ಕೊರೊನಾಕ್ಕಿಂತಲೂ ಅಪಾಯಕಾರಿ ಹಾಂಟಾವೈರಸ್? ಪ್ರಪಂಚದಾದ್ಯಂತ ಲಾಕ್​ಡೌನ್ ಆಗೋದು ಪಕ್ಕಾ..!!

ಲಂಡನ್: ಜಗತ್ತು ಇನ್ನೂ ಕೊರೊನಾ ಭೀತಿಯಿಂದ ಪೂರ್ತಿ ಹೊರಬಂದಿಲ್ಲ, ಅಷ್ಟರಲ್ಲೇ ಮತ್ತೊಂದು ಭಯಾನಕ ವೈರಸ್ ಸುದ್ದಿ ಸಿಕ್ಕಾಪಟ್ಟೆ ಸದ್ದು ಮಾಡ್ತಿದೆ. ಅದೇ ಹಾಂಟಾವೈರಸ್ (Hantavirus). ಕ್ರೂಸ್ ಹಡಗೊಂದರಲ್ಲಿ ಮಜಾ ಮಾಡಲು ಹೋದ ಪ್ರವಾಸಿಗರಿಗೆ ಈ ವೈರಸ್ ಅಂಟಿಕೊಂಡಿದ್ದು, ಈಗ ಇಬ್ಬರು ಬ್ರಿಟಿಷ್ ಪ್ರಜೆಗಳು ಸೋಂಕಿನೊಂದಿಗೆ ಮನೆಗೆ ಮರಳಿದ್ದಾರೆ. ಸದ್ಯ ಇವರನ್ನು ಕ್ವಾರಂಟೈನ್‌ನಲ್ಲಿ ಇಡಲಾಗಿದೆ.

ಐಷಾರಾಮಿ ಹಡಗಿನಲ್ಲಿ ಸಾವು-ನೋವಿನ ಆಟ!

'ಎಂವಿ ಹೊಂಡಿಯಸ್' (MV Hondius) ಹೆಸರಿನ ಕ್ರೂಸ್ ಹಡಗು ಏಪ್ರಿಲ್ 1ರಂದು ಅರ್ಜೆಂಟೀನಾದಿಂದ ಹೊರಟಿತ್ತು. ಇದರಲ್ಲಿ 23 ದೇಶಗಳ ಸುಮಾರು 147 ಪ್ರವಾಸಿಗರು ಇದ್ದರು. ಎಲ್ಲವೂ ಚೆನ್ನಾಗಿಯೇ ಇತ್ತು, ಆದರೆ ಹಡಗು ಪಶ್ಚಿಮ ಆಫ್ರಿಕಾ ಕರಾವಳಿಯ ಹತ್ತಿರ ಬರುತ್ತಿದ್ದಂತೆ ವೈರಸ್ ತನ್ನ ಆಟ ಶುರು ಮಾಡಿದೆ.

ಈ ವೈರಸ್ ಎಷ್ಟು ಅಪಾಯಕಾರಿ ಅಂದ್ರೆ, ಹಡಗಿನಲ್ಲೇ ಇದ್ದ 70 ವರ್ಷದ ಡಚ್ ಪ್ರಜೆ ಮತ್ತು ಅವರ ಪತ್ನಿ ಸೋಂಕಿನಿಂದ ಸಾವನ್ನಪ್ಪಿದ್ದಾರೆ. ಅವರ ಜೊತೆಗೆ ಜರ್ಮನಿಯ ಮತ್ತೊಬ್ಬ ಪ್ರಯಾಣಿಕ ಕೂಡ ಬಲಿಯಾಗಿದ್ದಾರೆ. ಸದ್ಯಕ್ಕೆ ಹಡಗಿನಲ್ಲಿ ಒಟ್ಟು 8 ಜನರಿಗೆ ಸೋಂಕು ತಗುಲಿದೆ ಎಂದು ಅಂದಾಜಿಸಲಾಗಿದ್ದು, ಮೂವರು ಪ್ರಾಣ ಕಳೆದುಕೊಂಡಿರುವುದು ಪ್ರವಾಸಿಗರಲ್ಲಿ ನಡುಕ ಹುಟ್ಟಿಸಿದೆ.

ಹಡಗಿಗೆ ಈ ವೈರಸ್ ಬಂದಿದ್ದು ಹೇಗೆ?

ಇದೊಂದು ನಿಜಕ್ಕೂ ವಿಚಿತ್ರವಾದ ಕಥೆ. ಅಧಿಕಾರಿಗಳ ಪ್ರಕಾರ, ಪ್ರವಾಸಿಗರು ಅರ್ಜೆಂಟೀನಾದಲ್ಲಿ ಪಕ್ಷಿ ವೀಕ್ಷಣೆಗಾಗಿ (Bird Watching) ಭೂಮಿಗೆ ಇಳಿದಿದ್ದರು. ಅಲ್ಲಿ ಕಸದ ರಾಶಿಯ ಹತ್ತಿರ ಸುಳಿದಾಡುವಾಗ ಅಥವಾ ಇಲಿಗಳ ಮಲ-ಮೂತ್ರದಿಂದ ದೂಷಿತಗೊಂಡ ಜಾಗದಲ್ಲಿ ತಿರುಗಾಡಿದಾಗ ಈ ವೈರಸ್ ಅವರಿಗೆ ಅಂಟಿಕೊಂಡಿರಬಹುದು ಎಂದು ಶಂಕಿಸಲಾಗಿದೆ. ಹಡಗಿನ ಕಿರಿದಾದ ಜಾಗದಲ್ಲಿ ಎಲ್ಲರೂ ಒಟ್ಟಿಗೆ ಇರೋದ್ರಿಂದ ಒಬ್ಬರಿಂದ ಒಬ್ಬರಿಗೆ ಹರಡಿರುವ ಸಾಧ್ಯತೆ ಇದೆ.

