Sunday, Nov 22, 2026
|
Advertisement

ಬೆಂಗಳೂರಿನಿಂದ ಮಂಗಳೂರಿಗೆ ಕೇವಲ 7.30 ಗಂಟೆ! ನೂತನ ವಂದೇ ಭಾರತ್ ರೈಲು ವೇಳಾಪಟ್ಟಿ ಪ್ರಕಟ !!

ಬೆಂಗಳೂರು, ಮಂಗಳೂರು ಹಾಗೂ ಗೋವಾ ನಡುವೆ ಪ್ರಯಾಣಿಸುವ ರೈಲು ಪ್ರಯಾಣಿಕರಿಗೆ ಭಾರತೀಯ ರೈಲ್ವೆ ಸಿಹಿಸುದ್ದಿ ನೀಡಿದೆ. ಬಹುನಿರೀಕ್ಷಿತ ಬೆಂಗಳೂರು-ಮಂಗಳೂರು-ಗೋವಾ ವಂದೇ ಭಾರತ್ ಎಕ್ಸ್‌ಪ್ರೆಸ್‌ಗೆ ನವೆಂಬರ್ 13ರಂದು ಚಾಲನೆ ನೀಡಲು ಸಿದ್ಧತೆ ನಡೆದಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ಈ ರೈಲಿಗೆ ಹಸಿರು ನಿಶಾನೆ ತೋರಿಸುವ ನಿರೀಕ್ಷೆಯಿದೆ. ಈ ಹೊಸ ರೈಲು ಸೇವೆಯಿಂದ ಕರ್ನಾಟಕದ ರಾಜಧಾನಿ ಬೆಂಗಳೂರು, ಕರಾವಳಿ ಜಿಲ್ಲೆಗಳು ಹಾಗೂ ಗೋವಾ ನಡುವಿನ ರೈಲು ಸಂಪರ್ಕ ಮತ್ತಷ್ಟು ಸುಧಾರಿಸಲಿದೆ.

ಬೆಂಗಳೂರು ವಂದೇ ಭಾರತ್ ರೈಲು, | Photo Credit: https://www.magnific.com/
ಬೆಂಗಳೂರು ವಂದೇ ಭಾರತ್ ರೈಲು, | Photo Credit: https://www.magnific.com/

ಯಶವಂತಪುರದಿಂದ ಗೋವಾದ ಮಡಗಾಂವ್‌ವರೆಗೆ ಸಂಚರಿಸುವ ಈ ರೈಲು ಪಶ್ಚಿಮ ಘಟ್ಟಗಳ ಸುಂದರ ಪ್ರಕೃತಿ ಸೌಂದರ್ಯದ ನಡುವೆ ಹಾದುಹೋಗಲಿದೆ. ವಿಶೇಷವಾಗಿ ಸಕಲೇಶಪುರದಿಂದ ಸುಬ್ರಹ್ಮಣ್ಯ ರಸ್ತೆ ನಡುವಿನ ಘಟ್ಟ ಪ್ರದೇಶದ ಪ್ರಯಾಣ ಪ್ರವಾಸಿಗರಿಗೆ ವಿಶೇಷ ಅನುಭವ ನೀಡಲಿದೆ.

Advertisement

ನವೆಂಬರ್ 13ರಂದು ಉದ್ಘಾಟನೆ, ನ.15ರಿಂದ ಸಾಮಾನ್ಯ ಸೇವೆ

ನವೆಂಬರ್ 13ರಂದು ಉದ್ಘಾಟನಾ ಸಂಚಾರ ನಡೆಯುವ ನಿರೀಕ್ಷೆಯಿದ್ದು, ನವೆಂಬರ್ 15ರಿಂದ ನಿಯಮಿತ ರೈಲು ಸೇವೆ ಆರಂಭವಾಗಲಿದೆ ಎಂದು ವರದಿಗಳು ತಿಳಿಸಿವೆ. ಈ ರೈಲು 16 ಬೋಗಿಗಳ ಚೇರ್‌ಕಾರ್ ವ್ಯವಸ್ಥೆಯನ್ನು ಹೊಂದಿರಲಿದೆ. ವಾರದಲ್ಲಿ ಆರು ದಿನ ಸಂಚರಿಸಲಿದ್ದು, ಯಶವಂತಪುರದಿಂದ ಹೊರಡುವ ರೈಲು ಪ್ರತಿ ಬುಧವಾರ ಸಂಚರಿಸುವುದಿಲ್ಲ. ಮಡಗಾಂವ್‌ನಿಂದ ಹೊರಡುವ ರೈಲು ಪ್ರತಿ ಗುರುವಾರ ಸಂಚರಿಸುವುದಿಲ್ಲ. 

