ಭಾರತೀಯ ಕ್ರಿಕೆಟ್ ಲೋಕದ ಸ್ಟೈಲಿಶ್ ಆಟಗಾರ ಹಾರ್ದಿಕ್ ಪಾಂಡ್ಯ ಈಗ ಸುದ್ದಿಯಲ್ಲಿದ್ದಾರೆ. ಆದರೆ ಈ ಬಾರಿ ಅವರು ಸುದ್ದಿಯಲ್ಲಿರೋದು ಮೈದಾನದ ಆಟಕ್ಕಲ್ಲ, ಬದಲಾಗಿ ಮುಂಬೈನ ಐಷಾರಾಮಿ ಏರಿಯಾದಲ್ಲಿ ಅವರು ಖರೀದಿಸಿರೋ ಹೊಸ 'ಸೀ-ಫೇಸಿಂಗ್' ಫ್ಲಾಟ್ ವಿಚಾರಕ್ಕೆ! ಹೌದು, ಹಾರ್ದಿಕ್ ಈಗ ಮುಂಬೈನ ವರ್ಲಿ (Worli) ಭಾಗದಲ್ಲಿ ಬರೋಬ್ಬರಿ 21.45 ಕೋಟಿ ರೂಪಾಯಿ ಬೆಲೆಬಾಳುವ ಭವ್ಯವಾದ ಫ್ಲಾಟ್ ಖರೀದಿಸಿದ್ದಾರೆ.
ಮುಂಬೈ ಅಂದ ಮೇಲೆ ಅಲ್ಲಿ ಸಮುದ್ರ ಕಾಣುವ ಮನೆಗಳಿಗೆ ಇರುವ ಕ್ರೇಜೇ ಬೇರೆ. ಹಾರ್ದಿಕ್ ಖರೀದಿಸಿರೋ ಈ ಹೊಸ ಫ್ಲಾಟ್ ಕೂಡ ಸಮುದ್ರಕ್ಕೆ ಮುಖ ಮಾಡಿಕೊಂಡಿದ್ದು (Sea-facing), ಕಿಟಕಿ ತೆರೆದರೆ ಸಾಕು ಅರಬ್ಬಿ ಸಮುದ್ರದ ಸುಂದರ ನೋಟ ಕಣ್ಣಿಗೆ ಬೀಳುತ್ತದೆ. ಇದರ ಬೆಲೆ ಬರೋಬ್ಬರಿ 21.45 ಕೋಟಿ ಅಂದ್ರೆ ನೀವೇ ಊಹಿಸಿ, ಆ ಮನೆಯ ಒಳಾಂಗಣ ವಿನ್ಯಾಸ ಮತ್ತು ಸೌಲಭ್ಯಗಳು ಎಷ್ಟೊಂದು ರಿಚ್ ಆಗಿರಬಹುದು ಅಂತ. ಮುಂಬೈನ ಅತ್ಯಂತ ದುಬಾರಿ ಏರಿಯಾಗಳಲ್ಲಿ ಒಂದಾದ ವರ್ಲಿಯಲ್ಲಿ ಈಗ ಪಾಂಡ್ಯ ಅವರ ಹೊಸ ವಿಳಾಸ ಶುರುವಾಗಲಿದೆ.
ಈಗ ಎಲ್ಲರಲ್ಲೂ ಮೂಡಿರೋ ದೊಡ್ಡ ಕುತೂಹಲ ಅಂದ್ರೆ ಹಾರ್ದಿಕ್ ಈ ಮನೆಯಲ್ಲಿ ಯಾರ ಜೊತೆ ಇರಲಿದ್ದಾರೆ ಅನ್ನೋದು. ಸಿಕ್ಕಿರೋ ವರದಿಗಳ ಪ್ರಕಾರ, ಹಾರ್ದಿಕ್ ಪಾಂಡ್ಯ ಅವರು ತಮ್ಮ ಗರ್ಲ್ಫ್ರೆಂಡ್ ಮಹಿಕಾ ಅವರ ಜೊತೆ ಈ ಹೊಸ ಐಷಾರಾಮಿ ಫ್ಲಾಟ್ನಲ್ಲಿ ವಾಸ ಮಾಡಲಿದ್ದಾರಂತೆ. ಹಾರ್ದಿಕ್ ಮತ್ತು ಮಹಿಕಾ ಅವರ ಡೇಟಿಂಗ್ ವಿಚಾರ ಇತ್ತೀಚೆಗೆ ಸಖತ್ ಸೌಂಡ್ ಮಾಡ್ತಿತ್ತು, ಈಗ ಇಬ್ಬರೂ ಜೊತೆಯಾಗಿ ಹೊಸ ಮನೆಯಲ್ಲಿ ಸೆಟಲ್ ಆಗುತ್ತಿರೋದು ಅವರ ಅಭಿಮಾನಿಗಳಿಗೆ ಭರ್ಜರಿ ನ್ಯೂಸ್ ಆಗಿದೆ!
