ಮೇಷದಿಂದ ಮೀನದವರೆಗೆ - ಯಾರಿಗೆ ಗೆಲುವು? ಯಾರಿಗೆ ಎಚ್ಚರಿಕೆ? ಇಂದಿನ ಭವಿಷ್ಯ ನೋಡಿ!!

ಇಂದು 2026ರ ಏಪ್ರಿಲ್ 9, ಗುರುವಾರ. ಶಾಲಿವಾಹನ ಶಕವರ್ಷ 1949ರ ಚೈತ್ರ ಮಾಸದ ಈ ದಿನದಂದು ಗ್ರಹಗತಿಗಳು ನಿಮ್ಮ ಜೀವನದ ಮೇಲೆ ಯಾವ ರೀತಿ ಪ್ರಭಾವ ಬೀರಲಿವೆ? ಕೆಲವು ರಾಶಿಯವರಿಗೆ ಇಂದು ಕೇವಲ ಮಾತಿನ ಚಮತ್ಕಾರದಿಂದಲೇ ಅಂದುಕೊಂಡ ಕೆಲಸಗಳು ಪೂರ್ಣಗೊಳ್ಳಲಿವೆ. ಇನ್ನು ಕೆಲವರಿಗೆ ಆರೋಗ್ಯ ಮತ್ತು ಪ್ರಯಾಣದಲ್ಲಿ ತುಸು ಏರುಪೇರಾಗುವ ಸಾಧ್ಯತೆ ಇದೆ.

ಮೇಷ: ಕೆಲಸದಲ್ಲಿ ಗೊಂದಲ ಬೇಡ
ವಿದ್ಯಾರ್ಥಿಗಳಿಗೆ ಇಂದು ಪರಿಶ್ರಮಕ್ಕೆ ತಕ್ಕ ಫಲ ಸಿಗುವ ದಿನ. ನಿಮ್ಮ ಸಂಗಾತಿಯು ಯಾವುದೋ ಪರೀಕ್ಷೆಯಲ್ಲಿ ಜಯ ಪಡೆಯಬಹುದು. ಆದರೆ, ಕೆಲಸದ ಸ್ಥಳದಲ್ಲಿ ಸ್ವಲ್ಪ ಹತಾಶೆಯ ವಾತಾವರಣ ಇರಬಹುದು. ಇಂದು ನಿಮ್ಮ ಮಾತು ಸ್ವಲ್ಪ ಕಠೋರವಾಗಿರುವ ಸಾಧ್ಯತೆ ಇದೆ, ಸಾಧ್ಯವಾದಷ್ಟು ಮೃದುವಾಗಿ ಮಾತನಾಡಿ ಕೆಲಸ ಮುಗಿಸಿಕೊಳ್ಳಿ. ಹಿರಿಯರ ಸೇವೆ ಮಾಡುವುದರಿಂದ ಮನಸ್ಸಿಗೆ ನೆಮ್ಮದಿ ಸಿಗಲಿದೆ.

ವೃಷಭ: ಗೆಲುವಿನ ಮುನ್ಸೂಚನೆ
ಬಹಳ ದಿನಗಳಿಂದ ಸೋಲಿನಿಂದ ಕಂಗೆಟ್ಟಿದ್ದ ನಿಮಗೆ ಇಂದು ಗೆಲುವಿನ ಸಿಹಿ ಸುದ್ದಿ ಸಿಗಲಿದೆ. ಹೊಸಬರ ಪರಿಚಯವಾಗಲಿದ್ದು, ಪ್ರಭಾವಿ ವ್ಯಕ್ತಿಗಳ ಭೇಟಿಯಿಂದ ಲಾಭವಾಗಲಿದೆ. ದೀರ್ಘಾವಧಿಯ ಹೂಡಿಕೆಗಳ ಬಗ್ಗೆ ಯೋಚಿಸಿ. ಇಂದು ನೀವು ಬೇರೆಯವರ ಸಂತೋಷಕ್ಕಾಗಿ ಸ್ವಲ್ಪ ಹೆಚ್ಚು ಕಷ್ಟಪಡಬೇಕಾಗಬಹುದು.

