ಹಾವೇರಿ ಜಿಲ್ಲೆಯ ಜನರೇ, ನೀವು ಫ್ಯಾಮಿಲಿ ಜೊತೆ ಸಖತ್ ಆಗಿ ಟ್ರಿಪ್ ಹೋಗೋಕೆ ಪ್ಲಾನ್ ಮಾಡ್ತಿದ್ದೀರಾ? ಇಲ್ಲಾಂದ್ರೆ ಯಾವುದಾದ್ರೂ ಮದುವೆ, ಮುಂಜಿ ಅಂತ ಊರು ಬಿಟ್ಟು ಹೋಗ್ತಿದ್ದೀರಾ? ಆದ್ರೆ, ಮನೆಗೆ ಬೀಗ ಹಾಕಿ ಹೋಗೋಕೆ ಕಳ್ಳರ ಭಯ ಕಾಡ್ತಿದ್ಯಾ? ಇನ್ಮುಂದೆ ಆ ಟೆನ್ಷನ್ ಬಿಟ್ಟುಬಿಡಿ ಬಾಸ್! ಯಾಕಂದ್ರೆ ನಿಮ್ಮ ಮನೆಗೆ ಕಳ್ಳರು ಕನ್ನ ಹಾಕದಂತೆ ತಡೆಯಲು ಹಾವೇರಿ ಜಿಲ್ಲಾ ಪೊಲೀಸ್ ಇಲಾಖೆ ಸೂಪರ್ ಐಡಿಯಾ ಒಂದನ್ನು ತಂದಿದೆ.
ನೀವು ಊರಿಗೆ ಹೋಗುವಾಗ ಕೇವಲ ಒಂದು ವಾಟ್ಸಾಪ್ (WhatsApp) ಮೆಸೇಜ್ ಮಾಡಿದ್ರೆ ಸಾಕು, ನಿಮ್ಮ ಮನೆಗೆ ಪೊಲೀಸರೇ ಸೆಕ್ಯೂರಿಟಿ ಗಾರ್ಡ್ ತರಹ ನಿಂತು ಕಾಯಲಿದ್ದಾರೆ! ಹಾವೇರಿ ಪೊಲೀಸರು ಜಾರಿಗೆ ತಂದಿರುವ ಈ ವಿನೂತನ ಐಡಿಯಾ ಹೆಸರು ‘ಲಾಕ್ ಹೌಸ್ಡ್ ಬೀಟ್ ಸಿಸ್ಟಮ್’ (Locked House Beat System – LHBS).
ಏನಿದು ಹಾವೇರಿ ಪೊಲೀಸರ ವಾಟ್ಸಾಪ್ ಪ್ಲಾನ್?
ವಿಷಯ ಏನಪ್ಪಾ ಅಂದ್ರೆ, ರಜೆಯ ಮಜಾ ಕಳೆಯಲು ಜನ ಊರು ಬಿಟ್ಟು ಹೋಗೋದನ್ನೇ ಕಳ್ಳರು ಬಂಡವಾಳ ಮಾಡಿಕೊಳ್ಳುತ್ತಿದ್ದಾರೆ. ಇದಕ್ಕೊಂದು ಬ್ರೇಕ್ ಹಾಕಲು ಹಾವೇರಿ ಎಸ್ಪಿ ಯಶೋಧಾ ವಂಟಗೋಡಿ ಅವರ ನೇತೃತ್ವದಲ್ಲಿ ಈ ಹೊಸ ಡಿಜಿಟಲ್ ಹೆಜ್ಜೆ ಇಡಲಾಗಿದೆ. ಇಲಾಖೆಯು ಒಂದು ಅಫೀಶಿಯಲ್ ವಾಟ್ಸಾಪ್ ನಂಬರ್ ಬಿಡುಗಡೆ ಮಾಡಿದೆ. ನೀವು ಊರಿಗೆ ಹೋಗುವ ಮುನ್ನ ಈ ನಂಬರ್ಗೆ ಮೆಸೇಜ್ ಕಳುಹಿಸಿದ್ರೆ, ಕಂಟ್ರೋಲ್ ರೂಂ ಮೂಲಕ ನಿಮ್ಮ ಏರಿಯಾದ ಬೀಟ್ ಪೊಲೀಸರು ಅಲರ್ಟ್ ಆಗ್ತಾರೆ. ಅವರು ರಾತ್ರಿ ವೇಳೆ ನಿಮ್ಮ ಮನೆ ಕಡೆ ಸ್ಪೆಷಲ್ ರೌಂಡ್ಸ್ ಹಾಕಿ ಕಾವಲು ಕಾಯ್ತಾರೆ.
