ಸಿದ್ದರಾಮಯ್ಯ ರಾಜೀನಾಮೆ ತಡೆಯಲು ರಾಜ್ಯಪಾಲರು ಬೆಂಗಳೂರು ಬಿಟ್ಟು ಓಡಿಹೋದರಾ? ಅಸಲಿ ಸತ್ಯ ಬಯಲು!!

ಕರ್ನಾಟಕ ರಾಜಕೀಯದ ಹೈಡ್ರಾಮಾ ಈಗ ಕ್ಲೈಮ್ಯಾಕ್ಸ್ ಹಂತಕ್ಕೆ ತಲುಪಿದೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಲು ಫುಲ್ ರೆಡಿಯಾಗಿದ್ದಾರೆ. ಆದರೆ, ಇದೇ ಹೊತ್ತಿಗೆ ಒಂದು ದೊಡ್ಡ ಟ್ವಿಸ್ಟ್ ಎದುರಾಗಿದೆ! ರಾಜ್ಯಪಾಲರಾದ ಥಾವರ್ ಚಂದ್ ಗೆಹ್ಲೋಟ್ ಅವರು ಅನಿರೀಕ್ಷಿತವಾಗಿ ಬೆಂಗಳೂರು ಬಿಟ್ಟು ಹೊರಟಿದ್ದಾರೆ. ಇದರಿಂದಾಗಿ ಸಿಎಂ ರಾಜೀನಾಮೆ ಪ್ರಕ್ರಿಯೆಯಲ್ಲಿ ಹೊಸದೊಂದು ಗೊಂದಲ ಸೃಷ್ಟಿಯಾಗಿದೆ.

ಪತ್ನಿ ಅನಾರೋಗ್ಯ: ದಿಢೀರ್ ಇಂದೋರ್‌ಗೆ ತೆರಳಿದ ಗೆಹ್ಲೋಟ್!

ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಅವರ ಪತ್ನಿ ತೀವ್ರ ಅನಾರೋಗ್ಯಕ್ಕೆ ಒಳಗಾಗಿದ್ದಾರೆ. ಈ ಕಾರಣಕ್ಕೆ ಅವರು ತುರ್ತಾಗಿ ಮಧ್ಯಪ್ರದೇಶದ ಇಂದೋರ್‌ಗೆ ತೆರಳಬೇಕಾಗಿ ಬಂತು. ಬುಧವಾರ ರಾತ್ರಿ 11:45 ಕ್ಕೆ ಬೆಂಗಳೂರಿನಿಂದ ಹೊರಟ ಅವರು, ರಾತ್ರಿ ಮುಂಬೈನಲ್ಲಿ ತಂಗಿದ್ದರು. ಇಂದು ಮುಂಜಾನೆ 7 ಗಂಟೆ ಫ್ಲೈಟ್ ಹಿಡಿದು ಇಂದೋರ್ ತಲುಪಿದ್ದಾರೆ.

ಅವರು ಯಾವಾಗ ವಾಪಸ್ ಬರ್ತಾರೆ ಅನ್ನೋದು ಇನ್ನೂ ಕನ್ಫರ್ಮ್ ಆಗಿಲ್ಲ. ಆದರೆ, ನಾಳೆ (ಶುಕ್ರವಾರ) ಉಪರಾಷ್ಟ್ರಪತಿಗಳು ಕರ್ನಾಟಕಕ್ಕೆ ಬರುತ್ತಿರುವುದರಿಂದ, ಪ್ರೋಟೋಕಾಲ್ ಪ್ರಕಾರ ರಾಜ್ಯಪಾಲರು ಇಂದು ಸಂಜೆಯೊಳಗೆ ಬೆಂಗಳೂರಿಗೆ ವಾಪಸ್ ಬರಲೇಬೇಕು ಎಂದು ಹೇಳಲಾಗುತ್ತಿದೆ.

ರಾಜಪಾಲರಿಲ್ಲದೆ ರಾಜೀನಾಮೆ ಕೊಡೋದು ಹೇಗೆ? ರಾಜಭವನದ ರೂಲ್ಸ್ ಇದು!

ಸಿದ್ದರಾಮಯ್ಯ ಅವರು ಇವತ್ತು ಬೆಳಗ್ಗೆಯೇ ರಾಜೀನಾಮೆ ನೀಡಲು ರಾಜ್ಯಪಾಲರ ಭೇಟಿಗೆ ಸಮಯ ಕೇಳಿದ್ದರು. ರಾಜಭವನ ಕೂಡ ಬೆಳಗ್ಗೆ 11:30 ಅಥವಾ ಮಧ್ಯಾಹ್ನ 3 ಗಂಟೆಯ ನಂತರ ಬನ್ನಿ ಅಂತ ಟೈಮ್ ಕೊಟ್ಟಿತ್ತು. ಆದರೆ ಈಗ ಗವರ್ನರ್ ಅವರೇ ಊರಲ್ಲಿಲ್ಲ!

