ಗರ್ಭಿಣಿಯರೇ ಎಚ್ಚರ: ಗರ್ಭಾವಸ್ಥೆಯಲ್ಲಿ ಗರ್ಭಾಶಯ ಕೆಳಗೆ ಜಾರಿದರೆ ಆಗುವ ಅಪಾಯಗಳೇನು? ಇಲ್ಲಿದೆ ಕಂಪ್ಲೀಟ್ ಗೈಡ್!!

ಪ್ರತಿಯೊಬ್ಬ ಮಹಿಳೆಯೂ ತಾಯಿಯಾಗುವ ಆ ಒಂಬತ್ತು ತಿಂಗಳ ಜರ್ನಿ ತುಂಬಾ ವಿಶೇಷವಾದದ್ದು. ಈ ಟೈಮ್‌ನಲ್ಲಿ ತಾಯಿ ತನ್ನ ಹೊಟ್ಟೆಯಲ್ಲಿ ಬೆಳೆಯುವ ಮಗುವಿಗಾಗಿ ನೂರಾರು ಕನಸುಗಳನ್ನು ಕಾಣುತ್ತಾ ಇರುತ್ತಾಳೆ. ಆದರೆ, ಪ್ರೆಗ್ನೆನ್ಸಿ ಜರ್ನಿ ಅಂದುಕೊಂಡಷ್ಟು ಈಸಿ ಅಲ್ಲ. ಹಾರ್ಮೋನ್‌ಗಳ ಏರುಪೇರಿನಿಂದ ಹಿಡಿದು ಬಾಡಿ ಪೇನ್‌ನವರೆಗೆ ಸಾಕಷ್ಟು ಸವಾಲುಗಳು ಎದುರಾಗುತ್ತವೆ. ಇವೆಲ್ಲದರ ನಡುವೆ ಕೆಲವು ಗರ್ಭಿಣಿಯರಲ್ಲಿ ತೀರಾ ಅಪರೂಪವಾಗಿ ಕಾಣಿಸಿಕೊಳ್ಳುವ, ಆದರೆ ಅಷ್ಟೇ ಗಂಭೀರವಾಗಿ ಕಾಡುವ ಒಂದು ಹೆಲ್ತ್ ಪ್ರಾಬ್ಲಮ್ ಅಂದರೆ ಅದುವೇ ಗರ್ಭಾಶಯ ಕೆಳಗೆ ಜಾರುವುದು ಅಥವಾ 'ಯುಟರೈನ್ ಪ್ರೊಲ್ಯಾಪ್ಸ್'.

ನಿಮ್ಮ ಮಾಹಿತಿ ಪ್ರಕಾರ, ಗರ್ಭಕೋಶವನ್ನು ತನ್ನ ಜಾಗದಲ್ಲಿ ಗಟ್ಟಿಯಾಗಿ ಹಿಡಿದಿಟ್ಟುಕೊಳ್ಳುವ ಪೆಲ್ವಿಕ್ ಸ್ನಾಯುಗಳು (Pelvic Floor Muscles) ಹಾಗೂ ಅಸ್ಥಿರಜ್ಜುಗಳು ತುಂಬಾ ವೀಕ್ ಆದಾಗ ಈ ತೊಂದರೆ ತಲೆದೂರುತ್ತದೆ. ಬೆಳೆಯುತ್ತಿರುವ ಮಗುವಿನ ತೂಕವನ್ನು ತಡೆದುಕೊಳ್ಳಲು ಆ ಸ್ನಾಯುಗಳಿಗೆ ಸಾಧ್ಯವಾಗದೆ, ಗರ್ಭಾಶಯವು ಯೋನಿ ಕಾಲುವೆಯ (Vagina) ಮೂಲಕ ಕೆಳಕ್ಕೆ ಜಾರಲು ಶುರುಮಾಡುತ್ತದೆ. ಇದನ್ನು ಸಕಾಲದಲ್ಲಿ ಗುರುತಿಸಿ ಚಿಕಿತ್ಸೆ ಕೊಡಿಸದಿದ್ದರೆ ತಾಯಿ-ಮಗು ಇಬ್ಬರಿಗೂ ದೊಡ್ಡ ಕಂಟಕ ಎದುರಾಗಬಹುದು. ಹಾಗಾದರೆ ಈ ಸಮಸ್ಯೆಯಿಂದ ಏನೆಲ್ಲಾ ಸೈಡ್ ಎಫೆಕ್ಟ್‌ಗಳು ಆಗುತ್ತವೆ ಮತ್ತು ಇದನ್ನು ತಡೆಯುವುದು ಹೇಗೆ ಅನ್ನೋದನ್ನು ಕಂಪ್ಲೀಟ್ ಆಗಿ ತಿಳಿದುಕೊಳ್ಳೋಣ.

