ಸ್ಯಾಂಡಲ್ವುಡ್ನಲ್ಲಿ ಇತ್ತೀಚೆಗೆ ಸಖತ್ ಸೌಂಡ್ ಮಾಡ್ತಿರೋ ನಟಿ ಅಂದ್ರೆ ಅದು ಚೈತ್ರಾ ಜೆ ಆಚಾರ್. 'ಸಪ್ತ ಸಾಗರದಾಚೆ ಎಲ್ಲೋ' ಸಿನಿಮಾದಲ್ಲಿ ಸುರಭಿ ಆಗಿ ಅಬ್ಬರಿಸಿದ್ದ ಈ ಬೆಡಗಿ, ಈಗ ಪರಭಾಷೆಗೂ ಹಾರೋಕೆ ರೆಡಿಯಾಗಿದ್ದಾರೆ. ಆದ್ರೆ ಇದೇ ಹೊತ್ತಲ್ಲಿ ಒಂದು ಬ್ಯಾಡ್ ನ್ಯೂಸ್ ಕೇಳಿಬಂದಿದೆ. ನ್ಯಾಷನಲ್ ಅವಾರ್ಡ್ ವಿನ್ನರ್, ಕಾಲಿವುಡ್ನ ‘ಅಸುರ’ ಧನುಷ್ ಜೊತೆ ನಾಯಕಿಯಾಗಿ ನಟಿಸೋ ಗೋಲ್ಡನ್ ಚಾನ್ಸ್ ಚೈತ್ರಾ ಪಾಲಿಗೆ ಬಂದಿತ್ತು. ಆದ್ರೆ ಶೂಟಿಂಗ್ ಹಂತಕ್ಕೆ ಹೋಗಿದ್ದ ಈ ಅವಕಾಶ ಕೊನೆ ಕ್ಷಣದಲ್ಲಿ ಕೈ ತಪ್ಪಿದೆ.
'ಪೋರ್ ತೊಳಿಲ್' ಅನ್ನೋ ಸಖತ್ ಸಸ್ಪೆನ್ಸ್ ಸಿನಿಮಾ ಮಾಡಿದ್ದ ಡೈರೆಕ್ಟರ್ ವಿಘ್ನೇಶ್ ರಾಜಾ, ಈಗ ಧನುಷ್ ಜೊತೆ 'ಕರ' (Kara) ಅನ್ನೋ ಆಕ್ಷನ್ ಥ್ರಿಲ್ಲರ್ ಸಿನಿಮಾ ಮಾಡ್ತಿದ್ದಾರೆ. ಈ ಸಿನಿಮಾಗೆ ಚೈತ್ರಾ ಆಚಾರ್ ಅವರನ್ನೇ ಹೀರೋಯಿನ್ ಅಂತ ಫಿಕ್ಸ್ ಮಾಡಲಾಗಿತ್ತು. ಲುಕ್ ಟೆಸ್ಟ್ ಕೂಡ ಮುಗಿದಿತ್ತು. ಆದ್ರೆ ಅಲ್ಲೇ ಒಂದು ವಿಚಿತ್ರ ಟ್ವಿಸ್ಟ್ ಎದುರಾಯ್ತು!
ಚೈತ್ರಾ ಆಚಾರ್ ಅವರು ಸೀನಿಯರ್ ನಟ ಶಶಿಕುಮಾರ್ ಅವರ ಮಗ ನಟಿಸಿರೋ 'ಮೈ ಲಾರ್ಡ್' ಸಿನಿಮಾದಲ್ಲಿ ಆಕ್ಟ್ ಮಾಡಿದ್ದಾರೆ. ಈ ಸಿನಿಮಾದಲ್ಲಿ ಚೈತ್ರಾ ಅವರ ಗೆಟಪ್ ಮತ್ತು ಧನುಷ್ ಅವರ 'ಕರ' ಸಿನಿಮಾದಲ್ಲಿ ಇರಬೇಕಿದ್ದ ಗೆಟಪ್ ಎರಡೂ ಆಲ್ಮೋಸ್ಟ್ ಒಂದೇ ರೀತಿ ಇತ್ತಂತೆ. ಅಷ್ಟೇ ಅಲ್ಲ, ಧನುಷ್ ಸಿನಿಮಾ ರಿಲೀಸ್ ಆಗೋಕು ಮೊದಲೇ 'ಮೈ ಲಾರ್ಡ್' ಬರೋ ಚಾನ್ಸ್ ಇತ್ತು. ಹೀಗಾಗಿ, ಜನರಿಗೆ ಹೀರೋಯಿನ್ ಲುಕ್ ಹೊಸದು ಅಂತ ಅನ್ಸಲ್ಲ ಅನ್ನೋ ಒಂದೇ ಒಂದು ಕಾರಣಕ್ಕೆ ಡೈರೆಕ್ಟರ್ ಚೈತ್ರಾ ಅವರನ್ನ ಚೇಂಜ್ ಮಾಡಬೇಕಾಯ್ತು. ಪಾಪ, ಚೈತ್ರಾಗೆ ಅದೃಷ್ಟ ಸ್ವಲ್ಪದರಲ್ಲೇ ಮಿಸ್ ಆಯ್ತು!