ಹಾಗಾದರೆ ಮುಂದಿನ ದಾರಿ ಏನು?

ರಾಜಭವನದ ಅಧಿಕೃತ ಮೂಲಗಳ ಪ್ರಕಾರ ಇದಕ್ಕೆ ಒಂದು ಕಾನೂನಾತ್ಮಕ ಅವಕಾಶವಿದೆ:

ಸೆಕ್ರೆಟರಿಗೆ ಪತ್ರ ನೀಡಬಹುದು: ರಾಜ್ಯಪಾಲರು ಇಲ್ಲದ ಸಮಯದಲ್ಲಿ ಮುಖ್ಯಮಂತ್ರಿಗಳು ತಮ್ಮ ರಾಜೀನಾಮೆ ಪತ್ರವನ್ನು ರಾಜ್ಯಪಾಲರ ಕಾರ್ಯದರ್ಶಿಯಾದ (Secretary) ಪ್ರಭುಶಂಕರ್ ಅವರಿಗೆ ಸಲ್ಲಿಸಬಹುದು. ಸದ್ಯದ ಪ್ಲ್ಯಾನ್ ಪ್ರಕಾರ ಸಿದ್ದರಾಮಯ್ಯ ಅವರು ಮಧ್ಯಾಹ್ನದ ಮೇಲೆ ರಾಜಭವನಕ್ಕೆ ಹೋಗಿ ಕಾರ್ಯದರ್ಶಿಗೇ ಪತ್ರ ಕೊಡಲಿದ್ದಾರೆ ಎನ್ನಲಾಗಿದೆ.

ಆದರೆ ಟ್ವಿಸ್ಟ್ ಇಲ್ಲಿದೆ: ಕಾರ್ಯದರ್ಶಿಗೆ ಪತ್ರ ಕೊಟ್ಟ ತಕ್ಷಣ ರಾಜೀನಾಮೆ ಅಂಗೀಕಾರ ಆಗಲ್ಲ! ರಾಜ್ಯಪಾಲರು ಬೆಂಗಳೂರಿಗೆ ವಾಪಸ್ ಬಂದ ಮೇಲೆಯೇ ಅಂತಿಮ ನಿರ್ಧಾರವಾಗುತ್ತದೆ. ನಿಯಮಗಳ ಪ್ರಕಾರ, ಗವರ್ನರ್ ಬಂದ ಮೇಲೆ ಸಿಎಂ ಅನ್ನು ಮತ್ತೊಮ್ಮೆ ಖುದ್ದಾಗಿ ಕರೆಸಿ, "ನೀವು ಸ್ವಇಚ್ಛೆಯಿಂದಲೇ ರಾಜೀನಾಮೆ ಕೊಡ್ತಿದ್ದೀರಾ?" ಅಂತ ಕನ್ಫರ್ಮ್ ಮಾಡಿಕೊಂಡ ಬಳಿಕವಷ್ಟೇ ಅದನ್ನು ಅಧಿಕೃತವಾಗಿ ಅಂಗೀಕರಿಸುತ್ತಾರೆ.

ರಾಜಭವನದ ಸುತ್ತ ಬಿಗಿ ಪೊಲೀಸ್ ಬಂದೋಬಸ್ತ್

ಸಿದ್ದರಾಮಯ್ಯ ರಾಜೀನಾಮೆ ಕೊಡ್ತಾರೆ ಅನ್ನೋ ಸುದ್ದಿ ಲೀಕ್ ಆಗುತ್ತಿದ್ದಂತೆ, ಅಭಿಮಾನಿಗಳು ಮತ್ತು ಕಾಂಗ್ರೆಸ್ ಕಾರ್ಯಕರ್ತರು ಭಾವುಕರಾಗಿ ರಾಜಭವನದತ್ತ ಧಾವಿಸುವ ಸಾಧ್ಯತೆ ಇದೆ. ಯಾವುದೇ ಗಲಾಟೆ ಆಗಬಾರದು ಎಂದು ಮುಂಜಾಗ್ರತಾ ಕ್ರಮವಾಗಿ ಪೊಲೀಸರು ರಾಜಭವನದ ಸುತ್ತಮುತ್ತ ಬ್ಯಾರಿಕೇಡ್‌ಗಳನ್ನು ಹಾಕಿ, ಭದ್ರತೆಯನ್ನು ಫುಲ್ ಟೈಟ್ ಮಾಡಿದ್ದಾರೆ.

