್ಯವಾಗಿ ಟ್ರಾವೆಲ್ ಏಜೆಂಟ್ಗಳ ಮೂಲಕ ಗ್ರೂಪ್ ಬುಕಿಂಗ್ ಅರ್ಜಿ ಸಲ್ಲಿಸಲು ಅವಕಾಶವಿಲ್ಲ; ವಿದೇಶಿ ಪ್ರವಾಸಿಗರು ಮತ್ತು ಎನ್ಆರ್ಐಗಳಿಗೆ ಅನ್ವಯಿಸುವ ಹಳೆಯ ನಿಯಮಗಳ ವಿನಾಯಿತಿ ಮುಂದುವರಿಯುತ್ತದೆ.
5. ದುರುಪಯೋಗ ತಡೆಯಲು ರೈಲ್ವೆ ಅಧಿಕಾರಿಗಳಿಗೆ ಸೂಚನೆ
ಗ್ರೂಪ್ ಬುಕಿಂಗ್ ನಿಯಮ ಸರಳಗೊಳಿಸಿದರೂ, ಕೆಲವರು ದೊಡ್ಡ ಪ್ರಮಾಣದಲ್ಲಿ ಬರ್ತ್ಗಳನ್ನು ಮುಂಚಿತವಾಗಿ ಕಾಯ್ದಿರಿಸಿ ಇತರ ಪ್ರಯಾಣಿಕರಿಗೆ ತೊಂದರೆ ಉಂಟುಮಾಡುವುದನ್ನು ತಡೆಯಲು ರೈಲ್ವೆ ಎಚ್ಚರಿಕೆ ವಹಿಸಿದೆ. ಅನುಮೋದಿಸಲಾದ ಪ್ರತಿಯೊಂದು ಗುಂಪು ಬುಕಿಂಗ್ನ ವಿವರಗಳನ್ನು ಪ್ರತ್ಯೇಕ ದಾಖಲೆಯಲ್ಲಿ ನಿರ್ವಹಿಸಬೇಕು. ಅಧಿಕಾರಿಗಳು ಅರ್ಜಿ ಹಾಗೂ ಪ್ರಯಾಣಿಕರ ಪಟ್ಟಿಗೆ ಸಹಿ ಮತ್ತು ಮುದ್ರೆ ಹಾಕಿ ದಾಖಲೆಗಳನ್ನು ಪರಿಶೀಲಿಸಬೇಕು.
ಈ ಸೌಲಭ್ಯವನ್ನು ನಿಜವಾದ ಗುಂಪು ಪ್ರಯಾಣಕ್ಕೆ ಮಾತ್ರ ಬಳಸಬೇಕು. ಬರ್ತ್ಗಳನ್ನು ಅನಧಿಕೃತವಾಗಿ ಹಿಡಿದಿಟ್ಟುಕೊಳ್ಳಲು ಅಥವಾ ದುರುಪಯೋಗಪಡಿಸಿಕೊಳ್ಳಲು ಅವಕಾಶ ನೀಡಬಾರದು ಎಂದು ರೈಲ್ವೆ ಸೂಚಿಸಿದೆ.
6. ಹಿಂದಿರುಗುವ ಪ್ರಯಾಣಕ್ಕೂ ಪ್ರತ್ಯೇಕ ಬುಕಿಂಗ್ ಅವಕಾಶ
ಗುಂಪು ಪ್ರಯಾಣದ ಹಿಂದಿರುಗುವ ಟಿಕೆಟ್ಗಳಿಗೂ ಅರ್ಜಿ ಸಲ್ಲಿಸಬಹುದು. ಆದರೆ ಹಿಂದಿರುಗುವ ಪ್ರಯಾಣವನ್ನು ಪ್ರತ್ಯೇಕ ಬುಕಿಂಗ್ ಎಂದು ಪರಿಗಣಿಸಲಾಗುತ್ತದೆ. ಅದಕ್ಕೂ ಅಗತ್ಯ ದಾಖಲೆಗಳು ಮತ್ತು ಅನುಮತಿ ಪ್ರಕ್ರಿಯೆಯನ್ನು ಮತ್ತೆ ಪೂರ್ಣಗೊಳಿಸಬೇಕು.
ಈ ಹೊಸ ನಿಯಮಗಳಿಂದ ಮದುವೆ, ಪ್ರವಾಸ, ಧಾರ್ಮಿಕ ಕಾರ್ಯಕ್ರಮ, ಶಾಲಾ–ಕಾಲೇಜು ಪ್ರವಾಸ ಸೇರಿದಂತೆ ದೊಡ್ಡ ಗುಂಪುಗಳ ರೈಲು ಪ್ರಯಾಣದ ಟಿಕೆಟ್ ಕಾಯ್ದಿರಿಸುವಿಕೆ ಸುಲಭವಾಗುವ ನಿರೀಕ್ಷೆಯಿದೆ. ಅದರಲ್ಲೂ ಕರ್ನಾಟಕದ ನೈಋತ್ಯ ರೈಲ್ವೆ ವ್ಯಾಪ್ತಿಯ ಪ್ರಯಾಣಿಕರಿಗೆ ಈ ಬದಲಾವಣೆ ಉಪಯುಕ್ತವಾಗಬಹುದು
Comments