ಪೊಲೀಸ್ ಇಲಾಖೆಯ ಅಧಿಕೃತ ವಾಟ್ಸಾಪ್ ಸಂಖ್ಯೆ: 8277984158
ಪೊಲೀಸರಿಗೆ ವಾಟ್ಸಾಪ್ ಮಾಡೋದು ಹೇಗೆ? ಇಲ್ಲಿದೆ ಸಿಂಪಲ್ ಸ್ಟೆಪ್ಸ್
ನೀವು ಮನೆ ಲಾಕ್ ಮಾಡಿ ಹೊರಡುವ ಮುನ್ನ ನಿಮ್ಮ ಮೊಬೈಲ್ ತಗೆದುಕೊಂಡು ಈ ಕೆಳಗಿನ ವಿವರಗಳನ್ನು ಮೇಲಿನ ನಂಬರ್ಗೆ ಸೆಂಡ್ ಮಾಡಬೇಕು:
ನಿಮ್ಮ ಹೆಸರು ಮತ್ತು ಪೂರ್ತಿ ಅಡ್ರೆಸ್: ನಿಮ್ಮ ಮನೆ ಇರುವ ಬಡಾವಣೆ, ರಸ್ತೆ ನಂಬರ್ ಎಲ್ಲವನ್ನೂ ಸ್ಪಷ್ಟವಾಗಿ ಬರೆಯಿರಿ.
ಲೈವ್ ಲೊಕೇಶನ್: ನಿಮ್ಮ ಮನೆಯ ನಿಖರವಾದ ಗೂಗಲ್ ಮ್ಯಾಪ್ ಲೊಕೇಶನ್ (Google Location) ಶೇರ್ ಮಾಡಿ. ಇದರಿಂದ ಪೊಲೀಸರಿಗೆ ನಿಮ್ಮ ಮನೆ ಹುಡುಕೋದು ಈಸಿ ಆಗುತ್ತೆ.
ಒಂದು ಸೆಲ್ಫಿ ಫೋಟೋ: ಮನೆಗೆ ಬೀಗ ಹಾಕಿದ ನಂತರ, ಆ ಬೀಗದ ಜೊತೆ ನಿಮ್ಮ ಮನೆಯ ಮುಂದೆ ನಿಂತು ಒಂದು ಸೆಲ್ಫಿ ಫೋಟೋ ಕ್ಲಿಕ್ ಮಾಡಿ ಕಳುಹಿಸಬೇಕು.
ಊರಿನ ಪ್ರವಾಸದ ದಿನಾಂಕ: ನೀವು ಯಾವ ದಿನಾಂಕದಂದು ಊರಿಗೆ ಹೋಗ್ತೀರಾ ಮತ್ತು ವಾಪಸ್ ಯಾವಾಗ ಬರ್ತೀರಾ ಅನ್ನೋ ಕಂಪ್ಲೀಟ್ ಮಾಹಿತಿ ಇರಲಿ.
ಮುಖ್ಯ ಮಾಹಿತಿ: ನೀವು ಕೊಡುವ ಈ ಎಲ್ಲಾ ವಿವರಗಳು ಪೊಲೀಸ್ ಇಲಾಖೆಯಲ್ಲಿ ಸಂಪೂರ್ಣ ಗೌಪ್ಯವಾಗಿರುತ್ತದೆ. ಕಳ್ಳತನ ತಡೆಯುವ ಉದ್ದೇಶಕ್ಕೆ ಮಾತ್ರ ಇದನ್ನು ಬಳಸಲಾಗುತ್ತದೆ.
ಹಣ್ಣು, ತರಕಾರಿ ಮಾರೋರ ವೇಷದಲ್ಲಿ ಬರ್ತಾರೆ ಕಳ್ಳರು, ಹುಷಾರ್!
