ನಿವೃತ್ತಿಯಾದ ಮೇಲೆ ಪ್ರತಿಯೊಬ್ಬರಿಗೂ ಇರೋ ದೊಡ್ಡ ಚಿಂತೆ ಅಂದ್ರೆ ಕೈಯಲ್ಲಿರೋ ಹಣವನ್ನ ಎಲ್ಲಿ ಇಡಬೇಕು ಅನ್ನೋದು. ಹಣ ಸೇಫ್ ಆಗಿರಬೇಕು ಮತ್ತು ಅದರ ಮೇಲೆ ಬರೋ ಬಡ್ಡಿಯಿಂದ ತಿಂಗಳ ಖರ್ಚು ನಡೆಯಬೇಕು ಅನ್ನೋದು ಎಲ್ಲರ ಆಸೆ. 2026ರ ಮೇ ತಿಂಗಳ ಲೇಟೆಸ್ಟ್ ಅಪ್ಡೇಟ್ ಪ್ರಕಾರ, ನಮ್ಮ ದೇಶದ ಬ್ಯಾಂಕುಗಳು ಹಿರಿಯ ನಾಗರಿಕರಿಗೆ ಭರ್ಜರಿ ಬಡ್ಡಿ ದರಗಳನ್ನ ನೀಡ್ತಾ ಇವೆ. ನೀವು ಎಲ್ಲಿ ಹಣ ಹೂಡಿಕೆ ಮಾಡಿದ್ರೆ ಒಳ್ಳೆಯದು ಅನ್ನೋ ಸಿಂಪಲ್ ಮಾಹಿತಿ ಇಲ್ಲಿದೆ.
ಸರ್ಕಾರಿ ಮತ್ತು ದೊಡ್ಡ ಬ್ಯಾಂಕುಗಳಲ್ಲಿ ಏನಿದೆ ದರ?
ಸಾಮಾನ್ಯವಾಗಿ ನಾವೆಲ್ಲರೂ ನಂಬೋದು ದೊಡ್ಡ ಬ್ಯಾಂಕುಗಳನ್ನ. ಇಲ್ಲಿ ಬಡ್ಡಿ ದರಗಳು ಸಣ್ಣ ಬ್ಯಾಂಕುಗಳಿಗಿಂತ ಸ್ವಲ್ಪ ಕಡಿಮೆ ಇದ್ರೂ, ಹಣಕ್ಕೆ ಹೆಚ್ಚಿನ ಭದ್ರತೆ ಇರುತ್ತೆ.
ಎಸ್ಬಿಐ (SBI) - ದೇಶದ ಅತಿದೊಡ್ಡ ಬ್ಯಾಂಕ್ ಆದ ಎಸ್ಬಿಐನಲ್ಲಿ ನೀವು 5 ವರ್ಷಕ್ಕಿಂತ ಹೆಚ್ಚು ಕಾಲ ಹಣ ಇಟ್ಟರೆ 7.05% ಬಡ್ಡಿ ಸಿಗುತ್ತೆ. ಅತಿ ಕಡಿಮೆ ಅವಧಿಗೂ ಇಲ್ಲಿ ಡೆಪಾಸಿಟ್ ಮಾಡಬಹುದು.
ಹೆಚ್ಡಿಎಫ್ಸಿ (HDFC) - ಇಲ್ಲಿ 3 ವರ್ಷದ ಅವಧಿಗೆ ಹೂಡಿಕೆ ಮಾಡಿದ್ರೆ 7% ಬಡ್ಡಿ ಗ್ಯಾರಂಟಿ.
ಐಸಿಐಸಿಐ (ICICI) - ಈ ಬ್ಯಾಂಕಿನಲ್ಲಿ 3 ರಿಂದ 5 ವರ್ಷದ ಅವಧಿಗೆ 7.1% ಬಡ್ಡಿ ಲಾಭ ಸಿಗುತ್ತಿದೆ.
ಆಕ್ಸಿಸ್ (Axis) ಬ್ಯಾಂಕ್ - ನೀವು ಲಾಂಗ್ ಟರ್ಮ್ ಅಂದ್ರೆ 5 ವರ್ಷಕ್ಕಿಂತ ಹೆಚ್ಚು ಕಾಲ ಹಣ ಇಡೋದಾದ್ರೆ ಇಲ್ಲಿ 7.20% ಬಡ್ಡಿ ಸಿಗುತ್ತೆ. ಇದು ದೊಡ್ಡ ಬ್ಯಾಂಕುಗಳಲ್ಲೇ ಅತಿ ಹೆಚ್ಚು ಅನ್ಸುತ್ತೆ.
ಪಿಎನ್ಬಿ (PNB) - 444 ದಿನಗಳ ವಿಶೇಷ ಅವಧಿಗೆ ಈ ಬ್ಯಾಂಕ್ 7.10% ಬಡ್ಡಿ ನೀಡ್ತಿದೆ.
