Sunday, Nov 22, 2026
|
Advertisement

ದರೋಡೆ ಕಥೆಯ ಹಿಂದೆ ಬೇರೆಯೇ ಸಂಚು! ವರ್ಷಾ ಕೊ*ಲೆ ಪ್ರಕರಣದಲ್ಲಿ ಪತ್ನಿಯ ಪಾತ್ರ ಬಯಲು !!

ಮಹಾರಾಷ್ಟ್ರದ ಗೊಂಡಿಯಾ ಜಿಲ್ಲೆಯ ನಿರ್ಜನ ಅರಣ್ಯ ಪ್ರದೇಶದಲ್ಲಿ ಇಂಡಿಗೋ ವಿಮಾನಯಾನ ಸಂಸ್ಥೆಯ ಉದ್ಯೋಗಿಯಾಗಿದೆ  ವರ್ಷಾ ತುರ್ಕರ್ ರವರು ದಾರುಣವಾಗಿ  ಹ*ತ್ಯೆಯಾಗಿದು ಈ  ಪ್ರಕರಣವು  ಇದೀಗ ಭಾರೀ ತಿರುವು ಪಡೆದುಕೊಂಡಿದೆ. ಆರಂಭದಲ್ಲಿ ದರೋಡೆ ವೇಳೆ ನಡೆದ ಕೊ*ಲೆ ಎಂದು ಶಂಕಿಸಲಾಗಿದ್ದ ಪ್ರಕರಣವು  ತನಿಖೆಯಲ್ಲಿ, ಪತಿಯ ಸ್ನೇಹಿತೆಯೊಂದಿಗಿನ ಸಂಬಂಧದ ಅನುಮಾನವೇ ಹ*ತ್ಯೆಗೆ ಕಾರಣವಾಗಿರಬಹುದು ಎಂದು ಪೊಲೀಸರು ಆರೋಪಿಸಿದ್ದಾರೆ. ಈ ಪ್ರಕರಣದಲ್ಲಿ ಸ್ನೇಹಿತನ ಪತ್ನಿ ಸೇರಿದಂತೆ ನಾಲ್ವರನ್ನು ಬಂಧಿಸಲಾಗಿದೆ ಎಂದು ವರದಿಯಾಗಿದೆ. ಸಂಪೂರ್ಣ ವಿವರಣೆ  ಕೆಳ್ಳಗೆ ಲಭ್ಯವಿದೆ 

ಇಂಡಿಗೋ ಸಿಬ್ಬಂದಿ ಕೊ*ಲೆ, ಮಹಾರಾಷ್ಟ್ರ ಕ್ರೈಂ ಸುದ್ದಿ | Photo Credit: https://www.magnific.com/
ಇಂಡಿಗೋ ಸಿಬ್ಬಂದಿ ಕೊ*ಲೆ, ಮಹಾರಾಷ್ಟ್ರ ಕ್ರೈಂ ಸುದ್ದಿ | Photo Credit: https://www.magnific.com/

ದೀಪಾವಳಿ ಹಬ್ಬಕ್ಕೆ ತವರು ಮನೆಗೆ ಬಂದಿದ್ದ ವರ್ಷಾ

ವರ್ಷಾ ತುರ್ಕರ್ ಅವರು ವಿಮಾನಯಾನ ಸಂಸ್ಥೆಯಲ್ಲಿ ಉದ್ಯೋಗ ಮಾಡುತ್ತಿದ್ದು, ಪುಣೆಯ ವಿಮಾನ ನಿಲ್ದಾಣದಲ್ಲಿ ಕೆಲಸ ನಿರ್ವಹಿಸುತ್ತಿದ್ದರು. ಮಧ್ಯಪ್ರದೇಶದ ಬಾಲಾಘಾಟ್ ಜಿಲ್ಲೆಯ ತಮ್ಮ ತವರು ಮನೆಗೆ ದೀಪಾವಳಿ ಹಬ್ಬ ಆಚರಿಸಲು ಮಗಳೊಂದಿಗೆ ಬಂದಿದ್ದರು. ಅವರು ವಿವಾಹವಾಗಿದ್ದು, ಚಿಕ್ಕ ಮಗಳ ತಾಯಿಯಾಗಿದ್ದರು ಎಂದು ವರದಿಗಳು ತಿಳಿಸಿವೆ.

