ಇತ್ತೀಚಿನ ದಿನಗಳಲ್ಲಿ ನಮಗೆ ಸಿನಿಮಾ ಅಂದ್ರೆ ಬರೀ ಥಿಯೇಟರ್ ಮಾತ್ರವಲ್ಲ, ಒಟಿಟಿ (OTT) ಕೂಡ ಒಂದು ದೊಡ್ಡ ಲೋಕವಾಗಿಬಿಟ್ಟಿದೆ. ಅದರಲ್ಲೂ ಮನೆಯಲ್ಲೇ ಕೂತು ಸಸ್ಪೆನ್ಸ್, ಥ್ರಿಲ್ಲರ್ ಸಿನಿಮಾಗಳನ್ನು ನೋಡ್ತಾ ಎದೆಯ ಬಡಿತ ಹೆಚ್ಚಿಸಿಕೊಳ್ಳೋ ಮಜಾನೇ ಬೇರೆ. ದೊಡ್ಡ ದೊಡ್ಡ ಬಿಗ್ ಬಜೆಟ್ ಸಿನಿಮಾಗಳ ಅಬ್ಬರ ಸ್ವಲ್ಪ ಕಮ್ಮಿ ಆದಾಗ, ನಮ್ಮ ಗಮನ ಸೆಳೆಯೋದು ಇಂತಹ ಅದ್ಭುತ ಕಥೆಗಳು.
ನೀವೇನಾದ್ರೂ ನನಗೆ ಭಯನೇ ಆಗಲ್ಲಪ್ಪ ಅಂತ ಸವಾಲ್ ಹಾಕೋ ಸಾಹಸಿಗಳಾಗಿದ್ರೆ ಅಥವಾ "ಒಳ್ಳೆ ಥ್ರಿಲ್ಲರ್ ಸಿನಿಮಾ ಇದ್ರೆ ಹೇಳಿ" ಅಂತ ಹುಡುಕ್ತಿದ್ರೆ, ಈ ಮೂರು ಸಿನಿಮಾಗಳು ನಿಮ್ಮ ಲಿಸ್ಟ್ನಲ್ಲಿ ಇರಲೇಬೇಕು. ಇವುಗಳನ್ನು ನೋಡುವಾಗ ಪ್ರತಿ ನಿಮಿಷವೂ ಕುತೂಹಲ ಹೆಚ್ಚಾಗೋದು ಗ್ಯಾರಂಟಿ.
1. ರಮಣ್ ರಾಘವ್ 2.0 (Raman Raghav 2.0)
ಕ್ರೈಮ್ ಥ್ರಿಲ್ಲರ್ ಪ್ರಿಯರ ನಿದ್ದೆಗೆಡಿಸಿರೋ ಸಿನಿಮಾ ಅಂದ್ರೆ ಅದು 'ರಮಣ್ ರಾಘವ್ 2.0'. ಇದು ಕೇವಲ ಸಿನಿಮಾ ಅಲ್ಲ, 1960ರ ದಶಕದಲ್ಲಿ ಮುಂಬೈ ಜನತೆಯನ್ನ ನಡುಗಿಸಿದ್ದ ಸರಣಿ ಕೊಲೆಗಾರನ ಜೀವನದಿಂದ ಪ್ರೇರಿತವಾದ ಕಥೆ. ಇಲ್ಲಿ ಒಬ್ಬ ಕ್ರೂರ ಕೊಲೆಗಾರ ರಮಣ್ ಮತ್ತು ಅವನನ್ನ ಬೆನ್ನತ್ತೋ ಪೊಲೀಸ್ ಅಧಿಕಾರಿ ರಾಘವನ್ ನಡುವಿನ ಆಟ ಅಕ್ಷರಶಃ ಸೈಕೋ ಲೆವೆಲ್ನಲ್ಲಿದೆ. ವಿಶೇಷ ಏನಪ್ಪಾ ಅಂದ್ರೆ, ಇಲ್ಲಿ ಪೊಲೀಸ್ ಮತ್ತು ಕಿಲ್ಲರ್ ಇಬ್ಬರೂ ಒಂದೇ ತರಹ ಯೋಚನೆ ಮಾಡ್ತಾರೆ. ಸೌತ್ ಬೆಡಗಿ ಶೋಭಿತಾ ಧೂಳಿಪಾಲ ಈ ಸಿನಿಮಾದಲ್ಲಿ ಸಖತ್ ಆಗಿ ನಟಿಸಿದ್ದಾರೆ. ಈ ಕಿಕ್ ಇರೋ ಕ್ರೈಮ್ ಸ್ಟೋರಿ ನೋಡಬೇಕಾದ್ರೆ ನೀವು ಜೀ5 (Zee5) ಗೆ ಲಾಗಿನ್ ಆಗಬೇಕು.
