"ಪ್ರೀತಿ ಅನ್ನೋದು ದೇವಸ್ಥಾನವಿದ್ದಂತೆ, ಅಲ್ಲಿ ಮೋಸ ಮಾಡಬಾರದು" ಅಂತ ಸಿನಿಮಾ ಡೈಲಾಗ್ಗಳಲ್ಲಿ ಕೇಳಿರ್ತೀರಾ. ಆದರೆ, ರಿಯಲ್ ಲೈಫ್ನಲ್ಲಿ ಪ್ರೀತಿಯಲ್ಲಿ ಮೋಸ ಹೋದಾಗ ಅಥವಾ ನಂಬಿದವರು ಕೈಕೊಟ್ಟಾಗ ಕೋಪಕ್ಕೆ ಬಿದ್ದು ಪೊಲೀಸರಿಗೆ ಕಂಪ್ಲೇಂಟ್ ಕೊಡಲು ಹೋದರೆ ಕಾನೂನು ಏನು ಹೇಳುತ್ತೆ? ಹೊಸದಾಗಿ ಜಾರಿಗೆ ಬಂದಿರುವ ಭಾರತೀಯ ನ್ಯಾಯ ಸಂಹಿತೆ (BNS) ಪ್ರಕಾರ, ಪ್ರೀತಿಯಲ್ಲಿ ದ್ರೋಹ ಮಾಡುವುದು ಅಥವಾ ಬ್ರೇಕಪ್ ಮಾಡಿಕೊಳ್ಳುವುದು ಡೈರೆಕ್ಟಾಗಿ ಕ್ರಿಮಿನಲ್ ಅಪರಾಧ ಆಗಲ್ಲ! ಆದರೆ, ಅದರಲ್ಲೊಂದು ದೊಡ್ಡ ಟ್ವಿಸ್ಟ್ ಇದೆ. ಯಾರಾದರೂ ನಿಮ್ಮನ್ನು ಮೊದಲಿನಿಂದಲೇ ಪ್ಲಾನ್ ಮಾಡಿ, ವಂಚಿಸುವ ಉದ್ದೇಶದಿಂದಲೇ ಪ್ರೀತಿಯ ನಾಟಕವಾಡಿದ್ದರೆ ಮಾತ್ರ ಅವರಿಗೆ ಜೈಲು ಗ್ಯಾರಂಟಿ!
ಕಾನೂನು ಎಲ್ಲಿ ಗೆರೆ ಎಳೆಯುತ್ತದೆ?
ಹೊಸ ಬಿಎನ್ಎಸ್ ಕಾನೂನು ಈ ಗೊಂದಲಕ್ಕೆ ಒಂದು ಕ್ಲಿಯರ್ ಆದ ಉತ್ತರ ನೀಡಿದೆ. ಒಬ್ಬರ ಮೇಲೆ ಇಂಟರೆಸ್ಟ್ ಕಮ್ಮಿ ಆಗುವುದು, ಮನಸ್ತಾಪ ಬಂದು ಸಂಬಂಧ ಮುರಿದುಬೀಳುವುದು ಅಥವಾ ಸಿಂಪಲ್ ಆಗಿ ಲವ್ ಫೇಲ್ಯೂರ್ ಆಗುವುದನ್ನು ಕಾನೂನು ಅಪರಾಧ ಎಂದು ಪರಿಗಣಿಸುವುದಿಲ್ಲ. ಜನರ ಭಾವನೆಗಳನ್ನು ಕಂಟ್ರೋಲ್ ಮಾಡುವುದು ಅಥವಾ ಬ್ರೇಕಪ್ ಆದವರನ್ನು ಶಿಕ್ಷಿಸುವುದು ಕಾನೂನಿನ ಕೆಲಸವಲ್ಲ.