ಗರ್ಭಾಶಯ ಕೆಳಗಿಳಿಯುವುದರಿಂದ ಎದುರಾಗುವ 5 ಪ್ರಮುಖ ಕಾಂಪ್ಲಿಕೇಷನ್ಸ್:

ಮೂತ್ರ ವಿಸರ್ಜನೆಯಲ್ಲಿ ಅಸಹನೀಯ ತೊಂದರೆ - ಗರ್ಭಕೋಶವು ತನ್ನ ಜಾಗ ಬಿಟ್ಟು ಕೆಳಗೆ ಸರಿದಾಗ, ಅದು ನೇರವಾಗಿ ಮೂತ್ರಕೋಶದ (Bladder) ಮೇಲೆ ವಿಪರೀತ ಪ್ರೆಶರ್ ಹಾಕುತ್ತದೆ. ಇದರಿಂದ ಗರ್ಭಿಣಿಯರಿಗೆ ಪದೇ ಪದೇ ಯೂರಿನ್ ಪಾಸ್ ಮಾಡಬೇಕು ಅನ್ನಿಸುವುದು ಅಥವಾ ಮೂತ್ರದ ಹರಿವನ್ನು ಕಂಟ್ರೋಲ್ ಮಾಡಲು ಆಗದೇ ಇರುವಂತಹ ಸ್ಥಿತಿ ನಿರ್ಮಾಣವಾಗುತ್ತದೆ. ಕೆಲವೊಮ್ಮೆ ಮೂತ್ರ ಸರಿಯಾಗಿ ಹೊರಹೋಗದೆ ಒಳಗೇ ಕಟ್ಟಿಕೊಳ್ಳುವ (Urinary Retention) ಅಪಾಯವೂ ಇರುತ್ತದೆ.

ಅಕಾಲಿಕ ಹೆರಿಗೆಯ ಭೀತಿ (Premature Delivery) - ಗರ್ಭಾಶಯವು ಕೆಳಕ್ಕೆ ಜಾರುವುದರಿಂದ ಗರ್ಭಕೋಶದ ಗೋಡೆಗಳ ಮೇಲೆ ಒತ್ತಡ ಹೆಚ್ಚಾಗುತ್ತದೆ. ಇದು ನಿಗದಿತ ಹೆರಿಗೆ ದಿನಾಂಕಕ್ಕಿಂತ ಮುಂಚೆಯೇ ಹೆರಿಗೆ ನೋವು (Labour Pain) ಕಾಣಿಸಿಕೊಳ್ಳುವಂತೆ ಮಾಡಬಹುದು. ಜೊತೆಗೆ ಮಗುವನ್ನು ರಕ್ಷಿಸುವ 'ಆಮ್ನಿಯೋಟಿಕ್ ಚೀಲ' (ತುಂಬು ನೀರು) ಒಡೆದುಹೋಗುವ ಚಾನ್ಸಸ್ ಕೂಡ ಇರುತ್ತದೆ.

