Sunday, Nov 22, 2026
|
Advertisement

ವಿರೋಷ್' ಸಂಭ್ರಮ - ವೈರಲ್ ಆಯ್ತು ರಶ್ಮಿಕಾ-ವಿಜಯ್ ಪ್ರೀತಿಯ ವೀಡಿಯೋ!!

ನವದಂಪತಿ ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡ ಅವರ ಮದುವೆಯ ಸಂಭ್ರಮ ಹೈದರಾಬಾದ್‌ನಲ್ಲಿ ಕಳೆಗಟ್ಟಿದೆ. ನಡೆಯಲಿರುವ ಅದ್ಧೂರಿ ಆರತಕ್ಷತೆಗೂ ಮುನ್ನ ಈ ಜೋಡಿ ತಮ್ಮ ಅಭಿಮಾನಿಗಳಿಗಾಗಿ ವಿಶೇಷ 'ಫ್ಯಾನ್ ಮೀಟ್' ಆಯೋಜಿಸಿ ಎಲ್ಲರ ಗಮನ ಸೆಳೆದಿದ್ದಾರೆ.

ಅಭಿಮಾನಿಯ ಶರ್ಟ್ ಮೇಲೆ ರಶ್ಮಿಕಾ ಆಟೋಗ್ರಾಫ್
ಅಭಿಮಾನಿಯ ಶರ್ಟ್ ಮೇಲೆ ರಶ್ಮಿಕಾ ಆಟೋಗ್ರಾಫ್

ಸಿನಿಮಾ ಪರದೆಯ ಮೇಲೆ ಮೋಡಿ ಮಾಡಿದ್ದ ಈ ಜೋಡಿ ಈಗ ನಿಜ ಜೀವನದಲ್ಲೂ ಒಂದಾಗಿದ್ದು, ತಮ್ಮ ಸಂಭ್ರಮದಲ್ಲಿ ಅಭಿಮಾನಿಗಳನ್ನು ಸಮಪಾಲು ಮಾಡಿಕೊಂಡಿದ್ದಾರೆ. ಹೈದರಾಬಾದ್‌ನಲ್ಲಿ ನಡೆದ ವಿಶೇಷ ಅಭಿಮಾನಿಗಳ ಭೇಟಿಯ ವೇಳೆ ರಶ್ಮಿಕಾ ಮತ್ತು ವಿಜಯ್ ಅವರನ್ನು ಗುಲಾಬಿ ಹೂವಿನ ಮಳೆಯೊಂದಿಗೆ ಸ್ವಾಗತಿಸಲಾಯಿತು.

Advertisement

ಅಭಿಮಾನಿಗಳೊಂದಿಗೆ 'ವಿರೋಷ್' ಸಂಭ್ರಮ

ಅಭಿಮಾನಿಗಳು ಪ್ರೀತಿಯಿಂದ ಇಟ್ಟ 'ವಿರೋಷ್' (Virosh - Vijay + Rashmika) ಹೆಸರನ್ನೇ ಈ ಜೋಡಿ ತಮ್ಮ ಮದುವೆಯ ಥೀಮ್ ಆಗಿ ಬಳಸಿಕೊಂಡಿದ್ದಾರೆ. ಈ ಭೇಟಿಯ ವೇಳೆ ರಶ್ಮಿಕಾ ಅವರು ಅಭಿಮಾನಿಯೊಬ್ಬರ ಟಿ-ಶರ್ಟ್ ಮೇಲೆ ಆಟೋಗ್ರಾಫ್ ಹಾಕುವ ಮೂಲಕ ಖುಷಿ ನೀಡಿದರು. ಅಷ್ಟೇ ಅಲ್ಲದೆ, ನವದಂಪತಿಗಳಿಬ್ಬರೂ ಸ್ವತಃ ನಿಂತು ಅಭಿಮಾನಿಗಳಿಗೆ ಊಟ ಬಡಿಸಿದರು. ಈ ಸಂದರ್ಭದಲ್ಲಿ ರಶ್ಮಿಕಾ ಅವರು ವಿಜಯ್ ಅವರಿಗೆ ತಮ್ಮ ಕೈಯಾರೆ ಪ್ರೀತಿಯಿಂದ ತುತ್ತು ನೀಡಿದ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರು "ಕ್ಯೂಟ್ ಜೋಡಿ" ಎಂದು ಹಾರೈಸುತ್ತಿದ್ದಾರೆ.