2. ಒನ್ಸ್ ಅಪಾನ್ ಎ ಟೈಮ್ ಇನ್ ಮುಂಬೈ (Once Upon a Time in Mumbaai)
ನಿಮಗೆ ಭೂಗತ ಲೋಕದ ಕಥೆಗಳು ಅಂದ್ರೆ ಇಷ್ಟನಾ? ಹಾಗಿದ್ರೆ 'ಒನ್ಸ್ ಅಪಾನ್ ಎ ಟೈಮ್ ಇನ್ ಮುಂಬೈ' ನಿಮಗಾಗಿಯೇ ಮಾಡಿರೋ ಸಿನಿಮಾ. 1970ರ ದಶಕದ ಮುಂಬೈ ಡಾನ್ಗಳ ನಡುವಿನ ಸಂಘರ್ಷ, ಪವರ್ ಪಾಲಿಟಿಕ್ಸ್ ಮತ್ತು ಮಾಸ್ ಡೈಲಾಗ್ಗಳು ಈ ಸಿನಿಮಾದ ಹೈಲೈಟ್ಸ್. ಭೂಗತ ಜಗತ್ತಿನ ಕರಾಳ ಮುಖದ ಜೊತೆಗೆ ಎಮೋಷನಲ್ ಸ್ಟೋರಿ ಕೂಡ ಇಲ್ಲಿದೆ. ಈ ಚಿತ್ರದ ಮಜಾ ಸವಿಯಲು ನೀವು ಜಿಯೋ ಸಿನಿಮಾ ಅಥವಾ ಹಾಟ್ಸ್ಟಾರ್ಗೆ ಭೇಟಿ ನೀಡಬಹುದು.
3. ಗುರ್ಗಾಂವ್ (Gurgaon)
ಮೂರನೇ ಸಿನಿಮಾ 'ಗುರ್ಗಾಂವ್'. ಇದಂತೂ ಅಪ್ಪಟ ಸಸ್ಪೆನ್ಸ್ ಸಿನಿಮಾ. ಒಂದು ಶ್ರೀಮಂತ ಕುಟುಂಬದ ಹುಡುಗಿ ಇದ್ದಕ್ಕಿದ್ದಂತೆ ನಾಪತ್ತೆಯಾಗೋದು ಈ ಕಥೆಯ ಆರಂಭ. ಅವಳನ್ನು ಹುಡುಕ್ತಾ ಹೋದಂತೆ ಆ ಪ್ರತಿಷ್ಠಿತ ಕುಟುಂಬದ ಹಿಂದಿರೋ ಕರಾಳ ರಹಸ್ಯಗಳು ಒಂದೊಂದಾಗಿ ಬಯಲಾಗ್ತವೆ. ಕ್ಲೈಮ್ಯಾಕ್ಸ್ ವರೆಗೂ ನಿಮ್ಮನ್ನ ಸೀಟಿನ ತುದಿಯಲ್ಲಿ ಕೂರಿಸೋ ಈ ಸಿನಿಮಾ ಅಮೆಜಾನ್ ಪ್ರೈಮ್ನಲ್ಲಿ ಲಭ್ಯವಿದೆ. ಕೆಲಸದ ಒತ್ತಡದ ನಡುವೆ ವೀಕೆಂಡ್ನಲ್ಲಿ ಸ್ವಲ್ಪ ಕಿಕ್ ಇರೋ ಸಿನಿಮಾ ನೋಡಬೇಕು ಅನ್ಸಿದ್ರೆ ಇವು ಬೆಸ್ಟ್ ಆಪ್ಷನ್. ಅಂದಹಾಗೆ, ಈ ಸಿನಿಮಾಗಳನ್ನ ರಾತ್ರಿ ಹೊತ್ತು ಲೈಟ್ ಆಫ್ ಮಾಡಿ ಒಬ್ಬರೇ ಕೂತು ನೋಡಿ, ಆವಾಗಲೇ ಗೊತ್ತಾಗೋದು ಅಸಲಿ ಥ್ರಿಲ್ಲರ್ ಅಂದ್ರೆ ಏನು ಅಂತ!