ಸಾರ್ವಜನಿಕರಿಗೆ ಅಪಾಯವಿದೆಯೇ?

ಯುಕೆ ಆರೋಗ್ಯ ಇಲಾಖೆಯ ಭಾರತೀಯ ಮೂಲದ ವೈದ್ಯೆ ಡಾ. ಮೀರಾ ಚಂದ್ ಅವರು ಈ ಬಗ್ಗೆ ಮಾತನಾಡುತ್ತಾ, "ಜನರು ಭಯಪಡುವ ಅಗತ್ಯವಿಲ್ಲ. ಈ ವೈರಸ್ ಸಾಮಾನ್ಯವಾಗಿ ಇಲಿಗಳ ಮೂಲಕ ಹರಡುತ್ತದೆ. ಮನುಷ್ಯರಿಂದ ಮನುಷ್ಯರಿಗೆ ಹರಡುವುದು ಬಹಳ ಅಪರೂಪ. ಬ್ರಿಟನ್‌ಗೆ ಮರಳಿದವರಿಗೆ ನಾವು ಹತ್ತಿರದಿಂದ ನಿಗಾ ಇಟ್ಟಿದ್ದೇವೆ" ಎಂದು ಭರವಸೆ ನೀಡಿದ್ದಾರೆ.

ಹಾಂಟಾವೈರಸ್ ಲಕ್ಷಣಗಳೇನು?

• ಈ ವೈರಸ್ ಬಂದರೆ ಸುಮ್ಮನೆ ಬಿಡಲ್ಲ, ದೇಹದ ಮೇಲೆ ಭೀಕರ ಪರಿಣಾಮ ಬೀರುತ್ತೆ:
• ಆರಂಭಿಕ ಲಕ್ಷಣ: ವಿಪರೀತ ಜ್ವರ, ಸುಸ್ತು, ಸ್ನಾಯು ನೋವು ಮತ್ತು ಹೊಟ್ಟೆ ನೋವು ಕಾಣಿಸಿಕೊಳ್ಳುತ್ತೆ.
• ಗಂಭೀರ ಹಂತ: ವಾಂತಿ, ಅತಿಸಾರ ಮತ್ತು ಉಸಿರಾಟದ ತೊಂದರೆ ಶುರುವಾಗುತ್ತೆ.
• ಅಪಾಯ: ರಕ್ತದೊತ್ತಡ (BP) ಕಡಿಮೆಯಾಗಿ ಕಿಡ್ನಿ ವೈಫಲ್ಯ ಆಗುವ ಸಾಧ್ಯತೆಯೂ ಇರುತ್ತದೆ.

• 🚨 Passengers aboard the cruise ship with suspected Hantavirus are evacuated to be taken to Holland.
  
  Anyone else find this whole thing weird? - give it a day or two and they will be talking about vaccines for it…! pic.twitter.com/gVJhQupeB2

  — Concerned Citizen (@BGatesIsaPyscho) May 6, 2026

ನಾವು ಎಚ್ಚರದಿಂದ ಇರಬೇಕಾ?

ಖಂಡಿತ! ಪ್ರವಾಸಕ್ಕೆ ಹೋಗುವವರು ಹಳೆ ಕಟ್ಟಡಗಳು, ಕಸದ ರಾಶಿ ಅಥವಾ ಇಲಿಗಳು ಜಾಸ್ತಿ ಇರುವ ಜಾಗದಲ್ಲಿ ಓಡಾಡುವಾಗ ಹುಷಾರಾಗಿರಬೇಕು. ಈ ಹಾಂಟಾವೈರಸ್‌ನ 'ಆಂಡಿಸ್ ತಳಿ' (Andes strain) ತುಂಬಾ ಡೇಂಜರ್ ಆಗಿರೋದ್ರಿಂದ ವೈಯಕ್ತಿಕ ಸ್ವಚ್ಛತೆ ಅತಿ ಮುಖ್ಯ.

ಸದ್ಯಕ್ಕೆ ಬ್ರಿಟನ್ ಸರ್ಕಾರ ವಿಶ್ವ ಆರೋಗ್ಯ ಸಂಸ್ಥೆ (WHO) ಜೊತೆ ಸೇರಿ ಈ ವೈರಸ್ ಹರಡದಂತೆ ತಡೆಯಲು ಹರಸಾಹಸ ಪಡುತ್ತಿದೆ. ಕ್ರೂಸ್ ಹಡಗಿನಲ್ಲಿ ಮಜಾ ಮಾಡಲು ಹೋದವರು ಈಗ ಪ್ರಾಣದ ಹಂಗಿನಲ್ಲಿ ಮನೆಗೆ ಮರಳುತ್ತಿರುವುದು ನಿಜಕ್ಕೂ ವಿಷಾದನೀಯ.