Advertisement

ನವೆಂಬರ್ 14ರಂದು ವರ್ಷಾ ಅವರು ತಮ್ಮ ಹಳೆಯ ಪರಿಚಿತ ನಿತೇಶ್ ಅಗರ್ವಾಲ್ ಜೊತೆ ಗೊಂಡಿಯಾ ಜಿಲ್ಲೆಯ ತಿರೋಡಾ ಭಾಗಕ್ಕೆ ತೆರಳಿದ್ದರು. ಇಬ್ಬರೂ ಹಲವು ವರ್ಷಗಳಿಂದ ಪರಿಚಯ ಹೊಂದಿದ್ದರು ಎನ್ನಲಾಗಿದೆ. ಸಂಜೆ ವೇಳೆಗೆ ಬೊಂಡ್ರಾಣಿ ಅರಣ್ಯ ಪ್ರದೇಶದ ಬಳಿ ಘಟನೆ ನಡೆದಿದ್ದು, ವರ್ಷಾ ಮೃತಪಟ್ಟಿದ್ದಾರೆ. 


ಆರಂಭದಲ್ಲಿ ದರೋಡೆ ಪ್ರಕರಣವೆಂದು ಶಂಕೆ

ಘಟನೆ ನಡೆದ ಆರಂಭದಲ್ಲಿ ವರ್ಷಾ ಅವರ ಜೊತೆಗಿದ್ದ ವ್ಯಕ್ತಿ ಅಪರಿಚಿತರು ದಾ*ಳಿ ಮಾಡಿ ಹಣ ಹಾಗೂ ಬೆಲೆಬಾಳುವ ವಸ್ತುಗಳನ್ನು ದೋಚಿದ್ದಾರೆ ಎಂದು ತಿಳಿಸಿದ್ದ ಎನ್ನಲಾಗಿದೆ. ಈ ಮಾಹಿತಿ ಆಧರಿಸಿ ಪೊಲೀಸರು ಮೊದಲು ದರೋಡೆ ಹಾಗೂ ಕೊ*ಲೆ ಎರಡೂ ಆಯಾಮಗಳಲ್ಲಿ ತನಿಖೆ ಆರಂಭಿಸಿದ್ದರು.

ಆದರೆ ಘಟನೆಯ ಕುರಿತು ಲಭ್ಯವಾದ ಮಾಹಿತಿ, ಹೇಳಿಕೆಗಳಲ್ಲಿನ ವ್ಯತ್ಯಾಸಗಳು ಹಾಗೂ ಇತರ ಸುಳಿವುಗಳ ಹಿನ್ನೆಲೆಯಲ್ಲಿ ತನಿಖಾಧಿಕಾರಿಗಳಿಗೆ ಅನುಮಾನ ಮೂಡಿತು. ಬಳಿಕ ಪ್ರಕರಣದ ತನಿಖೆಯನ್ನು ಮತ್ತಷ್ಟು ಚುರುಕುಗೊಳಿಸಲಾಯಿತು. 


ಪತಿಯ ಸ್ನೇಹಿತೆಯ ಮೇಲಿನ ಅನುಮಾನವೇ ದ್ವೇಷಕ್ಕೆ ಕಾರಣವಾಯಿತೇ?

ಪೊಲೀಸರ ತನಿಖೆಯ ಪ್ರಕಾರ, ನಿತೇಶ್ ಅಗರ್ವಾಲ್ ಅವರ ಪತ್ನಿ ಮೋನಾ ಅಗರ್ವಾಲ್ ಅವರಿಗೆ ತಮ್ಮ ಪತಿ ಮತ್ತು ವರ್ಷಾ ನಡುವೆ ಆತ್ಮೀಯ ಸಂಬಂಧವಿದೆ ಎಂಬ ಅನುಮಾನವಿತ್ತು ಎನ್ನಲಾಗಿದೆ. ಇದೇ ವಿಚಾರವಾಗಿ ದಾಂಪತ್ಯದಲ್ಲಿ ಅಸಮಾಧಾನ ಉಂಟಾಗಿತ್ತು ಎಂದು ತನಿಖಾಧಿಕಾರಿಗಳು ಶಂಕಿಸಿದ್ದಾರೆ.

Advertisement

ಈ ಅನುಮಾನವೇ ವರ್ಷಾ ಅವರ ಹ*ತ್ಯೆಗೆ ಸಂಚು ರೂಪಿಸಲು ಕಾರಣವಾಯಿತು ಎಂಬ ಆರೋಪ ಕೇಳಿಬಂದಿದೆ. ಆದರೆ ವರ್ಷಾ ಮತ್ತು ನಿತೇಶ್ ನಡುವಿನ ಸಂಬಂಧದ ಸ್ವರೂಪದ ಕುರಿತು ಕೇಳಿಬಂದಿರುವ ಆರೋಪಗಳು ತನಿಖೆಯ ಭಾಗವಾಗಿದ್ದು, ಅವುಗಳನ್ನು ಸಾಬೀತಾದ ಸತ್ಯವೆಂದು ಪರಿಗಣಿಸಬಾರದು. 