ಮಿಥುನ: ಸಾಮರ್ಥ್ಯ ಪ್ರದರ್ಶಿಸಲು ಸಕಾಲ
ನಿಮ್ಮ ಟ್ಯಾಲೆಂಟ್ ತೋರಿಸಲು ಇಂದು ಒಳ್ಳೆಯ ದಿನ. ಆದರೆ ನೆನಪಿರಲಿ, ಅಂದುಕೊಂಡಿದ್ದೆಲ್ಲಾ ಹಾಗೆಯೇ ನಡೆಯುವುದಿಲ್ಲ. ಮನೆಯಲ್ಲಿ ಅಣ್ಣ-ತಮ್ಮಂದಿರ ಸಲಹೆ ಪಡೆದು ಮುನ್ನಡೆಯಿರಿ. ಗಾಳಿಸುದ್ದಿಗಳಿಗೆ ಕಿವಿಗೊಟ್ಟು ಮನಸ್ಸು ಕೆಡಿಸಿಕೊಳ್ಳಬೇಡಿ. ಭೂ ವ್ಯವಹಾರದಲ್ಲಿ ಇಂದು ಲಾಭ ಸ್ವಲ್ಪ ಕಡಿಮೆ.

ಕರ್ಕಾಟಕ: ಹೂಡಿಕೆಯಲ್ಲಿ ಜಾಗ್ರತೆ
ನಿಮ್ಮಲ್ಲಿರುವ ಸಾಹಿತ್ಯದ ಆಸಕ್ತಿ ಇಂದು ಮೆಚ್ಚುಗೆಗೆ ಪಾತ್ರವಾಗಲಿದೆ. ಮಕ್ಕಳಿಗೆ ಸರಿಯಾದ ದಾರಿ ತೋರಿಸುವ ಜವಾಬ್ದಾರಿ ನಿಮ್ಮ ಮೇಲಿದೆ. ಮನಸ್ಸಿಗೆ ಇಷ್ಟವಾದ ವಸ್ತುಗಳಿಗಾಗಿ ಸ್ವಲ್ಪ ಹೆಚ್ಚು ಹಣ ಖರ್ಚು ಮಾಡುವಿರಿ. ಕಳೆದುಹೋದ ವಸ್ತುವಿಗಾಗಿ ಹುಡುಕಾಟ ನಡೆಸುವ ಸಾಧ್ಯತೆ ಇದೆ.

ಸಿಂಹ: ಮಾತು ಕಡಿಮೆ, ಕೆಲಸ ಹೆಚ್ಚು
ಇಂದು "ಮಾತು ಕಡಿಮೆ, ಕೆಲಸ ಹೆಚ್ಚು" ಎಂಬ ಸೂತ್ರ ಪಾಲಿಸಿದರೆ ಜಯ ನಿಮ್ಮದೇ. ಪ್ರಭಾವಿ ವ್ಯಕ್ತಿಗಳ ಸಂಪರ್ಕದಿಂದ ಆತ್ಮವಿಶ್ವಾಸ ಹೆಚ್ಚಲಿದೆ. ಆರೋಗ್ಯದ ಬಗ್ಗೆ ಕಾಳಜಿ ಇರಲಿ, ಕೈಗೆ ಬಂದ ಹಣ ಆಸ್ಪತ್ರೆ ಪಾಲಾಗದಂತೆ ನೋಡಿಕೊಳ್ಳಿ. ಅಕಾರಣವಾಗಿ ಸಂತೋಷಪಡುವ ಸಂದರ್ಭಗಳು ಎದುರಾಗಲಿವೆ.