ಚೈತ್ರಾ ಜಾಗಕ್ಕೆ ಬಂದಿದ್ದು ಯಾರು?
ಚೈತ್ರಾ ಆಚಾರ್ ಔಟ್ ಆದ್ಮೇಲೆ ಆ ಜಾಗಕ್ಕೆ ಬಂದಿದ್ದು ಮಲಯಾಳಂನ ಕ್ಯೂಟ್ ಬೆಡಗಿ ಮಮಿತಾ ಬೈಜು. 'ಪ್ರೇಮಲು' ಸಿನಿಮಾ ಮೂಲಕ ಸೌತ್ ಇಂಡಿಯಾದಲ್ಲಿ ಸನ್ಸೇಷನ್ ಕ್ರಿಯೇಟ್ ಮಾಡಿರೋ ಮಮಿತಾ, ಈ ಸೀರಿಯಸ್ ಸಿನಿಮಾಗೆ ಸೂಟ್ ಆಗ್ತಾರಾ ಅನ್ನೋ ಡೌಟ್ ಇತ್ತು. ಆದ್ರೆ ಕಥೆ ಕೇಳಿ ಮಮಿತಾ ಫುಲ್ ಫಿದಾ ಆಗಿ ಓಕೆ ಅಂದಿದ್ದಾರಂತೆ.
ಸಿನಿಮಾದಲ್ಲಿ ಯಾರ್ಯಾರಿದ್ದಾರೆ?
ಧನುಷ್ ಅವರ ಈ 'ಕರ' ಸಿನಿಮಾ ಏಪ್ರಿಲ್ 30ಕ್ಕೆ ಅಂದ್ರೆ ಇನ್ನೇನು ಮೂರು ದಿನಗಳಲ್ಲಿ ಗ್ರಾಂಡ್ ಆಗಿ ರಿಲೀಸ್ ಆಗ್ತಿದೆ. ಸಿನಿಮಾದಲ್ಲಿ ಸೂರಜ್ ವೆಂಜಾರಮೂಡು, ಜಯರಾಮ್ ನಂತ ಘಟಾನುಘಟಿ ಕಲಾವಿದರಿದ್ದಾರೆ. ಜಿ.ವಿ. ಪ್ರಕಾಶ್ ಕುಮಾರ್ ಅವರ ಮ್ಯೂಸಿಕ್ ಈ ಸಿನಿಮಾಗೆ ದೊಡ್ಡ ಪ್ಲಸ್ ಪಾಯಿಂಟ್.
ಚೈತ್ರಾಗೆ ಮುಂದಿದೆ ಒಳ್ಳೆ ಕಾಲ
ಒಂದು ದೊಡ್ಡ ಅವಕಾಶ ಮಿಸ್ ಆಗಿರಬಹುದು, ಆದ್ರೆ ಚೈತ್ರಾ ಆಚಾರ್ ಅವರ ಟ್ಯಾಲೆಂಟ್ಗೆ ಇಂತಹ ಹತ್ತಾರು ಚಾನ್ಸ್ ಸಿಗೋದ್ರಲ್ಲಿ ಡೌಟೇ ಇಲ್ಲ. ಸದ್ಯಕ್ಕೆ ನಮ್ಮ ಕನ್ನಡದ ಹುಡುಗಿ ತಮಿಳು, ತೆಲುಗಿನಲ್ಲೂ ಬ್ಯುಸಿಯಾಗ್ತಿರೋದು ನಮಗಂತೂ ಖುಷಿಯ ವಿಚಾರ.