ಹೆಚ್ಚು ಬಡ್ಡಿ ಬೇಕು ಅನ್ನೋರಿಗೆ ಸ್ಮಾಲ್ ಫೈನಾನ್ಸ್ ಬ್ಯಾಂಕ್!
ನೀವು ದೊಡ್ಡ ಬ್ಯಾಂಕುಗಳಿಗಿಂತ ಒಂದು ಪರ್ಸೆಂಟ್ ಹೆಚ್ಚು ಬಡ್ಡಿ ಬೇಕು ಅಂತ ಬಯಸಿದ್ರೆ ಸ್ಮಾಲ್ ಫೈನಾನ್ಸ್ ಬ್ಯಾಂಕುಗಳು ಬೆಸ್ಟ್.
ಸೂರ್ಯೋದಯ್ ಮತ್ತು ಉತ್ಕರ್ಷ್ ಬ್ಯಾಂಕ್ - ಈ ಎರಡು ಬ್ಯಾಂಕುಗಳು ಸದ್ಯಕ್ಕೆ ಹಿರಿಯ ನಾಗರಿಕರಿಗೆ 8.25% ಬಡ್ಡಿ ನೀಡ್ತಾ ಇವೆ. ಒಂದು ಲಕ್ಷ ರೂಪಾಯಿ ಇಟ್ಟರೆ ವರ್ಷಕ್ಕೆ ಸುಮಾರು 8,250 ರೂಪಾಯಿ ಬಡ್ಡಿ ಸಿಗುತ್ತೆ!
ಐಡಿಎಫ್ಸಿ ಫಸ್ಟ್ ಬ್ಯಾಂಕ್ - ಇಲ್ಲಿ 36 ತಿಂಗಳ ಅವಧಿಗೆ 7.75% ಬಡ್ಡಿ ದರವಿದೆ.
ನೀವು ನೆನಪಿಟ್ಟುಕೊಳ್ಳಬೇಕಾದ ಸಣ್ಣ ವಿಷಯಗಳು
ಸ್ಪೆಷಲ್ ಡೇಸ್ ಪ್ಲಾನ್ - ಬ್ಯಾಂಕಿಗೆ ಹೋದಾಗ ಸುಮ್ಮನೆ 1 ವರ್ಷ ಅಥವಾ 2 ವರ್ಷಕ್ಕೆ ಅಂತ ಹಣ ಇಡಬೇಡಿ. ಅಲ್ಲಿ 444 ದಿನ, 666 ದಿನ ಅಥವಾ 30 ತಿಂಗಳ ವಿಶೇಷ ಪ್ಲಾನ್ ಇದೆಯಾ ಅಂತ ಕೇಳಿ. ಅಂತಹ ದಿನಗಳಿಗೆ ಬಡ್ಡಿ ದರ ಹೆಚ್ಚಿರುತ್ತೆ.
ಟ್ಯಾಕ್ಸ್ ಉಳಿಸಿ - ಬಡ್ಡಿ ಹಣ ವರ್ಷಕ್ಕೆ 50,000 ದಾಟಿದ್ರೆ ಟ್ಯಾಕ್ಸ್ ಕಟ್ ಆಗುತ್ತೆ. ಅದನ್ನ ತಪ್ಪಿಸೋಕೆ ಬ್ಯಾಂಕಿನಲ್ಲಿ '15H' ಫಾರ್ಮ್ ಕೊಡೋದನ್ನ ಮರೆಯಬೇಡಿ.
ನೋಮಿನಿ ಹೆಸರಿರಲಿ - ನಿಮ್ಮ ಡಿಪಾಸಿಟ್ ಖಾತೆಗೆ ಒಬ್ಬರನ್ನ ನೋಮಿನಿ ಆಗಿ ಸೇರಿಸೋದು ತುಂಬಾ ಮುಖ್ಯ..
ಹಿರಿಯ ನಾಗರಿಕರಿಗೆ ಪ್ರತಿ ಪೈಸೆಯೂ ಮುಖ್ಯ. ಹೂಡಿಕೆ ಮಾಡುವ ಮುನ್ನ ನಿಮ್ಮ ಹತ್ತಿರದ ಬ್ಯಾಂಕ್ ಶಾಖೆಗೆ ಹೋಗಿ ಇವತ್ತಿನ ಬಡ್ಡಿ ದರ ಎಷ್ಟು ಅಂತ ಚೆಕ್ ಮಾಡಿ. ನಿಮ್ಮ ಫ್ಯಾಮಿಲಿ ಮೆಂಬರ್ಸ್ ಜೊತೆ ಚರ್ಚಿಸಿ ಒಂದೊಳ್ಳೆ ನಿರ್ಧಾರ ತಗೊಳ್ಳಿ.