ಕನ್ಯಾ: ಕಾನೂನು ಸಮರದಲ್ಲಿ ಗೆಲುವು
ಕುಟುಂಬದಲ್ಲಿ ಸಣ್ಣಪುಟ್ಟ ಅಸಮಾಧಾನ ಇರಬಹುದು, ತಾಳ್ಮೆಯಿಂದಿರಿ. ಮಕ್ಕಳ ಆರೋಗ್ಯದ ಬಗ್ಗೆ ಗಮನವಿರಲಿ. ಕಾನೂನು ಸಂಬಂಧಿತ ಕಿರಿಕಿರಿಗಳಿದ್ದರೆ ಇಂದು ನಿಮಗೆ ಜಯ ಸಿಗುವ ಸಾಧ್ಯತೆ ಹೆಚ್ಚಿದೆ. ಸಂಬಂಧಿಕರಿಂದ ಒಳ್ಳೆಯ ಸಲಹೆಗಳು ಸಿಗಲಿವೆ.

ತುಲಾ: ಕೆಲಸದ ಮೇಲೆ ಮಾತ್ರ ಗಮನವಿರಲಿ
ಬೇರೆಯವರ ವಿಷಯಕ್ಕೆ ತಲೆ ಹಾಕದೆ ನಿಮ್ಮ ಕೆಲಸದತ್ತ ಗಮನಹರಿಸಿ. ರಾತ್ರಿ ವೇಳೆ ಪ್ರಯಾಣ ಮಾಡುವುದು ಅಷ್ಟೊಂದು ಹಿತವಲ್ಲ. ದಾಂಪತ್ಯ ಜೀವನದಲ್ಲಿ ಮಧುರ ಕ್ಷಣಗಳಿರಲಿವೆ. ಹಣದ ವಿಚಾರದಲ್ಲಿ ಇಂದು ಸ್ವಲ್ಪ ಹಿನ್ನಡೆಯಾಗಬಹುದು, ಆದ್ದರಿಂದ ಖರ್ಚಿನ ಮೇಲೆ ಹಿಡಿತವಿರಲಿ.

ವೃಶ್ಚಿಕ: ವಿವಾಹ ಯೋಗ
ಅವಿವಾಹಿತರಿಗೆ ಮದುವೆಯ ಮಾತುಕತೆಗಳು ಕೂಡಿಬರುವ ಸುಸಮಯ. ಸ್ಪರ್ಧಾತ್ಮಕ ಚಟುವಟಿಕೆಗಳಲ್ಲಿ ಗೆಲುವು ಸಿಗಲಿದೆ. ಆದರೆ, ಹಳೆಯ ಹೂಡಿಕೆಗಳಿಂದ ಸ್ವಲ್ಪ ನಷ್ಟವಾಗುವ ಭೀತಿ ಇದೆ. ಯಾರಿಗಾದರೂ ಹಣ ಸಾಲ ನೀಡುವ ಮುನ್ನ ನೂರು ಬಾರಿ ಯೋಚಿಸಿ, ಮರಳಿ ಬರುವುದು ಕಷ್ಟ.

ಧನು: ರಾಜಕೀಯದಲ್ಲಿ ಬೆಂಬಲ
ವ್ಯಾಪಾರಕ್ಕಾಗಿ ನೀವು ಮಾಡುವ ಪ್ರಯಾಣವು ಭವಿಷ್ಯದಲ್ಲಿ ದೊಡ್ಡ ಲಾಭ ತಂದುಕೊಡಲಿದೆ. ರಾಜಕೀಯದಲ್ಲಿ ಇರುವವರಿಗೆ ಜನಬೆಂಬಲ ಹೆಚ್ಚಲಿದೆ. ಧಾರ್ಮಿಕ ಕಾರ್ಯಗಳಲ್ಲಿ ಆಸಕ್ತಿ ತೋರುವಿರಿ. ಇಂದು ವೈವಾಹಿಕ ಸಂಬಂಧಗಳು ಅನಿರೀಕ್ಷಿತವಾಗಿ ಕೂಡಿ ಬರಬಹುದು.

