ಬೆಂಗಳೂರು ನಗರದ ಹೃದಯಭಾಗದಲ್ಲಿರುವ ಲಾಲ್ಬಾಗ್ ಬೋಟಾನಿಕಲ್ ಗಾರ್ಡನ್ನಲ್ಲಿ 219ನೇ ಫ್ಲವರ್ ಶೋ ಭಾನುವಾರ ವಿಶೇಷ ಸಂಭ್ರಮದೊಂದಿಗೆ ನಡೆಯಿತು. ಹೂಗಳ ಸೊಬಗು, ಕಲಾತ್ಮಕ ಅಲಂಕಾರ ಮತ್ತು ಪ್ರಕೃತಿಯ ಸೌಂದರ್ಯವನ್ನು ಕಣ್ತುಂಬಿಕೊಳ್ಳಲು ಸಾವಿರಾರು ಜನರು ಹರಿದು ಬಂದರು. ಹೌದು ಭಾನುವಾರ ಒಂದೇ ದಿನದಲ್ಲಿ 68,496 ಜನರು ಫ್ಲವರ್ ಶೋ ವೀಕ್ಷಣೆ ಮಾಡಿದ್ದು, ಲಾಲ್ಬಾಗ್ನಲ್ಲಿ ನಿಜವಾದ ಜನಸಾಗರ ಕಂಡುಬಂತು ಎನ್ನಬಹುದು. ಹೌದು ಕುಟುಂಬಗಳು, ಮಕ್ಕಳು, ಹಿರಿಯರು ಎಲ್ಲಾ ಸೇರಿ ಹೂಗಳ ನಡುವೆ ಸಂತಸದಿಂದ ತಿರುಗಾಡುತ್ತಾ ಪ್ರಕೃತಿಯ ಸೌಂದರ್ಯವನ್ನು ಆನಂದಿಸಿದರು.
ಹಲವರು ಹೂಗಳ ಅಲಂಕಾರವನ್ನು ನೋಡಿ ಫೋಟೋ ತೆಗೆದು ಸಾಮಾಜಿಕ ಮಾಧ್ಯಮದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಹಂಚಿಕೊಂಡರು. ಹೌದು ನಿನ್ನೆ ಒಂದೇ ದಿನದಲ್ಲಿ 31 ಲಕ್ಷ 40 ಸಾವಿರ ರೂಪಾಯಿ ಆದಾಯ ಸಂಗ್ರಹವಾಗಿದ್ದು, ಇದು ಫ್ಲವರ್ ಶೋ ಜನಪ್ರಿಯತೆಯ ಸಾಕ್ಷಿಯಾಗಿದೆ. ಪ್ರವೇಶ ಟಿಕೆಟ್ ಮೂಲಕ ಬಂದ ಈ ಆದಾಯವು ಲಾಲ್ಬಾಗ್ನ ನಿರ್ವಹಣೆ ಮತ್ತು ಮುಂದಿನ ಕಾರ್ಯಕ್ರಮಗಳಿಗೆ ಸಹಕಾರಿಯಾಗಲಿದೆ. ವೀಕ್ಷಕರ ವಿವರಗಳನ್ನು ನೋಡಿದರೆ, 44,275 ವಯಸ್ಕರು, 10,176 ಮಕ್ಕಳು, ಹಾಗೂ 2,045 ಶಾಲಾ ವಿದ್ಯಾರ್ಥಿಗಳು ಫ್ಲವರ್ ಶೋಗೆ ಹಾಜರಾಗಿದ್ದಾರೆ.
ಈ ಸಂಖ್ಯೆಗಳು ಕಾರ್ಯಕ್ರಮದ ವೈವಿಧ್ಯತೆಯನ್ನು ತೋರಿಸುತ್ತವೆ. ಮಕ್ಕಳು ಹೂಗಳ ಬಣ್ಣ, ಆಕಾರ ನೋಡಿ ಕುತೂಹಲದಿಂದ ಪ್ರಶ್ನೆಗಳನ್ನು ಕೇಳುತ್ತಿದ್ದರೆ, ಹಿರಿಯರು ಹೂಗಳ ಸೊಬಗನ್ನು ನೆನಪಿನಲ್ಲಿಟ್ಟುಕೊಂಡು ಹಳೆಯ ದಿನಗಳನ್ನು ನೆನೆಸಿಕೊಂಡರು. ಫ್ಲವರ್ ಶೋ ಕೇವಲ ಹೂಗಳ ಪ್ರದರ್ಶನವಲ್ಲ, ಇದು ಜನರನ್ನು ಒಂದೇ ವೇದಿಕೆಯಲ್ಲಿ ಸೇರಿಸುವ ಸಾಂಸ್ಕೃತಿಕ ಉತ್ಸವ. ಕುಟುಂಬಗಳು ಒಟ್ಟಾಗಿ ಸಮಯ ಕಳೆಯಲು, ಮಕ್ಕಳು ಪ್ರಕೃತಿಯೊಂದಿಗೆ ಬೆರೆಯಲು, ಹಿರಿಯರು ನೆನಪುಗಳನ್ನು ಹಂಚಿಕೊಳ್ಳಲು ಇದು ಒಂದು ಅವಕಾಶ. ಹೂಗಳ ನಡುವೆ ನಗು, ಸಂತಸ, ಕುತೂಹಲ ಎಲ್ಲರೂ ಸೇರಿ ಕೇವಲ ಒಂದು ಪ್ರದರ್ಶನಕ್ಕಿಂತ ಹೆಚ್ಚಾದ ಮಾನವೀಯ ಬಾಂಧವ್ಯವನ್ನು ನಿರ್ಮಿಸಿದರು.
ಹೌದು ಲಾಲ್ಬಾಗ್ನ 219ನೇ ಫ್ಲವರ್ ಶೋ ಕೇವಲ ಹೂಗಳ ಸೊಬಗನ್ನು ತೋರಿಸುವುದಲ್ಲ, ಜನರ ಮನಸ್ಸಿನಲ್ಲಿ ಸಂತಸ, ನೆನಪು ಮತ್ತು ಪ್ರಕೃತಿಯೊಂದಿಗೆ ನಂಟು ಬೆಳೆಸುವ ಒಂದು ಮಾನವೀಯ ಅನುಭವ. ಜನಸಾಗರದ ಸಂಭ್ರಮ, ಮಕ್ಕಳ ಕುತೂಹಲ, ಹಿರಿಯರ ನೆನಪು ಇವೆಲ್ಲವೂ ಈ ಆವೃತ್ತಿಯನ್ನು ನಿಜವಾಗಿಯೂ ನೆನಪಿನಲ್ಲಿಡುವಂತಾಗಿಸಿವೆ.
