ಬಿಗ್ ಬಾಸ್ ಕನ್ನಡ ಸೀಸನ್ 12ರ ವಿಜೇತನಾಗಿ ಹೊರಹೊಮ್ಮಿದ ಗಿಲ್ಲಿ ನಟನ ಸಾಧನೆ ನಿಜಕ್ಕೂ ಹೆಮ್ಮೆಯ ವಿಷಯ ಆಗಿದೆ. ಅವರ ಮಾತು, ನಡವಳಿಕೆ ಮತ್ತು ಮನಮೋಹಕ ವ್ಯಕ್ತಿತ್ವದಿಂದ ಮನೆ ಮನೆಗಳಲ್ಲಿ ಹೆಸರು ಮಾಡಿದ್ದ ಅವರು, ಜನರ ಹೃದಯವನ್ನು ಗೆದ್ದಿದ್ದಾರೆ.
ಮುಖ್ಯಮಂತ್ರಿ ಸಿದ್ದರಾಮಯ್ಯ, ಗೃಹ ಸಚಿವ ಜಿ. ಪರಮೇಶ್ವರ್ ಸೇರಿದಂತೆ ಅನೇಕ ರಾಜಕಾರಣಿಗಳು ಅವರನ್ನು ಭೇಟಿಯಾಗಿ ಶುಭ ಹಾರೈಸಿದ್ದಾರೆ. ಇದೀಗ ಮಾಜಿ ಸಚಿವ ಜನಾರ್ದನ ರೆಡ್ಡಿ ತಮ್ಮ ನಿವಾಸಕ್ಕೆ ಆಹ್ವಾನಿಸಿ, ಪತ್ನಿ ಲಕ್ಷ್ಮಿ ಅರುಣ ಅವರೊಂದಿಗೆ ಗಿಲ್ಲಿ ನಟರನ್ನು ಸನ್ಮಾನಿಸಿದರು. ಈ ಸಂದರ್ಭದಲ್ಲಿ ರೆಡ್ಡಿ ಅವರು, “ಗಿಲ್ಲಿ ಸಾಧನೆ ಕೇವಲ ಮನರಂಜನೆಯಲ್ಲ, ಜನಸಾಮಾನ್ಯರ ಮನಸ್ಸಿನಲ್ಲಿ ಪ್ರೇರಣೆಯಾಗಿದೆ” ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.
ಬಿಗ್ ಬಾಸ್ ವೇದಿಕೆಯಲ್ಲಿ ತೋರಿದ ಆಟ, ಜನರನ್ನು ನಗಿಸಿದ, ಹಾಗೂ ನಿಜ ವ್ಯಕ್ತಿತ್ವವೇ ಅವರ ಗೆಲುವಿಗೆ ಕಾರಣವಾಗಿದೆ. ಜನರೊಂದಿಗೆ ಹೊಂದಿಕೊಂಡಿರುವ ಸರಳತೆ ಮತ್ತು ನೇರತೆ, ಅವರನ್ನು ಜನಪ್ರಿಯರನ್ನಾಗಿ ಮಾಡಿದೆ. ಈ ಯಶಸ್ಸು ಕನ್ನಡದ ಮನರಂಜನಾ ಲೋಕದಲ್ಲಿ ಹೊಸ ಅಧ್ಯಾಯವನ್ನು ಬರೆಯುತ್ತಿದೆ.
ರಾಜಕೀಯ ನಾಯಕರು, ಅಭಿಮಾನಿಗಳು ಮತ್ತು ಜನಸಾಮಾನ್ಯರು ಎಲ್ಲರೂ ಗಿಲ್ಲಿ ನಟರ ಮುಂದಿನ ಕಲಾಜೀವನವು ಇನ್ನಷ್ಟು ಯಶಸ್ವಿಯಾಗಲಿ ಎಂದು ಹಾರೈಸುತ್ತಿದ್ದಾರೆ. ಜನಾರ್ದನ ರೆಡ್ಡಿ ಅವರ ಸನ್ಮಾನವು ಗಿಲ್ಲಿ ನಟನ ಸಾಧನೆಗೆ ಮತ್ತೊಂದು ಗೌರವದ ಅಲಂಕಾರವಾಗಿದೆ ಎಂದು ಹೇಳಬಹುದು.
ಒಟ್ಟಾರೆ, ಗಿಲ್ಲಿ ನಟ ರಾಜಕೀಯ ನಾಯಕರನ್ನು ಭೇಟಿ ಮಾಡುತ್ತಿರುವುದನ್ನು ನೋಡಿದಾಗ, ಮುಂದಿನ ದಿನಗಳಲ್ಲಿ ಅವರು ರಾಜಕೀಯ ಪ್ರವೇಶಿಸುತ್ತಾರಾ ಎಂಬ ಪ್ರಶ್ನೆ ಮೂಡುತ್ತಿದೆ. ಆದರೆ ಪ್ರಶ್ನೆ ಏನೇ ಇರಲಿ, ಜನರ ಆಶಯ ಒಂದೇ – 'ಗಿಲ್ಲಿ ನಟನ ಮುಂದಿನ ದಿನಗಳು ಯಶಸ್ಸು, ಗೌರವ ಮತ್ತು ಜನಪ್ರಿಯತೆಯಿಂದ ಸದಾ ಕೂಡಿರಲಿ' ಎಂದು ಧನ್ಯವಾದಗಳು.
