ಇವತ್ತು ಸ್ಮಾರ್ಟ್ಫೋನ್ ತೆರೆದರೆ ಸಾಕು, ಪ್ರಸಿದ್ಧ ನಟ-ನಟಿಯರು ಬಂದು "ನಾನು ಈ ಗೇಮ್ ಆಡಿ ಕಾರ್ ಗೆದ್ದೆ, ನೀವು ಆಡಿ ಲಕ್ಷ ಗೆಲ್ಲಿ" ಅಂತ ಆಸೆ ತೋರಿಸ್ತಾರೆ. ಆದ್ರೆ ಅಸಲಿ ವಿಷಯ ಏನಂದ್ರೆ, ನೀವು ಗೆಲ್ಲೋದು ಬಿಡಿ, ಇರೋ ಹಣವನ್ನೂ ಕಳ್ಕೊಂಡು ಬೀದಿಗೆ ಬರೋ ಚಾನ್ಸೇ ಜಾಸ್ತಿ! ಇಂತಹ ಆನ್ಲೈನ್ ಗೇಮಿಂಗ್ ಮಾಫಿಯಾ ವಿರುದ್ಧ ಈಗ ಜಾರಿ ನಿರ್ದೇಶನಾಲಯ (ED) ಸಮರ ಸಾರಿದೆ.
ಬೆಂಗಳೂರು ಮೂಲದ Games Kraft ಕಂಪನಿ ಮತ್ತು ಅದರ 'ರಮ್ಮಿ ಕಲ್ಚರ್' ಆ್ಯಪ್ ಮೇಲೆ ಇಡಿ ಅಧಿಕಾರಿಗಳು ಮುಗಿಬಿದ್ದಿದ್ದಾರೆ. ಬೆಂಗಳೂರು ಮತ್ತು ದೆಹಲಿಯ 16 ಕಡೆಗಳಲ್ಲಿ ರೇಡ್ ಮಾಡಿದ ಅಧಿಕಾರಿಗಳು ಕೋಟಿ ಕೋಟಿ ಹಣವನ್ನ ಜಪ್ತಿ ಮಾಡಿದ್ದಾರೆ.
ಏನಿದು ಅಸಲಿ ಆಟ?
ನೋಡೋಕೆ ಇದು ಸಿಂಪಲ್ 'ರಮ್ಮಿ' ಆಟದಂತೆ ಕಾಣುತ್ತೆ. ಆದ್ರೆ ಇಡಿ ಅಧಿಕಾರಿಗಳ ಪ್ರಕಾರ, ಇದರ ಹಿಂದೆ ದೊಡ್ಡ ವಂಚನೆಯ ಜಾಲವೇ ಅಡಗಿದೆ.
ಮಕ್ಮಲ್ ಟೋಪಿ: ಜನರನ್ನು ಹಣ ಹೂಡುವಂತೆ ಪ್ರಚೋದಿಸಿ, ಒಮ್ಮೆ ನೀವು ಹಣ ಹಾಕಿದ ಮೇಲೆ ಅದನ್ನು ವಾಪಸ್ ಪಡೆಯಲು ಹರಸಾಹಸ ಪಡಬೇಕಾಗುತ್ತೆ.
ಅಲ್ಗಾರಿದಮ್ ಮೋಸ: ನೀವು ಗೆಲ್ಲುತ್ತೀರಿ ಅಂತ ಅನ್ಕೊಂಡಾಗಲೆಲ್ಲಾ ಈ ಕಂಪನಿಗಳ ಕಂಪ್ಯೂಟರ್ ಪ್ರೋಗ್ರಾಂಗಳು ನಿಮ್ಮನ್ನು ಸೋಲುವಂತೆ ಮಾಡುತ್ತವೆ.
ಅಕ್ರಮ ವ್ಯವಹಾರ: ಈ ಆಟಗಳ ಮೂಲಕ ಬಂದ ಹಣವನ್ನು ಕಾನೂನು ಬಾಹಿರವಾಗಿ ಬೇರೆ ಕಡೆ ವರ್ಗಾಯಿಸಲಾಗುತ್ತಿದೆ ಎಂಬ ಆರೋಪ ಇಡಿ ತನಿಖೆಯಲ್ಲಿ ಕೇಳಿಬಂದಿದೆ.