ಪೊಲೀಸ್ ತನಿಖೆಯಲ್ಲಿ ಒಂದು ಆಘಾತಕಾರಿ ಸತ್ಯ ಬಯಲಾಗಿದೆ. ಈ ಕಳ್ಳರು ಹಗಲು ಹೊತ್ತಿನಲ್ಲಿ ಹಣ್ಣು, ತರಕಾರಿ ಅಥವಾ ಹಳೇ ಬಟ್ಟೆ ಮಾರುವವರ ತರಹ ನಿಮ್ಮ ಏರಿಯಾದಲ್ಲಿ ಓಡಾಡ್ತಾರೆ. ಯಾವ ಮನೆಗೆ ಬೀಗ ಹಾಕಲಾಗಿದೆ, ಯಾರು ಊರಿಗೆ ಹೋಗಿದ್ದಾರೆ ಅಂತ ಹಗಲಲ್ಲೇ ಸ್ಕೆಚ್ ಹಾಕ್ತಾರೆ (ರೇಖಿ ಮಾಡ್ತಾರೆ). ಆಮೇಲೆ ರಾತ್ರಿ ವೇಳೆ ಬಂದು ಕನ್ನ ಹಾಕ್ತಾರೆ. ಇದರಲ್ಲಿ ನಮ್ಮ ರಾಜ್ಯದವರಷ್ಟೇ ಅಲ್ಲದೆ ಹೊರ ರಾಜ್ಯದ ಖತರ್ನಾಕ್ ಕಳ್ಳರ ಗ್ಯಾಂಗ್ ಕೂಡ ಸಕ್ರಿಯವಾಗಿದೆ. ಹಾಗಾಗಿಯೇ ಪೊಲೀಸರು ಇಂಥ ಜಾಗೃತಿ ಕ್ರಮ ಕೈಗೊಂಡಿದ್ದಾರೆ.
ಎಸ್ಪಿ ಯಶೋಧಾ ವಂಟಗೋಡಿ ಅವರ ಕಿವಿಮಾತು
"ಮನೆಗಳ್ಳತನ ಪ್ರಕರಣಗಳನ್ನು ಪೂರ್ಣವಾಗಿ ತಡೆಗಟ್ಟಲು ಈ 'ಲಾಕ್ ಹೌಸ್ಡ್ ಬೀಟ್ ಸಿಸ್ಟಮ್' ತರಲಾಗಿದೆ. ಸಾರ್ವಜನಿಕರು ಯಾವುದೇ ಆತಂಕವಿಲ್ಲದೆ ನೆಮ್ಮದಿಯಿಂದ ಊರಿಗೆ ಹೋಗಬಹುದು. ಹಾವೇರಿ ಜಿಲ್ಲೆಯ ಪ್ರತಿಯೊಬ್ಬ ನಾಗರಿಕರು ಈ ಉಚಿತ ವಾಟ್ಸಾಪ್ ಸೇವೆಯನ್ನು ಕಡ್ಡಾಯವಾಗಿ ಸದುಪಯೋಗ ಪಡಿಸಿಕೊಳ್ಳಬೇಕು" ಎಂದು ಹಾವೇರಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ (SP) ಯಶೋಧಾ ವಂಟಗೋಡಿ ಅವರು ಮನವಿ ಮಾಡಿದ್ದಾರೆ.
ಹಾಗಾದ್ರೆ ಇನ್ಯಾಕೆ ತಡ, ಈ ಉಪಯುಕ್ತ ಮಾಹಿತಿಯ ವಾಟ್ಸಾಪ್ ನಂಬರ್ ಅನ್ನು ನಿಮ್ಮ ಫೋನ್ನಲ್ಲಿ ಸೇವ್ ಮಾಡಿಕೊಳ್ಳಿ. ಹಾಗೆಯೇ ನಿಮ್ಮ ಫ್ರೆಂಡ್ಸ್, ರಿಲೇಟಿವ್ಸ್ ಹಾಗೂ ನಿಮ್ಮ ಏರಿಯಾದ ವಾಟ್ಸಾಪ್ ಗ್ರೂಪ್ಗಳಿಗೆ ಶೇರ್ ಮಾಡಿ ಎಲ್ಲರಲ್ಲೂ ಜಾಗೃತಿ ಮೂಡಿಸಿ! ನೆಮ್ಮದಿಯ ಜರ್ನಿ ನಿಮ್ಮದಾಗಲಿ, ಸುರಕ್ಷತೆಯ ಜವಾಬ್ದಾರಿ ಪೊಲೀಸರದಾಗಲಿ!