ಗರ್ಭಪಾತದ ಅಪಾಯ (Miscarriage) - ಪ್ರೆಗ್ನೆನ್ಸಿಯ ಮೊದಲ ಕೆಲವು ತಿಂಗಳುಗಳಲ್ಲೇ (Early Pregnancy) ಈ ರೀತಿ ಗರ್ಭಕೋಶ ಕೆಳಗೆ ಇಳಿದರೆ ಅದು ತೀರಾ ಕ್ರಿಟಿಕಲ್ ಆದ ಪರಿಸ್ಥಿತಿ. ಭ್ರೂಣಕ್ಕೆ ಗರ್ಭಾಶಯದ ಒಳಗೆ ಸರಿಯಾದ ಸಪೋರ್ಟ್ ಸಿಗದೆ ಮಿಸ್‌ಕ್ಯಾರೇಜ್ ಆಗುವ ಸಾಧ್ಯತೆ ತುಂಬಾ ಹೆಚ್ಚಿರುತ್ತದೆ.

ಗುಪ್ತಾಂಗದಲ್ಲಿ ಇನ್ಫೆಕ್ಷನ್ ಮತ್ತು ಹುಣ್ಣುಗಳು - ಗರ್ಭಾಶಯ ಕೆಳಗೆ ಇಳಿದಾಗ ಗರ್ಭಕಂಠದ (Cervix) ಸೂಕ್ಷ್ಮ ಭಾಗಗಳು ಹೊರಗಿನ ವಾತಾವರಣಕ್ಕೆ ಒಡ್ಡಿಕೊಳ್ಳುತ್ತವೆ. ಇದರಿಂದ ಆ ಭಾಗದಲ್ಲಿ ಹುಣ್ಣುಗಳು (Ulcers) ಮೂಡಬಹುದು. ಅಲ್ಲದೆ, ನಿಂತ ಮೂತ್ರದಲ್ಲಿ ಬ್ಯಾಕ್ಟೀರಿಯಾಗಳು ವೃದ್ಧಿಯಾಗಿ ಕೊರಿಯೊಅಮ್ನಿಯೋನಿಟಿಸ್, ಸೆಪ್ಸಿಸ್ ಹಾಗೂ ಡೇಂಜರಸ್ ಯುಟಿಐ (UTI) ನಂತಹ ಸೋಂಕುಗಳು ಉಂಟಾಗಬಹುದು.

ಮಗುವಿನ ಮೂವ್‌ಮೆಂಟ್‌ಗೆ ಅಡ್ಡಿ - ತೀವ್ರತರವಾದ ಕೇಸ್‌ಗಳಲ್ಲಿ ಗರ್ಭಾಶಯವು ಯೋನಿಯಿಂದ ಹೊರಗೆ ಚಾಚಿಕೊಳ್ಳುವಷ್ಟು ಕೆಳಗೆ ಜಾರಿಬಿಡುತ್ತದೆ. ಇದು ಗರ್ಭಕಂಠದ ಭಾಗದಲ್ಲಿ ತೀವ್ರ ಊತ ಮತ್ತು ದೈಹಿಕ ಗಾಯವನ್ನು ಉಂಟುಮಾಡುವುದಲ್ಲದೆ, ಗರ್ಭದ ಒಳಗಿರುವ ಮಗು ಫ್ರೀಯಾಗಿ ಚಲಿಸಲು (Baby Movement) ಜಾಗವಿಲ್ಲದಂತೆ ತೊಂದರೆ ಕೊಡುತ್ತದೆ.

ಈ ಸಮಸ್ಯೆಯನ್ನು ತಡೆಗಟ್ಟುವುದು ಹೇಗೆ? (Precautions)

ಗರ್ಭಾವಸ್ಥೆಯಲ್ಲಿ ಈ ರೀತಿಯ ಕಷ್ಟದ ಪರಿಸ್ಥಿತಿಯನ್ನು ಎದುರಿಸಬಾರದು ಎಂದರೆ ಆರಂಭದಲ್ಲೇ ಕೆಲವು ಮುನ್ನೆಚ್ಚರಿಕೆಗಳನ್ನು ತಗೋಬೇಕಾಗುತ್ತದೆ.