ಬೆಂಗಳೂರಿನಲ್ಲಿ ಕುಳಿತು ಇಡೀ ದೇಶಕ್ಕೆ ಬೆಟ್ಟಿಂಗ್ ಆಪ್ಗಳ ಮೂಲಕ ಗಾಳ ಹಾಕುತ್ತಿದ್ದವರ ಕಚೇರಿ ಮತ್ತು ಮನೆಗಳ ಮೇಲೆ ದಾಳಿ ನಡೆಸಿ, ದೊಡ್ಡ ಮಟ್ಟದ ದಾಖಲೆಗಳನ್ನ ಸೀಜ್ ಮಾಡಲಾಗಿದೆ.
ಕೇಂದ್ರ ಸರ್ಕಾರದ ಹೊಸ 'ಅಸ್ತ್ರ'ಗಳು!
ಜನರು ಸಾಲದ ಸುಳಿಗೆ ಸಿಲುಕಿ ಪ್ರಾಣ ಕಳೆದುಕೊಳ್ಳುತ್ತಿರುವುದನ್ನು ಕಂಡು ಸರ್ಕಾರ ಈಗ ಕಠಿಣ ಕಾನೂನು ತಂದಿದೆ. ಇನ್ಮುಂದೆ ಈ ಆಟಗಳು ಆಡೋದು ಅಥವಾ ಆಡಿಸೋದು ಅಷ್ಟು ಸುಲಭವಲ್ಲ:
ಜೈಲು ಗ್ಯಾರಂಟಿ: ಅಕ್ರಮ ಆನ್ಲೈನ್ ಗೇಮ್ ನಡೆಸುವವರಿಗೆ 3 ವರ್ಷ ಜೈಲು ಫಿಕ್ಸ್.
ಬೃಹತ್ ದಂಡ: ಒಂದೇ ಒಂದು ತಪ್ಪು ಮಾಡಿದ್ರೂ ಕಂಪನಿಗಳಿಗೆ 1 ಕೋಟಿ ರೂಪಾಯಿ ದಂಡ ಬೀಳುತ್ತೆ.
ಜಾಹೀರಾತಿಗೂ ಬ್ರೇಕ್: ಸುಳ್ಳು ಹೇಳಿ ಜನರನ್ನು ಸೆಳೆಯುವ ಜಾಹೀರಾತು ಕೊಟ್ಟರೆ 50 ಲಕ್ಷ ರೂ. ದಂಡ ಮತ್ತು 2 ವರ್ಷ ಜೈಲು ಶಿಕ್ಷೆ ವಿಧಿಸಲಾಗುತ್ತದೆ.
ಗೇಮರ್ಸ್ಗೆ ಒಂದು ಕಿವಿಮಾತು:
ಸ್ನೇಹಿತರೇ, ಶ್ರಮವಿಲ್ಲದೆ ಹಣ ಗಳಿಸೋ ಮಾರ್ಗ ಯಾವತ್ತೂ ಅಪಾಯಕಾರಿ. ಆನ್ಲೈನ್ ರಮ್ಮಿ ಅಥವಾ ಬೆಟ್ಟಿಂಗ್ ಆಡುವುದು ಮೋಜಿನಂತೆ ಕಂಡರೂ, ಅದು ನಿಮ್ಮನ್ನು ಎಡಿಕ್ಟ್ ಮಾಡುತ್ತದೆ. ಒಮ್ಮೆ ಆ ದಾಸರಾದ್ರಿ ಅಂದ್ರೆ ನಿಮ್ಮ ಬ್ಯಾಂಕ್ ಬ್ಯಾಲೆನ್ಸ್ ಖಾಲಿಯಾಗೋವರೆಗೂ ಅದು ಬಿಡಲ್ಲ.
ನೆನಪಿಡಿ:
ಆನ್ಲೈನ್ ಗೇಮಿಂಗ್ ಕಂಪನಿಗಳು ಶ್ರೀಮಂತವಾಗುತ್ತಿರುವುದು ನಿಮ್ಮಿಂದ ಕಿತ್ತುಕೊಂಡ ಹಣದಿಂದಲೇ! ಹಾಗಾಗಿ ಮೊಬೈಲ್ನಲ್ಲಿರೋ ಇಂತಹ ಮಾಯಾಲೋಕದ ಆ್ಯಪ್ಗಳನ್ನು ಇಂದೇ ಡಿಲೀಟ್ ಮಾಡಿ. ಕಷ್ಟಪಟ್ಟು ದುಡಿದ ಹಣವನ್ನು ನಿಮ್ಮ ಕುಟುಂಬಕ್ಕಾಗಿ ಬಳಸಿ.