ಮುಂಬೈನ ವರ್ಲಿ ಅನ್ನೋದು ಬರೀ ಏರಿಯಾ ಅಲ್ಲ, ಅದು ಸೆಲೆಬ್ರಿಟಿಗಳ ಅಡ್ಡ. ವಿರಾಟ್ ಕೊಹ್ಲಿ ಅನುಷ್ಕಾ ಶರ್ಮಾ ಸೇರಿದಂತೆ ಬಾಲಿವುಡ್ನ ಎಷ್ಟೋ ಸ್ಟಾರ್ಗಳು ಇಲ್ಲಿಯೇ ವಾಸ ಮಾಡ್ತಿದ್ದಾರೆ. ಈಗ ಈ ಸ್ಟಾರ್ಗಳ ಸಾಲಿಗೆ ಹಾರ್ದಿಕ್ ಪಾಂಡ್ಯ ಕೂಡ ಸೇರಿಕೊಂಡಿದ್ದಾರೆ..
ಇಲ್ಲಿಂದ ಮುಂಬೈನ ಸೀ-ಲಿಂಕ್ ಮತ್ತು ಸಮುದ್ರದ ನೋಟ ಅದ್ಭುತವಾಗಿ ಕಾಣುತ್ತೆ. ಜಿಮ್, ಸ್ವಿಮ್ಮಿಂಗ್ ಪೂಲ್ ಮತ್ತು ಅತ್ಯಾಧುನಿಕ ಭದ್ರತಾ ವ್ಯವಸ್ಥೆ ಈ ಫ್ಲಾಟ್ನ ಹೈಲೈಟ್ ಎನ್ನಬಹುದು.
ಹಾರ್ದಿಕ್ ಅಂದ್ರೆ ಮೊದಲಿಗಿಂದಲೂ ಸ್ವಲ್ಪ 'ಲಾರ್ಜರ್ ದ್ಯಾನ್ ಲೈಫ್' ವ್ಯಕ್ತಿತ್ವ. ದುಬಾರಿ ವಾಚ್ಗಳು, ಬ್ರಾಂಡೆಡ್ ಕಾರುಗಳು ಮತ್ತು ಐಷಾರಾಮಿ ಬದುಕು ಅವರಿಗೆ ಇಷ್ಟ. ಟೀಮ್ ಇಂಡಿಯಾದಲ್ಲಿ ಸ್ಟಾರ್ ಆಟಗಾರನಾಗಿ ಬೆಳೆದಿರೋ ಹಾರ್ದಿಕ್, ಈಗ ತಮ್ಮ ಪರಿಶ್ರಮದ ಫಲವಾಗಿ ಈ ಅರಮನೆಯಂತಹ ಮನೆಯನ್ನು ತಮ್ಮದಾಗಿಸಿಕೊಂಡಿದ್ದಾರೆ.
ಹಾರ್ದಿಕ್ ಪಾಂಡ್ಯರ ಈ ಹೊಸ ಮನೆ ಮತ್ತು ಅದರ ಬೆಲೆ ಕೇಳಿ ಫ್ಯಾನ್ಸ್ ಅಂತೂ ಫುಲ್ ಖುಷಿಯಾಗಿದ್ದಾರೆ. 'ನಮ್ಮ ಕುಂಗ್ ಫೂ ಪಾಂಡ್ಯನ ರೇಂಜ್ಗೆ ಈ ಮನೆ ಸಾಟಿಯೇ ಇಲ್ಲ' ಅಂತ ಕೆಲವರು ಹೇಳ್ತಿದ್ರೆ, ಇನ್ನು ಕೆಲವರು ಅವರ ಹೊಸ ಪರ್ಸನಲ್ ಲೈಫ್ಗೆ ಆಲ್ ದಿ ಬೆಸ್ಟ್ ಹೇಳ್ತಿದ್ದಾರೆ. ಮುಂಬೈ ಸಮುದ್ರದ ಗಾಳಿ ಸವಿಯುತ್ತಾ ಹಾರ್ದಿಕ್ ಶುರು ಮಾಡ್ತಿರೋ ಈ ಹೊಸ ಇನ್ನಿಂಗ್ಸ್ ಹೇಗಿರುತ್ತೆ ಅಂತ ಕಾದು ನೋಡಬೇಕು.