ಬೆಂಗಳೂರಿನಲ್ಲಿ ಠಿಕಾಣಿ ಹೂಡಿದ ವರಿಷ್ಠರ ದೂತ ಸುರ್ಜೇವಾಲಾ!

ಈ ಇಡೀ ಪವರ್ ಶಿಫ್ಟ್ ಪ್ರಕ್ರಿಯೆಯನ್ನು ಹತ್ತಿರದಿಂದ ಮ್ಯಾನೇಜ್ ಮಾಡಲು ಕಾಂಗ್ರೆಸ್ ರಾಜ್ಯ ಉಸ್ತುವಾರಿ ರಣದೀಪ್ ಸಿಂಗ್ ಸುರ್ಜೇವಾಲಾ ಅವರು ಈಗಾಗಲೇ ಬೆಂಗಳೂರಿಗೆ ಎಂಟ್ರಿ ಕೊಟ್ಟಿದ್ದಾರೆ. ನಗರದ ಪ್ರತಿಷ್ಠಿತ 'ತಾಜ್ ವೆಸ್ಟ್ ಎಂಡ್' ಹೋಟೆಲ್‌ನಲ್ಲಿ ವಾಸ್ತವ್ಯ ಹೂಡಿರುವ ಅವರು, ಹೈಕಮಾಂಡ್‌ನ ರಾಯಭಾರಿಯಾಗಿ ಪ್ರತಿಯೊಂದು ಮೂವ್‌ಮೆಂಟ್ ಅನ್ನು ಗಮನಿಸುತ್ತಿದ್ದಾರೆ.

ಇಂದು ಮಧ್ಯಾಹ್ನ ಸಿದ್ದರಾಮಯ್ಯ ಅವರ ರಾಜೀನಾಮೆ ಪ್ರಕ್ರಿಯೆ ಒಂದು ಹಂತಕ್ಕೆ ಬರುತ್ತಿದ್ದಂತೆ, ಕಾಂಗ್ರೆಸ್‌ನ ಹಿರಿಯ ಮಂತ್ರಿಗಳು ಮತ್ತು ಶಾಸಕರು ಸುರ್ಜೇವಾಲಾ ಅವರನ್ನು ಭೇಟಿಯಾಗಲು ಹೋಟೆಲ್‌ಗೆ ಓಡಲಿದ್ದಾರೆ. ಮುಂದಿನ ಸಿಎಂ ಯಾರು? ಮುಂದಿನ ಶಾಸಕಾಂಗ ಪಕ್ಷದ (CLP) ಮೀಟಿಂಗ್ ಯಾವಾಗ ಮಾಡಬೇಕು? ಎಂಬ ಎಲ್ಲಾ ಹೈ-ವೋಲ್ಟೇಜ್ ಚರ್ಚೆಗಳು ಇಂದು ಸಂಜೆಯೊಳಗೆ ಒಂದು ತಾರ್ಕಿಕ ಅಂತ್ಯಕ್ಕೆ ಬರುವ ಸಾಧ್ಯತೆ ಇದೆ.

ರಾಜ್ಯಪಾಲರ ಅನಿರೀಕ್ಷಿತ ಪ್ರವಾಸದಿಂದಾಗಿ ಸಿದ್ದರಾಮಯ್ಯ ಅವರ ರಾಜೀನಾಮೆ ಡ್ರಾಮಾಗೆ ಮತ್ತೊಂದು ಟ್ವಿಸ್ಟ್ ಸಿಕ್ಕಂತಾಗಿದೆ. ಇವತ್ತು ಮಧ್ಯಾಹ್ನ ಸೆಕ್ರೆಟರಿಗೆ ಪತ್ರ ಕೊಟ್ಟು ಸಿದ್ದರಾಮಯ್ಯ ಪ್ರಕ್ರಿಯೆ ಆರಂಭಿಸುತ್ತಾರಾ ಅಥವಾ ಸಂಜೆ ರಾಜ್ಯಪಾಲರು ಬಂದ ಮೇಲೆಯೇ ನೇರವಾಗಿ ರಾಜೀನಾಮೆ ನೀಡುತ್ತಾರಾ? ಇಡೀ ಕರ್ನಾಟಕವೇ ಈಗ ರಾಜಭವನದ ಕಡೆ ಕಣ್ಣಿಟ್ಟು ಕಾಯುತ್ತಿದೆ!