ವೈವಿಧ್ಯಮಯ ಸಂಪ್ರದಾಯದ ವಿವಾಹ ಮಹೋತ್ಸವ

ಫೆಬ್ರವರಿ 26 ರಂದು ನಡೆದ ಇವರ ವಿವಾಹವು ಎರಡು ವಿಭಿನ್ನ ಸಂಸ್ಕೃತಿಗಳ ಸಮ್ಮಿಲನವಾಗಿತ್ತು. ಬೆಳಿಗ್ಗೆ ತೆಲುಗು ಸಂಪ್ರದಾಯದಂತೆ ವಿವಾಹ ನಡೆದರೆ, ಸಂಜೆ ರಶ್ಮಿಕಾ ಅವರ ಕೊಡವ ಸಂಪ್ರದಾಯದಂತೆ ಮದುವೆ ಶಾಸ್ತ್ರಗಳು ಜರುಗಿದವು. ಫೆಬ್ರವರಿ 23 ರಿಂದಲೇ ಮದುವೆಯ ಸಂಭ್ರಮ ಆರಂಭವಾಗಿದ್ದು, 'ವಿರೋಷ್ ಪ್ರೀಮಿಯರ್ ಲೀಗ್' (VPL) ಹೆಸರಿನಲ್ಲಿ ಕ್ರಿಕೆಟ್ ಪಂದ್ಯಾವಳಿ, ಜಪಾನೀಸ್ ಡಿನ್ನರ್ ಮತ್ತು ಸಂಗೀತ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿತ್ತು. ಈ ಸಂಭ್ರಮದಲ್ಲಿ ಸಂದೀಪ್ ರೆಡ್ಡಿ ವಂಗಾ, ಆಶಿಕಾ ರಂಗನಾಥ್ ಸೇರಿದಂತೆ ಚಿತ್ರರಂಗದ ಹಲವು ಗಣ್ಯರು ಭಾಗವಹಿಸಿದ್ದರು.

Advertisement

ಇಂದು ಅದ್ಧೂರಿ ಆರತಕ್ಷತೆ - ಮೋದಿಗೂ ಆಹ್ವಾನ

ಇಂದು ಹೈದರಾಬಾದ್‌ನಲ್ಲಿ ನಡೆಯಲಿರುವ ಇವರ ರಿಸೆಪ್ಷನ್ ಕಾರ್ಯಕ್ರಮಕ್ಕೆ ದಕ್ಷಿಣ ಭಾರತದ ಎಲ್ಲಾ ಭಾಷೆಗಳ ನಟ-ನಟಿಯರು ಹಾಗೂ ರಾಜಕೀಯ ಮುಖಂಡರನ್ನು ಆಹ್ವಾನಿಸಲಾಗಿದೆ. ವಿಶೇಷವೆಂದರೆ, ಪ್ರಧಾನಿ ನರೇಂದ್ರ ಮೋದಿ ಅವರಿಗೂ ಆಹ್ವಾನ ಪತ್ರಿಕೆ ನೀಡಲಾಗಿದೆ. ಭದ್ರತಾ ಕಾರಣಗಳಿಂದಾಗಿ ಕೇವಲ ಆಹ್ವಾನಿತರಿಗೆ ಮಾತ್ರ ಪ್ರವೇಶ ನೀಡಲಾಗುತ್ತಿದ್ದು, ಅಭಿಮಾನಿಗಳು ಸಹಕರಿಸಬೇಕು ಎಂದು ಜೋಡಿ ಮನವಿ ಮಾಡಿದೆ. "ನಿಮ್ಮ ಆಶೀರ್ವಾದವೇ ನಮಗೆ ದೊಡ್ಡ ಉಡುಗೊರೆ" ಎಂದು ವಿಜಯ್ ಮತ್ತು ರಶ್ಮಿಕಾ ತಿಳಿಸಿದ್ದಾರೆ.

Comments

Latest News