ಆದರೆ, BNS ಸೆಕ್ಷನ್ 318 (ಚೀಟಿಂಗ್/ಮೋಸ) ಅನ್ವಯಿಸುವುದು ಯಾವಾಗ ಗೊತ್ತಾ? ಯಾರಾದರೂ ಒಬ್ಬರು ಬೇಕಂತಲೇ ಸುಳ್ಳು ಹೇಳಿ, ಕಳ್ಳ ಪ್ರಾಮಿಸ್ಗಳನ್ನು ಮಾಡಿ, ಎದುರಿನವರನ್ನು ಪೂರ್ತಿ ಮ್ಯಾನಿಪುಲೇಟ್ ಮಾಡಿ ಅವರಿಂದ ಹಣ, ಒಡವೆ, ದುಬಾರಿ ಗಿಫ್ಟ್ಗಳು ಅಥವಾ ಇನ್ಯಾವುದೋ ಲಾಭ ಪಡಕೊಂಡಿದ್ದರೆ ಅಥವಾ ಅವರಿಗೆ ದೊಡ್ಡ ಮಟ್ಟದ ಹಾನಿ ಉಂಟುಮಾಡಿದ್ದರೆ ಮಾತ್ರ ಅದು ಕ್ರಿಮಿನಲ್ ಅಪರಾಧ ಆಗುತ್ತದೆ. ಇಲ್ಲಿ ರಿಲೇಶನ್ಶಿಪ್ ಅನ್ನೋದು ಕೇವಲ ವಂಚನೆ ಮಾಡಲು ಬಳಸಿಕೊಂಡ ಒಂದು ಸಾಧನವಾಗಿಬಿಡುತ್ತದೆ.
ಬರೀ ಅವಳು/ಅವನು ನನಗೆ ಮೋಸ ಮಾಡಿದ್ರು, ನನ್ನ ಹೃದಯ ಒಡೀತು ಅಂತ ಇಮೋಷನಲ್ ಆಗಿ ಹೇಳಿದರೆ ಕೋರ್ಟ್ ಒಪ್ಪಲ್ಲ. ಪ್ರೀತಿಯ ಹೆಸರಿನಲ್ಲಿ ವಂಚನೆ ನಡೆದಿದೆ ಎಂದು ಸಾಬೀತುಪಡಿಸಲು ಸ್ಟ್ರಾಂಗ್ ಆದ ದಾಖಲೆಗಳು ಬೇಕಾಗುತ್ತವೆ:
- ಮೊದಲಿನಿಂದಲೇ ಬೇಕಂತಲೇ ಸುಳ್ಳು ಹೇಳುತ್ತಾ ಬಂದಿರುವುದಕ್ಕೆ ವಾಟ್ಸಾಪ್ ಚಾಟ್ಗಳು ಅಥವಾ ಮೆಸೇಜ್ಗಳು.
- ಪ್ರೀತಿಯ ನಾಟಕವಾಡಿ ನಿಮ್ಮಿಂದ ಭಾರಿ ಪ್ರಮಾಣದ ಹಣ ಪೀಕಿರುವ ಬ್ಯಾಂಕ್ ಟ್ರಾನ್ಸಾಕ್ಷನ್ ಹಿಸ್ಟರಿ ಅಥವಾ ಪೇಮೆಂಟ್ ರೆಕಾರ್ಡ್ಸ್.
- ಮದುವೆಯಾಗುವ ಯಾವುದೇ ಉದ್ದೇಶ ಇಲ್ಲದಿದ್ದರೂ, ಕೇವಲ ಹಣ ಅಥವಾ ದೈಹಿಕ ಲಾಭಕ್ಕಾಗಿ ಸುಳ್ಳು ಮದುವೆ ಪ್ರಾಮಿಸ್ ಮಾಡಿರುವ ಬಗ್ಗೆ ಸಾಕ್ಷ್ಯಗಳು.
- ಇಂತಹ ಪಕ್ಕಾ ದಾಖಲೆಗಳಿಲ್ಲದೆ ಬರೀ ಇಮೋಷನಲ್ ಆಗಿ ಮೋಸ ಆಯ್ತು ಎಂದರೆ ಕಾನೂನಿನ ಮುಂದೆ ಅದು ನಡೆಯುವುದಿಲ್ಲ.