ಪ್ರಕರಣದಲ್ಲಿ ನಾಲ್ವರ ಬಂಧನ

ಪೊಲೀಸರ ಮಾಹಿತಿ ಪ್ರಕಾರ, ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮೋನಾ ಅಗರ್ವಾಲ್, ಕುನಾಲ್ ಕುಂಭಲ್ಕರ್, ಇಮ್ರಾನ್ ಶೇಖ್ ಹಾಗೂ ಶಾರುಖ್ ಪಠಾಣ್ ಸೇರಿದಂತೆ ನಾಲ್ವರನ್ನು ಬಂಧಿಸಲಾಗಿದೆ. ಪ್ರಕರಣದಲ್ಲಿ ಇನ್ನೂ ಕೆಲವು ಆರೋಪಿಗಳು ತಲೆಮರೆಸಿಕೊಂಡಿದ್ದು, ಅವರ ಪತ್ತೆಗಾಗಿ ಪೊಲೀಸರು ಮುಂದಿನ ತನಿಖೆ ನಡೆಸುತ್ತಿದ್ದಾರೆ ಎಂದು ವರದಿಯಾಗಿದೆ.

ತನಿಖೆಯ ವೇಳೆ ಸಿಸಿಟಿವಿ ದೃಶ್ಯಾವಳಿ, ವಾಹನ ಸಂಚಾರದ ಮಾಹಿತಿ ಹಾಗೂ ಇತರ ತಾಂತ್ರಿಕ ಸುಳಿವುಗಳನ್ನು ಪರಿಶೀಲಿಸಲಾಗಿದೆ. ಪ್ರಕರಣದ ಸಂಚು, ಆರೋಪಿಗಳ ಪಾತ್ರ ಮತ್ತು ಘಟನೆಗೆ ಸಂಬಂಧಿಸಿದ ಸಂಪೂರ್ಣ ವಿವರಗಳನ್ನು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. 


ಹ*ತ್ಯೆ ಪ್ರಕರಣದ ತನಿಖೆ ಮುಂದುವರಿಕೆ

ವರ್ಷಾ ಅವರ ಸಾ*ವಿನ ಪ್ರಕರಣದಲ್ಲಿ ಪೊಲೀಸರು ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಸುತ್ತಿದ್ದಾರೆ. ಆರಂಭದಲ್ಲಿ ದರೋಡೆ ಎಂದು ಹೇಳಲಾಗಿದ್ದ ಘಟನೆ, ನಂತರ ವೈಯಕ್ತಿಕ ಸಂಬಂಧದ ಅನುಮಾನದಿಂದ ನಡೆದ ಸಂಚು ಎಂಬ ಆರೋಪದತ್ತ ತಿರುಗಿದೆ. ಪ್ರಕರಣದಲ್ಲಿ ಬಂಧಿತರ ವಿಚಾರಣೆ ಹಾಗೂ ಇತರ ಆರೋಪಿಗಳ ಪತ್ತೆಯ ಮೂಲಕ ಇನ್ನಷ್ಟು ಮಾಹಿತಿ ಹೊರಬರುವ ನಿರೀಕ್ಷೆಯಿದೆ.

ಒಬ್ಬ ಮಹಿಳೆಯ ಮೇಲಿನ ಅನುಮಾನ, ವೈಯಕ್ತಿಕ ದ್ವೇಷ ಮತ್ತು ವಿವಾದಗಳು ಕೊ*ಲೆ ಪ್ರಕರಣದ ಆರೋಪಗಳಿಗೆ ಕಾರಣವಾಗಿರುವುದು ಈ ಘಟನೆ ಮತ್ತೆ ಚರ್ಚೆಗೆ ತಂದಿದೆ. ಸದ್ಯ ಪ್ರಕರಣ ಪೊಲೀಸರ ತನಿಖೆಯಲ್ಲಿದ್ದು, ಆರೋಪಿಗಳ ವಿರುದ್ಧದ ಆರೋಪಗಳು ನ್ಯಾಯಾಲಯದಲ್ಲಿ ಸಾಬೀತಾಗಬೇಕಿದೆ.

Comments