ಅಕ್ಷರ ಕಲಿಸಬೇಕಾದ ಗುರುಗಳೇ ರಾಕ್ಷಸರಂತೆ ವರ್ತಿಸಿದರೆ ಆ ಮಕ್ಕಳು ಎಲ್ಲಿಗೆ ಹೋಗಬೇಕು? ಉತ್ತರ ಪ್ರದೇಶದ ಸಹರಾನ್ಪುರ ಜಿಲ್ಲೆಯಲ್ಲಿ ಇಂತಹದ್ದೊಂದು ಅಮಾನವೀಯ ಘಟನೆ ನಡೆದಿದ್ದು, ಕೇಳಿದ್ರೆ ಯಾರಾದ್ರೂ ಮರುಗುತ್ತಾರೆ. ಕೇವಲ 10 ವರ್ಷದ ಪುಟ್ಟ ಬಾಲಕನ ಮೇಲೆ ಇಬ್ಬರು ಶಿಕ್ಷಕರು ಸೇರಿಕೊಂಡು ಕೋಲುಗಳಿಂದ ದಯವಿಲ್ಲದೆ ಹ*ಲ್ಲೆ ಮಾಡಿದ್ದಾರೆ. ಈ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಜನರ ಆಕ್ರೋಶ ಮುಗಿಲು ಮುಟ್ಟಿದೆ. ಈ ಮನಕಲಕುವ ಘಟನೆಯ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ ನೋಡಿ.
ಸಹರಾನ್ಪುರ ಜಿಲ್ಲೆಯ ಗಂಗೋಹ್ ಪೊಲೀಸ್ ಸ್ಟೇಷನ್ ವ್ಯಾಪ್ತಿಯ ಖಾನ್ಪುರ್ ಗುರ್ಜರ್ ಗ್ರಾಮದಲ್ಲಿ 'ಮದರಸಾ ದಾರುಲ್ ಉಲೂಮ್ ಜಕರಿಯಾ' ಎಂಬ ಸಂಸ್ಥೆ ಇದೆ. ಇಲ್ಲಿ ಕಲಿಯುತ್ತಿದ್ದ 10 ವರ್ಷದ ಬಾಲಕನೊಬ್ಬ ಯಾವುದೋ ಕಾರಣಕ್ಕೆ ಮದರಸಾದಿಂದ ಓಡಿಹೋಗಿದ್ದ. ಈ ವಿಷಯ ತಿಳಿದ ಶಿಕ್ಷಕರಾದ ಮೌಲಾನಾ ಜುನೈದ್ ಮತ್ತು ಮೌಲಾನಾ ಶೋಯೆಬ್ ಸಿಟ್ಟಿಗೆದ್ದಿದ್ದಾರೆ.
ಓಡಿಹೋದ ಬಾಲಕನನ್ನು ಪತ್ತೆ ಹಚ್ಚಿ ವಾಪಸ್ ಮದರಸಾಗೆ ಕರೆತಂದ ಈ ಇಬ್ಬರು ಮೌಲಾನಾಗಳು, ಅವನ ಮೇಲೆ ಮನಬಂದಂತೆ ಕೋಲುಗಳಿಂದ ಹ*ಲ್ಲೆ ಮಾಡಿದ್ದಾರೆ. ಆ ಮಗು ನೋವಿನಿಂದ ಕಿರುಚಾಡುತ್ತಿದ್ದರೂ ಇವರಿಗೆ ಕರುಣೆ ಬರಲಿಲ್ಲ. ಈ ಇಡೀ ಘಟನೆಯನ್ನು ಯಾರೋ ಮೊಬೈಲ್ನಲ್ಲಿ ರೆಕಾರ್ಡ್ ಮಾಡಿದ್ದು, ಅದು ಈಗ ಎಲ್ಲೆಡೆ ಸದ್ದು ಮಾಡುತ್ತಿದೆ.
ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಸ್ಥಳೀಯ ನಿವಾಸಿ ಸಾಜಿದ್ ಹಸನ್ ಎಂಬುವವರು ಸುಮ್ಮನೆ ಕೂರಲಿಲ್ಲ. ಕೂಡಲೇ ಅವರು ವಿಡಿಯೋ ಸಮೇತ ಗಂಗೋಹ್ ಪೊಲೀಸ್ ಸ್ಟೇಷನ್ಗೆ ಹೋಗಿ ದೂರು ನೀಡಿದ್ದಾರೆ. ಪೊಲೀಸರು ಕೂಡ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿ, ಶನಿವಾರ ಮುಂಜಾನೆಯೇ ಮೌಲಾನಾ ಜುನೈದ್ ಮತ್ತು ಮೌಲಾನಾ ಶೋಯೆಬ್ ಇಬ್ಬರನ್ನೂ ವಶಕ್ಕೆ ಪಡೆದಿದ್ದಾರೆ.
ಸರ್ಕಲ್ ಆಫೀಸರ್ ಅಶೋಕ್ ಕುಮಾರ್ ಸಿಸೋಡಿಯಾ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದು, "ಮಕ್ಕಳ ಮೇಲೆ ಹ*ಲ್ಲೆ ಮಾಡುವುದು ಕಾನೂನುಬಾಹಿರ. ದೂರು ದಾಖಲಿಸಿಕೊಂಡು ಇಬ್ಬರು ಆರೋಪಿಗಳನ್ನು ಬಂಧಿಸಿದ್ದೇವೆ ಮತ್ತು ಈ ಬಗ್ಗೆ ಹೆಚ್ಚಿನ ತನಿಖೆ ನಡೆಸುತ್ತಿದ್ದೇವೆ" ಎಂದು ತಿಳಿಸಿದ್ದಾರೆ.