ರೈಲಿನ ವೇಳಾಪಟ್ಟಿ: ಬೆಂಗಳೂರು ಟು ಗೋವಾ

ನಿಯಮಿತ ಸೇವೆ: ನವೆಂಬರ್ 15ರಿಂದ

ವಿವರ

ಸಮಯ

ರೈಲು ಸಂಖ್ಯೆ

Advertisement

26655

ಆರಂಭಿಕ ನಿಲ್ದಾಣ

ಯಶವಂತಪುರ

ಹೊರಡುವ ಸಮಯ

ಬೆಳಗ್ಗೆ 7:35

ತಲುಪುವ ನಿಲ್ದಾಣ

ಮಡಗಾಂವ್

ತಲುಪುವ ಸಮಯ

ರಾತ್ರಿ 8:55

ಪ್ರಯಾಣದ ಅವಧಿ

13 ಗಂಟೆ 20 ನಿಮಿಷ

ಗೋವಾದಿಂದ ಬೆಂಗಳೂರಿಗೆ ಮರಳುವ ವೇಳಾಪಟ್ಟಿ:

ವಿವರ

ಸಮಯ

ರೈಲು ಸಂಖ್ಯೆ

26656

ಆರಂಭಿಕ ನಿಲ್ದಾಣ

ಮಡಗಾಂವ್

ಹೊರಡುವ ಸಮಯ

ಬೆಳಗ್ಗೆ 8:20

ತಲುಪುವ ನಿಲ್ದಾಣ

ಯಶವಂತಪುರ

ತಲುಪುವ ಸಮಯ

ರಾತ್ರಿ 9:15

ಪ್ರಯಾಣದ ಅವಧಿ

12 ಗಂಟೆ 55 ನಿಮಿಷ

ಯಾವೆಲ್ಲ ನಿಲ್ದಾಣಗಳಲ್ಲಿ ನಿಲ್ಲಲಿದೆ?


ಯಶವಂತಪುರದಿಂದ ಮಡಗಾಂವ್‌ವರೆಗಿನ ಪ್ರಯಾಣದಲ್ಲಿ ಈ 12 ಪ್ರಮುಖ ನಿಲ್ದಾಣಗಳಲ್ಲಿ ರೈಲು ನಿಲುಗಡೆ ಹೊಂದಿರಲಿದೆ.
1. ಶ್ರವಣಬೆಳಗೊಳ
2. ಹಾಸನ
3. ಸಕಲೇಶಪುರ
4. ಸುಬ್ರಹ್ಮಣ್ಯ ರಸ್ತೆ
5. ಕಬಕ ಪುತ್ತೂರು
6. ಮಂಗಳೂರು ಜಂಕ್ಷನ್
7. ಉಡುಪಿ
8. ಕುಂದಾಪುರ
9. ಮೂಕಾಂಬಿಕಾ ರಸ್ತೆ ಬೈಂದೂರು
10. ಮುರ್ಡೇಶ್ವರ
11. ಗೋಕರ್ಣ ರಸ್ತೆ
12. ಕಾರವಾರ

ಈ ಮಾರ್ಗದಲ್ಲಿ ಸಕಲೇಶಪುರ, ಸುಬ್ರಹ್ಮಣ್ಯ ರಸ್ತೆ ನಡುವಿನ ಪಶ್ಚಿಮ ಘಟ್ಟಗಳ ಹಸಿರು ಪರಿಸರ, ಸುರಂಗ ಮಾರ್ಗಗಳು ಹಾಗೂ ಪ್ರಕೃತಿ ಸೌಂದರ್ಯ ಪ್ರಯಾಣಿಕರ ಗಮನ ಸೆಳೆಯಲಿವೆ. 

ವಂದೇ ಭಾರತ್ ಟಿಕೆಟ್ ದರ ಎಷ್ಟು?

ಈ ರೈಲಿನಲ್ಲಿ ಎಸಿ ಚೇರ್ ಕಾರ್ (CC) ಮತ್ತು ಎಕ್ಸಿಕ್ಯೂಟಿವ್ ಚೇರ್ ಕಾರ್ (EC) ಆಸನ ವ್ಯವಸ್ಥೆ ಇರಲಿದೆ.