ಮಕರ: ತಾಳ್ಮೆಯ ಪರೀಕ್ಷೆ
ಕುಟುಂಬದಲ್ಲಿ ಸಣ್ಣಪುಟ್ಟ ಸಮಸ್ಯೆಗಳಿದ್ದರೂ ಪ್ರೀತಿಪಾತ್ರರ ಜೊತೆ ಸಮಯ ಕಳೆಯುವುದರಿಂದ ಮನಸ್ಸು ಹಗುರವಾಗಲಿದೆ. ಇಂದು ನಿಮ್ಮ ತಾಳ್ಮೆಯನ್ನು ಪರೀಕ್ಷಿಸುವಂತಹ ಘಟನೆಗಳು ನಡೆಯಬಹುದು, ಎಚ್ಚರದಿಂದಿರಿ. ಕ್ರಿಯಾಶೀಲತೆಯಿಂದ ನಿಮ್ಮ ಅಧಿಕಾರ ವ್ಯಾಪ್ತಿ ಹೆಚ್ಚಾಗಲಿದೆ.

ಕುಂಭ: ಸಾಮಾಜಿಕ ಗೌರವ
ಸಾಮಾಜಿಕ ಕಾರ್ಯಗಳಲ್ಲಿ ಭಾಗವಹಿಸುವುದರಿಂದ ಪ್ರಭಾವಿ ವ್ಯಕ್ತಿಗಳ ನಿಕಟ ಸಂಪರ್ಕ ಸಿಗಲಿದೆ. ಮನೆಯಲ್ಲಿ ನಿಮ್ಮ ವರ್ತನೆ ಬಗ್ಗೆ ಸ್ವಲ್ಪ ತಕರಾರು ಇರಬಹುದು. ವೆಚ್ಚಗಳನ್ನು ಆದಷ್ಟು ಕಡಿಮೆ ಮಾಡಿ. ಉದ್ಯೋಗದಲ್ಲಿ ಪ್ರಮೋಷನ್ ಸಿಗುವ ಲಕ್ಷಣಗಳಿವೆ.

ಮೀನ: ಆರ್ಥಿಕ ಸುಧಾರಣೆ
ಇತರರಿಗೆ ಒಳ್ಳೆಯದನ್ನು ಮಾಡುವ ನಿಮ್ಮ ಗುಣಕ್ಕೆ ಇಂದು ಪ್ರತಿಫಲ ಸಿಗಲಿದೆ. ರಾಜಕೀಯ ನಾಯಕರಿಗೆ ಇದು ಒಳ್ಳೆಯ ದಿನ. ಆರ್ಥಿಕ ಪರಿಸ್ಥಿತಿ ಮೊದಲಿಗಿಂತ ಸುಧಾರಿಸಲಿದ್ದು, ಹೊಸ ಹೂಡಿಕೆಯತ್ತ ಮನಸ್ಸು ಮಾಡುವಿರಿ. ಪ್ರೇಮ ಜೀವನದಲ್ಲಿ ಒಳ್ಳೆಯ ತಿರುವು ಸಿಗಲಿದೆ.

ಇಂದಿನ ಪಂಚಾಂಗ:

ರಾಹು ಕಾಲ: ಮಧ್ಯಾಹ್ನ 01:59 ರಿಂದ 03:31

ಗುಳಿಕ ಕಾಲ: ಬೆಳಿಗ್ಗೆ 09:21 ರಿಂದ 10:54

ಸೂರ್ಯೋದಯ: 06:16 AM | ಸೂರ್ಯಾಸ್ತ: 06:36 PM

ಗಮನಿಸಿ - ಇದು ಸಾಮಾನ್ಯ ರಾಶಿ ಭವಿಷ್ಯವಾಗಿದೆ. ನಿಮ್ಮ ವೈಯಕ್ತಿಕ ಜಾತಕದ ಆಧಾರದ ಮೇಲೆ ಫಲಿತಾಂಶಗಳಲ್ಲಿ ವ್ಯತ್ಯಾಸವಿರಬಹುದು.