ಇತ್ತೀಚಿನ ದಿನಗಳಲ್ಲಿ ಇಂತಹ ಶಿಕ್ಷಣ ಸಂಸ್ಥೆಗಳಲ್ಲಿ ಮಕ್ಕಳ ಮೇಲೆ ನಡೆಯುತ್ತಿರುವ ದೌರ್ಜನ್ಯಗಳ ಬಗ್ಗೆ ದೊಡ್ಡ ಚರ್ಚೆ ಶುರುವಾಗಿದೆ. ಕಲಿಯಲು ಬರುವ ಮಕ್ಕಳಿಗೆ ಪ್ರೀತಿಯಿಂದ ಬುದ್ಧಿ ಹೇಳುವ ಬದಲು, ಇಷ್ಟೊಂದು ಕ್ರೂರವಾಗಿ ಹೊಡೆಯುವುದು ಎಷ್ಟು ಸರಿ? 10 ವರ್ಷದ ಮಗು ತಪ್ಪು ಮಾಡಿದರೆ ಅದು ಆ ವಯಸ್ಸಿನ ಸಹಜ ಗುಣ. ಅದಕ್ಕೆ ಹೊಡೆಯುವ ಬದಲು ಅವನ ಸಮಸ್ಯೆ ಏನು ಅಂತ ಕೇಳೋದು ಗುರುಗಳ ಜವಾಬ್ದಾರಿ ಅಲ್ವಾ?
ನಿಮ್ಮ ಮಕ್ಕಳನ್ನ ಹಾಸ್ಟೆಲ್ ಅಥವಾ ಮದರಸಾಗಳಿಗೆ ಸೇರಿಸುವಾಗ ಅಲ್ಲಿನ ವಾತಾವರಣ ಮತ್ತು ಶಿಕ್ಷಕರ ನಡವಳಿಕೆ ಬಗ್ಗೆ ಸರಿಯಾಗಿ ವಿಚಾರಿಸಿ. ಮಗು ಶಾಲೆಗೆ ಹೋಗಲ್ಲ ಅಂತ ಹಠ ಮಾಡಿದರೆ ಅಥವಾ ಅಲ್ಲಿಂದ ಓಡಿಬಂದರೆ ಅದಕ್ಕೆ ಕಾರಣ ಏನಿರಬಹುದು ಅಂತ ಪ್ರೀತಿಯಿಂದ ಕೇಳಿ. ಅವರ ಮನಸ್ಸಲ್ಲಿ ಏನೋ ಭಯ ಇರಬಹುದು. ನಿಮ್ಮ ಮಗುವಿನ ಮೇಲೆ ಯಾರೇ ದೈಹಿಕ ಹ*ಲ್ಲೆ ಮಾಡಿದರೂ ಸುಮ್ಮನೆ ಕೂರಬೇಡಿ. ಶಿಕ್ಷಣದ ಹೆಸರಿನಲ್ಲಿ ಹಿಂಸೆ ನೀಡೋದು ದೊಡ್ಡ ಕ್ರೈಮ್.
मदरसे में बच्चे को थर्ड डिग्री टॉर्चर
— Ranvijay Singh (@ranvijaylive) April 4, 2026
• बच्चे को पहले उल्टा लेटने को कहा गया, फिर उसपर छड़ी से लगातार वार किया गया.
• इतने से मन नहीं भरा तो उसके तलवों पर छड़ी से मारा गया.
पुलिस को ऐसे जल्लादों को यही ट्रीटमेंट देना चाहिए, उसी दर्द का एहसास करना चाहिए.
📍सहारनपुर, यूपी pic.twitter.com/0swvSarzqq
ಸದ್ಯಕ್ಕೆ ಆ ಪುಟ್ಟ ಬಾಲಕನಿಗೆ ಚಿಕಿತ್ಸೆ ನೀಡಲಾಗುತ್ತಿದ್ದು, ಪೊಲೀಸರು ಆರೋಪಿಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವ ಭರವಸೆ ನೀಡಿದ್ದಾರೆ. ಇಂತಹ ಘಟನೆಗಳು ನಮ್ಮ ಸಮಾಜದಲ್ಲಿ ಮರುಕಳಿಸಬಾರದು ಅಂದ್ರೆ ನಾವು ಇಂತಹದರ ವಿರುದ್ಧ ಧ್ವನಿ ಎತ್ತೋದು ಬಹಳ ಮುಖ್ಯ. ಮಕ್ಕಳ ಮೇಲೆ ಹ*ಲ್ಲೆ ಮಾಡುವುದು ಶಿಕ್ಷಾರ್ಹ ಅಪರಾಧ. ನಿಮ್ಮ ಸುತ್ತಮುತ್ತ ಇಂತಹ ಘಟನೆಗಳು ನಡೆದರೆ ಕೂಡಲೇ 1098 (ಚೈಲ್ಡ್ ಲೈನ್) ಅಥವಾ 100 ಗೆ ಕರೆ ಮಾಡಿ.