ದಿ ಹಿಂದೂ ವರದಿಯ ಪ್ರಕಾರ, ಯಶವಂತಪುರದಿಂದ ಮಡಗಾಂವ್‌ವರೆಗಿನ ಪ್ರಯಾಣಕ್ಕೆ ಅಂದಾಜು ಮೂಲ ಟಿಕೆಟ್ ದರ ಹೀಗಿದೆ:

ಪ್ರಯಾಣದ ವರ್ಗ

ಅಂದಾಜು ಮೂಲ ದರ

ಎಸಿ ಚೇರ್ ಕಾರ್ (CC)

₹1,369

ಎಕ್ಸಿಕ್ಯೂಟಿವ್ ಚೇರ್ ಕಾರ್ (EC)

₹2,795

ಇದಕ್ಕೆ ಮೀಸಲಾತಿ ಶುಲ್ಕ, ಸೂಪರ್‌ಫಾಸ್ಟ್ ಶುಲ್ಕ ಹಾಗೂ ಜಿಎಸ್‌ಟಿ ಸೇರಿಸಿದರೆ ಒಟ್ಟು ದರ ಕ್ರಮವಾಗಿ ಸುಮಾರು ₹1,527 ಮತ್ತು ₹3,077 ಆಗಬಹುದು. ಇವು ವರದಿಯಲ್ಲಿನ ಅಂದಾಜು ಲೆಕ್ಕಾಚಾರವಾಗಿದ್ದು, ಅಂತಿಮ ಬುಕಿಂಗ್ ದರದಲ್ಲಿ ವ್ಯತ್ಯಾಸವಿರಬಹುದು.

ಬೆಂಗಳೂರಿನಿಂದ ಮಂಗಳೂರಿಗೆ ಎಷ್ಟು ಸಮಯ?

  • ಬೆಂಗಳೂರು-ಮಂಗಳೂರು ನಡುವೆ ಪ್ರಯಾಣಿಸುವವರಿಗೂ ಈ ರೈಲು ಅನುಕೂಲವಾಗಲಿದೆ. ಯಶವಂತಪುರದಿಂದ ಬೆಳಗ್ಗೆ 7:35ಕ್ಕೆ ಹೊರಡುವ ರೈಲು ಮಧ್ಯಾಹ್ನ 3:05ಕ್ಕೆ ಮಂಗಳೂರು ಜಂಕ್ಷನ್ ತಲುಪಲಿದೆ. ಅಂದರೆ ಸುಮಾರು 7 ಗಂಟೆ 30 ನಿಮಿಷಗಳಲ್ಲಿ ಪ್ರಯಾಣ ಪೂರ್ಣಗೊಳ್ಳಲಿದೆ. 
  • ಮಂಗಳೂರಿನಿಂದ ಬೆಂಗಳೂರಿಗೆ ಮರಳುವಾಗ ಮಧ್ಯಾಹ್ನ 1:50ಕ್ಕೆ ಮಂಗಳೂರು ಜಂಕ್ಷನ್ ತಲುಪುವ ರೈಲು, ಮಧ್ಯಾಹ್ನ 2 ಗಂಟೆಗೆ ಅಲ್ಲಿಂದ ಹೊರಟು ರಾತ್ರಿ 9:15ಕ್ಕೆ ಯಶವಂತಪುರ ತಲುಪಲಿದೆ.

ಹಳೆಯ ವಂದೇ ಭಾರತ್ ರೈಲು ಸೇವೆ ಸ್ಥಗಿತ!

ಹೊಸ ಯಶವಂತಪುರ-ಮಡಗಾಂವ್ ವಂದೇ ಭಾರತ್ ರೈಲು ಆರಂಭವಾಗುತ್ತಿರುವ ಹಿನ್ನೆಲೆಯಲ್ಲಿ ಮಂಗಳೂರು ಸೆಂಟ್ರಲ್-ಮಡಗಾಂವ್ ನಡುವೆ ಸಂಚರಿಸುತ್ತಿದ್ದ ಹಳೆಯ ವಂದೇ ಭಾರತ್ ಎಕ್ಸ್‌ಪ್ರೆಸ್ (20645/20646) ಸೇವೆಯನ್ನು ನವೆಂಬರ್ 15ರಿಂದ ಸ್ಥಗಿತಗೊಳಿಸಲು ನಿರ್ಧರಿಸಲಾಗಿದೆ.

ಒಟ್ಟಿನಲ್ಲಿ, ಬೆಂಗಳೂರು, ಹಾಸನ, ಮಂಗಳೂರು, ಉಡುಪಿ, ಕಾರವಾರ ಹಾಗೂ ಗೋವಾ ನಡುವೆ ಪ್ರಯಾಣಿಸುವವರಿಗೆ ಈ ರೈಲು ಹೊಸ ಆಯ್ಕೆಯಾಗಲಿದೆ. ಪ್ರವಾಸಿಗರು, ಉದ್ಯೋಗಿಗಳು, ವಿದ್ಯಾರ್ಥಿಗಳು ಹಾಗೂ ಧಾರ್ಮಿಕ ಕ್ಷೇತ್ರಗಳಿಗೆ ಭೇಟಿ ನೀಡುವವರಿಗೆ ಈ ರೈಲು ಅನುಕೂಲ ಕಲ್ಪಿಸುವ ನಿರೀಕ್ಷೆಯಿದೆ.

Comments