ರೆಗ್ಯುಲರ್ ಡಾಕ್ಟರ್ ಚೆಕಪ್ - ನೀವು ಪ್ರೆಗ್ನೆನ್ಸಿ ಪ್ಲಾನ್ ಮಾಡುತ್ತಿದ್ದರೂ ಅಥವಾ ಈಗಾಗಲೇ ಗರ್ಭಧರಿಸಿದ್ದರೂ ಗೈನಕಾಲಜಿಸ್ಟ್ ಹತ್ತಿರ ರೆಗ್ಯುಲರ್ ಆಗಿ ಸ್ಕ್ಯಾನಿಂಗ್ ಮತ್ತು ಗರ್ಭಕೋಶದ ಆರೋಗ್ಯದ ತಪಾಸಣೆ ಮಾಡಿಸಿಕೊಳ್ಳುವುದನ್ನು ಮರೆಯಬೇಡಿ.

ಪೆಸ್ಸರಿ (Pessary) ಸಾಧನದ ಬಳಕೆ - ಒಂದು ವೇಳೆ ಗರ್ಭಕೋಶ ಜಾರುತ್ತಿರುವುದು ಆರಂಭದಲ್ಲೇ ಪತ್ತೆಯಾದರೆ, ವೈದ್ಯರು ಯಾವುದೇ ಸರ್ಜರಿ ಇಲ್ಲದೆ 'ಪೆಸ್ಸರಿ' ಎನ್ನುವ ವಿಶೇಷ ರಿಂಗ್ ತರಹದ ಮೆಡಿಕಲ್ ಸಾಧನವನ್ನು ಯೋನಿಯೊಳಗೆ ಇಟ್ಟು ಗರ್ಭಾಶಯ ಕೆಳಗೆ ಬೀಳದಂತೆ ಭದ್ರವಾದ ಸಪೋರ್ಟ್ ನೀಡುತ್ತಾರೆ.

ಕೀಗಲ್ ವ್ಯಾಯಾಮ (Kegel Exercises) - ಗರ್ಭಧರಿಸುವ ಮುನ್ನ ಹಾಗೂ ಪ್ರೆಗ್ನೆನ್ಸಿಯ ಆರಂಭಿಕ ದಿನಗಳಲ್ಲಿ ವೈದ್ಯರ ಸರಿಯಾದ ಗೈಡೆನ್ಸ್ ಪಡೆದು 'ಕೀಗಲ್ ಎಕ್ಸಸೈಜ್' ಮಾಡುವುದರಿಂದ ನಿಮ್ಮ ಪೆಲ್ವಿಕ್ ಸ್ನಾಯುಗಳು ಒಳಗಿನಿಂದಲೇ ಸ್ಟ್ರಾಂಗ್ ಆಗುತ್ತವೆ. ಇದು ಗರ್ಭಾಶಯ ಜಾರದಂತೆ ತಡೆಯಲು ಬೆಸ್ಟ್ ಮೆಥಡ್.

(ನೆನಪಿರಲಿ - ಈ ಲೇಖನವನ್ನು ಪ್ರಕಟಿಸುವ ಮುನ್ನ ವೈದ್ಯಕೀಯ ತಜ್ಞರ ಅಭಿಪ್ರಾಯದೊಂದಿಗೆ ಪರಿಶೀಲಿಸಲಾಗಿದೆ. ಗರ್ಭಾವಸ್ಥೆಯಲ್ಲಿ ಹೊಟ್ಟೆಯ ಕೆಳಭಾಗದಲ್ಲಿ ಅತಿಯಾದ ಭಾರ, ನೋವು ಅಥವಾ ಯಾವುದೇ ಅಸಹಜ ಲಕ್ಷಣಗಳು ಕಂಡುಬಂದರೂ ತಕ್ಷಣ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ ಸೂಕ್ತ ಚಿಕಿತ್ಸೆ ಪಡೆಯಿರಿ.)