ಸಂತ್ರಸ್ತರು ಮತ್ತು ಆರೋಪಿಗಳಿಗೆ ಇದು ಹೇಗೆ ಅನ್ವಯ?
ಪ್ರೀತಿಯ ಹೆಸರಿನಲ್ಲಿ ನಿಜವಾಗಿಯೂ ಮೋಸ ಹೋದವರಿಗೆ, ನಂಬಿಸಿ ಕುತ್ತಿಗೆ ಕೊಯ್ದವರಿಗೆ, ಹಣಕಾಸು ಮತ್ತು ಮಾನಹಾನಿ ಮಾಡಿಕೊಂಡವರಿಗೆ ಬಿಎನ್ಎಸ್ ಕಾನೂನು ದೊಡ್ಡ ಅಸ್ತ್ರವಾಗಿದೆ. ಎದುರಿನ ವ್ಯಕ್ತಿ ಪ್ಲಾನ್ ಮಾಡಿಯೇ ವಂಚಿಸಿದ್ದಾನೆ ಎಂದು ಸಾಬೀತಾದರೆ ಜೈಲು ಶಿಕ್ಷೆ ಖಂಡಿತ.
ಆದರೆ ಕೋರ್ಟ್ಗಳು ಇಂತಹ ಕೇಸ್ಗಳನ್ನು ತುಂಬಾ ಸೂಕ್ಷ್ಮವಾಗಿ ಪರಿಶೀಲಿಸುತ್ತವೆ. ಕೇವಲ ಬ್ರೇಕಪ್ ಆದ ಕೋಪದಲ್ಲಿ ಅಥವಾ ರಿವೇಂಜ್ (ಸೇಡು) ತೀರಿಸಿಕೊಳ್ಳಲು ಸುಳ್ಳು ಕೇಸ್ ಹಾಕಿದರೆ ಅದು ಕೋರ್ಟ್ನಲ್ಲಿ ನಿಲ್ಲಲ್ಲ. ಈ ಕಾನೂನು ಇರುವುದು ರಿಲೇಶನ್ಶಿಪ್ ಹೆಸರಲ್ಲಿ ನಡೆಯುವ ಫ್ರಾಡ್ಗಳನ್ನು ತಡೆಯಲು ಹೊರತು, ವೈಯಕ್ತಿಕ ಇಷ್ಟಾನಿಷ್ಟಗಳ ಮೇಲೆ ಬ್ರೇಕಪ್ ಮಾಡಿಕೊಳ್ಳುವವರನ್ನು ಕ್ರಿಮಿನಲ್ಗಳನ್ನಾಗಿ ಮಾಡಲು ಅಲ್ಲ.
ಬ್ರೇಕಪ್ ಆದ ತಕ್ಷಣ ಭಾವೋದ್ವೇಗಕ್ಕೆ ಒಳಗಾಗಬೇಡಿ. ನಿಮ್ಮ ಜೊತೆ ನಡೆದಿರುವುದು ಬರೀ ಪ್ರೀತಿಯ ಮುನಿಸೋ ಅಥವಾ ಅಸಲಿ ವಂಚನೆಯೋ ಎಂದು ಯೋಚಿಸಿ. ನಿಜವಾಗಿಯೂ ಫ್ರಾಡ್ ನಡೆದಿದ್ದರೆ ತಕ್ಷಣವೇ ಕಾನೂನು ತಜ್ಞರನ್ನು ಸಂಪರ್ಕಿಸಿ ಸಾಕ್ಷಿಗಳನ್ನು ಕಲೆ ಹಾಕಿ. ನೆನಪಿಡಿ, ಕಾನೂನು ಯಾವಾಗಲೂ ಸತ್ಯದ ಪರ ಇರುತ್ತೆ, ಆದರೆ ಅಲ್ಲಿ ಭಾವನೆಗಳಿಗಿಂತ ಹೆಚ್ಚಾಗಿ ಸಾಕ್ಷಿ ಮತ್ತು ವಂಚನೆಯ ಅಸಲಿ ಮುಖ ಮುಖ್ಯವಾಗುತ್ತದೆ!
